السلام عليكم ورحمة الله وبركاته



صباحكم عسل يازعماء ... لليوم الثالث على التوالي وانا معكم بتقارير عن لاعبي الهلال بالمنتخب واخبار متنوعة عن بقية زملائهم بالمنتخب السعودي لكرة القدم


باكيتا ماقصر مع المنتخب اليوم ... شد حيله بقوة وكارف اللاعبين ,, وملامح الهلالين وغيرهم اتضحت بالجدية اكثر من قبل وأول نزول من غرفهم كان كل لاعب بلحاله (مالهم نفس) باكيتا يبدو صارم جدا جدا في هذا المعسكر على عكس فهد المصيبيح الذي نراه بين الحين والاخر مزوح على غير عادته !

الوضع حامي قبل المباراة الوديه واللي صعب من لقاء اللاعبين من اجل الاهتمام والانشغال بالمباراة

عمر الغامدي اول من رأيت والشلهوب اخر النازلين.... ولكن للاسف الشديد لم يكن هنالك وقت للحديث .. فمن الفندق للتدريب ... وبعد التدريب مباشرة للفندق .. والى الغرف مباشرة

ولكن لعيون شبكة الزعيم بالفتره المسائية قدرنا نعرف علومهم والشكر طبعا للكابتن ( محمد الشلهوب )

محمد الشلهوب .. علومه طيبه ولله الحمد ...وكل يوم يزيد حماسه اكثر وكل يوم يقطعلي وعد جديد عن مباراة قطر بانها سوف تكون الابرز له ... طبعا هو مايصرح ولكن مايقدر يتهرب من اسألتي (ناشبله صح بموضوع قطر )
الله يعينك يا ابن همام ...


وبعد هذا تكلمنا عن موضوع جائزة (اصغر لاعب اسيوي ) ........ وبعده مواضيع اخرى ابرزها

ان باكيتا وجد بعض الحلول للدفاع السعودي وان المنتخب سوف يكون بخير ان شاء الله ... والدفاع تقريبا تطور مستواه كثيرا

ياسر القحطاني : اكتفينا بالسلام عليه ... ماشاء الله عليه دايم مشغول ويكلم بالجوال او يتصور .. لكن اليوم ماله حس مثل البارح والي قبله ويمكن هذي بداية التركيز الجاد

عمر الغامدي : اكثر لاعب يجلس بالغرفه .. وكما نقلت لكم البارح ان باكيتا ركز على عمر الغامدي كثيرا .. ومن الواضح بالتكتيك ان الغامدي سوف يكون احد اهم العناصر التكتيكية للمدرب باكيتا سواء بالاحتياط او الاساسي وعلى كلام الغامدي انه مستعد جدا (لكن اتمنى يهدي اعصابه شوي لانه مبين انها مشدودة شوي )

خالد عزيز : (اللي يشوفه من بعيد يقول هذا اشهر لاعب بالسعودية ) ابو عزيز متغيرر شوي هاليومين من كثر سؤال الناس عنه واتصالات الناس له ومطارده الاعلام له ... تغير على كيفك يبو وانبسط على راحتك واكشخ على كيفك بس اهم شي لاتغير لعبك واسلوبك بالملعب ......


طبعا الاخبار الاخرى : ..

لاعبين الاهلي سوف يلتحقون اليوم او الاغد ..

محمد امين : هو ايضا من اكثر اللاعبين الذين تم التركيز عليهم من قبل المدرب تكتيكيا .. واخذتلي فرصه وتناقت معه حول مستواه وعن مكانه كبديل بالاتحاد اكتفى بالرد ( الله يعين) لكن للاسف لم يتم مناقشة الهلال رسميا او طلبه من نادي الهلال السعودي لكن الحق ينقال انهغير سعيد بناديه مطلقا

حمد المنتشري : يوعد بان مستواه سوف يكون افضل في هذه البطوله

رضا تكر : ماشاء الله كل يوم وانا اقوله صدره رحب ويرحب بكل المواضيع مع كل المشجعين وانسان فاهم وطيب ماشاء الله عليه ...

يوسف السالم : يحاول جاهدا ان يلفت الانظار ولكن بكل صراحة مهاراته عاليه جدا هو وعبدالرحمن القحطاني مسوين ثنائي بالفندق والتدريبات ... م اشوفهم الا مع بعض على اساس ( ثنائي جديد)

واما عن بقية اللاعبين فلم يحدث شي مهم او لم التقيهم وذلك لصعوبه الوضع الان والتشديد من ادارة المنتخب والكثير من الجماهير هنا تعلم بصعوبه ذلك ولكن لموقع الزعيم كل شي يهون باذن الله واعذرونا على التقصير

والجماهير الي ترسل على الخاص برد عليهم واذا احد يقصد لاعب معين بسؤال او شي يرسلي على الخاص وبحاول باذن الله تعالى

طبعا والمفاجأة السارة هي .. ( عزيز والغامدي والشلهوب وياسر ...و3 لاعبين تحبونهم من المنتخب) بيقرون الموضوع والتقرير وبنتظار تعليقاتكم

وذكرت الشلهوب اكثر من مره شبكة الزعيم مو شبكه الهلال (الله يهديهم شهوور ماعطوني العضويه )

وباذن الله الزعماء عل موعد من مواضيعكم ومشاركاتكم قبل السفر )

:p وفي لاعب عاتبني كثيرا اني لم اضع صورته مع اني تصورت معه كثيرا اوني بس حطيت صوره خالد عزيز

لاتنسوا الله الله بكلمات تشجيعيه للنجوم بعد وعدهم بقراءة الموضوع



طبعا للتذكير .. موضوع عزيز خالصين منه وياليت ماتكثرون ن مواضيع عنه ولالتفات للاهم من ذلك لانها قضيه منتهيه باذن الله في مصلحة الزعيم ,,,


بالتوفيق لمنتخبنا في المباراة الوديه ..... ولنا موعد معكم في التقرير لليوم الرابع

اي سؤال استفسار حنا جاهزين واطيب تحياتي لكم


هلالي تشيـــــــــــلساوي

يعطيك العاااااااااااااااااااااافيه ؟؟
ويكفي انك هلالي وتشيلسااااااااااااااااااااااااوي

يسلام عليك

ياخي كل يوم انشبلهم

وخلهم يقطعونلك وعد زي الشلهووب

وقلهم اني اسلم عليكم<<<<<<<<<<<< مسوي خويك

بس احسن شي المفاجأه

يعطيك العافيه

(حمد المنتشري : يوعد بان مستواه سوف يكون افضل في هذه البطوله )
باين عليه ما شاء الله

مشكوور على النقل...

يعطيك الف عافيه على التغطيه المميزه

مشكور

لآهنت يا بعدي

ما قصرت يالغالي هلالي تشلساوي .. وراهم وراهم .

نجومنا نتمنى لهم التوفيق بالمنتخب و باذن الله كاس الخليج جايبينه

اهم شي ياسر نبي ابداع مثل ما عودنا .. نبيه يمرمط دفاع البحرين

المرزوقي و الثاني ذاك .. قله لا يقصر معهم

و خالد عزيز .. و الله مثله محور ما شفنا .. قاتوسو العرب عزيز

و الشلهوب .. نبي فاول .. لازم فاول على قطر . . عشان بن همام

ما يضيع معاييره مرة ثانية

ولا ننسى عمر الغامدي الجندي المجهول .. الظاهر ان باكيتا يبي يكرفه

بس تحمل و اصبر لأجل الوطن

و الله يوفق منتخبنا .. و باذن الله انتم قــدها ..
..

مشكور هلالي تشلساوي

و لا تنسى تقول لعبد الرحمن القحطاني [ ما لك غير الهلال ]

الله يعطيك العافيه وبالتوفيق للصقور الاخضر

الله يوفقهم

الله يعطيك العافيه اخوي اول شيء

ثانيا لاعبي الهلال وبقية افراد المنتخب عند الموعد ان شاء الله

وثقتنا فيهم كبيرة ولا حدود لها وتنتهي المشاكل والفروقات والنديه

عندما يدخل اللاعبون تحت مضلة منتخب سعودي ... وهم كذلك ان شاء الله

اتمنى للجميع التوفيق وان يحققوا بطولة الخليج وقدها هم وقدود بإذن الله تعالى