وكله بسبب الاختبارات ...!!! - نادي الهلال السعودي - شبكة الزعيم

كان هنا · #1 02/02/2007, 07:52 PM

السلام عليكم ورحمة الله ويركاته

يالله ان تحييهم

قبل كل شي تقهوو <<<صح كذا

واقعدوا اقصد اقدعو <<<بدا يتميلح

سارقها من زعيم سديراوي <<<حللني:p

ما لكم بالطويلة يالربع <<<وين قاعدين يالاخو

^
يانا س لا تعطونه وجه تراه مااااااااااااصخ

المهم نعود لمحور حديثنا ...صادووه <<<اففففففففف اخلص

بما اننا بايام اختبارات وكل شي مو معقول يصيييير معقووووووووووول

حبيت التقط لكم بعض من الغرائب :
1- واحنا جالسين بالمجلس و يشرفون الربع الا واحد من الشباب يسلم والقط اظفره ولا هو صايرن تفتر شخابيط ...

<<<وش وداك لم اظفره...!!!
اما الثاني منكسرة يده <<<ادعو له ...ولا ايضا صايرة تفتر كشكول ولا بعد رياضيات

وكله منك يالاختبرات
والثالث اعذروني ما اقدر اقول سالفته

<<<لا تكفى

ومحدثكم ايضاً حصل له موقف هذا نصه :
انقضى احد ايام الاختبارات وعودت للبيت واجلس واذاكر لك مادة الادب واصمها صم <<<هذاك اليوم كانت المعنويات مرتفعة ...واقوم الصبح بدري وبكل نشاط وحيوية

واروح للمدرسة ولا انا اول واحد

وجالس متكي والشباب بدأو يتوافدون الى الـ school <<<تراه يعرف انقلش ...المهم ويجي واحد من الربع ولاه ماسكن كتاب التفسير ...وضربت فيوزاتي وانا اقول وش بلاه ذا مهلوس خخخخخخخخخخخخ...و يجي الثاني ولاه نفس الشي ...وانا اقول يالله لاتبلانا شكل الاختبارات حايستهم حوووووووووووس ...وشوي ويدخل الدافووور الكبييير عزوووز ...ولاه ما سكن كتاب التفسير ....هنا اخذت الوان وجهي تتغير وملامحي تصفر و تحمر ...وانقز هذيك النقزة بعدها اخذوني للمنتخب

واراجع الجدول ولا المصيبة الاختبار هو تفسيييييييير ...اف اف اف وش هالمصيبة وش اسوي الحين ...فكرت وفكرت وفكرت فقمت بسرقة كتاب التفسير الخاص بالدافور عزوووز ...واندس في الزاوية وادق اللطمة عشان محدن يشوفني ولا احد يدري عني <<<الي يشوفه يقول سارق مليون كله كتاب :p ...ما لكم بالطويلة ...أكيد أنكم تبون تعرفون النتيجة النهائية (الدرجة)لكن هذا سر لن ابوح به لكم <<< لايغركم تراهي درجة كاملة ...أيه هين

وبذلك انتهى موضوعي الشيق <<<ماخذ مقلب بنفسه
والحين انا ماشي انام

عشان اصحى بدري واشرب الحليب مع الكورن فلكس واجيب درجة كاملة قولو آمين
شرايكم باللون خطير صح;)

تراي تعبان بالموضوع فـ لا تقصرون بالردود...

سلم لم ...