هههههههههههههههههههههههه

الله يرجك ياسور الصين

بطولة المصارعه الرومانيه

بس ترى للتاريخ علشان مانظلم أحد

فريق الخضار حقق أيام الحكم معتصم باشا بطولة الرقص في الماء والرجلين حافيه ثلاث مرات

يا خي انت ظلمت نادي مرخ اي والله عندهم 120 بطولة في مصارعة الثيران حرام علييييك
الله يسلمك يا مستر : سور الصين .
مع تحياتي و حبي : monster .

واخيرا اعتمدوا نظام التصويت بس على الله يهتمون

الأخ الغالي الغريب ( الرهيب )
ترى الرهيب مهوب جوال نوكيا
واسمح لي يا لغالي ابي أرد عليك بالعامي علشان بعض الناس مايفهمون وش نقول ويكشفون أسرارنا !!!
شف عاد ياطويل العمر
العملية مافيها تعصب ولا خيانة أمانه ولا يحزنون !!
لكن هذي مشكلتكم الأزلية ( يالمرخاويين ) يوكل حقكم وساكتين !!
والمثل يقول يالغالي من سبق لبق ؟؟
أحد قال لكم ماتصيرون قويين زينا وتخلون الأمين العام يوثق بطولاتكم !!
خلو مثاليتكم تنفعكم !!
وبعدين خير ياطير والا دعمتوا المنتخب بعشرة لاعبين وش يعنينا !!
المهم يا لغالي شغل المكاتب والشغل اللي من تحت الطاولات !!!
وعلشان تموت قهر ترانا حاصلين على أكثر من خمسين بطولة بالاحتجاج ولا يضيع لنا شي !!
والا الحكام ابن ابوه مايحسب لنا في كل مباراة بلنتي والله ان نوريك شغله حتى لو يصل الأمر الى شطب الحكم وحل اللجنه الفرعية لحكام القصيم !!
ماحناب مثلكم اللي الحكام لاعبين فيكم وساكتين!!!
واحتجاجاتكم وبرغم أحقيتكم تقبل شكلا وترفض موضوعا !!
ولاعبينكم يوقفون بالأشهر والسنوات ولا كن شيء حصل !!!
والا من زين لاعبينكم الأجانب اللي كل ينصب عليكم !!
والسبب بكل مشاكلكم ادارتكم االلي لاتهش ولا تنش ودايم ساكته كنها ( دجاجة راجن ) وحاطة حرتها بلاعبينكم المساكين اللي لو يصرح واحد منهم للجرايد كان نسقوه من بكرا !!!
هاه يالغالي عرفت الفرق بيننا واقتنعت اننا ان حصلنا على هذا اللقب فحنا نستاهله !!!!
وبعدين تراك ضحكتني بالهلال !!!!
يأخذ اللقب ؟؟؟
اللي أنا أعرف انهم مايبونه والا لو يبونه كان أخذوه من زمان !!
لكن الحمد لله انهم تنازلوا عنه لغيرهم وهذا يدل على طيبتهم وكرمهم !!!

مع تحياتي يالغالي

الأخ الغالي نايف الهلال
أحترم وأقدر وجهة نظرك ..
وبعدين وسع بالك وأنا أخوك فالموضوع لا يستحق كل هذا الزعل !!
ولمعلوماتك فأنا لم أذكر أسم أحد الأندية إلى من باب أنني أمون عليهم كثير ؟؟
وبودي لو أنك فهمت المغزى من طرح هذا الموضوع !!!
قبل أن تحكم عليه أنه طرح لمجرد السخرية !!
قد يكون الموضوع في ظاهره ساخرا ولكنه يرمي للوصول إلى نقاط هادفة !!
أرجو منك أن ترجع إلى الموضوع مرة أخرى علك تقتنع بما قلته ..
مع تحياتي

الأخ الغالي ALRZEEN
ومن قال يالغالي
وبعدين هذا اللي ناقص ماباقي الا ارطاويكم ينافسنا !!
مرخ ممكن لكن الرمة بدري عليكم !!
تحياتي يا لغالي

مديرنا الغالي سلمان التسعات
هلا بالغالي
أذا كان ذكر الحقائق تعصب فأهلا به !!
ويكفي أن يكون شعار الرمة أزرق فاتح مع أزرق غامق لأتعصب له !!
وبعدين الوادي الأخضر وين هو فيه؟؟؟
أنا خبري انه في سهل البقاع !!
وبعدين ليش مستغرب من بطولاتنا بالتجديف ؟؟
ماتدري أن ديرتنا تقع على نهر الرمة !!
مع تحياتي يا لغالي

الأخ الغالي النمر 15
لا مانسيت لكن البطولة الزايده ما أمدى نسجلها تعرف مالها يومين أخذينها !!
تحياتي

الأخ الغالي البارق 2000
هلا وغلا
وأشكر لك روحك الرياضية البعيدة عن التعصب !!
والله يابعض الناس مقهورين من هاللقب ؟؟
وخصوصا المرخاوية!!
وترانا بعد ناسين البطولات الثقافية والاجتماعية ماسجلناها !!!
أه لو يجي أخونا الغريب للبدايع ويشوف هاللوحات اللي حنا رازينها بهالشوارع وكلها مع تحيات نادي الرمة !!
والا مجسمات الكوره اللي بالتقاطعات !!
كان فعلا يقتنع ان ما فيه مجال للمنافسة !!
تحياتي يالغالي

الأخ الغالي asas
هذا طموحكم يا أهل ( الحبحر ) !!
جيدين على بعض !!
لا ومن زود الطموح صرتو فرع للنصر بخخخخخخخخخخخ
حتى الخلود مع الخيل ياشقرا شافوا الحزم صار فرع للنصر قامو قدموا درع للرمز علشان يقولون حنا ننافس الحزم !!
ترى المثل وأنا أخوك يقول ( من تعلق بأذناب البقر تجره للجفر ) !!
الله يخلف عليكم ( حدل وعظيم سرى وحبشه ) هذا حدكم !!!
مع تحياتي يالغالي

الأخ الغالي 9smsm9
حتى أنت مثلهم تشكك !!
الله يسامحك !!
مع تحياتي يالغالي

للردود بقية بمشيئة الله ..
وشعارنا لا للزعل !!

هلا والله بالغالي سور الصين ..

ما شاء الله عليك .. وش هالاخبار ( السنعة ) .. ونتمنى تحقيق اول خبر .. ;)

على العموم نادي القرن الآسيوي .. لا يستحقه سوى الهلال وبالارقام ..!!!

شكر كبير على هالموضوع الرائع ..

وعالبركة التوقيع الجديد

ولك خالص تحياتي وتقديري ..

الأخ الغالي الغريب
والله شكلك مافيك فايدة ولا رايح تقتنع ببطولاتنا !!
وبعدين أقول لك موثقة البطولات وعليها ختم الأمين العام وتقول مزورة ؟؟!!
يعني الأمر انتهى والتهديد ماينفع !!
وبعدين أشوفكم بديتوا تعرفون الطبخة وتهددون بتجميد بعض الأنشطة والله مهيب عاداتكم !!
والصراحة تراكم محسودين على هالشواطي الرملية الواقعة على امتداد بحيرة الكسر !!
على العموم لازلنا ننتظر منكم تلبية دعوة الزيارة لترى الدروع والكؤوس التي تزين دواليبنا !!
مع تحياتي يارهيب

الأخ الغالي أزرق الأرض
ويخليك ربي يالغالي

الأخ الغالي النمر الكاسر
الرجاء مطالعة ردي على الأخ نايف الهلال

الأخ الغالي abu_riman
مشكور يالغالي على ثقتك بمراسلينا ..
ومثلك عارف أخبارنا دائما طازجة ( ومن قلب الحدث ) ومراسلينا ( لطيفين جدا ) وعندهم ( ضمير ) !!
مع تحياتي يا لغالي

الأخ الغالي yas2002
الف شكر على تشجيعكم لنا
ولا تخوض بالغويط يالغالي وتوهقنا تراي ما أدري عن شيء أنا مجرد نقلت التقرير !!؟؟
مع تحياتي

الأخ الغالي أبو رشا
ألف شكر يالغالي
والاتحاد ممكن يسويها وخصوصا أن أصحاب الحق نائمين كنومة أهل الكهف !!!؟؟؟
ويخليك ربي حبيب ألبي
<------ ألك
تحياتي يالغالي

الأخ العزيز والغالي أبو ذكرى
هلا وغلا
وماشاء الله عليك حقاني !!
لكن البطولات التي ذكرت لم تعتمد لنادي الخضار نظرا لأن الراقصة كانت ( فارسية ) !!!
تحياتي يا لغالي

الأخ الغاليmonster
هههههههههههههههههههههه
الله يقلع ابليسك ..
120 بطولة مصارعة ثيران للمرخاوية !!
أخسو ياشيكاقو بولز
ياشيخ لا تورطنا مع الغريب وجماعته أجل مصارعة ثيران
ههههههههههههههههه
تحياتي يالغالي

الأخ الغالي سامي عبدالله
من تقصد بالضبط ؟؟؟
اذا ادارة الهلال ترى مافيه أمل ؟؟!!
وأذا الاتحاد الأسيوي فياليت !!
مع تحياتي يالغالي

مشرفنا الغاااااااالي جدااااااا أبوناصر
هلا وغلا ومرحبا بالغالي
وياليت يتحقق هذا الطلب !!
وأما بالنسبة للهلال وإستحقاقه لهذا اللقب وبصفة الهلال توأمنا فنتمنى له هذا اللقب !!
لكن ثق يا أخي أن هذا اللقب لن يأتي بسهولة !!
ويحتاج الى تحرك وعلى كافة الأصعدة والمستويات !!
أما أن تخلد الى النوم وتنتظره هكذا دون سعي فلن يأتيك إطلاقا !!
ويبارك فيك يالغالي
وترى هالتوقيع نتاج شهر كامل من الدراسة تخللها بعض الدورات كله علشان نصير مثل الشباب !!
مع تحياتي يا لغالي

من جد تعصب أعمى
هههههههههههههههههه
من جد مهزلة بالتصويت والا الرمة عندة كل هالأنجازات وجاحدينها عن الناس والله ظلم:p
تسلم حبيبي على هالكفشات الحلوة

هلا وغلا اخوي
سلامك كله سليم واوكي ;)
اخبارك كلها فريش وصحيحه ياتيسير علوني المنتدى
الله يجعل كل عله بعدوك
اورفوار

تسلم يمينك على هالموضوع الحلو
والله اني صدقت بداية الموضوع يوم تكلمت عن الاهلي ههههههههههههههه:p

الأخ الغالي الراحل ...الى الابداع
ويسلم من قال ..
وبعدين لايهمونك ظهرت الحقائق في الوقت المناسب
تحياتي

صديقي الغاااااااااالي أبو الحواويس
هلا وغلا ومرحبا
ياشيخ وينك مشتاقين لعلومك الحلوة وحواسياتك الرائعة ..
معقول توك تسجل بالزعيم !!
وبعدين حلوه تيسير علواني
تسلم لي يالغالي وعجل علينا بالحواسيات ( الخواطيات )
تحياتي يا لغالي

الأخ الغالي هلالي الرياض
تسلم يالغالي
والله الخوف إن هالاخبار تصبح صحيحة
مع تحياتي

اللـــــه أكبر .. يا سور !!
عرفتـــــــــــن ؟؟ معك الجدار .

أغيب يومين عن المنتدى , وتدب الفوضى بهذا الشكل ؟؟ بعد أن اقتنصت الفرصة لتمرير مخططاتك للوصول لنادي القرن .
الـــــــــرمـــة ومــــرخ والخــــــلود والارطاوي والتقدم واليرموك ووج ... كلها أندية عريقة تستحق اللقب ويحق لها منافسة الأهلي وهو المنافس الأكبر لها .... ولكن عملية الاختيار والترشيح لا تتم بهذه الطريقة البدائية أو أعداكم الأهلي !!!!
أنا أقترح نعمل نفس عمل (( الإدارة الهلالية )) في الاستفتاء المبني على الحرية والديموقراطية والرأي الآخر
لذا سنرشح فريق القرن بالمملكة , ثم ترفع أوراقه للاتحاد الآسيوي !!
المهم يكون نادي القرن الآسيوي ( سعودي ) .

ثم إن خلط الحقائق لا تبرعون فيه أيها الرماويون .. فأصحابه معروفون .. وهم الذين ( يتسدحون ) عند أبواب المكاتب .. ويرددون(( أهم شي يختمونها !!!))

للتاريخ فقط ::

سيطر فريق ( خـــزاز )على مسابقات الدراجات النارية سعة 500 سي سي
لمدة 26 عاما , والتي تقام مع مواسم الحج لأن الطريق فاضي !!

سيطر فريق ( الهمجــة ) على مسابقات رماية الأطباق الطائرة منذ عام 1903 م وحتى انهيار الاتحاد السوفييتي عام1990م

سيطر فريق ( التقدم ) من المذنب على رالي عنيزة والذي كان يقام في نفود الجراحية في دورة الألعاب الشتوية وحقق بطولتها 113 مرة .

سيطر فريق ( عفيف ) على بطولة " نفــي " للزوارق السريعة .. والتي عادة ما تقام ابتهاجا بسيلان ( شعيب نفي ) .

تقاسم ( الموج والجواء ) من الخبراء ورياضها , بطولة الكرة الشاطئية بصبخـــــة الوادي .

والكثير من البطولات المسجلة في كشوفات الاتحاد السعودي , والتي كانت توثق قبل بزوغ الفجر , والغمص مالي العيون ;) ;)

هلا بالجدار وهل يخفى الطين;)
الحمد لله على السلامة ..
وش أخبار اللي جيت منهم بالعارض ..
وبعدين ما خبري بك الا حقاني !!
وليش متكاثر هاللقب على نادينا الرماوي ؟؟
على العموم إذا نبي ننهج منهج الادارة الهلالية القائم على الديموقراطية والحرية والرأي الأخر فما فيه مشكلة لأن كل هالامور ستصب في صالحنا في النهاية !!!!
وترى اللي يتسدحون بالمكاتب ويصرحون ويرهبون هم اللي يأخذون حقهم وزيادة هاليومين والثانين خل خراستهم تنفعهم !!
وللتاريخ ففريقي الدليمية وبدائع الضبطان تفوق من ذكرت في العراقة والبطولات !؟
تحياتي ياتاريخ

انا اقصد ادارة النادي ليش مايعتمدون التصويت@@@@@؟؟؟؟

اقول ياخوى انت وياه جالسين تطبلون لفريقكم واحد يقول الرمه واحد يقول مرخ ياخوى اذا هى بالبطولات عندك نادى التقدم من كثر بطولاته صارو يسمونه التاخر
ياخوى مافيه بطولة حوارى الا وكوشنا عليه ان جيت للدراجات ولانا نسابق الريح وان جيت للملاكمه ولا مافقع وجيه هالخلق الا حنا ونجيت للسباحه اسال عنا قلبان المزارع ياخوى وشوله مدير النادى من كثر الكاسات الى عندنا صار يقهوى فيها ضيوفه علشان كذا راح نكون منافسين للنادى الاهلى على لقب نادى القرن خخخخخخخخخخخخخخخخخخخ وبعدين تعالو تقولون الهلال جاب بطولات صحيح ان بطولات الهلال واجد وعلى مستوى ومعترف فيها واكثرها بطولات كرة قدم وكل لاعبينه نجوم ولكن اقول لكم كلمه وهى اننا بعد كل مباراة نلعبها سنقدم احتجاج وناخذ نتيجة كل مباراة وانا اقولها لكم المباراة القادمه سوف نكسبها بالاحتجاج لان الهندى الى بالملعب لابس بدله حمراء وفريقنا عند بعض لاعبيه عما بالالوان علشان كذا قامو يباصون له الكره واحتجاجنا مقبول
والسلام