اعتقد ان هذا هو افضل عنوان لخليجي 18 اللي اختتم امس. ماهيك ؟ << اخس ياللبناني
من ناحية المستوى :
جميع المباريات انتهت بفارق هدف واحد لاول مره بتاريخ دورات الخليج واكثر مباراة منها ماعرفنا النتيجه الا بآخر الدقايق ( 4 مباريات ) وانا اتنابع المبرايات وخصوصا اللي تقام عصراً اشعر انني اشاهد احد البطولات الاوروبيه لجمال الملعب وكثافة الجمهور اللي مغطي الملعب (رغم صغره) لكن وبأمانه اقول علينا ان ننتظر طويلا حتى نجد بطوله بهذا الجمال وربما احتجنا عشرين سنه حتى تعود البطوله للامارات
من ناحية الجمهور :
كل المباريات امتئلت بالحضور بسبب وجود الجاليات العربيه بكثره هناك من مقيمين او مسافرين لاجل التمتع بالبطوله والسياحه والتسوق (هذي خاصه بالنساء وين تلقون احسن من دبي
) ولاتنسون ان الدخول مجاني وهذا لفته حلوه وياليت كل دورات الخليج يكونون بهالكرم
وكذلك ربما ساعد صغر الملاعب (باستثناء ملعب زايد) على ملء الملاعب بالجماهير
من ناحية التحكيم :
لاول مره تصير هالضجه من الجماهير والاعلام وسبب التوتر للاعبين ونص المباريات اللي لعبت صار فيها احتجاجات عنيفه من الفرق اللي خسرت ..بصراحه التحكيم مشعللللل هالبطوله شعلله
من ناحية الاخلاق :
لاول مره شخص ذو منصب كبير بالبطوله يفقد اعصابه ويتكلم بكلام غبي ماله معنى وبلا فائده كفايه شتم وانتقاص رئيس لجنة الحكام السركال لاحد مناطق المملكه هذا غير المشجعات واللبس الضيق والبعض لبس غير محتشم و...
وكذلك مقدم برنامج المدرج 18 صدمني الحقيقه بعد فوز الامارات على السعوديه طلع وقال تعليقا على هدف الفوز بكل بذاءه وعدم احترام للمشاعر ((
رصاصه اخترقت قلوب السعوديين واوقفت .........)) بصراحه ماذكر الباقي بس كلام مستفز هذا غير اهتمامه بالمشجعات السعوديات (انتي جايه من السعوديه ؟ حلو انا نشوف سعوديات في الملعب ؟؟؟) ليه فرحان ووش دخلك من وين جو؟؟؟ لا ومعلقهم علي حميد اللي بغا يكسر القزاز ويطمر للملعب بعد فرحة الهدف
(( المنتخب السعودي كان يطمح للفوز والانتقال للنهائي ولكن
قف عند حدك ))
<< اها بس انتم اوصلوا لربع انجازات الكره السعوديه بعدين تعال اتكلم
عيب والله ناس شياب ومو محترمين الناس اللي تتابع برامجهم افرح بالفوز وعبر عن شعورك بس خل عندك ذوق واحترم الناس... ومن السلبيات ايضا تكثيف الشرطه لاخراج جماهير المباراة الاولى لكي تحضر جماهير المباراة الثانيه ؟؟؟
وناس تتهم ناس بالمؤامره...وناس تتهم ناس بعمل السحر !!!! نقاط سريعه :
- امتع وافضل مباراة الامارات والكويت هدف من هنا بعدين هدف من هناك في جو رياضي بجمهور مالي الملعب
- بسبب جائزة احسن لاعب اسيوي كانت هناك حزازيات بين السعوديه وقطر من جهه والكويت وقطر من جهه اخرى
- قلة امداد المهاجمين بالكور (المقشره) هي مشكلة منتخبنا ولو ان لاعبي الوسط المهاجمين عندنا كانوا بالمستوى ولعبوا بتركيز لكانت البطوله بالرياض
- اسماعيل مطر يستاهل جائزة افضل لاعب واللي يقول غير كذا لازم يعرف ان التعصب عنده تخطى الحد المعقول
- اكثر لاعب خيب ظني محمد الشلهوب
- مهاجم ذو مهارات متدنيه ولكنه سريع يجيد التسديد والتسجيل من فرصتين خير من مهاجم ذو مهارات عاليه ولكن لايسجل الا من عشر فرص هدف
- هي بطولة خليج وليست كاس عالم .... يا(
)
خبرالعدد:
رونالدو سينتقل للميلان
صورة وحكمة العدد : 
(( ألا ليت الزمان يجود بمئــه من نمونتك ))
((لاعب ذو كرش ويسجل الاهداف خير من معصقل لايسجل))
الوضع العادي
