شـــيـــابـــ هــذا الــمــســتــقــبــل - نادي الهلال السعودي - شبكة الزعيم

هامور البورصه · #1 08/02/2007, 12:56 PM

السلام عليكم ورحمة الله وبركاته

بسم الله الرحمن الرحيم

اكيد انتم مستغربين من عنوان الموضوع لان العاده دايم يقولون ابناء هذا الجيل

يعني تلقى ابوي اذا جلس عند عمي وهو توه مسكر الجوال بوجهي

ويبي يتفلسلف عند عمي يقول : ياااااااخي ابناء

هالجيل لاحول مدري وش بلااهم تغيرو تذكر اول ابوي وش كنا نعامله كنا نخاف منه كانت ايم احط عيوني في الارض حتى اني ما اعرف ملامح وجه اعرفه بالصوت :p

ندخل في الموضوع

الحين الوقت تغير وكثر الفتن وكثرة مقاطع البلوتوث ووووو

يعني صارو الشباب رايحين وطي

يروح للشغل يلقى مقاطع جديدة

يروح للبيت يشغل الدش يلقى هيفاء بنت عجرم

يروح للاستراحه يلقى قنوات جديدة

ويودي اهله للسوق وهو عاقل يرجع هو مهبول من اللي شافه (( براقع وعبايات مخصره ))

يروح للمطعم ويلقى اكلات جديدة <<<< وش دخلها ذي

يعني ما تبونا نتغير مع التنكولوجيا المتقدمه

<<<< ما يعرف ينطقها

والله ان هالشياب محجرين لهاشباب ماهوب قريبن وهو عنده زوجه وانا ملطوعين ..

وفيه مثل يقول اذا كبر ولدك خاوه

اما الحين خلوا المثل اذا كبر ولدك حجرله

ما ودي اطول عليكم بس من كثر ما اسمع في المسلسلات يقولون ابناء هذا الجيل وخرابيط وفلسفه

قلت خلني اكتب في المنتدى عن هالحاجه

على فكره تدرون اني بحياتي ما شفت ابوي

، يعني ما قد حجرلي احد الله يرحمه ياارب ويرحم موتى المسلمين

مات ونا توني ابو سنه يعني قبل 20 سنه بالضبط باليوم والشهر <<<< احم احم يعني افهمووووو

عزتي في سمو ذاتي · #2 08/02/2007, 01:00 PM

احلى يابو 21 سنه
الله لايضرني ذكيه على طول حسبتها
الله يرحم ابوك ويغفرله ويسكنه الجنه ويتجاوز عن خطاياه
والله موضوعك منسم لابعد حد

almaqhor · #3 08/02/2007, 01:09 PM

ويودي اهله للسوق وهو عاقل يرجع هو مهبول من اللي شافه (( براقع وعبايات مخصره ))

والله نفس اللي يصير لي كانك حاس بالمعاناة

مشكـــــــــــــــــــــــــــــــــــــــــــــــــــــــور

ابويارا المغترب · #4 08/02/2007, 01:13 PM

موضوع جميل وواقعي لأبعد الحدود............

الفتن ماخلت لاشايب ولاشباب نسأل الله الهداية والتوفيق.....

الـزعــ حمود ــيم · #5 08/02/2007, 01:13 PM

العمر كله ياهامور البورصه
رحم الله والديك وجميع المسلمين
يمكن ماتصدق الي بقوله
أبوي يستخدم النظريه الأولى وهي ( يقول اذا كبر ولدك خاوه)
الحمدلله مافيه تحجير >>>>>>>>><<<<<<<<

20 ياسر الجابر 9 · #6 08/02/2007, 01:14 PM

ياهلا والله بالهوامير

أول الشي الله يرحم أبوك ويغفر له و أن شاء الله أنه سبقك للجنه وهذي حال الدنيا وأنا أخوك

( الله يرجك ياشيخ ضيقت صدري )

أما عن الموضوع ههههههه يبني وبينك والله لو الشياب جو في وقتنا أن تضيع علومهم

والله أنواع الفتن عسى الله يتجاوز عنا ,,,

أما هيفا عجرم هههههههههههههههههههههه يقولون نزلت فديو كليب

المهم لا تحرمنا من مواضيعك لا أجي أتوطى في بطنك << خربت الأخلاق

بااااياااات ياعسل ;)

dal3_uae · #7 08/02/2007, 01:15 PM

العمر كله يا خوية
وتسلم
وصدق اللي قلته

tofo · #8 08/02/2007, 01:18 PM

بالاول . عقبال الـ 100 سنه يالشايب الصغير

. وعقبال مانشوفك معرس وعيل وتحجر لعيالك بعد ..

هذا حالكم يالشباب . فما بالك عنا حنا يالحلوات < الحلوات = البنات

تصدق اني اسولف مع جدتي مره ويحتد النقاش شوي . وشوي شوي تقوم وتقول وهـ من بنات هـالجيل قليلات حيا < يابنت الحلال وقسم ماقلت شي اسولف بس

اصلا السالفه كله على سواق خالتي هي تقول هندي وانا اقول اندونيسي . وقليله حيا

ولا طلعت مره مع جدتي بعد للسوق . رجعنا للبيت واسمعها تسولف على خالاتي . تقول لا اله الا الله على بنات هالوقت تهاوش وتكاسر الهندي ولا همه شي < يعني مايبونا نكاسر :p
< كل حياتها مع التيتا

وحتى اذا قعدوا يسولفون عن اول . حياتهم قبل احسن واريح وابسط . موب زينا الحين

الدنيا تغير ونتغير معه

لاهنت يالمختفي

عاشـ تشيلسي ـق · #9 08/02/2007, 01:33 PM

يروح للبيت يشغل الدش يلقى هيفاء عجرم

هامور الله يرحم ابوك

والله موضوعك منسم واحلى مافيه هيفاء بنت عجرم

الله يعطييك العاافيه على الموضوع الجميل

abu_riman · #10 08/02/2007, 01:42 PM

الله يغفر له و يرحمه و جميع موتى المسلمين ..
كل إنسان يستغل إمكاناته الحاضرة ليحقق النجاح هو إنسان ناجح أياً كان جيله ..

الأجيال السابقة عانت في كثير من الأمور لكنها أيضاً سلَمت من كثير من الأمور ..

لديكم القاضي و حبي تيماوي أشخاص شاركونا جيلنا و هم من أجيال سابقة ربما نتمكن من الاستفادة منهم !
لنضع القاضي في جهة و الجاحظ في جهة لنخرج بما بين الأمس و اليوم أو الماضي و المستقبل ..

السكب99 · #11 08/02/2007, 02:19 PM

الله يرحم ابوك ويرحم اموات المسلمين
والى الامام دائما يامبدع

هلالي ويموت بسامي · #12 08/02/2007, 02:33 PM

اولا الله يرحم ابوك..والله يعطيك طولة العمر..
وبصراحه موضوعك نكته شكلك خفيف دم

ولله انك صادق نروح للسوق حالتنا زينه ونرجع بنا بلا من بنات هالجيل

.

Rossi 999 · #13 08/02/2007, 02:40 PM

العمر كله يا هامورنا المبدع

و الله يهدي الجميع شيبان و شباب ..

و اذا تذكر مجلة 12 : 21 ..

الحين خلوها 12 : 71 ..

الشياب قالوا ما يصير حتى احنا لازم معهم

..
..

عزوز الأزرق · #14 08/02/2007, 02:58 PM

هلا بطرووووووق ..

الله يغفر لوديك ووالدي ولجميع المسلمين الاحياء منهم والاموات ..

وكما ذكرت كل حاجه اتغيرت ..

بس الله يحفظنا ويحفظكم من شرور الدنيا ...

وبيني وبينك .. ترى الحمقاء كثييير فالحياه .. صفهم . فان الخصران يقطع المصران ..

والمثل يقول (( اذا كان لك عند الكلب حاجه قوله ياسيدي ))
وانا اقول (( اذا كان الكلب كلب .. اياك ترفع من شانه ))

هامورووووه يسلمو ياذووووق ...

انتهى , , ,

حبي ازرق · #15 08/02/2007, 03:54 PM

العمرررر كله انشاء الله يا هاموووور عقبااال مية سنه ....

والله يرجك على هالشياااب كثررر بالله من مواضيعهم ..امووووت فيهم..

>>والله ان هالشياب محجرين لهاشباب ماهوب قريبن وهو عنده زوجه وانا ملطوعين<< ..

هههههههههههههه عجبتني الله يزوجكم انشاء الله ويستررر عليكم....

اللحين الظاهر انتم اللي يبيلكم الستر اكثر من البنااات

يسلموووو هااامور لا تبطي علينااا بهيييك مواااضيع.....