#1  
قديم 22/01/2007, 09:47 PM
زعيــم متألــق
تاريخ التسجيل: 16/09/2006
المكان: الرياض
مشاركات: 1,013
Unhappy قصة اخواني مع الزواج وآه من الزواج

بسم الله الرحمن الرحيم

السلام عليكم

مسيكم بالخير اخواني كيف الحال طيبين
ندخل في الموضوع

السالفة ومافيها اخوي قبل 4سنوات تزوج حلو
المهم الرجال طلق حرمته بعدها بسنتين لاسباب كثيرة
بعد ماطلق الحرمة بحوالي 7شهور وفقه الله وتزوج على حرمة ثانية وهنا المصيبة
الرجال تجهز للزواج ودفع مهر حوالي 60ألف ريال هذا غير المصاريف الثانية
يعني الزواج كلف حوالي90ألف ريال تمام.
السالفة ومافيها
بعد ماخلصنا من العرس وكل شي اخذ اخوي حرمته
المهم في نفس اليوم صار اللي ماهوب في الحسبان
الحرمة بدات تصارخ وتسوي مشاكل
اخوي حاول يهديها ماش الحرمة فيها بلى دق على اخوها
وقال له السالفة تدرون وش قال اخوها؟
قال صح نسينا لانقولك فيها مرض نفسي
قالها بكل تفاهة فيها مرض نفسي
اخوي قال حصل خير ان شاء الله وقدرالله وماشاء فعل المكتوب مكتوب
اخوي حاول يتعايش معها جلس معها حوالي اسبوعين ويحاول يتعايش معها كن مافيها شي
بس صبر صبر ماش الوضع لايطاق
قال مالنا الاابغض الحلال والشكوى على الله
وداها لاهلها وارسل ورقة الطلاق .
وطارت الدراهم على اللاش كنك يابو زيد ماغزيت.
المهم بعدها بفتره اخوي يبي العرس يبي يتزوج
وكل مارحنا نخطب يقولون اصبروا واخر شي يقولون الله ماكتب
راح يبي يخطب حوالي 8بنات وكل ماراح يقولون اصبر وبنرد لكم
ونفس الشي الله ماكتب .
تعرفون لازم اهل الحرمة قبل مايخطب يسألون عن اخوي
هنا صارت المصيبة اثر اهل البنت المريضة اللي فيها مرض نفسي
يروحون لاهل البنات اللي نخطبها ويقولون الرجال فيه وفيه
يقولون لاهل البنات اللي بنخطبهن تراه لعوب وبنتنا مافيها شي طبعا المتحدث اهل البنت المريضة بس تزوجها وماعجبته نصيحة لاتزوجونه.
اخوي ماحب يقول لاهل البنات اللي يخطبهن ان حرمته الثانيه فيها مرض نفسي يعني ساتر ع البنت ولكن اهل البنت مصوخها وراح يتكلم مع اهل البنت المريضة
والحمدلله تفهموا الموضوع بسبب انه قال بأشهر في بنتكم واقول انها مريضة.
والى الان مازال البحث عن حرمه لاخوي والشكوى الى الله.

ننتقل لاخوي الثاني ماهوب هذا هذا واحد ثاني.
السالفة ومافيها ان اخوي يبي يعرس
قلنا خير ان شاء الله.
وبدأت المصيبة الاخرى
اخوي ولله الحمد والمنة بوظيفة ممتازة وكل سنة يروح انتداب
خارج المملكة.
المهم اذا جينا نخطب لاخوي يقولون اصبروا شوي ونرد عليكم.
ونفس الحكاية الله ماكتب .
بعد ماحاولنا نخطب حوالي 5 بنات اثر المصيبة يرفضونه بسبب انه راعي سفريات
طبعا بدون مايقولون لنا بسبب انه راعي سفريات يقولون الله ماكتب.
طبعا لو يقولون لنا عشان انه يسافر بنقول انه انتداب ماهوب فجور.
والى الان لازال البحث عن زوجات لاخواني
وان شاء الله يتزوجون.

ختاما:
نلاحظ ان السعوديين يشتكون من العوانس واقول لهم انتم السبب
ترفضون الرجال بدون ماتعرفون الاسباب وحسبي الله ونعم الوكيل.

دمتم بخير
اضافة رد مع اقتباس
  #2  
قديم 22/01/2007, 10:30 PM
زعيــم مميــز
تاريخ التسجيل: 02/01/2006
المكان: خارج المملكـة
مشاركات: 5,143
وعليكم السلام ورحمة الله وبركاته


حياك الله ابوندى ... ,,,,,


صدقني لو اللي كاتب المقال واحد غيرك وغير اعضائنا ماصدقته !!!!


لاحول ولاقوة الا بالله...,,


الى هالدرجة يوصل تفكير هالناس.....!!!!!!!!!!


احتسبوا والواحد ماياخذ الا نصيبه والحمد لله على كل حال..,,,


ان شاء الله انها خيرهـ لإخوانك والله يرزقكم الزوجات الصالحات..,,


دمت في رعاية الله .. ,,,,
اضافة رد مع اقتباس
  #3  
قديم 22/01/2007, 10:32 PM
زعيــم متألــق
تاريخ التسجيل: 16/09/2006
المكان: الرياض
مشاركات: 1,013
إقتباس
الرسالة الأصلية كتبت بواسطة ابويارا المغترب
وعليكم السلام ورحمة الله وبركاته


حياك الله ابوندى ... ,,,,,


صدقني لو اللي كاتب المقال واحد غيرك وغير اعضائنا ماصدقته !!!!


لاحول ولاقوة الا بالله...,,


الى هالدرجة يوصل تفكير هالناس.....!!!!!!!!!!


احتسبوا والواحد ماياخذ الا نصيبه والحمد لله على كل حال..,,,


ان شاء الله انها خيرهـ لإخوانك والله يرزقكم الزوجات الصالحات..,,


دمت في رعاية الله .. ,,,,

الله يسمع منك اخوي ابويارا ويرزق اخواني الزوجات الصالحات ان شاء الله
اضافة رد مع اقتباس
  #4  
قديم 23/01/2007, 01:01 AM
الصورة الرمزية الخاصة بـ هامور البورصه
عضو سابق في اللجنه الإعلامية
تاريخ التسجيل: 13/08/2005
المكان: الرياض
مشاركات: 7,427
ابو ندى حلك عندي وانا ابو هندي

فيه خطاابه توني متعرف عليها ماخذ رقمها من وااحد من الشباب يااولد تزوج مسياار والظااهر اني بطق لي وحده خخخخخخخخخخخخخ

شراايك تقول لخواانك الساالفه ونروح نطق لنا اربع طبعن ثنين اخواانك وانا وانت عشاان ترخص لنا خخخخخخخخخ شسمها الخطاابه

هاه انت عطهم الرااي ورد لي خبر ترااهن مدرساات واعماارهن تحت الخمسه وثلثين والكميه محدوده ياتلحق يامتلحق انا صرااحه

تعاطفة مع اخواانك الله يعينهم ياارب ويوفقهم في دينهم ودنيااهم ويوفق شباب المسلمين وشيباانه بعد

ابو ندى طعني خلنا نطق لنا اربع مانتب خسراان امش وراي ولحد يهمك
اضافة رد مع اقتباس
  #5  
قديم 23/01/2007, 01:11 AM
زعيــم متواصــل
تاريخ التسجيل: 20/11/2006
مشاركات: 163
يالله كل هذا صاير لكم الله يكون في العون

وإخوانك ترى في ألف بنت يبونهم

بس لا ييأسون دور والباقي على الله

تحياتي لك ولجميع أعضاء المنتدى العام
اضافة رد مع اقتباس
  #6  
قديم 23/01/2007, 04:55 AM
عضو استشاري سابق للمجلس العام
تاريخ التسجيل: 28/01/2005
المكان: الريـــــاض
مشاركات: 6,514
الزواج قسمـة ونصــيب ..

طبعا زواج أخوك الأول مانقدر نقول فيه شيء لأنه أمر طبيعي زواج وانفصال شيء مألوف .

لكن الزواج الثــاني ..!!

فعلاً الشاب ممكن تقدر تجيب عنه برنت كامل .. وتقدر تستفسر عنه ويمكن يكون كتاب مفتوح ..للجميع .. لأصدقائه في عملة في بيتهم ..تعرف أخلاقه وطباعه لو تراقبه شهر واحد بس .مراقبة جديه مهب توقف مره عند مسجدهم وشفته يصلي قلت ايه ماشاء الله عليه يصلي لا مراقبة مداها طويل . لأن هذا زواج مو حفلة و تنتهي ..

البنت هي اللي فعلا ماتدري هي مناسبه او لا ..!!

لأن البنت ماتقدر تسأل عنها تنذكر لك فقط !!

والام والاخوات يروحون يشوفون الشكل اما الاطباع لا يعني من تسأل !! بتسأل امها اكييد امها راح تقول مافيه احسن من بنتي وهذا شيء اكيد ..!! يعني احيانا تسأل ام الولد ام البنت وتقول عسى بنتك تعرف تطبخ!! ترد تقولك عز الله مهب فاقدتها الا عند الغداء . . وهي والله ماعندها ماعند جدتي تدربي راسها ماتعرف البشاور من الهندي

فأخوك يوم ارتبط باللي فيها حالة نفسية الله يشفيها ان شاء الله ويعافينا من ما ابتلاها .. !!

ماكان يقدر يعرف هي فيها مرض ولا خالية ..!!

بس المفروض ان اخوك بعد فشلة في زواجة الاول انه تأنى كثيييير لان التجربة الاولى .. سواء بنجاحها او بفشلها مفيدة ..له او لغيرة ..

والحين يقول ابتزوج .. المفروض انه يصبر سنه سنتين ثلاث الين فعلا يعيد حساباته ويحسب كل خطوه يخطيها الزواج مستقبل .. مو سيارة تتغير كل كم سنة . .

الله يوفق اخوانك ويوفقك ان شاء الله ويوفق جميع شباب وشابات المسلمين ..

هامور البورصة ..

الله يصلح قلبك ان شاء الله .. هالحين المسيار مسمية زواج .. الزواج استقرار .. وهو مختل في زواج المسيار!!!!



اضافة رد مع اقتباس
  #7  
قديم 23/01/2007, 05:02 AM
موقوف
تاريخ التسجيل: 18/10/2004
المكان: أورانس,, حيث الأمان
مشاركات: 2,727
الله يوفقهم ويوفقنا ...

بصراحة اني مستغرب هالشيء ...


ومالي الا الدعاء لهم ..

اما البورصه .. مدري وش عنده .. ههههههههههههه

اقول .. ماني بفارض نفسي عليك وقايلك خذني معكم ..
لكن دامها ماجت من قلبك تراني مابيها .. مااااااابيها ...
ع فكره .. في زواج اثناء فترة الدراسه الجامعيه بس .. خخخخخ

انتهى , , ,
اضافة رد مع اقتباس
  #8  
قديم 23/01/2007, 09:04 AM
زعيــم فعــال
تاريخ التسجيل: 12/04/2006
مشاركات: 225
اذا كنت تحب اخوانك قلهم لايعرسون

مشكووور
اضافة رد مع اقتباس
  #9  
قديم 23/01/2007, 11:52 AM
زعيــم نشيــط
تاريخ التسجيل: 08/07/2005
المكان: الرياض
مشاركات: 562
هامور البورصة ... سجلني عندك خامس ...


الموضوع سهل ومايحتاج تعقيد إطلعوا برا العائلة .. برا الحارة .. برا الديرة كلها ...


وإذا تبي سديراوية ترى الخطابة تدهر عندها خير بس أنت أشر وماعليك ..
اضافة رد مع اقتباس
  #10  
قديم 23/01/2007, 12:37 PM
الصورة الرمزية الخاصة بـ مهاااااااااااجر
زعيــم متألــق
تاريخ التسجيل: 11/07/2005
المكان: نـبـضـي آلـسـعـوديــهـ
مشاركات: 1,119
تبي الحل شوفه عند هلالي وشقاوي هو اللي دايم يتكلم عن الزواجات
اضافة رد مع اقتباس
  #11  
قديم 23/01/2007, 12:49 PM
الصورة الرمزية الخاصة بـ هامور البورصه
عضو سابق في اللجنه الإعلامية
تاريخ التسجيل: 13/08/2005
المكان: الرياض
مشاركات: 7,427
عزوز افا عليك يزوجون هم بس يبوون الرجاال بس شووف الخطاابه عاارضه علي عشر بناات اذا تبي وحده مافيه اي مشكله بس طبعن لي سعي خخخخخخ

زعيم سديرااوي ابشر بعزك لك وحده يالله شباب رااحن ست يبقى اربع خخخخخخخخخخخخخخخخخخخخخخ
اضافة رد مع اقتباس
  #12  
قديم 23/01/2007, 12:56 PM
الصورة الرمزية الخاصة بـ LBa your heart
عضو سابق بلجنة الفيديو والصوتيات
تاريخ التسجيل: 13/09/2005
المكان: تعبت أدور بالوجيه انساان يفهم لا حكيت
مشاركات: 4,930
يمكن جايتهم عين !!!

اقرا على اخوانك وجرب


...

هامور سجلني سادس نفر بالقائمه
اضافة رد مع اقتباس
  #13  
قديم 23/01/2007, 01:09 PM
الصورة الرمزية الخاصة بـ الكلاسيكي
عضو مجلس إدارة الموقع الرسمي
تاريخ التسجيل: 06/04/2003
المكان: دنـيــآي ~
مشاركات: 18,711
ياهلا فيك اخوي ابو ندى ..

قبل كل شي الله يوفق اخوانك ويتزوجون الزوجه الصالحه ..
ويرزقهم الله الابناء الصالحين ..

الصراحه اخوك الاول يمكن ماسأل البنت عنها كثير او استفسر عن حياتها الطبيعيه واليوميه ..
والخطأ طبعها قبل مايتحمله اخوك يتحملونه اهل الزوجه ..

حرام عليهم يكذبون ويغشون عيال الناس .. يبغون الفكه من بناتهم
على حساب الرجل المسكين .. مالنا الا نقول الله يهديهم ..

ومثل ماقلت يمكن الاهل صاروا بعد يردون الازواج عن بناتهم لاتفه الاسباب او لسبب
ماتاكدو منه .. وهذا زاد من نسبة العواني في السعوديه ..

والزواج قبل كل شي قسمه ونصيب ..
وبالتوفيق لهم ولك وللجميع ..

دمت بخير
اضافة رد مع اقتباس
  #14  
قديم 23/01/2007, 01:40 PM
زعيــم فعــال
تاريخ التسجيل: 21/12/2006
المكان: الريـاض
مشاركات: 265
هامور البورصه
^
^
وش مسياره انت الثاني .. ودي اقول قل خيرا او اصمت بس خايفه من ردة فعلك


ابو ندى

اخوك الاول

خييير اهل البنت ماقالوا له ان البنت فيها مرض نفسي الا عقب العرس ؟ وين الناس مايجوز اصلا

ووش يروحون يقولون للعالم انه فيه وفيه . لعبه عندهم اخوك
ماش احس هـاللي ناسبتوهم ماعندك احد لابالدين ولا بالعقل . مع احترامي يعني
ولا يمكن كله عشان بنتهم يخربون على اخوك !! او اخوك ماسأل عنهم زييين (فيس طايرتن بوهته)

واخوك الثاني

احس لو اني مكانه اذا قعدت مع ابو البنت ولا اي احد من اهله . بقوله كل شي ومن بين هـالاشياء ان دوامه فارض عليه انه يسافر وطبعا الدوام موب مسفره عشان يلعب بيروح يشتغل . ولو يبي يتأكدون هم بيقدرون

الله يوفقك انت واخوانك
اضافة رد مع اقتباس
  #15  
قديم 23/01/2007, 03:16 PM
الصورة الرمزية الخاصة بـ هامور البورصه
عضو سابق في اللجنه الإعلامية
تاريخ التسجيل: 13/08/2005
المكان: الرياض
مشاركات: 7,427
إقتباس
هامور البورصه
^
^
وش مسياره انت الثاني .. ودي اقول قل خيرا او اصمت بس خايفه من ردة فعلك




الحين انا ابي للشباب السعوودي كل خيير وانتي جاايه تقولين قل خير ولا اسكت

الحين انا يالي عمارانا في الوااحد وعشرين وفي الجاامعه وش نسووي ندشر؟

لا نتزوج كيف طيب نتزوج فيه شي اسمه مسياار تروح تتزوج لك مدرسة شفتي

والمدرسه هذي تكون ملياانه ومتزوجه قبل كذا بس تبي زووج اسم انه زوج بس

خخخخخخخخخخخخخخخخخخخخخخخخخخخخخخخخخخخخخخخخخخخخخخخخ

يعيني على الشرح والله المفروض يخلووني مدرس بس لا حياة لمن تناادي

فانا وقفت موقف شهاامه مع ابو ندى وقلت حلك عندي وانا ابو هندي بزوجه مسياار

هو وخواانه يعني بالله ابو ندى شراايك فيني بزوجك مسياار وبيخصموون لنا لانا الحين سته

شووف ابو ندة انا بتزوج ممديره وانت وخواانك مدرسااات والسديري مدرسه بعد وكلي هلالي

بزوجه وكيله عشاان تعصب عليه وعزوز الاصفر بنسكته بالفرااشه خخخخخخخخخخخخخ وتخب عليه بعد


يالله شباب الكميه محدووده الحق قبل لا تروح لغيرك
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:02 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube