بسم الله الرحمن الرحيم

في بداية الموضوع احب اقول لابو سلطان ماطلبت غالي وجايين جايين للملعب باذن الله لعيون الزعيم ولعيونك ياغالي

اما عن موضوعي فحبيت ان نجمع افكارنا في موضوع واحد ونتناقش بالسلبيات والايجابيات لنجومنا

لأن بصراحة كثر هالايام المعارضين والمؤيدين وهالشي طبيعي جدا لكن لتعم الفائدة لازم نطرحها بالترتيب وبمكان واحد

المهم انا راح ابدا بالحارس وخط الدفاع واذا شفنا في اقبال نتناقش ببقية الخطوط وتشرفني مشاركتكم ومع اول لاعب وهو :

محمد الدعيع

الايجابيات : يبعث الاطمئنان والراحة للفريق بوجوده وهذا مهم جدا وانا اشوفها اكبر ايجابية بابو عبدالعزيز واكتفي فيها

السلبيات : الاخطبوط تجيه مباريات يفقد التركيز تماما وهذا يربك الفريق بشكل كبير واعتقد ان السبب هو انه يلعب كل المباريات ومااخذ قسطه من الراحة وهذا مو زين للحارس واكبر دليل الحراس الاوربين يكون بينهم تبادل بالمباريات


عبدالعزيز الخثران

الايجابيات : 1- جوكر من الدرجة الاولى (( يعني يلعب باكثر من مركز )) 2- خبرته تفيد بشكل كبير خاصة بخط الدفاع

السلبيات : بصراحة انا اشوف ان الخثران سلبياته قليلة جدا ولاتذكر


فهد المفرج

الايجابيات : 1- مقاتل ولكن ... 2- حمااااااااااااسي بمعنى الكلمة ولكن .....

السلبيات : انا قلت ولكن في الايجابيات لأن الكلام اللي بعد ولكن انا اعتبره سلبي لفهد وهو مقاتل لكنه يغفل دوره الاساسي ويترك مركزه بعض الاحيان
وحماسي لكن حماسه يضره اكثر مما يفيده لأن في بعض الاحيان يفقد تركيزه تماما بسبة الحماس الزااااايد


تفاريس

الايجابيات : يعني ماقول غير لله درك ياصخرة

السلبيات : الخشونة ولا غيرها في بعض الاحياااااان واركز على بعض الاحيان وانتم عارفين ان في ناس هوايتها تعطيه كروت مجانية


خالد العنقري

الايجابيات : لاعب هادي ومايعرف شي اسمه خوف وهو دفاعيا ممتااااااااااااااز وانا اشبهه بالمركز فقط بالبحري دفاعي افضل منه هجومي وانا اشوف انه هذا اللي يبيه الهلال لان الجهة اليمنى بالهلال موجود فيها التائب وهو هجومي اكثر منه دفاعي فلذلك لابد واحد يغطي وراه

السلبيات : 1- ضعيف هجوميا 2- بطيء نوعا ما


هذا مايخص القسم الاول من النقاش وزي ماذكرت اذا فيه اقبال نناقش باقي اللعيبة حتى الاحتياطيين ليش لا دام اننا مانجرح باحد