#1  
قديم 02/02/2007, 02:42 PM
مشرف سابق في منتدى المجلس العام
تاريخ التسجيل: 17/12/2000
مشاركات: 8,956
ico3 روضة خريم قبل وبعد ... !





روضة خريـــــــــــــــم

ينسب الاسم الى نقا خريم بطرفها الجنوبي ويقال إن شخصاً يدعى خريم توفي بها
فنسبت اليه والله اعلم

تعريف بالموقع

روضة جميلة وكبيرة، سياحيه وقت الربيع وهو محميه بسياج حديدي من الاعمدة
وتقع على الطرف الجنوبي الغربي من الدهناء، هي روضة كبيرة وطويلة تمتد من الجنوب الى الشمال
بطول حوالي 14 كم وبعرض يتراوح بين 800 متر الى 2 كم ويصب فيها أودية كبيرة: مثل خويش، وثيلان، والثمامة،


طبيعة الموقع

تنبت فيها جميع انواع العشب الموسمية تقريبا مثل الحرف , والنفل , والبابونج , والبسباس , والقرقاص
والكثير من النباتات المعمرة مثل الشيح , القيصوم , الشفلح , القتاد , الرمث , العشر , الشبرم , الحرمل , العاذر
بالنفود اللي بقربها ..
وتكثر بها اشجار السدر , السلم , الطلح الكبيرة , تعتبر هي المنتزه الاول لسكان الرياض
وما حولها ايام الربيع وتعد من اجمل الفياض واشهرها بعد التنهات , ولا توجد فيها مخاطر تذكر،
وهي من أقرب الروضات إلى الرياض .


صورة للروضة التقطتها الجمعة الماضية بتاريخ 7/1/1428 هـ وكان الجو مشمس ودافئ














صورة للروضة امس الخميس تاريخ 13/1/1428 هـ وكان الجو ممطر بغزاره



























الموقع

تبعد حوالي 100 كم عن وسط الرياض شرق مركز الغيلانة بـ 4 كم ويمكن الوصول لها عن طريق
الرياض المنطقة الشرقية السريع يأتيك مفرق مدينة رماح باتجاه الشمال والمفرق يبعد عن الرياض
حوالي 35 كم تفرق معه وبعد المفرق بحوالي 57 كم وانت بطريق رماح تجد مفرق باتجاه الشرق
مزفلت حوالي 7 كم يؤدي بك لبوابة الروضة ( تقريبا منتصف الروضة عند مركز المجاهدين )
عندها اذهب اما يمين او يسار واختر المكان المناسب وتجد لوحات ارشادية قبل المفرق

خريطة الموقع





بصراحه امس كان هناك استنفار من جميع المتنزهين واصحاب الخيام لمساعدة العوائل
التي داهمها المطر الشديد , حيث تجد الشباب يساعدون الاسر في نقل اغراضهم للسيارات
ومساعدة كبار السن في الخروج من الروضه حتى لا يتعرض للسقوط في الروضه والمياه
المتجمعه والطين , حيث شاهدنا مناظر السقوط تتوالى وقد لفت انتباهي شخص وامرأه يجلسون
تحت طلحه ولم يبالوا بالمطر وكان شياً لم يحدث طبعاً تنازلنا عن الكثير من الامتعه والاغراض مثل
الفرشات والحطب والماء ( زين لحقنا على الفطور قبل المطر ) اما الغداء فقد سكبناه وياروح ما بعدك روح

الخروج بوقت المطر ( خطير ) وله مساوئه ولكن عندما ذهبت الجمعه الماضيه كانت الشمس مشعه
ولكن لم نسلم من ( الصداع ) ..

الملابس حتى الان بالحوش وبقايا الاغراض واليوم احسست بالتعب والظاهر ما فيه الا اصبعي
هو اللي يتحرك وقاعد يكتب لكم بس ( كله باجره )

وارجوا ان ينال الموضوع اعجابكم .. مع السلامه .

اخر تعديل كان بواسطة » سهل في يوم » 02/02/2007 عند الساعة » 06:05 PM
اضافة رد مع اقتباس
  #2  
قديم 02/02/2007, 03:01 PM
الصورة الرمزية الخاصة بـ LBa your heart
عضو سابق بلجنة الفيديو والصوتيات
تاريخ التسجيل: 13/09/2005
المكان: تعبت أدور بالوجيه انساان يفهم لا حكيت
مشاركات: 4,928
هلا والله بسهل

تصدق أمس رحت للتنهاة ورجعت لروضة خريم بس لقيت فرق بينهم

روضة خريم مربعه أكثر من التنهاة..

بس الله لايوريك يوم رحنا روضة خريم لعب فينا الطين ..

شفنا شباب ناشبة سيارتهم بالطين.. يمكن خمس سيارات..

ونشبت سيارتنا ونزلت مسوي بدف السياره ..ماادري الا جسمي قام يزلق ..ملابسي كلها طين حتى وجهي ماسلم

قعدنا نص ساعه نحاول نطلعها وكل ماطلعنها نشبنا بمكان ثاني..

ونيتنا قبل لانجي روضة خريم ننزل من السياره وندخل داخل الروضة..بس من بعد التعب رجعنا لرماح وغسلنا انفسنا

ورجعنا الرياض.

فيه جهة حلوه بروضة خريم جهه ورى غيلانه أسمها التنظم أنصحك تروح لها
..

بس أمس أشين طلعه طلعتها ..طالع من الرياض الساعه خمس ونص الفجر ومريت رماح وخذيت معي كم واحد واتجهنا نلقط فقع..بس للاسف مالقينا كل ماجينا مكان نلقط نلقى الارض محفره من كثر مالقطو الناس..
...

هالسنه سنة خير من ناحية الفقع


<---ماتلاحظ أنك زودتها حبتين


الله يعطيك العافيه
اضافة رد مع اقتباس
  #3  
قديم 02/02/2007, 03:48 PM
مشرف سابق بمنتدى المجلس العام
تاريخ التسجيل: 06/01/2001
المكان: w w w . a l z a e e m . n e t
مشاركات: 6,596
إيه ده القَمال يا سهل ..

ما شاء الله .. أسفرت وأنورت ..<--- يسمع بالترحيب ..

يا حظكم على الأقل طلعتوا ..البلى اللي معطل له أسبوع ومقابل النت ..

لا ونصف هالأسبوع وجع وعلاج للضرس .. بس كله بأجره ) على قولتك ..

على العموم ما شاء الله أمطار وخير ..بس المفروض لأمطرت يكون النفود ملجأ ماهيب الرياض والوديان ..لأن النفود بالمطر غير ..;)

يا جعلك تسلم والله يا ابو حاتم على هالصور ..والله يكتب لك الشفاء العاجل قبل الخميس الجاي عشان نشوف صور ثانيات ..



تحياتي لك ،،،
اضافة رد مع اقتباس
  #4  
قديم 02/02/2007, 04:08 PM
ميسو
تاريخ التسجيل: 22/06/2002
المكان: حيث أنا ..
مشاركات: 7,243
الله يعطيك العافية يا سهل على الموضوع الروعة ,
والصور الأحلى .. بس نبي صور زيادة بعد هالأمطار .. يعني على الأسبوع الجاي <<< تتشرط ,

إلا ما شفت مخيمنا وش صار عليه ؟

إقتباس
ينسب الاسم الى نقا خريم بطرفها الجنوبي ويقال إن شخصاً يدعى خريم توفي بها
فنسبت اليه والله اعلم

على حسب ما قالي عمي العام الماضي وعلى حسب ذاكرتي
إن روضة خريم كانت تبع قبائل سبيع , وكان الرجال طالعين مدري وين رايحين <<< نست
المهم يهاجمونهم ناس من قبيلة ثانية , وما كان فيه إلا النساء والأطفال واظن عبيدهم وغلمانهم ,
فخريم هذا من عبيدهم أو غلمانهم المهم إنه تصدى لهم وقتل منهم كثير فُسميت خريم نسبة له ,
عاد إلي عنده المعلومة الصحيحة , ياليت يصحح لي معلوماتي , <<< الذاكرة زفت ,

إقتباس
بصراحه امس كان هناك استنفار من جميع المتنزهين واصحاب الخيام لمساعدة العوائل
التي داهمها المطر الشديد , حيث تجد الشباب يساعدون الاسر في نقل اغراضهم للسيارات
ومساعدة كبار السن في الخروج من الروضه حتى لا يتعرض للسقوط في الروضه والمياه
المتجمعه والطين , حيث شاهدنا مناظر السقوط تتوالى

ياليت من يشوف اشكالهم ,


إقتباس
وقد لفت انتباهي شخص وامرأه يجلسون
تحت طلحه ولم يبالوا بالمطر وكان شياً لم يحدث

من حقهم يستمتعون بالجو العليل

إقتباس
الملابس حتى الان بالحوش وبقايا الاغراض واليوم احسست بالتعب والظاهر ما فيه الا اصبعي
هو اللي يتحرك وقاعد يكتب لكم بس ( كله باجره )


الحمدالله على السلامة ما تشوف شر يا مشرفنا ,
اضافة رد مع اقتباس
  #5  
قديم 02/02/2007, 04:33 PM
مشاكس اجتماعي بالمجلس العام
تاريخ التسجيل: 30/10/2005
المكان: الكرة الأرضية
مشاركات: 1,847
واناااااا اقول وين مشرفنا له يومين لا حس ولا خبر

بسلمو ع التقرير الجميل

اقترح شراء هليكوبتر خاصة بالمجلس العام لانتشال الاعضاء اللي يتعلقون هناك


عسى اياااامنا وايامكم كلها ربيييييييع
اضافة رد مع اقتباس
  #6  
قديم 02/02/2007, 04:52 PM
موقوف
تاريخ التسجيل: 04/10/2006
مشاركات: 305
الصور روعه اخو سهيل

الحمد لله على سلامتكم
إقتباس

إن روضة خريم كانت تبع قبائل سبيع

يعني حلالنا وسرقت منا ياعيب الشوم
ههههههههههههههههههههه
اضافة رد مع اقتباس
  #7  
قديم 02/02/2007, 05:03 PM
زعيــم مميــز
تاريخ التسجيل: 16/03/2006
المكان: الرياض
مشاركات: 2,371
وناااااااسه ياليت ماعندنا إختبارات كان نطلع للبر
اضافة رد مع اقتباس
  #8  
قديم 02/02/2007, 05:04 PM
الصورة الرمزية الخاصة بـ " MOHAMMED "
مشرف سابق في منتدى الكمبيوتر والإنترنت
تاريخ التسجيل: 07/07/2005
المكان: ..[ زمـن بـلا هويّــه ]..
مشاركات: 3,495
إقتباس
الرسالة الأصلية كتبت بواسطة ღكلي هلاليღ


..
...

هالسنه سنة خير من ناحية الفقع


<---ماتلاحظ أنك زودتها حبتين


الله يعطيك العافيه







8

حـَيـاك عندنـاً بالشمال حيـثو تجد الخير ومنها الفقـع والهوبـر واللتسمـاء < ترى هذولي مـُسمايتها !!


أنتم يا اهل الرياض إذا جاكم مطـر يجيكم جنوون وكـل العـالم يدرون ،،

اللحين وانـا ارد عليك...... علينـاً مطـر اللحين < تطشّ طشّ يعني والله يجيب الخيـر ،، .


=

روضة خريم روعه والاروّع الصـور اللي صـورتهـاإ ،،

والله يكثــر الاماكـن هذي عندكم بالرياض


==

رالـي حايـل على الابـوابـ ،، ياحظنــاَ إيــّـه < مايسـوي دعايـه ترى

.
اضافة رد مع اقتباس
  #9  
قديم 02/02/2007, 05:20 PM
الصورة الرمزية الخاصة بـ LBa your heart
عضو سابق بلجنة الفيديو والصوتيات
تاريخ التسجيل: 13/09/2005
المكان: تعبت أدور بالوجيه انساان يفهم لا حكيت
مشاركات: 4,928
إقتباس
الرسالة الأصلية كتبت بواسطة الهـ2006ـلالي
الصور روعه اخو سهيل

الحمد لله على سلامتكم

يعني حلالنا وسرقت منا ياعيب الشوم
ههههههههههههههههههههه

ملاحظ أنت
اضافة رد مع اقتباس
  #10  
قديم 02/02/2007, 06:11 PM
مشرف سابق بمنتدى المجلس العام
تاريخ التسجيل: 02/12/2001
المكان: حيث الأمل
مشاركات: 5,600
موضوع رائع من مشرف قدير.

الحمدلله على سلامتكم.
اضافة رد مع اقتباس
  #11  
قديم 02/02/2007, 06:41 PM
عضو سابق في إدارة شبكة الزعيم
تاريخ التسجيل: 11/04/2003
المكان: USA
مشاركات: 13,487
الحمدلله على السلامه اول شئ

وروضة خريم مايحتاج جنة في الارض , ولو ان المتنزهين يشوهونها بترك نفاياتهم بعد مغادرتها

والمره الجابه علمنا علشان نروح معك


سلام
اضافة رد مع اقتباس
  #12  
قديم 02/02/2007, 07:14 PM
زعيــم فعــال
تاريخ التسجيل: 19/09/2004
المكان: ALkHoBaR
مشاركات: 426
ياصاحب الموضوع حسبي الله عليك عز الله الي هيضتنا للطلعه

مشكوووووووووووووووووووووووووووووووووور على موضوعك الطيب وبيض الله ووجهك وبالنسبه للاخوان الي يسألون عن اهل الديره يالربع اهل المنطقه من قبيله سبيع

ولا طب عليهم احد ولا هم يحزنون وخريم هذا سبيعي من اهل رماح ياحبكم للاشاعات

فقط للتوضيح
اضافة رد مع اقتباس
  #13  
قديم 02/02/2007, 07:21 PM
مشرف سابق في منتدى المجلس العام
تاريخ التسجيل: 18/12/2004
مشاركات: 9,684
سبحان منزل الامطار...يالله لا تحرمنا هالنعمة والخضرة والزين كله ...<<<شايب ...

تشكرات مشرفنا سهل .....!!!
اضافة رد مع اقتباس
  #14  
قديم 02/02/2007, 07:29 PM
ميسو
تاريخ التسجيل: 22/06/2002
المكان: حيث أنا ..
مشاركات: 7,243
إقتباس
الرسالة الأصلية كتبت بواسطة بيرلوا
ياصاحب الموضوع حسبي الله عليك عز الله الي هيضتنا للطلعه

مشكوووووووووووووووووووووووووووووووووور على موضوعك الطيب وبيض الله ووجهك وبالنسبه للاخوان الي يسألون عن اهل الديره يالربع اهل المنطقه من قبيله سبيع

ولا طب عليهم احد ولا هم يحزنون وخريم هذا سبيعي من اهل رماح ياحبكم للاشاعات

فقط للتوضيح


يعني الأهم إن القصة فيها شي من الصحة وصارت تبع سبيع
وسالفة إلي طبوا عليهم هذي سالفة قديييمة ,
وبتأكد من عمي إذا شفته لأنه قالي السالفة من زمان
وكان يقص لي قصة روضة خريم وحفرالعتش ويمكن انا خربطت ,,
بتأكد إن شاء الله واعطيكم الخبر ,
اضافة رد مع اقتباس
  #15  
قديم 02/02/2007, 09:06 PM
زعيــم متألــق
تاريخ التسجيل: 16/09/2006
المكان: الرياض
مشاركات: 1,013
ماشاء الله عليك ياسهل 24ساعة في البر
والله ودي اروح بس المشكلة متعيجزين
مشوااار
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:11 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube