إعلانـات في كل مكان حتى عند البيبـان ..!!! - صفحة رقم 2 - نادي الهلال السعودي - شبكة الزعيم

هلاليه سنعه · #16 14/02/2007, 09:16 AM

البارق
tofo
مجنون @ الزعيم
ღ سيموღ
ابوندى الهلالي
M e T o O o
دلوعه الهلال غير
abu_riman
~بنت الزعيم~
سندريلا الهلال
افتخر بالزعيم
alhawey
عاشقة الإبداع السامي

........

ألف شكر للجميع على التواجد الجميل والطرح الرائع
اذا قدرت ان شاء الله رجعت لكم وفصفصت ردوودكم
دمتـم بخيــر ..’’

ابويارا المغترب · #17 14/02/2007, 10:06 AM

وعليكم السلام ورحمة الله وبركاته.............

والله اني دخت من هالتنسيق يالسنعه..........

الاعلانات مامنها الا وجع الراس ...وافضلها الجرايد والتلفاز والنت..<< مابقى شي

احس اني دخت والله .......................

ابويارا المغترب · #18 14/02/2007, 10:08 AM

وعليكم السلام ورحمة الله وبركاته.............

والله اني دخت من هالتنسيق يالسنعه..........

الاعلانات مامنها الا وجع الراس ...وافضلها الجرايد والتلفاز والنت..<< مابقى شي

احس اني دخت والله من هالصور.......................

الكلاسيكي · #19 15/02/2007, 08:41 AM

أهــــلاً وسهـــلاً فيكـ اختي سنعه ..

اتوقع موضوعك لو جلست اتكلم فيه لحد بكره ما انتهيت من الكلام عنه ..
لانه اصبح الشي الاكثر ازعاج للناس .. في التلفاز .. في الشارع .. في الجوال
في الانترنت .. في لوحات العرض.. البروشورات .. وكلها الهدف منها عرض السلعه لجذب المستهلك ..

جميل ان تعلن .. ولكن يجب ان يكون الاعلان عن السلعه بشكل حضاري .. بشكل لا يزعج الاخرين .
وكذلك يجب الاهتام بالمصداقيه .. كثير من الاعلانات لا تراعي الصدق في الاعلان .. للاسف ..

مثلا يعلنون ان هذي السلعه تتميز بكذا وكذا وكذا وهي لا تتميز الا بواحده منهم ..
والشي الثاني التدخل في الخصوصيات .. وازعاج الناس ..

لذلك انا ارى انه يجب تدخل الجهات المسؤله للحد من هذا الازعاج ..
وقبل اسبوع وصلني مسج ع الجوال من الاتصالات كتبوا فيه ان من يريد ايقاف الاعلانات
الاتصال على الرقم او ارسال رساله على رقم معين .. انا ماصدقت خبر .. وارتحت كثير ..

واتوقع ان احد اسباب سوء الاحوال في الاعلان الامكانيات والمؤهلات لدى العاملين ..
عموماً اتمنى للجميه التوفيق . والنوم والفكه من الاعلانات ..

إقتباس


	1/ أي وسيله من وسائل الاعلانات تفضل او تفضلين .. واي اعلان أثر فيك او فيكِ ؟؟

اعتقد ان التلفاز الاكثر فائده ..

إقتباس


	2/وش رايكم بالاعلانات اللي تصل للمنازل وتقتحمها بدون استئذان ..؟؟

اتمنى ان نجد حل لها .. مع اننا استفدنا من اعلانات التوصيل ..

3/ هل الاعلانات بصورتها الحاليه مرضيه للجميع .. ؟؟
بالتاكيد .. لا ..

في الختااااااااااام . .
اشكرك اختي على طرح الموضوع الدسم كعادتك ..
والموضوع الواقعي الآن .. شكرا لك من الاعماق على هذا التميز ..

دمتي لنا متألقه ..

...SoMe OnE... · #20 16/02/2007, 02:41 PM

,,,
,,
,

اختي الكريمه / هلاليه سنعه

مع اقتحام الخصوصيه في مسألة الدعايه والاعلان ,, لا انكر ان هنالكـَ تبجح من قبل المعلنين ,, سواء في طريقة ايصال الاعلان لدى المستهلكـ او حتى مضمون الاعلان ومدى اختلافه مع حقيقة الغرض وهذا يكون المستهلكـ كبش فداء لـ خدعة احترافيه .. في ظل غفلة حماية المستهلكـ من هذه التجاوزات .. ولعل ابرز مايضاقني ان الاعلانات تصل لـ الجوال دونما اي حق .. وكأن شركة الاتصالات تأبى الا ان تكون ضمن هذه الحمله الغير لائقه .. فـ خصوصية الارقام لم تعد مثلما في السابق .. وهذه تعد من ابرز العيوب بل وتناقض مانحن عليه ..
ولعل ابرز مايأثر في الاعلان هو كيفية الاعلان ومدى جذبه .. والطريقه الامثل اما عن طريق المذياع .. او عن طريق التلفزيون .. اما الاعلانات التي تصل عن طريق نافذة باب المنزل .. فـ مصيرها وللاسف سلة المهملات .. والبعض ربما يعاني من تكدسها في حالة سفره .. فـ يبدو باب المنزل كما لو كان مجمعا لـ سلة الاوراق ....!!
احيي فيكـِ هذه النافذة الرائعه .. والتي سطعت بـ احرفكـِ وافكاركـ .. وكـ عادتكـِ من تألق لـ اخر نحو قمة لا تتسع الا لـ من امتلكـَ التميز في طرحه وفي شخصيته .. فـ لكِـ مني خالص الدعوات بدوام التوفيق ,,

****

كوني بخير
...SoMe OnE...

الســـفير · #21 18/02/2007, 08:46 AM

ايوه الاعلانات كثرت بزياده مو في السعوديه بس حتى في اوروبا صاروا يعلنون
على سيارتهم وعلى بيوتهم وياخذون اجار عليه وكل هذا بس علشان المعيشه .
مافيها شي بس لو تكون بانتظام كان احسن من الفوضى والهمجيه

مشكوووره على الموضوع

زعــيــم آسيا · #22 20/02/2007, 07:50 AM

اي والله ذبحووونا بالاعلانات

يعطيك العافيه

هلاليه سنعه · #23 23/02/2007, 05:21 AM

رجعت لكم بعد غيبه ..

.. البارق ..
هلا فيك اخوي البارق

إقتباس


	أقول وش فيتس موديتنا يمين ويسار مع هالموضوع .. صار راسي كنه مروحة أم قاعدة <--- ما يعرف يوصف ..

لوك جديد للمواضيع بعدين تمارين للعيون

إقتباس


	يعني الإعلانات ماهيب بالقوة وإلا بالغصب ..

عندهم الإعلان كذا يعني اشتر وانت ماتشوف الجاده

إقتباس


	هذا المفترض إنه يعاقب سواء محل أو شركة أو حتى راعي المصلحة

ياليت يفكوونا من شرهم ومن حوستهم ..

إقتباس


	بعدين اللي ناجحين منذو مبطي مالهم شيء من الحلى ..

الحلى يطلبك الحل الترم الجاي ان شاء الله اجيب لكم قريض وحلاو صعو ..

شكرا أخوي على المروور والرد الجميل ..

.. tofo ..

هلا والله اختي توفو

إقتباس


	والله يامرتن كنت اتمشى بالحوش . والباب مطرف . ومادريت الا حق بيتزا هت دف الباب وطل شوي وتلفت وعقبه حط الورقه وطلع . وانا من الروعه ماتحركت احسبه حرامي

ههههههههههههههه يمون ماشاء الله راعي محل ليتس صابخه راسه بالباب عشان مايتعودها ..

إقتباس


	هذي الحين بالاسواق . تلقينه يتمشى بالسوق وعلى ظهره ورقه بأسم المحل وتخفيضاته !

بكيفهم كذا اهووون من يبلشونا باوراق .. كل يوم لهم طريقه جديده ..
مبروك النجاح خيتوو عقبال المراتب العليا يارب
وثانكس على المروور والرد الحلوو ..

.. مجنون @ الزعيم ..
هلا والله اخوي مجنون

إقتباس


	اكيد افضل اللي عن طريق التلفزويون لأني اشوف انها الاكثر تاثير

والاكثر تنظيف للجيوب

إقتباس


	خصوصا اذا صارت للمطاعم عللطوووووووول اشتري من المطعم

يمسكون الناس من اليد اللي توجعهم ومغير عروض ومدري وش بالعافيه عليك خيو ..
شكرا اخوي على الرد الجميل ..

.. ღ سيموღ ..
هلا والله اخوي سيمو

إقتباس


	صح لسانكـ .. قصيدة جزلة من شاعرة جزلة .. فالكـ المليووون .. <<< على بالي حمد السعـيد !!

صح بدنك .. اكيد جزله هماي متنقيتها

ووين المليووون انقدهن ..

إقتباس


	مثل طاااش

وش تبي بطاش قاطعها

إقتباس


	ايهـ .. خاصة جريدة........ اوما يحتااج دعاية !

معروووفه الله يصلحهم يالله نقرا الأخبار

إقتباس


	أكيد أعلانات الشمـغ << ماألبسه ألا بالمدرســة !!

هذا لونكم يالشباب ماتعترفون فيها الا بمدرسه ولا عمل ولا مناسبه وغيرها منسووفن فيها ..
بالعافيه الحلاووو .. وشكرا على الرد الجميل والمتعووب عليه ..

.. ابوندى الهلالي ..
هلا والله اخوي ابو ندى

إقتباس


	والله يانه ودي الفع اللي يحطهن عند الباب يحط كومة اوراق

عاد انا ارحمهم هالهنوود هاللي مشغلينهم يامروونهم وهم مساكين مابيدهم حيله
ترفق عليهم ..
شكرا على المرور والرد الرائع ..

.. M e T o O o ..
هلا والله وغلا اخوي نايف

إقتباس


	الجو الايآم هذي .. ممتآآآآآآآآز .. توني جآي من االملعب الجو هنآك اوكي .. جو ربيعي بحق ..

الله يديمها علينا اجواء روووعه ..

إقتباس


	لكن , المسأله مو بالكم .. المسأله بالكيف .. يعني ممكن يأثر فيك اعلان بسيط جداً وما شفتيه الا مرره وحده لكن طريقته مغآيرة ورآئعه .. أكثر من اعلان يومياً تشوفين لكن طريقته تقليدية ..

صدقت والله فيه بعض الدعايات تتكرر كثير والناس من كثر ماملووها يعاندوون ولا يشترونها
العفوو بالعافيه ..
مشكوور اخوي على التواجد الجميل ..

.. دلوعه الهلال غير ..
هلا والله خيتو دلوعه
الله يعافيتس .. مشكوووره على مروورتس وردتس ..

.. abu_riman ..
هلا والله اخوي ابو ريمان

إقتباس


	قبل فترة كنت في اجتماع مع مسئول من جهة متخصصة في الدعاية و الإعلان .. كانت فكرته التي يحاول أن يقنعني فيها - و هذا مستحيل - أن يلون وجوه بعض الموظفين و يرسم عليها شعاراً معيناً !

بصراحه فكره غير مقبووله تلوين وجيه رجال كأنهم مهرجين فيه افكار احلى من كذا وارقى..

إقتباس


	الأمر الذي ( غثني ) أنه أجنبي و حتى يقنعني قال : كلهم موظفين صغار مؤقتين !!

بعد بعد اجنبي وبيتحكم كان قلت له انت لوون همين هم يلونوون ..
حتو لو مؤقتين مايحق له يتهزأ فيهم..
تواجد رائع ومميز اخوي ابو ريمان ..

البقيه بإذن واحد احد راجعه لهم ..
دمتـم بخيــر ..’’

هلاليه سنعه · #24 24/02/2007, 04:42 AM

.. ~بنت الزعيم~ ..

هلا والله بالغاليه منار

إقتباس


	الناس تقبل على الشي الزين موب عشان اعلانه والشي لا زاد عن حده ينقلب ضده

اكيد جودة المنتج بتفرض نفسها ولا يصح الا الصحيح

إقتباس


	اعلانات الاطفال شي ثاني هذي لا شافتهااا اختي الصغيره والا عيال اختي صجونا فيه نبي هذا ونبي هذا وعاد اختي لا انزلت السوق ما قصرت تشتريهاا لهم على طول مع اني ضد هالاستغلال اللي مسوينه بالاطفال

عندنا وعندكم خير المفروض نلبي طلباتهم بالمعقول ..

إقتباس


	وعاد فيه ولد صغيرون قاعد يوزع اعلانات وصل عندنا وعطى خواتي ووصل عندي قالي خذي قلت له ما ابي خلاص

قضينا من تسوول الاطفال وبيعهم بالشوارع وجينا لاستغلالهم في توزيع المنشورات
يمكن الطفل مهدد انه لازم يوزع هالكميه وعشان كذا اصر عليتس انتس تاخذينها
لو انه صايرلي هالموقف منيب رادته اباخذها هميين لا ابعدت حطيتها بمكان ثاني ..

إقتباس


	كنت احب شي اسمه اعلانات بس بعد ما مصخوهااا كرهتهااا

اوووه دقة الدعايات يوم اننا صغار لاجت نطير من الفرحه ونادي بعضنا
وهالحين من يووم نشوفها علطوول نغيرها ..

إقتباس


	ادمنا على الفمتووو والسبه ذالك الاعلان..

وبكل مناسبة يافمتوووو.....

جابو لنا مسلسل عنهم عيالهم وعيال عيالهم وجيرانهم
بالعافيه يالغاليه .. حلالتس الموضوووع ولوووووو
مشكوره خيتو منار على الرد الرووووعه ..

.. سندريلا الهلال ..

هلا والله وغلا بخيتي سندريلا

إقتباس


	الدعاية ماتجذبني ابد ..

اصلا طلعت مع خشووومنا

إقتباس


	التجربه هي الدعاية اللي ارغبها

كلام حكيم وهذا المفروووض التجربه خير برهان مهوب لحس عقوول
نجرب الشئ ونشووف هل يصلح او لا ..

إقتباس


	ارتحت له كان بها ما ارتحت نكرر التجربه مره ثانيه مع منتج ثاني <<<< ماتعوق

اجل وراهم وراهم لين تضبط

مشكووره يالغاليه على الرد الجميل ..

.. افتخر بالزعيم ..

هلا والله اخوي افتخر

إقتباس


	حنا مانعرف بالتسويق الا اسمه مع الاسف..

صدقت ومافيه استراتيجيات لتطبيقه بطرق سليمه ..

إقتباس


	من اهم اساسيات التسويق الاهتمام بالمنتج وجودته وكذلك التسعير اللي يجب يكون مناسب لجودة المنتج ومن ثم ياتي الترويج ( الاعلان ) ومن ثم طريقة التوزيع

بالفعل وهذي الاسس السليمه لرواج اي منتج
شكرا اخوي افتخر على التواجد الرائع ..

.. alhawey ..

هلا والله وغلا اخوي الهاوي

إقتباس


	والشخص المختص والمحترف في فن التسويق مطلوب وبأغلى الاثمان عند الشركات ذات المنتجات الاستهلاكيه ، لأنه ومن خلال فكره بسيطه ممكن يدخل على الشركة الملايين من الدولارات(يازين الدولار بعد )

اكيد الكل بيدوور عليه لأنه عنده افكار جديده وابداعيه بتفيدهم

إقتباس


	على طاري الشمغ ، أتخيل لوكان شماغ المدير مكتوب عليه " مازولا " وشماغي مكتوب عليه " ابدأ يومك مع نسكافه" ، بمقابل يعطون المدير زيت ، وآخذ انا كراتين نسكافه من نستله( قضت دراهمي عليها )

هههههههههههههههه مهيب شينه المدير بتستفيد ام عياله بتطبخ له بالزيت
وانت تصلح زمزميات نسكافه << على بالها شاهي

إقتباس


	والله ان فيه بعض الدعايات يستحي الواحد يشوفها بلحاله وشلون اذا صار جالس مع أهله

اي والله صادق اذا جت ودك الارض تنشق وتبلعك حسبي الله عليهم

إقتباس


	بمعنى أنه المفروض انه يوجد عند كل بيت صندوق للبريد توضع فيه هذه الاعلانات..

كدينا خير صندوق جرايد ولا صندوق بريد ولا صندوق بروشورااات صار البيت محل بريد

إقتباس


	أغرب طريقه للاعلان شفتها هي استغلال ذوي الجبهات الكبيره

تلقاهم يغارون من اللي جباههم براحه حظووظهم اكبر عند شركات االإعلان

إقتباس


	طيب أنا ميخالف آخذ من هالحلاو؟؟ لاتقولين لأ ترى نص المشاركه عشانه وترى بكيفك قولي لأ وعساه ينقز ببطنك وبطونهم مر <<<<< خربت بالاخير

خلاص احتر الترم الجاي صف سرااا

الله يرحم والديك لاتدعي بالمر

اذا جا مافيه ملح
بعدين انا ما اكلت منه بس الناجحين

شكرا اخوي الهاوي على المدح <<< ترى يكبر راسها

والشكر موصوول للرد الجميل والرائع ..

.. عاشقة الإبداع السامي ..

هلا والله وغلا خيتوو عاشقه

إقتباس


	ذيك اليوم السواق ماقدر يسوق من كثر الاوراق اللي بالقزازه << تعرف تبالغ

انتبهوو لاتصقعوون لكم بعمود ولا شئ

شكرا خيتوو على الرد الحلوووو..

دمتـم بخيــر ..’’

هلاليوووو · #25 25/02/2007, 12:08 AM

باختصار...

زمـــــــــــــــــــــــــــــــــــــــن المــــــــــــــاركتــــــنــــــــــــــــــــــــــــــــــــــــــــــــــــق

...

يسلمووو...

هلاليه سنعه · #26 25/02/2007, 03:35 AM

.. ابويارا المغترب ..

هلا والله وغلا خيو ابو يارا

إقتباس


	والله اني دخت من هالتنسيق يالسنعه

هالتنسيق له فوائد منها انك ااذا بغيت يجيك النوم اقره وعلطووول تدروخ

النور نوركم اخوووي ..
وشكرا على الرد الجميل ..

.. الكــلاسيكي ..

هلا والله وغلا اخوي الكلاسيكي

إقتباس


	اتوقع موضوعك لو جلست اتكلم فيه لحد بكره ما انتهيت من الكلام عنه ..

يبيله مجلداااااات ومواضيع كثيره

إقتباس


	لانه اصبح الشي الاكثر ازعاج للناس

اي والله ازعاج وقللللق لو الظاهر افتح الدريشه يطلع لي برشور طاير

إقتباس


	جميل ان تعلن .. ولكن يجب ان يكون الاعلان عن السلعه بشكل حضاري .. بشكل لا يزعج الاخرين . وكذلك يجب الاهتام بالمصداقيه .. كثير من الاعلانات لا تراعي الصدق في الاعلان .. للاسف ..

عين العقل ... المصداقيه تكوون فيما قل من المعرووضات والباقي ارانب ..

إقتباس


	وقبل اسبوع وصلني مسج ع الجوال من الاتصالات كتبوا فيه ان من يريد ايقاف الاعلانات الاتصال على الرقم او ارسال رساله على رقم معين .. انا ماصدقت خبر .. وارتحت كثير ..

فكره جميله من الاتصالات وان شاء الله تكون خدمه مفعله ومفيده للجميع
الف شكر اخوي الكلاسيكي على التواجد الرائع والجميل ..

.. ...SoMe OnE...

هلا والله وغلا باخوي SoMe OnE

إقتباس


	لا انكر ان هنالكـَ تبجح من قبل المعلنين

وزاد عن حده بعد

إقتباس


	حماية المستهلكـ

الله يصلحهم في بعض المهام المناطه فيهم يكونون نايميين ولا من شاف ولا من دري

إقتباس


	ولعل ابرز مايضاقني ان الاعلانات تصل لـ الجوال دونما اي حق

بس ان شاء الله مثل ماقال اخوي الكلاسيكي ان الخدمه اللي قدموها تنفع وتفكنا من شر المعلنيين

إقتباس


	مصيرها وللاسف سلة المهملات

اللي يجي من غير دعوه يقعد بليا فراش وهذا حال البروشورات

اخي SoMe OnE تواجد رائع ومميز واطلاله جميله شكرا لك ..

.. ســـفير الزعيم ..

هلا والله اخوي سفير

إقتباس


	حتى في اوروبا صاروا يعلنون على سيارتهم وعلى بيوتهم وياخذون اجار عليه وكل هذا بس علشان المعيشه .

ابتكار طرق غريبه في الاعلان ولاتستغرب بكره عندنا بيعلنوون على نخلهم واستراحاتهم

شكرا اخوي سفير على الرد الجميل ..

.. زعــيــم آسيا ..

هلا والله اخوي زعيم
شكرا على مرووك وردك ..

.. هلاليوووو ..

هلا والله اخوي هلاليووو

إقتباس


	باختصار... زمـــــــــــــــــــــــــــــــــــــــن المــــــــــــــاركتــــــنــــــــــــــــــــــــــــــــــــــــــــــــــــق ...

صدقت
شكرا على مروورك وردك ..

:

وتمت بحمدالله الردووود .. وشكــرا على تفاعل الجميــــــع ’’
دمتــم بألف خيــــــر ..’’

عسيريه · #27 27/02/2007, 03:23 PM

هلا وغلا بالسنعه
موضوعك حلو بس تبين الصراحه لي فتره أشوفه وماعمري دخلت مدري وش فيني
بس اليوم قلت لازم ادخله هذي السنعه مو أي وحده;)

المهم نرجع للموضوع

والله ياهم خاثينّا بلإعلانات كل يوم اجي من المدرسه وأشوف أوراق تسرح وتمرح

بالحوش
وتطلع كلها إعلانات وعلى طوول أجدعها بدون ما أشوفها
بس الصراحه احلى شي مجلة إيكيا رووعه

أجلس أشوفها ساعه وما امل منها أبد:p
لكن الإعلانات شي اساسي لابد منه ولاّ شلون تبين الشركه تنجح والبضايع تمشي بدون
إلاعلانات..!!

صحيح إنهم مصخوها شوي لكنهم مستحيل يتخلون عن هالطريقه إلا إذا كان فيه شي بديل

ومشكووووره ع الحلاوو الصراحه شكلها رووعه

والحمد لله نجحنا وجبنا من الأوائل<-- مستانسه العمه

يعطيك العافيه ع الموضوع شكله متعوب عليه

ولاتحرمينا من إبداعك ياحلوه

مع التحيه
عسيريه مصرقعه

هلاليه سنعه · #28 01/03/2007, 04:05 AM

.. عسيريه مصرقعه ..

هلا والله وغلا بخيتو عسيريه
احلوت ايامتس ياررب والله يحييتس بالموضوووع

إقتباس


	كل يوم اجي من المدرسه وأشوف أوراق تسرح وتمرح بالحوش

اجل يتمشن

ولا يمكن يتشمسن

صدق يشوووهن البيت

إقتباس


	بس الصراحه احلى شي مجلة إيكيا رووعه أجلس أشوفها ساعه وما امل منها أبد

مجلة ايكيا حلووه على الاقل فيها استفاده .. وعلى طاري ايكيا
ذيك اليوووم دخلوو من تحت الباب عشر مجلات مهوب صاحي اللي يوزززع
بس يحمدوون ربهم وزعناهن <<المفرووض يعطوني سعي

إقتباس


	لكن الإعلانات شي اساسي لابد منه ولاّ شلون تبين الشركه تنجح والبضايع تمشي بدون إلاعلانات..!!

شوفي يالغاليه شئ اكيد انها مهمه بس تكون هالاعلانات مدرووسه وتكون بشكل مايضايق احد

إقتباس


	ومشكووووره ع الحلاوو الصراحه شكلها رووعه والحمد لله نجحنا وجبنا من الأوائل<-- مستانسه العمه

العفووووو .. واسفه على التأخير ماباركت لتس ولا شئ يالله مافات شئ تووونا ماراح الا اسبوعين
الف الف الف الف الف مبروووووووووووك النجاح والتفوووق عقبال المزيد يارب ..
ماشاء الله اجل طلعتي دافوره

ايه زعيمه لازم تكووون من الاوائل ..
مشكوووره خيتو على المروور والطله الحلووووه
يعطيتس الف عافيه ..
دمتــي بخيــر ..’’