|
قصة اخواني مع الزواج وآه من الزواج بسم الله الرحمن الرحيم السلام عليكم مسيكم بالخير اخواني كيف الحال طيبين ندخل في الموضوع السالفة ومافيها اخوي قبل 4سنوات تزوج حلو المهم الرجال طلق حرمته بعدها بسنتين لاسباب كثيرة بعد ماطلق الحرمة بحوالي 7شهور وفقه الله وتزوج على حرمة ثانية وهنا المصيبة:cry: الرجال تجهز للزواج ودفع مهر حوالي 60ألف ريال هذا غير المصاريف الثانية يعني الزواج كلف حوالي90ألف ريال تمام. السالفة ومافيها بعد ماخلصنا من العرس وكل شي اخذ اخوي حرمته المهم في نفس اليوم صار اللي ماهوب في الحسبان الحرمة بدات تصارخ وتسوي مشاكل اخوي حاول يهديها ماش الحرمة فيها بلى دق على اخوها وقال له السالفة تدرون وش قال اخوها؟ قال صح نسينا لانقولك فيها مرض نفسي:eek: قالها بكل تفاهة فيها مرض نفسي:cry: اخوي قال حصل خير ان شاء الله وقدرالله وماشاء فعل المكتوب مكتوب اخوي حاول يتعايش معها جلس معها حوالي اسبوعين ويحاول يتعايش معها كن مافيها شي بس صبر صبر ماش الوضع لايطاق:cry: قال مالنا الاابغض الحلال:cry: والشكوى على الله وداها لاهلها وارسل ورقة الطلاق . وطارت الدراهم على اللاش كنك يابو زيد ماغزيت. المهم بعدها بفتره اخوي يبي العرس يبي يتزوج وكل مارحنا نخطب يقولون اصبروا واخر شي يقولون الله ماكتب:cry: راح يبي يخطب حوالي 8بنات وكل ماراح يقولون اصبر وبنرد لكم ونفس الشي الله ماكتب . تعرفون لازم اهل الحرمة قبل مايخطب يسألون عن اخوي هنا صارت المصيبة اثر اهل البنت المريضة اللي فيها مرض نفسي يروحون لاهل البنات اللي نخطبها ويقولون الرجال فيه وفيه:eek: يقولون لاهل البنات اللي بنخطبهن تراه لعوب وبنتنا مافيها شي طبعا المتحدث اهل البنت المريضة بس تزوجها وماعجبته نصيحة لاتزوجونه. اخوي ماحب يقول لاهل البنات اللي يخطبهن ان حرمته الثانيه فيها مرض نفسي يعني ساتر ع البنت ولكن اهل البنت مصوخها وراح يتكلم مع اهل البنت المريضة والحمدلله تفهموا الموضوع بسبب انه قال بأشهر في بنتكم واقول انها مريضة. والى الان مازال البحث عن حرمه لاخوي والشكوى الى الله. ننتقل لاخوي الثاني ماهوب هذا هذا واحد ثاني. السالفة ومافيها ان اخوي يبي يعرس قلنا خير ان شاء الله. وبدأت المصيبة الاخرى:cry: اخوي ولله الحمد والمنة بوظيفة ممتازة وكل سنة يروح انتداب خارج المملكة. المهم اذا جينا نخطب لاخوي يقولون اصبروا شوي ونرد عليكم. ونفس الحكاية الله ماكتب . بعد ماحاولنا نخطب حوالي 5 بنات اثر المصيبة يرفضونه بسبب انه راعي سفريات طبعا بدون مايقولون لنا بسبب انه راعي سفريات يقولون الله ماكتب. طبعا لو يقولون لنا عشان انه يسافر بنقول انه انتداب ماهوب فجور. والى الان لازال البحث عن زوجات لاخواني وان شاء الله يتزوجون. ختاما: نلاحظ ان السعوديين يشتكون من العوانس واقول لهم انتم السبب ترفضون الرجال بدون ماتعرفون الاسباب وحسبي الله ونعم الوكيل. دمتم بخير |
وعليكم السلام ورحمة الله وبركاته حياك الله ابوندى ... ,,,,, صدقني لو اللي كاتب المقال واحد غيرك وغير اعضائنا ماصدقته !!!! لاحول ولاقوة الا بالله...,, الى هالدرجة يوصل تفكير هالناس.....!!!!!!!!!! احتسبوا والواحد ماياخذ الا نصيبه والحمد لله على كل حال..,,, ان شاء الله انها خيرهـ لإخوانك والله يرزقكم الزوجات الصالحات..,, دمت في رعاية الله .. ,,,, |
إقتباس:
|
ابو ندى حلك عندي وانا ابو هندي فيه خطاابه توني متعرف عليها ماخذ رقمها من وااحد من الشباب يااولد تزوج مسياار والظااهر اني بطق لي وحده خخخخخخخخخخخخخ شراايك تقول لخواانك الساالفه ونروح نطق لنا اربع طبعن ثنين اخواانك وانا وانت عشاان ترخص لنا خخخخخخخخخ شسمها الخطاابه هاه انت عطهم الرااي ورد لي خبر ترااهن مدرساات واعماارهن تحت الخمسه وثلثين والكميه محدوده ياتلحق يامتلحق انا صرااحه تعاطفة مع اخواانك الله يعينهم ياارب ويوفقهم في دينهم ودنيااهم ويوفق شباب المسلمين وشيباانه بعد ابو ندى طعني خلنا نطق لنا اربع مانتب خسراان امش وراي ولحد يهمك |
يالله كل هذا صاير لكم الله يكون في العون وإخوانك ترى في ألف بنت يبونهم بس لا ييأسون دور والباقي على الله تحياتي لك ولجميع أعضاء المنتدى العام |
الزواج قسمـة ونصــيب ..:yes: طبعا زواج أخوك الأول مانقدر نقول فيه شيء لأنه أمر طبيعي زواج وانفصال شيء مألوف:cry: . لكن الزواج الثــاني ..!! :rolleyes: فعلاً الشاب ممكن تقدر تجيب عنه برنت كامل :yes: .. وتقدر تستفسر عنه ويمكن يكون كتاب مفتوح ..للجميع :yes: .. لأصدقائه في عملة في بيتهم ..تعرف أخلاقه وطباعه لو تراقبه شهر واحد بس .مراقبة جديه:yes: مهب توقف مره عند مسجدهم وشفته يصلي:eek: قلت ايه ماشاء الله عليه يصلي :D لا مراقبة مداها طويل . لأن هذا زواج مو حفلة و تنتهي:yes: .. البنت هي اللي فعلا ماتدري هي مناسبه او لا ..!!:rolleyes: لأن البنت ماتقدر تسأل عنها تنذكر لك فقط !! والام والاخوات يروحون يشوفون الشكل:) اما الاطباع لا:confused: يعني من تسأل !! بتسأل امها :D اكييد امها راح تقول مافيه احسن من بنتي وهذا شيء اكيد ..!! يعني احيانا تسأل ام الولد ام البنت وتقول عسى بنتك تعرف تطبخ!! ترد تقولك عز الله مهب فاقدتها الا عند الغداء .:D . وهي والله ماعندها ماعند جدتي تدربي راسها ماتعرف البشاور من الهندي :D فأخوك يوم ارتبط باللي فيها حالة نفسية الله يشفيها ان شاء الله ويعافينا من ما ابتلاها .. !! ماكان يقدر يعرف هي فيها مرض ولا خالية ..!!:yes: بس المفروض ان اخوك بعد فشلة في زواجة الاول انه تأنى كثيييير لان التجربة الاولى .. سواء بنجاحها او بفشلها مفيدة ..له او لغيرة .. والحين يقول ابتزوج .. المفروض انه يصبر سنه سنتين ثلاث الين فعلا يعيد حساباته :yes: ويحسب كل خطوه يخطيها الزواج مستقبل :) .. مو سيارة تتغير كل كم سنة .:) . الله يوفق اخوانك ويوفقك ان شاء الله ويوفق جميع شباب وشابات المسلمين ..:) هامور البورصة .. الله يصلح قلبك ان شاء الله .. هالحين المسيار مسمية زواج .. الزواج استقرار .. وهو مختل في زواج المسيار!!!! |
الله يوفقهم ويوفقنا ... بصراحة اني مستغرب هالشيء ... ومالي الا الدعاء لهم .. اما البورصه .. مدري وش عنده .. ههههههههههههه اقول .. ماني بفارض نفسي عليك وقايلك خذني معكم .. لكن دامها ماجت من قلبك تراني مابيها .. مااااااابيها ... ع فكره .. في زواج اثناء فترة الدراسه الجامعيه بس .. خخخخخ انتهى , , , |
اذا كنت تحب اخوانك قلهم لايعرسون مشكووور |
هامور البورصة ... سجلني عندك خامس ... الموضوع سهل ومايحتاج تعقيد إطلعوا برا العائلة .. برا الحارة .. برا الديرة كلها ... وإذا تبي سديراوية ترى الخطابة تدهر عندها خير بس أنت أشر وماعليك .. |
تبي الحل شوفه عند هلالي وشقاوي هو اللي دايم يتكلم عن الزواجات |
عزوز افا عليك يزوجون هم بس يبوون الرجاال بس شووف الخطاابه عاارضه علي عشر بناات اذا تبي وحده مافيه اي مشكله بس طبعن لي سعي خخخخخخ زعيم سديرااوي ابشر بعزك لك وحده يالله شباب رااحن ست يبقى اربع خخخخخخخخخخخخخخخخخخخخخخ |
يمكن جايتهم عين !!! اقرا على اخوانك وجرب ... هامور سجلني سادس نفر بالقائمه :d |
ياهلا فيك اخوي ابو ندى .. قبل كل شي الله يوفق اخوانك ويتزوجون الزوجه الصالحه .. ويرزقهم الله الابناء الصالحين .. الصراحه اخوك الاول يمكن ماسأل البنت عنها كثير او استفسر عن حياتها الطبيعيه واليوميه .. والخطأ طبعها قبل مايتحمله اخوك يتحملونه اهل الزوجه .. حرام عليهم يكذبون ويغشون عيال الناس .. يبغون الفكه من بناتهم على حساب الرجل المسكين .. مالنا الا نقول الله يهديهم .. ومثل ماقلت يمكن الاهل صاروا بعد يردون الازواج عن بناتهم لاتفه الاسباب او لسبب ماتاكدو منه .. وهذا زاد من نسبة العواني في السعوديه .. والزواج قبل كل شي قسمه ونصيب .. وبالتوفيق لهم ولك وللجميع .. دمت بخير |
هامور البورصه ^ ^ وش مسياره انت الثاني :mad: .. ودي اقول قل خيرا او اصمت بس خايفه من ردة فعلك :D ابو ندى اخوك الاول خييير اهل البنت ماقالوا له ان البنت فيها مرض نفسي الا عقب العرس ؟ :eek: وين الناس مايجوز اصلا :cry: ووش يروحون يقولون للعالم انه فيه وفيه :eek: . لعبه عندهم اخوك ماش احس هـاللي ناسبتوهم ماعندك احد لابالدين ولا بالعقل . مع احترامي يعني ولا يمكن كله عشان بنتهم يخربون على اخوك !! او اخوك ماسأل عنهم زييين (فيس طايرتن بوهته) واخوك الثاني احس لو اني مكانه اذا قعدت مع ابو البنت ولا اي احد من اهله . بقوله كل شي ومن بين هـالاشياء ان دوامه فارض عليه انه يسافر وطبعا الدوام موب مسفره عشان يلعب بيروح يشتغل . ولو يبي يتأكدون هم بيقدرون الله يوفقك انت واخوانك |
إقتباس:
الحين انا ابي للشباب السعوودي كل خيير وانتي جاايه تقولين قل خير ولا اسكت الحين انا يالي عمارانا في الوااحد وعشرين وفي الجاامعه وش نسووي ندشر؟ لا نتزوج كيف طيب نتزوج فيه شي اسمه مسياار تروح تتزوج لك مدرسة شفتي والمدرسه هذي تكون ملياانه ومتزوجه قبل كذا بس تبي زووج اسم انه زوج بس خخخخخخخخخخخخخخخخخخخخخخخخخخخخخخخخخخخخخخخخخخخخخخخخ يعيني على الشرح والله المفروض يخلووني مدرس بس لا حياة لمن تناادي فانا وقفت موقف شهاامه مع ابو ندى وقلت حلك عندي وانا ابو هندي بزوجه مسياار هو وخواانه يعني بالله ابو ندى شراايك فيني بزوجك مسياار وبيخصموون لنا لانا الحين سته شووف ابو ندة انا بتزوج ممديره وانت وخواانك مدرسااات والسديري مدرسه بعد وكلي هلالي بزوجه وكيله عشاان تعصب عليه وعزوز الاصفر بنسكته بالفرااشه خخخخخخخخخخخخخ وتخب عليه بعد يالله شباب الكميه محدووده الحق قبل لا تروح لغيرك |
| الوقت المعتمد في المنتدى بتوقيت جرينتش +3.
الوقت الان » 07:36 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd