√ண ¨`الأخضـــر في مهــب الريــح ¨` ண√ - نادي الهلال السعودي - شبكة الزعيم

هلاليه سنعه · #17 22/01/2007, 03:57 AM

اهلا بمن حضر .. اهلا بمن قرأ .. اهلا بمن رد ..

.. سندريلا الهلال ..

هلا والله وغلا بالغاليه والمتألقه سندريلا ..

إقتباس


	ولما بدوا البنات يصفون طابور رحت مع صف رابع

ههههههههههههههههههه يحبيلتس تفكيرتس اكبر من بنات اوولى
الله يذكر الحريم والمواعين اووول بالخير

إقتباس


	الله يذكر ريكو بالخير وحلاو مصاص من اول وحدة تصير حلاوتها علك

هههههههههههههههه ولا يهون ميروو وبطاطس خواتم ..

إقتباس


	بس يوم خلصت الجامعه ماش في الاخير خربها الملف

الله يصلحه ماكمل معروووفه ..

إقتباس


	العتب علي أنا لأني ماسعيت اني احط هالملف في مكان ثاني بعد الجامعة

ريحي عمرتس ماهنا وظايف ..
مشكوره ياقلبي على مروورتس وردتس اللي زي العسل واحلى من الشهد

يعطيتس الف عافيه سن سن ..

.. صاحبة المجد الهلالي ..

هلا والله وغلا بالطله الحلووه صاحبة المجد

إقتباس


	اســيتس بالخيــر

اسيتس بالنوور والرضا

إقتباس


	يااوك اذا قالوا اشتروه عشان بكرا نبي نوزع التقارير انواااع المـغص وتمطط الخشش من ضيقة الصدر

ههههههههههههههههههه اخاف عشان الدرجات .. بس والله كان له طعم
نحتري هاللحظه نشووف تقاريرنا ومابذلناه من تعب وجهد << ايه هين

إقتباس


	الا صدز يامال الفقر مدارسنا حتى الملف الشفاف ابو نص مهوب معطينا اياه والله ياتعليمنا بايخ

توتس تدرين حتى الطباشير منوول ملعوب علينا نجيبه لا ويتشرطن بنات خيخي
يبن طبي فيهن حساسيه الله يخلف علينا بس ايه شئ يقوولونه نطاير ونجيبه

مافيه ام يصرفن من كنووزهن كنوز غندور ..

إقتباس


	حتى لونه تحسين انتس قاعده بحديقة بقدونس

هههههههههههههههههههههه اما بقدونس رهيبه طيب نعناع اهوون على الاقل ريحه زينه

إقتباس


	تعرفين انا حيويه ما اسطي اروح لحالي

ايه بسم الله عليتس تبارين الساس

إقتباس


	واعطيها الملف وتفتحه وماتلقى فيه شي اثري الله يصلحني طاحت الاوراق مني بالسياره ولا انتبهت المشكله ان الشهاده كانت كنها صحيفه من متنها بس الفهاوه الله يكفينا شرها عاد رجعت واخذتها وانا طايح وجهي من امي ومن المديره

ههههههههههههههههههههه ماش ماهنا حرص على التعليم
صادقه شهادات منووول متيناات يقالي وثيقه رسميه
هالحين ورقه تهفينها وتطير ..ويبدل الله من حال الى حال ..

يحبيلتس انتي على المروور الرووعه والرد اللزيز والزريف

يعطيتس الف عافيه يا صاحبه ..

.. alhawey ..

هلا والله وغلا بأخوي الهاوي

إقتباس


	الاخضر في مهب الريح أنا بس قلت راحوا وطي الصقور ما ادري النسور ما دام فيها ريح وبالشبط بعد

هههههههههههههه بغوو يروحون فيها اليووم بس ربي ستر مع اننا ضيعنا فرص كثير

اما الشبط هذي موصيه عيالها علينا من دخلت وانحن في برد عظيم

إقتباس


	أحب من درجاته الا ذاك الفاتح مرررره ما أدري وش يسمونه الظاهر فستقي يازينه لاصار فرشه بالصاله أو كنب ربع كشخه بالمجلس

عاد الفستقي يضيق الصدر واحس لونه بالجدران يجيب التكه

ارتكوازي ممكن بلبس او شئ ثاني ..

إقتباس


	خبرك عتيق الحين أغلب الجهات الحكوميه ترفض هالملف العلاق وبعضهم يطلب ملف شفاف وبعضهم مثل اللي عندنا يطلب أن تكون المعامله مدبسه فوق ورقه خضراء من النوع المقوى ولا أدري ليش الاصرار على الاخضر والله انه لا جتني معامله تحوم تسبدي

وش يدرني لا قد راجعت ول شئ الا بالتقديم ... الاخضر وراك وراك والزمن طوويل
وووين مايرووح الااخضر انا وياه

اذا جتك المعامله غمض اذا جيت تفتح الملف همين سنعها وصكها

إقتباس


	أتوقع وأكاد أجزم بأن الحكومة الالكترونيه ستبدأ وتطبق فعلياً عندنا بعد 10 سنوات من الآن وليس قبل ولو بيوم واحد

هذا لوونا حنا نحكي ونتكلم والتطبيييق بعد سنوووات وبعد ماتطير الطيور بارزاقها ..
اخووي الهاوي مروورك اسعدني مشكوور على الرد الرووعه والجميل ..
يعطيك العافيه خيوو ..

دمتـم بخيــر ..’’