مزرووف :p ..

يمنع الحش واللعب بمشاعري الرقيقه جدا

في امان الرب << احس اني نصراني :p

الله يعطيك العافية على هالموضوع............

صراحه عندنا نعمة زايدة يبي لها شكر..........

يعني انت قلتها اللي يروح الفيصلية والمملكة بيدفع

ماسئل هي اصلية والا لا..!!! للأسف المظاهر تغري كثير منا...

قال تعالى : (( ثم لتسئلن يومئذٍ عن النعيم )) ...

والله ترانا في نعمة يجب ان نشكر الله عليها فبالشكر تدوم النعم..

احببت ان اشارك اخي صاحب الموضوع بهذا الموجز...........

دمتم في رعاية الله وحفظه.....

مرحبا الســــــــــــــاع
مشكوووور اخوية على الموضوووووع
حتى احنا عندنا هالسوالف في الامارات
نفس الشنطة اتكون في المراكز غاليه وفي المحلات رخيصة سعرها زين وكله تقليد اصلا
اللي هني واللي هناك

الدنيـــــــــــــــــــــــــــــــــــــــا مظاهـــــــــــــــــــــــــــــــر

مشكور اخوية على القصص

@@ دلع الإمارات @@

الفشخرة الزايدة وانا اخووووك

اللي عنده مصاري زايدة بشوف العالم اللي مو حصله تاكل ولا اقرب جمعية خيرية

صح انه بنعمة ربك فحدث .. بس ان المبذرين كانوا اخوان الشياطين

في اشياء عدت المعقووول الى اللامعقول

وهم بعد التجار يبلهم قرصة اذن

من غشنا فليس منا

هذا غش وتدليس صريح ..من وين تجيك بركة في فلوسك

وعن ماله مما اكتسبه (يالتاجر) وفيما انفقه (يالمشتري المبذر)


محبكم
ابو راس ;)

السلام عليكم


هلا هلالي راقي صدقت والله
لكن لنفقف لحضه
اذا جيت بتشتري ماركه معينه بالقيمه الفلانيه
ما تشتري من اي محل بل انك تشتري من نفس الوكيل
اما اذا شريت من محل اي كلام او الاكشاك فهذهه مشكله .........

إقتباس محبكم ابو راس

تعرفونه يا شباب ولكم باك


تشـــــــــاو

أول شيء دلاخة في البعض وثانيا لايوجد حماية للمستهلك

هـ ـلا ومرحبـ ـ ـا ..

انـ ـ ـا ما اختلف معك أن فيه بنات يحبون التكشخ والماركات العالميه لو انـ ـها تقليد
بس خلهم يتفشخرون ويستانسون فيها .

وبعدين البنات اذا الوحده فيهم , كـانت معزومه
و تكشخت قدام صديقاتها وتقولهم هذي شنطتي شانيل أو ديور
تعتبر قمممممممممممممممممممممممممه المتعه والونساااااااسه

يعني تخيل بنت شاريه شنطه فخمه فيه منها في البطحا , وفيه نفسها في الفيصليه
وراحت قدام البنات وكل وحده تسدح شنتها وتقول هذي من باريس والثانيه تقول هذي من لندن والثالثه تقول من جنيف :p ,, تبي البنت تقول وهذي من البطحا

انـ ــ ـا ما اختلف معك انهم يلعبون علينا , ويطقون الأسعار لكن الشكو لله
وبعدين شي ثـ ـ ـ ـ ـ ـ ـاني ...

إقتباس كذلك بالنسبة للأكس تشينج ( إرجاع البضائع ) فمثلا ماركس وسبنسر في البحرين يسمح بترجيع البضاعة وقبض النقود خلال ثلاثة أشهر وأيضاً في لندن وفي أغلب الدول .. أما هنا فالوكيل المعتمد كالحكير لايسمح إلا بأسبوع واحد فقط من شراء البضائع الثلاثة الأيام الأولى إرجاع والأربعة الأخيرة استبدال فلماذا هذا الإستغفال لنا كمواطنين ومستهلكين ..

مـ ـ ـاركس بنسر حق الريـ ـ ـاض مهلته 90 يوم أي 3 شهور
وانـ ـا متأكد من هذا الكلام ...

سلاميشو ...

والله النعمه اذا زادة مايندر وش تنصرف فيه

من الفخفخة الزايدة
والله اروح اشتري من الاندلس ابرك لي

هههههههههههههههههههههههههههه الله يرجك

موب بس البنات اللي ملعوب عليهن حتى احناء الرجال يلعب علينا .

تروح لمكانيكي السيارات وتقول له عن خراب سيارة يقول يصلحها لك مثلا 200 ريال وهي القيمة الحقيقة 70 ريال .

تركيب الفحمات يقولون لك ب50 ريال يركبها لك وأنا اركبها لك باربع دقائق مجاني شغلتها بسيطة جدا ولو تعرف الهندي قال لك بلاش .

وخذ يانصب المكانيكا .

أجهزة الحاسب الآلي اسعارها من 1200 ريال الى 1600 ريال وسعرها الحقيقي 450 ريال وروح للصين وتعرف قيمتها .

أزيدك من الشعر بيت .

تفصيل الثوب عند الخياطين تحصل الثووب 150 ريال اقل شي ويقول لك القماش يباني وهو صيني او اندنوسي ونفس القماش تاخذه وتفصل بالبطحاء بـ 75 ريال .


العطر تشتري عطر من المحلات العادية يقول لك سعر العطر 150 ريال وهذ مثال عطر كوكو شنيل الرجالي قيمته 450 ريال الأصلي .

وروح سوق المعيقلية وخذ العطر الأصلي بسعر 80 ريال هههههه

سيفون السيارة تلقاه عند البنشر لا ويقول لك الأصلي 25 ريال
وتروح للوكالة وتاخذ الأصلي بعد 13 ريال سيارات تويوتا .

ياخي واجد الغش لاتتعب نفسك .

أخوي عنده محل بيتزا ويبيع البيتزا الكبيرة بعشرة ريالات فقط . واذا سألته كم تكلفة البيتزا الحقيقة يقول ريالين .

وروح ليتك سيزرز والا دومينوز بيتزا والا بيتزا هت تلقاها 65 ريال .

قيمة السيارة GMC المعروف عند الجميح من 110 الاف ريال الى 120 الف ريال وهي توصل له من الخارج الى الداخل الى المكان اللي يبيه 75 الف ريال .

وواجد الغش

هلا بالغالي ..

اسمح لي اخالفك في تسميتك لاسعار" بعض" البضائع بالغش ..

عزيزي ..
نعم اتفق معك تماما بانه من الممكن ان تجد شنطة يد أو هاند باق من ماركة "فيرزاتشي" او "باربري"بسعر 20 او 30 الف
و تجد شبيهتها تماما في "الشكل" في محلات اخرى بـ 300 او 600 ريال و تكون الشنطتين بالنسبة لك "طبق الاصل"
لكن لغيرك تختلف تماما .. فهذه من جلد الثعبان او الزرافه او التايقر الطبيعي و تلك من الجلود الصناعية ..
اضف الى ذلك ان شعار الماركه أحيانا يكون من ذهب و تكون الصناعة تحت جودة راقية .

خذ مثلا جزم "السبور" -وانت بكرامه- جرب و اشترها من الماركات التقليديه و الماركات الاصلية و تشاهد الفرق ..
الاصلية بغض النظر عن سعرها لكن تريح القدم في اللبس تصل الى 22 ساعة و "تدعيلي" لو جربتها في المشي و "التمشي" .


لكن المشكلة تكمن في بعض المحلات الي ترفع الاسعار لـبضائع ردئية الصنع ..
اكتفي بـ"زارا " أغلب بضاعته "made in china" و مع ذلك تجده يبالغ قليلا في أسعاره قياسا بجودتها .


على كل يحكم السعر "جودة" المُشترى ..
و كلامي لا ينفي وجود "الغش" و "الغلاء" في الاسعار .


لك تحيتي
قوي الباس

اخوي الي يشتري شنطة بـمبلغ كـ 9000 هذا غبي قليله فيه
ويستاهل بأنه ينضحك عليه
كنا نعرف ان الشنطة وغيرها كانت حاجه لكن الان صارت موضه هذي الشنطة بـ6000 وهذي بـ 9000 ريال
بس اقول الحمد لله على نعمة العقل
اما عن الغش التجاري فهو متفشي بكل مكان للأسف حتى اصبح الان بالصيداليات غش تجاري ايضاً وهي المفروض تكون ابعد مكان عن الغش التجاري

هلا فيك أخوي هلالي راقي منور المجلس بوجودك;) ;)


احنا يالبنات نفرق بين الأصلي والتقليد بالنسبه للشنط بسهوووله يعني شنط البطحاء على قولتك يبيين انها تقلييد من أول نظره حتى لو كانت هي والأصليه مصنوعات بنفس البلد بس الخامات تفررق

إقتباس تصل الشنط النسائية في المملكة والفيصلية كماركة فندي وغيرها لــ 97 ألف ريال وأكثر ...

والله انه مهبوله اللي تشريه
سلامات 97 ألف وين عايشين
والله لو انه مصنوعة من جلد وشو معصي

إقتباس نعم اتفق معك تماما بانه من الممكن ان تجد شنطة يد أو هاند باق من ماركة "فيرزاتشي" او "باربري"بسعر 20 او 30 الف و تجد شبيهتها تماما في "الشكل" في محلات اخرى بـ 300 او 600 ريال و تكون الشنطتين بالنسبة لك "طبق الاصل" لكن لغيرك تختلف تماما .. فهذه من جلد الثعبان او الزرافه او التايقر الطبيعي و تلك من الجلود الصناعية .. اضف الى ذلك ان شعار الماركه أحيانا يكون من ذهب و تكون الصناعة تحت جودة راقية .

يارجال وين جلد ثعبان والا جلد زرافة
ماتفرق
اهم شي انه شنطه وبس
هذا المهم