#1  
قديم 05/02/2007, 09:52 PM
الصورة الرمزية الخاصة بـ الزعيـ 9 ـم
زعيــم متألــق
تاريخ التسجيل: 08/12/2006
المكان: حائل ..,
مشاركات: 1,246
Post الفية بالأسطــورة ÷ سامي ÷

هاذي ألفيه بأسطورة القرن سامي عبدالله الجابر


أتمنى تعجبكم


ألف أولف من قصيدي بسامي
وأكتب له أبياتي سفير السلامي
يستاهل الجابر عزيز المقامي
يستاهل الحب الكبير وغلانا

والباء بدا سامي وسمى بربه
وصمم يكون الفن والمجد دربه
بدا صغير مير ماخاف قلبه
ثم انفلج صبح ينور سمانا

والتاء تسلح بالهلال الذخيرة
اللي غذاه أخلاق قبل المسيرة
وأستفرس الجابر بسته خطيرة
وأعلن وصول الذيب قبل الأوانا

والثاء ثبت حبه بقلوب الجماهير
أبدع وصال وجال يرقى المزاهير
ولا يجحده كود الخبول المغارير
اللي سواد قلوبهم ما عنانا

والجا جبر عثرات وقت تحداه
ولا همه التجريح واللي تعداه
رده بوسط الملعب يسكت عداه
وياما أسكت أفواه تنابح زمانا

والحا حمدنا الله وقلنا هلا به
ذيب نعاج القوم قامت تهابه
حطم كثيرين وتذوق عذابه
ناس تحرو فيه يفقد هوانا

والخا خبت نار ونار أشعلوها
ناس ذممهم ياخساره نسوها
ولاهمه الجابر مدامه أبوها
سمى البنيه بالبطوله وجانا

والدال دانت له الكوره بفنه
يشهد له الإبداع واللي يسنه
ويشهد له التاريخ ومن حسن ظنه
إنه على القمه تعلى الأقرانا

والذا ذبح بالفن سامي خصومه
وسطر ملامح في دفاع وهجومه
والله يلوم اللي بحقد يلومه
وسعى لمجده شامخ ماأستهانا

والرا رعى عهده وراعى الأمانه
وأعلن مع الأبطال مقدم زمانه
وللعالم بأسره تأهل أقرانه
قالوا سعودي قال الأول مكانا

والزا زمان دار وهو ماتغير
يرقى وغيره بالطمان يتخير
أثبت بروزه والجميع يتطير
غابت نجوم ونجمنا ما خفانا

والسا سمى سامي بكل المجالات
ماقال انا محارب ويكفي بطولات
عيا على هلاله وخاض المهمات
وأبدع وجاب من الذهب ماكفانا

والشين شفنا كل شي وعرفنا
سامي ولاغيره حبيب صدفنا
ولايخاب بسامي اللي أملنا
أكمل بيوت العز بيت بنانا

والصا صدق ظن في سامي الطيب
ماخاب ظنه يوم جات المواجيب
حقق بطولاته وخلى العذاريب
للحاقدين وفوق وفوق خذانا

والضا ضوى نجمه ولاهي غريبه
أفضل مهاجم في بلدنا الجبيبه
لله دره مهتوي للصعيبه
وحتى الصعاب استسلمت له هوانا

والطا طبيعي كل شي تحقق
من منبع الأزرق رجال تخلق
قبله أبطال بالهلال اتعملق
وبعده يجينا خير هذا مدانا

والعين عيا سامي إلا يتجدد
لاقالوا إنه فل عيا ومدد
يرجع عليهم عاني ماتردد
ويثبت خطاهم مستزيد بدعانا

والغين غارو منك قالو نهايه
قال تخسون وتونا بالبدايه
انا الصعاب وحلها لي هوايه
انا الزعيم وكل صعب منانا

والفا فتح للمجد صفحه وصفحه
وقال السعودي رابعه قال فرحه
أبكتب التاريخ ولا أنتظر اي مدحه
هذا الوطن نفداه باللي ورانا

والقاف قال أمشوا على ماتحبون
خمس بطولاتي وكل ماتمنون
في عام واحد جبتها لاتخافون
سامي مثل ماكان غالي أثمانا

والكاف كفيت المهمه ووفيت
من معدنك مايوم عنا تخليت
ياسامي الجابر نحبك ولك بيت
بقلوبنا تدخل وتلقى الحنانا

واللام لاموني بحبك ولامو
ولاهمني يوم قعدو لك وقامو
أحبك وتخسى عيون تعامو
ومن لامني جعله يهيم بطمانا

والميم ماتو مانشدنا عليهم
اللي على الجابر قصار يديهم
يعزنا والهم دايم يجيهم
ياحظنا من مثلنا من ياهنانا

والنون نور العين سامي الغالي
اللي بعز الليل نجمه يلالي
الكل يشهد له ومنا الجلالي
يستاهل التبجيل وأصدق رضانا

والها هتفنا باسمه سنين وسنين
من غيره الجابر حبيب الملايين
أبدع وسطر بالملاعب دواوين
ملاحم تكتب غلاه ووفانا

والواو واحة عزنا دوم خضراء
لاغاب نجم قام نجم يتعزوا
وهذا سبب حقد علينا تشروا
ولاهمنا دام الزعيم احتوانا

واليا يسير الركب سامي يقوده
يم القمم يرقى ويافي عهوده
سامي تليد المجد ، مجد يعوده
نحبه وحب الهلالي غذانا

منقوله للامانه
اضافة رد مع اقتباس
  #2  
قديم 05/02/2007, 09:55 PM
موقوف
تاريخ التسجيل: 07/10/2004
المكان: K-S-A
مشاركات: 2,285
قووووووووووويه

مشكوور
اضافة رد مع اقتباس
  #3  
قديم 05/02/2007, 10:18 PM
الصورة الرمزية الخاصة بـ الزعيـ 9 ـم
زعيــم متألــق
تاريخ التسجيل: 08/12/2006
المكان: حائل ..,
مشاركات: 1,246
SHXSH vbmenu_register("postmenu_4672277", true);

اهلا وسهلا واشكرك على مرورك
اضافة رد مع اقتباس
  #4  
قديم 05/02/2007, 10:53 PM
زعيــم نشيــط
تاريخ التسجيل: 01/07/2005
المكان: الكويت
مشاركات: 904
صح الله لسانك
اضافة رد مع اقتباس
  #5  
قديم 05/02/2007, 10:57 PM
زعيــم مميــز
تاريخ التسجيل: 28/05/2005
مشاركات: 1,869
صح لسانك ولا فض فوك
اضافة رد مع اقتباس
  #6  
قديم 06/02/2007, 01:48 AM
زعيــم مميــز
تاريخ التسجيل: 18/12/2004
مشاركات: 2,435
مشكور ..
صح لساااااانكـ
اضافة رد مع اقتباس
  #7  
قديم 06/02/2007, 02:03 AM
الصورة الرمزية الخاصة بـ alfadel
زعيــم نشيــط
تاريخ التسجيل: 09/02/2005
المكان: الرياض
مشاركات: 808
صح لسانك
اضافة رد مع اقتباس
  #8  
قديم 06/02/2007, 02:22 AM
زعيــم مميــز
تاريخ التسجيل: 22/06/2005
المكان: أم الدنيـــا
مشاركات: 2,226
يستاهل الغلا كلـه
اضافة رد مع اقتباس
  #9  
قديم 06/02/2007, 02:39 AM
زعيــم مميــز
تاريخ التسجيل: 26/10/2006
المكان: الريــاض
مشاركات: 2,923
مشكور
صح لساانك
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:10 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube