الجــــو في الريـــاض.. (( شيء خــيال )) - نادي الهلال السعودي - شبكة الزعيم

سندريلا الهلال · #1 19/01/2007, 09:10 AM

بسم الله الرحمن الرحيم ..

بأجواء خيـالية ..و بأمطار متواصلة من الساعة الثانية ليلاً ..وبسحــب متراكمــة تغطـــي سمـــاء نجــــد ..

بهذا الجـــو الرائع .. نختـــم به السنــة الهجــرية ..1427

ماشاء الله تبارك الله الجــو في الريـــاض .. باريس وجنيف .. يبطووون يكوون هالجــو عندهم

غيووووم وأمطاااار وحرارة معتدلة ... بصراحة جــو ان شاء الله ماننحرم منه أبد ..

عقبال جميع مناطق المملكــة مايكون الجــو عندهم ..بهالروعة .

.
وان شاء الله ينبســطون الجميع بهالجــو .. وان شاء الله يستمتعون مع أخذ الحيطة والحذر في تنقلاتهم خصوصاً وقت الأمطار ..

ألف الحــمد لله والشكــر على هالنــعمة ..

السنـــة الحـــالية ختــام مسك بجــو رائع .. ويوم فضــيل ..

السنــة الجديدة .. قدوم يبــشر بخــير بأولويات .. الأيام و والأسبوع والشهر والسنة ..

وكـل سنــة وأجوائنا معتــدلة ..واحنا بصحة وعافية ..

الكلاسيكي · #2 19/01/2007, 09:38 AM

كـــــــــــل عــــــــــــــام وانتم بخـــير ..

وعلى هذا الجو الخيالي .. الصراحه الاختبارات خربت الجو ..
انا اختباري بكره .. ودي اروح واطلع واتمشى في هالجو ..
بس هالاختبارات ماتجي إلا في اقوات الذروه .

الله يوفق بس ..
والله يجعل هذا العام عام خير وبركه ونصره
للاسلام والمسلمين .. وان يجعل هذا العام عام لتكفير ذنوبنا ..

وتقبلي ارق التحايا ..
دمتي بخير ..

صاحبة المجد الهلالي · #3 19/01/2007, 10:25 AM

استغفرالله العظيم الاجواء الزينه ماتجي الا بالاختبارات

بصراحه الجو بديع وتمشيت بحوش بيتنا ومعي زمزميه زنجبيل

وزلقت 13 مره

الحمدلله والشكر لله على هالجو الله يديم النعمه

سندريلا الهلال · #4 19/01/2007, 10:42 AM

الكلاسيكي ..

الله يوفقك ان شاء الله .. وان شاء الله هالأجواء بتستمر الين تخلصون اختباراتكم ..

صاحبة المجد الهلالي ..

اجل زنجبيل ماشاء الله تبارك الله .. ياحليلك اجل تزلقين وتعدين .

.

اخبر الواحد يزلق ويسمي بسم الله

مهب يعد كم زلق

..

انتبهي لعمرك تكفين تراك غـــــــالية

tofo · #5 19/01/2007, 11:02 AM

جيراننا يطرطعون واخواني يفحطون بسياكلهم وخالاتي يدعون وبناتهم يصورون .. الخ

ياارب رحمتك لايجينا شي من الوناسه

احسن شي بالوايرلس انك تشبك النت وانت على عتبه باب الحوش

< مادخلت ابد

كل تو تروح امي للشباك تقول الى الحين تمطر .

واقوله اذكري الله اذكري الله

الله يجعلها سنة خير و امطار خير ويجعل هذا جونا دايم ولاترجع لنا الشمس اللي تقلينا و تسلقنا وتحمص البعض وليس الكل

سندريلا الهلال · #6 19/01/2007, 11:17 AM

ماشاء الله تبارك الله ..

اجل مدهرين العائلة الكريمة كلها

اجل انتي مادخلتي ابد .

. انا ماصحاني من النوم الا المطــر

.. وافطرت مع امي

.. تقول امي من حسنات المطر انك افطرتي معي

ماتعترف بالفطور ابد

آمييين الله يسمع منك ..ويتقبل دعاءنا جميعاً ..

Dr.Sara · #7 19/01/2007, 01:42 PM

الحمدلله ..

على قولتك ختامها مسك يا رب ,,

وهذي بشارة بسنة ان شاء الله حلوة على الجميع ..

وكـــل عـــام والكـــل بخــــيـــر ..

برايفت الكلاسيكي ,,

الله يوفقك بإمتحاناتك .. حتى بكره عندي امتحان

سندريلا .. دائما في السبق الصحفي

ماشاء الله عليك ..

اول ما قريت الموضوع قلت شكل سندريلا بتقلد حقين الجو ...

اللي كتبتي عنهم ذيك المرة

<<< مافيها تجمع اسماء ..

بس الموضوع جاء بوقته , ,

* * *

أميرة الاحساس

العوباني · #8 19/01/2007, 01:48 PM

الله يديم الخير وبارك الله فيك

سندريلا الهلال · #9 19/01/2007, 01:49 PM

أميرة الأحساس هلا وغلا ..

شوفي انا استغنيت عن النوم في سبيل اني استمتع بالمطــر .. المطر عندي شيء اخااف من شد ما احب المطر اني الاحق السحاب

خلاص انا بصير خبيرة الأجواء في المنتدى عشان اعلمكم تشكتون ولا بس تتمشون ..

موفقة يالغالية بامتحاناتك.. والجميع ان شاء الله ربي يوفقهم ..

العوباني

آميين يارب والله يبارك في الجميع

البرنس الهلالي الأزرق · #10 19/01/2007, 01:53 PM

لا لا الجو عااادي جدا.. إشاعة مافيه أمطار ولا شي..

<<<منقهر عنده إختبارات

سندريلا الهلال · #11 19/01/2007, 02:01 PM

الان صدق اشاعه

لأن المطر توقف من بعد صلاة الجمعةوهو متوقف

يعني ذاكر وانت مرتاح ...

الله يعطيك العافية ..

هلاليه سدير · #12 19/01/2007, 02:08 PM

اليوم انا متشققه من زييين الجوووو

ياربيه انوااع القهر ان الجو كذا وانا اتدحوس بهالأورااق وماغير مذاكر

ابي اطلع ابي ارووووووح ادبب بالبر >> يعني اركب دباب خخخخخخخ ماسكه غلط

الدونيا ربيع

والجو بدييع

قفل لي على كول الموااضيع

يالله ان تزيد هالأمطااار

وتخلي الدنيا ربيع في ربيع

عشان اذا جت اجازه نص السنه وهي بعد 3 اسابيع نروح للبر

سنكيو على الموزوع