تخيلوا ولو للحظه (نــادي الهلال بدون مجاملات).. - صفحة رقم 2 - نادي الهلال السعودي - شبكة الزعيم

zooom · #16 02/02/2007, 07:02 PM

أنا معك

واللي قدموه للهلال ماننساه والله يعطيهم ألف عافيه لكن لازم غيرهم ياخذ فرصته الكامله

خاصة الشمري و المرشدي ومبارك

غامد والقلب جامد · #17 02/02/2007, 07:11 PM

إقتباس


	والا لعيون قوارو الاجنبي والتمياط

يا حبيبي .. التمياط مالعب 4 او 5 مباريات ورى بعض .. !!

شكلك اخر مرة شفت المباراه اللي مع الاتفاق كأس الامير فيصل 2-2

بعض النقاااط انا معاااك

ومشكور على الموضووع

شلهوب يا موهوب · #18 02/02/2007, 09:03 PM

كلام عين العقل

والله انك فاهمني

هلالي جامعه البترول · #19 02/02/2007, 10:19 PM

بلييييز زعماء مو وقت الكلام هذا حنا امام مرحله صعبه تحتاج منا الوقوف مع الفريق والمسانده

عاشقه الهلال موت · #20 02/02/2007, 11:56 PM

اي مجاملات والله الاعبين الي ذكرتهم لولا الله ثم هم ما صار الهلال هو الهلال ولا سيطر على بطولات الموسم الماضي
الهلال طلع من البطوله لانه بدون مدرب ويمر بازمه ماليه وبتنحل

ايمن كوول · #21 03/02/2007, 01:26 AM

والله ابو فيصل ادرى بهذه الامور وياليته يسمع
شوف ريال مدريد تخلى عن اساطير رونالدو وبكهام وفيغو
وحنا متمسكين باالهليل وتركي الصويلح والمفرج مع احترامي الشديد لهم
اما بالنسبه للصويلح احمد والبرقان والخراشي فهم نجوم المستقبل وارجو الاهتما فيهم

وحش هلالي · #22 03/02/2007, 01:39 AM

فهد المبارك والبرقان اهم اثنين من الناس الصاعدين وجهه نظر.......المستقبل قدامك ....اما اللي يقول تنسيق البرقان

اقوله تقهو

ابــراهيم · #23 03/02/2007, 05:14 AM

عجيب امركم

ريال مدريد تخلى عن رونالدو بيكهام فيقو

وانتم مو راضين تتخلون عن المفرج والهليل

مشكلة والله

9-15 · #24 03/02/2007, 05:24 AM

محمد الدعيع مستواه يأهله انه يكون حارس الهلال الأول ؟

(يأهله ونص)

يعني فهد الشمري شارينه ب6 ملايين الظاهر ومخلينه حارس ثالث ؟

(هذا حارس عماره مو حارس مرمى والمبلغ مبااالغ فيه كم مره نكبنااا)

وين بدر الدوسري البرقان شراحيلي

(البرقاان مايسمى لاعب)

ونجي للوسط وين راح فهد مبارك ؟

لاعب من احسن مايكون مهارات سرعه كل شي على الاقل ابي اشوفه احتياط مافيه

والا لعيون قوارو الاجنبي والتمياط

(يااحبيبي نواف بأذن الله راجع وتاريخه يشفعله وبعدين قوارو أفضل من مبااار(كك) بألف مره)

وأسف ااذا غلطت على احد

(لاتتأسف بس نصيحه قبل لاتكتب موضوع أشرب قهوه سااده!!!!;)

فيتو · #25 03/02/2007, 05:31 AM

دامك طلبت بدون مجاملات ابشر

المفرج ـ البرقان ـ الهليل ـ العبدالسلام ـ الغنام ( بصراحه ما ادري كيف معطينه اكبر من حجمه ـ وبيني بينكم العنبر لك عليه بعد ـ وسلامتكم

ابــراهيم · #26 03/02/2007, 05:47 AM

إقتباس


	محمد الدعيع مستواه يأهله انه يكون حارس الهلال الأول ؟ (يأهله ونص) يعني فهد الشمري شارينه ب6 ملايين الظاهر ومخلينه حارس ثالث ؟ (هذا حارس عماره مو حارس مرمى والمبلغ مبااالغ فيه كم مره نكبنااا) وين بدر الدوسري البرقان شراحيلي (البرقاان مايسمى لاعب) ونجي للوسط وين راح فهد مبارك ؟ لاعب من احسن مايكون مهارات سرعه كل شي على الاقل ابي اشوفه احتياط مافيه والا لعيون قوارو الاجنبي والتمياط (يااحبيبي نواف بأذن الله راجع وتاريخه يشفعله وبعدين قوارو أفضل من مبااار(كك) بألف مره) وأسف ااذا غلطت على احد (لاتتأسف بس نصيحه قبل لاتكتب موضوع أشرب قهوه سااده!!!!

اول شي متى لعب فهد الشمري على شان ينكبنا واذا كنت تسمي الغلطه نكبه عز الله الدعيع كل مباراة ناكبنا

بعدين ياليت تحسن الفاظك شوي وش حارس عماره وماحارس عماره متى لعب على شان تحكم عليه

بعدين اذا كان البرقان مايسمى لاعب اجل الهليل وش يسمى ؟

وبالنسبة لنواف على عيني وعلى راسي بس الاعب الأن مستواه هابط مرره

والتاريخ مايشفع له اجل عز الله نبي نجيب الثنيان ونلعبه ونقول والله تاريخه يشفعله الحمد لله والشكر

الجاهز هو اللي يلعب غير كذا لا

وبالنسبة للقهوه ياليت تاخذها انت لأن شكلك مواصل ولاتدري وش تقول يمكن لو اخذتها تصحصح شوي

زعيم plus · #27 03/02/2007, 06:48 AM

(هذا حارس عماره مو حارس مرمى والمبلغ مبااالغ فيه كم مره نكبنااا)

(يااحبيبي نواف بأذن الله راجع وتاريخه يشفعله وبعدين قوارو أفضل من مبااار(كك) بألف مره)

فهد الشمري مستقبل الهلال واتذكر كلامي........
اما بالنسبه للتمياط مستواه نازل ومافيه احد يقدر ينكر
ومايسوى انه يكون احتياط مب اساسي.......

لكن عندي ثقه ان نواف بيرجع زي ماكان لان الموهبه
عمرها ماتموت......

هـــــــلالي · #28 03/02/2007, 10:07 AM

المفرج + تركي الصويلح +الهليل اتمنى تنسيقهم بأقرب وقت

المفرج خلاص ماقصر وكل مايكبر تكبر نكباته..بعدين بالله فريق زي الهلال مايقدر يجيب او يطلع مدافع متمكن!!!!!!!!!

تركي الصويلح من متى وهو يلعب خلاص نبي شباب ..ماقصر وياليت قرار تنسيق ومعها شهادة شكر وتقدير

الهليل هذا اللاعب مدري كيف يلعب مع الهلال

لاسرعه ..لامرونه ..لادفاع لا هجوم ..لاحظ عليه ماحد يمر من عنده الا لازم يسحب فنيلته..يعني وظيفته في الملعب يتعلق في اللاعبين..

فهد المبارك لاعب مهاري سريع مراوغ ..والله انه احسن من قوارو براييء على الاقل لاعب فردي وجماعي فنان

بدر الدوسري اشوف انه افضل من البرقان ..بدر احسه واثق في نفسه وعنده امكانيات طيبه والمستقبل قدامه

البرقان كويس بس لو يركز ويجتهد ويحاول يطور من نفسه .. ان شاء الله نشوفه ا حسن

نفس الكلام للعبدالسلام توه وباقي كثير عنده ..ويكفي ان مايجي اخطاء ومغطي خانته الحمدلله

الخراشي والعنبر والصويلح بينهم تنافس قوي ..وياليت نصبر على العنبر توه راجع من اصابه
الصويلح عنده ظروف ...ألخراشي يبي فرصه وثقه من الجمهور..

تحياااااااتي

ALZa3eEm 3AmaHoM · #29 03/02/2007, 10:24 AM

كلامك صحيح
اتمنى حل المشكلة

عرقي هلالي · #30 03/02/2007, 10:27 AM

معليش حبيبي انا معك باللي تقوله خصوصا الهليل ياانا اكرهه كره من لعبه المعاق
بس المفرج حرام عليك الموسم الماضي ولولا الله ثم صلابة تفاريس والمفرج كان علوم