"الحياه صعبه"...
كلمه نسمعها كثيرا من اشخاص تحملوا مسئوليات واعالوا انفسهم او اعالوا افراد من عائلتهم ..وفي بعض الاحيان نسمع كلمه "والله الدنيا مشاكل " او "خلني في همومي " ومن هالمفردات اللي دايما ماتردد بين اوساط عامة الناس ,, وعند البحث عن اسباب هذه الجمل سنجد ان اسباب ترديدها هي اوضاع ماديه غالبا او مشاكل عائليه او مشاكل صحيه ..وقد تكون هناك اسباب اخرى طبعا ولكنها اقل بكثير من الاسباب الاولى .
طبعا الاسباب اللي ذكرتها سابقا حطوها على جنب وخلونا نختار وحده منهن وهي الحاله الماديه ...وطبعا ماراح اطرح اسباب الفقر والغنى او مقايسس وطرق ولكن .. خلوا الكلام الرسمي على جنب واسمحوا لي اقلب الهرجه عاميه على فصحى تناقشت انا وشخص حول نقطه معينه وحبيت اني اطرحها هنا لكم لاستفيد من ارائكم اللي مالنا غنى عنها وتفيدو الغير بكل تاكيد..والفايده راح تشمل الجميع حتى اللي ردوا ...وحتى الزوار بيستفيدون..واللي اعمارهم تحت 20 سنه بيستفيد اكيد واللي فوق 50 سنه بيستفيد طبعا اما اللي فوق 70 سنه فما ظنتي 
(والاعمار بيدالله سبحانه وتعالى).. تحسوا واحد يبي يهرررج وبس :p ما اطول عليكم وخلوني اخش بالسالفه على طول ....او دُغري... او سيده وانا اخوك وعند اول فتحه خش يمين بتلاقي اشاره تعداها وعند ثالث فتحه يمين خش يسار ......!! اووف . ماعلينا واعذروني على هالخربطه تعرفون السن له احكام المهم... قبل يومين كنت اتناقش مع شخص حول الغنى والفقر من جهه والذكاء والغباء من جهه ...اخينا في الله يقوول مافي اي علاقه بين ذكاء الانسان وبين فقره او غناه ..وطبعا انا اقول له لا العلاقه مترابطه وقويه جدا ...وابدى لي وجهة نظره وابديت وجهة نظري ...وما وصلنا بناقشنا لحد الاقناع فبطرح لكم وجهة نظر كل شخص وانتم عطوني رايكم..
اخينا في الله يقول الشغله ارزاق بيد الله سبحانه وتعالى فقط...اما الغباء والذكاء فهذا شي خاص بالانسان ونعمه من عند الله ولكنها ابدا مالها علاقه برزق الشخص وحالته الماديه ..وقعد يضرب لي امثله لناس اعرفهم اذكياء وحالتهم الماديه تعبانه مره وناس حالتهم بالعكس ...
وهذا شي واقع ,, فكم من الناس تتفوق عليهم ذكاء ولكنهم يتفوقوا عليك بمراحل كثيره بالاموال وبالغنى ...وكم من الناس يتفوقون عليك ذكاء ولكنهم اقل منك حالا ..!!
موقفي كان مخالف له بشكل كبير...
نحن متفقين ان الارزاق بيد الله سبحانه وتعالى...لكن الرزق مايجي لمعصوب العينين...ولازم من اتخاذ الاسباب ..والذكي بيتخذ الاسباب بشكل افضل بكثير من الاقل ذكاء ...المهم وقعدت اجيب له امثله عن ناس صنعوا نفسهم من لاشي اللهم انهم فكروا بشكل سليم واستطاعوا تكوين ثروات هائله بذكائهم.
رجع اخونا في الله قال لي قصه خياليه ولكن طريفه تحكي عن موقفه ومؤيده له.. وبسردها لكم :
كان فيه شخص غبي جدا ولا يخرج للعمل ولا يدور رزق ولا شي ..وكانت كل يوم زوجته نهاوشه وتقول نبي ونبي ونبي وهم مطنش ومعطيها تسطيل عشره على عشره... ويقول لها وش تبيني اسوي يابنت الحلال ..!!
وفي يوم قالت له رح اخرج شوف لنا شي ان شاء الله تروح حتى تناقز ولا تنطنط وربنا بيرزقنا اليوم ولا بكره..قال لها الرجال طيب خلاص ..وبالفعل طلع وراح في البر وقعد ينااقز هناك ويناقز لين جا المغرب ورجع البيت ..قالت له ها بشر وش سويت ..قال لها والله مافي شي لكن بكره (ماخذ على كلامها يوم انها تقول اليوم ولا بكره)..
وصار الرجال كل يوم يسوي كذا يروح يناااقز ويرجع ...لين يووم وهو قاعد يناقز بالبر لقى كنز فشاله ورجع لبيتهم بثروه كبيره.
انتهت القصه...وعلى رغم خياليتها لكنها تظل محتملة الحدوث باسلوب اخر ..يعني ماهي بمناقزه وانه يلقى كنز ..لكن ممكن تصير باشكال مختلفه..
انا طبعا طلعتني الحميه ذيك الساعه واعطيه قصه ثانيه واحلى من قصته ومؤيده لفكرتي وبرضو بسردها لكم..
كان فيه شخص يبي يبيع الجاموستين اللي وياه ,,
وكان بنفس الوقت تعبان وماهو قادر يقوم من الفراش وكان عنده ولدين واحد ذكي وواحد غبي ...فاعطى كل واحد جاموسه وقال له يبيعها...فكل واحد من عياله اخذ الجاموسه وراح السوق ورجعوا بالليل كل واحد لحاله...
جا الولد الذكي ومعاه قيمة الجاموسه وزود واعطاها لوالده وانبسط عليه...
جاء الولد الغبي واعطى ابوه ثلاث حبات فاصوليا وقال له هذي قيمة الجاموسه...فقال ابوه ايش دعوه وانا اخوك والله لودجاجه كان جايبتن زود...فقال الغبي لا يابابا الرجال اللي عطاني اياهن قال لي انهن سحريات واللي ياكلهن بيكسب كل يوم قيمة جاموووسه..
انتهت القصه هنا...
وطال النقاش وماوصلنا لشي...او مافي شخص اقنع الثاني..
فزبدة الهرجه
الرجال يقول..الرزق من عندالله وانك ذكي او غبي مالها اي دخل بغناك اوفقرك..وممكن تسعى وتسوي وتكون ذكي وشاطر ولكن ماتحصل على شئ...ورزقك بيجيك اذا ربنا كاتبه لك ولو كنت اغبى من الغبي.
ريدزاوي يقول...الذكاء والغباء عوامل اساسيه للغنى والفقر..وبتوفيق من الله راح تحصل على اللي تطلبه وربنا بيرزقك...
بانتظار ارائكم واللي عنده مثل او حكايه مشابهه يسدحها هنا
ويعافيكم ربي
(والاعمار بيدالله سبحانه وتعالى).. 
الوضع العادي
