#1  
قديم 04/01/2007, 04:09 AM
موقوف
تاريخ التسجيل: 03/10/2006
المكان: في المقلط
مشاركات: 73
Unhappy نتقبل تعازيكم في وفاة ؟!؟

بسم الله الرحمن الرحيم
الحمد لله رب العالمين والصلاة والسلام على أشرف الأنبياء والمرسلين نبينا محمد وعلى آله وصحبه وسلم ............ وبعد

اولا ابي اترك موضوع اللغة العربيه الفصحى على جنب ( ما يعرف )

ثانيا : اتقبل التعازي في وفاة الزعيم ( زعيم الدور الاول ,زعيم المتعه زعيم التايب والشلهوب وياسر ونواف )
اين هذه المتعه اللتي اختفت مع بداية الدور الثاني ؟؟؟
سؤال حيرني واحس الفار بدأ يلعب بجيبي ؟؟!!
هل صحيح الهلال استفاد من التحكيم في الدور الاول ؟؟؟
هل صحيح الهلال كان في مرحلة ( مراهقة لاعبين بعد راحة كأس العالم)؟؟؟!!!
ماذا كان يفعل الهلال في الدور الاول وماذا فعل الآن ؟؟؟
ارهاااااق ؟؟ ما اعتقد ؟!
زحمة مباريات؟؟!! ولا فيه امل تونا ما بدينا بكأس اسيا ؟
اعتقد بيطلع بعذر زحمة سيارات ( بينكت من القهر )
نرجع لمحور حديثنا .. انا اعلن من منبر الزعيم وفاة زعيمنا الممتع وبداية لفتره الله العالم وش بيصير فيها ( من ضحك من الثرمان يضحك بلا سن )
كم ضحكنا على النصر والاتحاد والشباب والاهلي ؟ الآن ؟!
حتى الحزم والوحده يضحكوون مناااااا
ابي اعرف الاسباب وشكرااا ؟؟؟؟



ثالثا

ابي اقول رايي بكل صراحه
الهلال , الزعيم كما آحب انا اقول
الهلال معروف عنه نادي هجوومي من الدرجه الممتاز ( نادي اسباني مع انجليزي ما يعرف الدفاعات الايطاليه )
الهلال يملك افضل مهاجمين

1- ياسر القحطاني القناص

من افضل المهاجمين في آسيا في الوقت الحالي والله يعطيه العافيه ما قصر شايل حمل هجووم الزعيييييييييييييييييييييييييم لوحده هجوم الزعيم اللي من تأسيس النادي ماقدر يشيل حمله الا لاعبين او ثلاثه مع خط الوسط ؟؟
ياسر شايل حمل الفريق يسجل اهداف من 0,0001 بالميه ويصنع اهداف يعني ما شاءالله عليه كامل والكمل وجه الله سبحانه,
يعني ياسر مع قدراته وفنه وامتاعه اكيد بيكون فيه مدافعين ( يبطوون) بيقفونه الكثرة تغلب الشجاعه , يعني ياسر لازم يكون معاه مهاجم ثاني يخفف عن ابو سعيد شوي
( يعني استحوا الرجال مقدركم وشايل الفريق على اكتافه مو تمصخونها يضل كذا طول الموسسم اذا كان حبيبك عسل لا تلحسه كله ).


2- محمد العنبر ( برج المملكه ) ماشالله عليه


لاعب ذو طول فارع ( رجعنا عربي ) لاعب يجيد الكراة الهوائية بدقه ولاعب يمكنه الهروب من الرقابه وعنده لمسه سحريه على المرمى ( لمسات نستلروي ايام مانسيستر)
هداف من الطراز الاول يكفينا الهدف الاسطوري في مرمى الكورياجيين ( كوريا الجنوبيه )
حرام يكون على دكة الاحتياط ويتفرج في القناص يفحط لحاله بين (سواطير المدافعين )
3- سامي الجابر ( الذيب )

هذا اللاعب .......؟ ؟!! وش اقول . ....( لا تعليق) . اخاف اتكلم وما اوفيه حقه .

الهلال خط الوسط بتاعه ( مصري ) من احسن ما يكون

الفتى الذهبي نواف التميااط


يعني مع انه صانع العاب مميز الا انه يقدر يسجل اهداف ما يسجلها ( روني ونستلروي)
يعني نضيفه لقائمة المهاجمين
على قول المثل .. زيادة الخير خيرين صانع العاب مواصفات هداف ( فل كامل )


الموهوب الشلهوب اللعووب


خمسة و خميسة على هاللاعب يعطي اللون اللي هو لابسه حقه
في كل مباراة يغير نوع الارسال
مرة ارسال من ريو دي جانيرو , كور بالتسعينات والثمانيات ( اذا كان فيه سبعينيات )
مرة الارسال من لشبونه ( البرتغال ) مهارات ولا في الاحلام ( مدري هو يقلد كرسيتيانو والا كريستيانو يقلده ؟ )
مرة ارسال من اذاعة بي بي سي ( لندن ) عرضيات بيكهام و لمسات جيرارد
ولدغات لامبرد
اكمل ولا يكفي .. آسف ما يمكن اوفي حقك يا موهوب


البرنس الليبي طارق التايب


على قولة الاستاذ رؤوف خليف
عذاب يا حبيبي عذاب ماذا يفعل البرنس
اعتقد اذا كان فيه لزيدان خليفه فهو التايب لاعب مو اي لاعب لاعب يمتع
على كثر متابعتي للكورة ما شوفت لاعب يعطيك نتيجة ومستوى واستعراض ( كعوووبات وحركتات )
البرنس يقدر يشيل وسط فريق ,,
فما بالك يا حبيبي بالتايب ونواف والشلهووب
تكفيهم كلمة ممل

ممتع مذهل لعوووووب

( ما اهضم حق اللعيبه الباقين بس انا اتكلم عن اللاعبين اللي نقدر نهاجم بهم )
ومع ذلك يجي الاخ بوسييرو ويخلي التشكيله مفس تشكيلة باكيتا ( من غشنا فليس منا ) شكلة يغش من اوراق باكيتا ( آه لا تذكروني بس )
انا اذكر بسييرو في سبورتنج لشبونه ( 4-4-2) متى عرف هالتشكيله ؟؟؟
واللي يزيد الطين بله ويرفع الظغط
ليته خلاها على 4-5-1 ؟
يقوم الافندم ويطلع صانعين العاب ومهاجمين ؟ ويدخل محاور؟
والله ابو عزيز يشيل المحور والدفاع وكل شي لاعب محارب
قسم بالله احس المدرب قاعد يجرب ( يلعب بلاي ستيشن ون الدوري ياباني ثلاثه )
وين؟؟
ترا الدوري بيخلص وهو ما ثبت على تشكيله ؟؟؟
لييته يخلص على خير؟؟؟

اللي حبيت اوضحه ويمكن ما اتضح لان احس كلامي ملخبط بس يقولون وش حدك على المر قال اللي امر منه ( مثل مهو في مكانه صح , بس مدري شقوول )
انا ابي اقول يا بسييرو الله يعطيك العافيه فكنا من محاورك والله ودي الهلال ينسق جميع المحاور علشان ما يلقى محاور
العب هجوومي
ترا الهلال يبدع اذا هاجم
ابي زي حركتاتك اللي مسويها بالاهلي
رجيت جده كلها. ما يدري مدرب الاهلي وش يصير
اتمنى يرجع بسييرو لمباريات الهلال القديمه يشوف 4-4-2
تنفع والا لا واذا بامكانه يغش منها يغش عادي
مسامحينه.
نبلي لعب هجووووووووووووووووووووووووومي بالعربي المفيد



وبعدين ابي اعلق على نقطة


الكثيير من جماهير الانديه الاخرى ( بدون ذكر اسماء ) قالو لي معلومه اتمنى تعلقون عليها . قالو بالنص
( يا هلاليين اذا فادكم التحكيم بالدوري وراكم دوري آبطال آسيا التحكيم مع ابن همام ) ورونا شطارتكم
ولاتنسون ( الاتحاد السعووودي ومطبات المعسكرات )
اضافة رد مع اقتباس
  #2  
قديم 04/01/2007, 04:20 AM
الصورة الرمزية الخاصة بـ O.s.A.m.A
زعيــم مميــز
تاريخ التسجيل: 24/10/2006
المكان: Khobar
مشاركات: 3,068
اييه والله انك صادق.
اللاعبين(قدموا الي عليهم)
والمدرب(؟؟؟؟؟؟؟؟؟؟؟؟؟؟؟؟؟؟؟؟؟؟؟)
ومشكوووووووووور على الموضوع الحلو
تحياتي
اضافة رد مع اقتباس
  #3  
قديم 04/01/2007, 04:22 AM
زعيــم مميــز
تاريخ التسجيل: 22/06/2005
المكان: أم الدنيـــا
مشاركات: 2,226
إن شــاء اللـــــه إنهـا كبوة جواد

ونجوم الزعيـــــم قدهـــا وبيعوضوننـــا
اضافة رد مع اقتباس
  #4  
قديم 04/01/2007, 04:27 AM
الصورة الرمزية الخاصة بـ ابوجوري الهلالي
زعيــم متألــق
تاريخ التسجيل: 01/11/2006
المكان: الــــزعـــــيــم
مشاركات: 1,425
]إن شــاء اللـــــه إنهـا كبوة جواد

ونجوم الزعيـــــم قدهـــا وبيعوضوننـــا]



الله يسمع منك
اضافة رد مع اقتباس
  #5  
قديم 04/01/2007, 04:28 AM
زعيــم متألــق
تاريخ التسجيل: 07/04/2005
المكان: المدينة المنورة
مشاركات: 1,220
إن شــاء اللـــــه إنهـا كبوة جواد

وبنشوف زعيمنا المعروف مع المباريات القادمة

نقول :: إن شاء الله :: وننتظر ماذا سيحدث قريباً
اضافة رد مع اقتباس
  #6  
قديم 04/01/2007, 07:13 AM
موقوف
تاريخ التسجيل: 03/10/2006
المكان: في المقلط
مشاركات: 73
الف شكر واتمنى الزعيم يعود كما كان وترا الموضوع كتبته وانا نايم
اضافة رد مع اقتباس
  #7  
قديم 04/01/2007, 09:22 AM
زعيــم مميــز
تاريخ التسجيل: 15/10/2005
مشاركات: 1,715
إن شــاء اللـــــه إنهـا كبوة جواد
اضافة رد مع اقتباس
  #8  
قديم 04/01/2007, 01:01 PM
موقوف
تاريخ التسجيل: 03/10/2006
المكان: في المقلط
مشاركات: 73
إقتباس
اييه والله انك صادق.
اللاعبين(قدموا الي عليهم)
والمدرب(؟؟؟؟؟؟؟؟؟؟؟؟؟؟؟؟؟؟؟؟؟؟؟)
ومشكوووووووووور على الموضوع الحلو
تحياتي

لا شكر على واجب أخي الزعيم osams
اضافة رد مع اقتباس
  #9  
قديم 04/01/2007, 01:08 PM
زعيــم نشيــط
تاريخ التسجيل: 01/01/2007
مشاركات: 718
ان شاء الله تتحسن حالة الفريق
والف شكر على الموضوع
اضافة رد مع اقتباس
  #10  
قديم 04/01/2007, 01:10 PM
الصورة الرمزية الخاصة بـ الازوري الاسيوي
زعيــم فعــال
تاريخ التسجيل: 04/09/2006
مشاركات: 448
الهلال مازاال متصدر الدوري لكن لي حصل البارح كبوة جواد والقادم ان شاء الله افضل
مشكور على الموضوع
اضافة رد مع اقتباس
  #11  
قديم 04/01/2007, 01:12 PM
الصورة الرمزية الخاصة بـ !!هلالي الرس!!
زعيــم مميــز
تاريخ التسجيل: 29/12/2006
المكان: الـ عـآصمة
مشاركات: 5,135
اييه والله انك صادق.
اللاعبين(قدموا الي عليهم)
والمدرب(؟؟؟؟؟؟؟؟؟؟؟؟؟؟؟؟؟؟؟؟؟؟؟)
ومشكوووووووووور على الموضوع الحلو
اضافة رد مع اقتباس
  #12  
قديم 04/01/2007, 01:12 PM
زعيــم متألــق
تاريخ التسجيل: 01/10/2006
المكان: قلب الهلال
مشاركات: 1,385
كل جواد وله كبوه ولكن مو كل مره وبعدين
المدرب مايدبر شيء بس الاعبين الي يلعبون هم الي يجيبون الفوز وإلا
شف كم لاعب في دكه الإحتياط وأفضل من الي يلعب أساسي .
اضافة رد مع اقتباس
  #13  
قديم 04/01/2007, 01:15 PM
زعيــم فعــال
تاريخ التسجيل: 21/12/2005
مشاركات: 219
القادم احلى إن شاء الله
اضافة رد مع اقتباس
  #14  
قديم 04/01/2007, 01:16 PM
الصورة الرمزية الخاصة بـ ▐ĞћмĐỗй▌
في انتظار تفعيل البريد من قبل العضو
تاريخ التسجيل: 03/05/2005
مشاركات: 3,657
مشكوووووووووور خوي

وان شاء الله يعوضونا بالمباريات الجايه
اضافة رد مع اقتباس
  #15  
قديم 04/01/2007, 01:33 PM
زعيــم نشيــط
تاريخ التسجيل: 19/08/2006
مشاركات: 512
ان شالله كبوة جواد وبيرجع الزعيم زعيم كالعاده
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:06 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube