مر111حب يا حلوين ,,,

شيلوهاااا اليوم شيلاااا .. الفرح اليوم بيجينا
لا جاء باواوااا ...
ودام باواوااا معاناااا .. الزهق من وين بيجينا
لا جاء باواوااا ...

--------------------------
عشان تكونون ململين بالمباراه .. وكيف بدااا التحدي ؟؟ درعموا هنا ..
http://alzaeem.com/vb/showthread.php?threadid=35260

طبعاً شفنا كيف بدا التحدي .. وشفنا كيف الشباب متحمسين للمباراه .. والكل يقول الفوز من نصيبنا ..

واجتمع فريق ( لازم نجيبه ) وفريق ( لا تصدقونه ) .. في ارض الزعيم وتحديداً في ملعب بو منار السداسي في منتدى الكمبيوتر والانترنت ..

والحمدالله كان الجو مناسب للمباراه ولا فيه رياح جنوبيه ولا شماليه ولا هم يحزنون .. يعني اللي بيفوز راح يفوز بجداره واستحقاق ..

ووزعت بطاقات الدعوه لاعضاء الشرف وهم : مدير الملعب بو منار , والسمسار الاولاني ..

واجتمعت الحشود القادمه من المنتدى العام والمنتديات الاخرى .. ما عدا الحشود القادمه من منتدى الجمهور الهلالي .. وذلك لاسباب سياسيه تتعلق بالانفجرات التي حصلت في المنتدى العام .. وما تدور حولهم من شكوك بأن الارهابي يختبئ عندهم ..

وقفوا ..(( دقيقه صمت عن الاضرار التي لحقت بحمام المنتدى ))

الاعصاب مشدوده والنفوس شينه < --------- من اولها الله يسترررر بس
الكل ينتظر متى تبدا المباراه ..
< ------------- وهذا ابرد من الثلج .. يا برودك يا شيخ ؟؟

=================== الــــــــــمـــــبــــــــاراه ===================

بسم الله الرحمن الرحيم ...

ها انا المعلق باواوااا يرحب بكم .. بنقل احداث مباراة القمه , والتي تجمع بين عملاقي الكرة في المنتدى العااام ...

فريق ( لازم نجيبه ) من مدينة البثور ..

وفريق ( لا تصدقونه ) من مدينة الحنطور ..

وسوف نستعرض لكم تشكيلة الفريقين :

فريق ( لازم نجيبه ) ويمثله : هيمووو - سفر - المتميز - نايف - عاشق النمر - حبي تيماوي ...

فريق ( لا تصدقونه ) ويمثله : الاسير الهلالي - الصبحي - J.A.J - فهودي - عبود - البارق ...

ويقود المباراه الحكم : عنود الصيد .. خبره سنه ونص في ضبط محشي ورق العنب والحائزه على المركز الاول في اختبار الصعرور .. < ------------ حكم اجنبي .. عشان ما يكون عند احد اي حجه ؟؟

الفريقان يدخلون الى ارض الملعب ..

وقفوا ..( دقيقة صمت على سؤال جاني في الامتحان كنت متأكد انه صح .. وبالاخير طلع غلط )) ..

ويصفر الحكم مش لبدء المباراه .. طلع استدعاء للكباتن لاجراء القرعه ..

اصبح فريق ( لازم نجيبه ) على يمين الساده المشاهدين .. بالوانه المعروفه البنفسجي والاخضر ..

وفريق ( لا تصدقونه ) على يسار الساده المشاهدين .. بالوانه المعروفه الليموني والاحمر .. وهناك لفته جميله من الفريق بوضع عبارة ( الحبحر في قلوبنا ) على الفنايل .. وذلك عرفاناً لهذا الرجل وما قدمه للكرة الحنطورية ..

بسم الله .. وترمي الحكم عنود الكوره في نصف الملعب معلناً عن بدء المباراه ..

بيأخذها الاسير .. ويعدي من نايف .. ويمررها الى فهودي ويحاول انه يعدي لكن بيقطع سفر منه الكوره .. ويبني هجمة سريعه ..
ويلعبها الى هيمووو اللي بيثبتها ويصرخ بقوة ..( الشوووته المستدلخه ) < --------- متأثر بالكابتن ماجد الله يهديه

ويشووووتها قوية باتجاه المرمى ..؟؟؟؟؟؟؟؟؟

و

و

و

و يا سلااااااااااااااااااام عليك يا J.A.J بيصد الكوره بوجهه وينقذ فريقه من هدف محقق

ويروح له الاسير فرحان : والله انك لعيب يا J.A.J
J.A.J : ايييه زين .. بس من طفى النوور .. شغلوها ما اشوف ؟؟؟

وهنا الحكم يوقف المباراه ويأمر بأستدعاء الجهاز الطبي ( منصف الذئب و سهل 888 ) .. لاجراء الاسعاف اللازم والحمدالله رجع J.A.J الى ارض الملعب .. ما فيه شيء ؟؟؟

وتستانف المباراه ويقوم فريق ( لا تصدقونه ) في بناء هجمة مضاده .. عن طريق البارق اللي بيعدي من عاشق النمر ومن حبي تيماوي ويجنح ويلعب كوره عكسيه .. الى الاسير اللي بيثبتها ويصرخ بقوه ..( الشوووته المنحرفة ) ويسدد كره قويه بأتجاه المرمى .. وهنا يتذكر الاسير قد ايش هو متحسر على النعله اللي ضاعت عليه في العيد اللي طاف .. لانه اول مره يشتري شيء على ذوقه ويقولون له ان ذوقك حلووو ..




وتوصل الكره ويحاول المتميز يصدها ..
وياسلاااااااااااااااااااااااااام قووووووووووووووووووووووووووووووووووووووووووووووووووووووووول

الله عليك يالاسيررررررررررررررررر ...

ويعبر الاسير عن فرحته برقص العرضة الحبحرية ...


وتستأنف المباراه والنتيجة 1 - 0 لصالح فريق ( لاتصدقونه)


وتوصل الكره الى عاشق النمر الي بيمررها الى نايف اللي بيجليها .. وتوصل الى فهودي ويقوم ببناء هجمة على مرمى فريق ( لازم نجيبه ) .. لكن يزحف عليه هيمووو ويقطع الكوره وينطلق فيها بكل قوه ويلاحظ سفر على يمينه ويقوله : خذها يا ياسين ..( يقصد سفر .. يلعن ام التأثير ) .. وينطلق ياسين .. اوووه اقصد سفر بالكوره على خط التماس ويعدي بطريقه جميله من J.A.J .. ويلاحظ انطلاق هيمووو من الخلف .. ويلعبها له ويثبتها هيمووو ويصرخ بقوة ( الشوووته المستدلخه كليك ثاني مره ) .. وتنطلق الكوره باقصى سرعه 200 كلم / في الدقيقه ... وهنا يتذكر هيمووو نفسه يوم كان يلعب في فريق منفوحه عندهم بالحاره .. وعشان انه كان صغير ما كانوا يلعبونه اساسي .. ودايماً يقولون له : يا صبي .. الكوره راحت هناك روووح جيبها ؟؟؟


مما ولد عنده نوع من ما يسمى ..( بعقدة بابا اوبح )



والكوره الى الحين ما وصلت ؟؟؟


















لحظة شوي ..


















قربت والحارس الصبحي يستعد لها ؟؟؟


















تابعووونا في حلقة جديده من ( الكابتن مــــاجد ) ..

< ---------------- يلعن ام التسحيب

لا انزل تحت ...














و ياسلاااااااااااااااااااااااام عليك يالصبحي صدهاااااااااااااا

بس ما هذا ؟؟؟
الصبحي يعود للخلف من قوة التسديده .. ؟؟؟


وههههههههههههههههههههههدددددددددددددددددددددففففففففففففففففففف


هههههههههههههههدددددددددففففففففففففف جميل لفريق ( لازم نجيبه ) .. وهيمووو يعبر عن فرحته بالهدف برقص العرضة ..( على باله الجنادريه )



ويبدا فريق ( لا تصدقونه ) في بناء هجمة جديده عن طريق J.A.J اللي بيلعبها الى فهودي ومن لمسه وحده الى عبود اللي بيرجعها الى فهودي ... ويقوم فهودي ويلعبها الى عبود مره ثانية وعبود يرجعها الى فهودي ... وهنا فهودي يصايح على عبود ويقوله : ياخي خذ الكوره وروووح العب فيها قدام يالثور ؟؟؟

عبود: وليش انا اروووح ؟؟؟ روووح انت ؟؟؟

وهنا يصفطه فهودي ويلعبها الى البارق اللي بيجنح وبيلعبها الى الاسير وبيتجه ناحية المرمى ويوقف سفر في طريقه .. وتحصل مناوشة بينهم :

سفر : وين تبي تروووح يا بابا ؟؟ حدك هنا ؟؟؟
الاسير : اقول وخر عن طريقي ؟؟؟ ولا راااح اعدي منك ؟؟؟
سفر : ييييييو يلعن ام الفنايل يا شيخ ؟؟؟ وش هالطقم ؟؟ < ----------- يبي يخدع الاسير ;)
الاسير : حلووو مووو .. تراه على ذوقي ؟؟؟ لا وشوف كاتب اسم اخوي الحبحر بعد ؟؟؟
سفر : روووح انت امصدق انه حلووو .. الا تلوع الكبد , مدري من اي زباله جايبينها ؟؟؟
الاسير : لاااا تطنز علينا .. زين انا اوريك ؟؟؟

ويحاول الاسير انه يعدي .. ويرواغ سفر .. ويا سلااااااااام عليك يالاسير بيعدي من سفر وبيتجه ناحية المرمى .. وهنا بيتدخل هيمووو بشكل عنيف يسقط فيه الاسير ارضاً ويستحوذ على الكوره .. وهنا يلتفت هيمووو على الاسير بعد ما استحوذ على الكوره والاسير على الارض :

هيمووو : وين تبي ترووح ؟؟؟ الكوره حق رجال ؟؟ انسحب احسن لك لان الفوز راح يكون من نصيبنا؟؟؟
الاسير : لااااااااا ( تن تراااااااااام ) < ------------ موسيقى تأثيريه
هيمووو : ؟؟؟
الاسير : ما راح تفوز ؟؟ الكوره حلمي وانا سوف احقق حلمي ؟؟ وسأذهب مع فواز الى البرازيل ؟؟؟

<<<<<< -------------- خلااااااص كفااااايه .. يلعن ام التأثير .. هذي سبيس تووون وما تسوي



ويشن هيموووو هجوم عنيف على مرمى فريق ( لا تصدقونه ) .. ويحاول البارق انه يمنعه ويقطع الكوره ... ولكن بسام .. اوووه اقصد هيمووو بيوخره من قدامه ويطيره في الهواء .. ويواصل تقدمه وهنا يصايح J.A.J على عبود : خش عليه .. اقطع الكوره ؟؟؟

عبود : ليش انا اخش عليه ؟؟؟ خش عليه انت ؟؟؟


وهنا جاج يستعد لمواجهة هيمووو .. ويتذكر يوم كان في المدرسة , كان دايم يروح وراء المدرسة عشان يدخن .. ومره طب عليه استاذ الرياضيات مدحت .. وقاله : بتعمل ايه عندك ؟؟؟
و J.A.J يتوهق ويخبي السيجاره في يده ( يقاله شديد ) ويقول : لا لا ولا شيء استاذ ؟؟؟
الاستاذ مدحت : وايه ده اللي بيطلع من بؤك ؟؟ بدخن يا وله ؟؟
J.A.J : ادخن ؟؟؟ لا استاذ هذا من البرد ؟؟؟ < ------- يبي يصرفه
الاستاذ مدحت : برد ايه اللي انت قاي تؤل عليه ؟؟ دحنا في الصيف وفي عز الحر ؟؟؟ < --------- ما مشت عليه
J.A.J : لاااا ؟؟ اجل اشفيني انا .. شكلي مريض ؟؟؟ <--------- يحاول مره ثانيه ;)
الاستاذ مدحت : علي انا الحركات دي .. امشي اؤودام عند المدير ؟؟؟

وصارت له مشكله .. المدرسة اتصلوا على اهله في البيت , ووقعوه على تعهد انه ما يسويها مره ثانيه , واخصموا عليه في الدرجات مع انها مووو ناقصه خصم ؟؟؟ يعني حوسه


وينطلق J.A.J بقوة بأتجاه هيمووو .. وهو يصايح باعلى صوته وامعصب ( يعني قافله معاه) : ما راااح تعدي مني يا هيموووو ..

هيمووو : يا عمي طير ..

وفعلاً طار J.A.J في الهواء من قوة الصدمه وطرحه ارضاً .. وعلامة التعجب راسمه على وجه J.A.J ؟؟؟ مووو امصدق ؟؟؟ كيف بواحد دب مثله ويطير ؟؟؟

ويواصل هيمووو تقدمه بقوة بأتجاه المرمى ... وهنا يتذكر كلام الاسير اللي صار قبل شوي ويقول في نفسه : يبي يحقق حلمه ؟؟ افلقني اذا حققته ؟؟ وحدك تلعب في السودان مع عصمان ؟؟؟


ويستعد هيموووو للتسديد .. ويصرخ بقوه ( الشوووته المستدلخه ) ...

وقفوا ..(( دقيقة صمت .. على ايش مدري )) ؟؟؟

و

و

و

و

و

و

و هاتسي ( يا قدمك )

و

و

و

و

و

و

وش توقعاتكم :

1- قوووووووول ( لا هدف كخخخخخخخخ )
2- في العارضه
3- براااااا
4- الحارس ( الصبحي ) صدها
5- طررررررررد طرررررررررد ..( ههههههاه وش جاب ذي )


ارسلوا اجابتكم على العنوان التالي :

شارع ميامي , الحوطه جنوب لندن , تحت الكوبري ..

صندوق بريد : صفر صفر , صفرين , ثلاث اصفار ..

كخخخخخخخخخخخخخخخخخخ لا انزل تحت ..


















ويسددها هيمووو بكل ما أوتي من قوة من رباطة جأحش .. وهنا هيمووو يتذكر يوم كان في فريق منفوحه وكانت عندهم مباراه مهمه ولعب فيها اساسي ... وكان نجم المباراه .. حيث ان اي كوره تطلع برااا كان يروووح يجيبها ..( في تقدم كخخخخخخخخخ )



والكوره الى الحين ما وصلت ...


















لحظة شوي ..


















وهنا الحارس بشار .. اووه اقصد الصبحي يستعد لصد الكوره ويسرح شعره ( يقاله السلومي ) .. ويعدل الشووورت حقه ويربط الجزمه ..( حشى ما باقي الا تقول ويلبس بدله )















وتوصل الكوووووووووووره .. وياسلااااااااااااااااااااام عليك يا عمر .. اووه اقصد يا عبوووود .. اللي بيتدخل في الوقت المناسب ..





ويضربهااااااااااا بدماغووووووووووووو ...










وهوووووووووووباااااااااااااااااااا ...














يا رااااااااااااااااااااااجل ..









يا راااااااااااااااااااجل ...














هو ده قووووووووووووووووووووووووووووووووووووووول

هو ده راؤووووووووووووووووووووووووووووووووووول ..( يا يزن المصري لا جاء يعلق )



قوووووووووووووووووووووووووووووووول لا ههههههههههههههددددددددففففففف

< -------------- معلق وكيفي


وهنا الصبحي يطلع من الملعب ويقول : والله انا مالي شغل والله غششش .. كل من عبووود عكس اتجاها ولا انا كنت بامسكها ..



ويروووح الكابتن الاسير لعبود يطبطب على كتفه ويقوله : بسيطه .. معليش ؟؟؟

عبود: انا مش ( بسيطه معليش ) ؟؟؟ انت ( بسيطه معليش ) ؟؟؟



وهيمووو يركض فرحان بالهدف .. ويقعد يتشقلب ويسوي حركات ..( على باله خريش ) وشوي الا هو خاش في لوحة الاعلانات .. لكن الله ستر وما تعورت لوحة الاعلانات ..( شووووووف ازااااااي )



وتستانف المباراه بعد ما راجع الحارس الصبحي .. ونلعب في الوقت بدل الضايع واللي احسبه حكم المباراه عنود الصيد وهي 5 ثواني ...

1

2

3

ويصفر الحكم معلن نهاية المباراه بفوز فريق ( لازم نجيبه ) على فريق ( لا تصدقونه ) بنتيجة 2 - 1 ...


ولا عبين فريق ( لا تصدقونه ) محتجين على الحكم .. لانه ما حسب الا 3 ثواني من ال 5 ثواني المحتسبه .. ويحدث اشتباك .. لكن بيتدخل رجال الامن ويفضوا الاشتباك وتنتهي المشكله ...


## خلف الكواليس ##

خرج فريق ( لا تصدقونه ) .. مطأطأين ( رهيبه هالكلمه ) الرأس .. غير مصدقين ما حدث ؟؟؟

فواز جحد الاسير .. انحاش واراح البرازيل بدونه ؟؟؟


اما فريق ( لازم نجيبه ) .. يعبرون عن فرحتهم :

هيمووو : راح للجماهير وقعد يتشقلب ويسوي حركات .. مره , مرتين , والثالثه في الساعه وعلق هناك ..ويدور واحد ينزله ..( عندك وقت صبر مع اسنكرس )

سفر : راح جهة الجماهير يوزع عليهم قوبلااااته .. والجماهير بادلوووه بتحيه افضل منها وذلك بتحذيفه بالطماط والخيار والجزر ..

المتميز وعاشق النمر وحبي تيماوي : يتعانقون ويصيحون من الفرحه ..

---------------------------------


المعلق باواوااا : نزل ارض الملعب .. لقط الجزر وانحاش



$$المباراه برعاية :

سفن آب للعنبر والعطور .. اصلاً له جذور





شماغ المرازيم .. للرجل الوسيم







سبيس تووون .. قناة شباب المستقبل







عاد والتحليل عليكم ..




تحياتي ...

هلا اخوي ٍBoW WoW

الكابتن ماجد مأثر علينا كلنا

وياسين و بسام وعمر

الله يقطع شيطانك

وش اخبار سبيس تون

بي يشفرونها

:p

أنت يا كوكو واو قايل لك ما ابغاهم بس انتم لزمتوا لعي ؟؟؟؟؟


بعدين أقول لفريقنا لا تنتظرون بطولة ما دام المباريات تدرار بهذا الشكل المخجل
====> إخس يا ابو فهد

بعدين هم هددوا علنا ويقولون يا ويلك إن هزمتهم والله وطلعت خواف يا كوكو واو
===> يبي يخليه يهون عن النتيجة

بعدين ياخي هيمو كسرنا لما قلنا بس ولا فيه احد يردعه

وأنا أتقدم باحتجاج رسمي .... بتقول وش دخلك ... اقول لك
الأسير له كم يوم غايب والله يرجعه بالسلامة إن شاء الله وانا الكابتن بالنيابة
ايه الاحتجاج ترا هيمو يختلف رقم السروال عن رقم الفنيلة ؟؟؟؟

رقم الفنيلة 21 واللي موجود بالسروال 12 واااااااضحة يعني الاحتجاج مقبول ....

وبعدين ما لبس ( جزمات ) لابس شراب اسود على الشراب الأبيض ويقالها جزمات وهذا مخالف لحقوق الإنسان اووووه قصدي قانون الفيفا

عاد الحقيقة أنا ما قصرت صلحت كورتين وحده هدف والثانية ضيعها ابو الشباب بسبب السواليف مع سفر

حسبنا الله ونعم الوكيل ....

====> يا سلااااااام على الرووووح الرياضية



تحياتي لك يالداااااج ( كوكو واو )



أخوك / البارق2000

بتقولون وش ذا الدور اللي حاطني فيه ( كومبارس ) .. اجل ماعندي الا هالصفارة وبس ,

بصراحه انا اللي تغاضيت عن اخطاء كثيرة لصالح فريق لاتصدقونه وكله عشان ما تروح عني لقمة العيش , لان (الاولاني بان ) يقول لازم المشرفين هم اللي يفوزون .. ولا رزقي بيقطعونه ونفذت اللي طلب مني

وانا اقول هذا كله إبراء لذمتي , ورغبتي بفتح صفحة جديدة واعتزال التحكيم





كخخخخخخ ياليت نشوف التحدي 3 , بس بدون تحكيمي :p :p



تحياتي .

هلا والله كوكو واوا :

هارد لك لنا على كل حال والمباراة كانت زينة من طرفنا بس الحمد لله ربك ستر .

اسباب الهزيمة :

كنت مصاب بقطع في جميع اربطة الركبة اليمنى وكنت العب بركبة سبير متسلفها من زعيم اسيا بس كانت ضيقة شوي .

وصراحة احتج على الحكم عنود الصيد لانها ما حسبت لي بلنتي يوم اهجم ويطب على هيمو الله يهديه لاني بعد المباراة رحت للمستشفى وقالوا عندي كسر في 8 ضلوع في صدري ورض في الحوض من الطبة , وقال لي الدكتور : انت صادمك جمس ولا طايح عليك واحد .

وبصراحة احتج بعد على شوتات هيمو الصاروخية لانها كانت فوق سرعة الصوت وهذا الشي غير مسموح فيه في كرة القدم .

واكبر دليل على ها الشي الشباب عبود وجاج والصبحي كل واحد جاه ارتجاج في المخ بعد المباراة والحمدلله طلعوا سليمين .

بس لو في مباراة ثانية لاجيب الرباط لهيمو علشان يعرف كيف يشوت ويفقع وجيه العالم

نعنبوها من حاله انا علي اخر عمري اصير حارس لا وانهزم بعد

بس ترانا مقدمين احتجاج اللي هو ان ابراهيم لابس الشورت بالمقلوب وهذا يخالف شروط منظمة الصحه العالميه .

يلا ننتظر اعادة المباراه .

ههههههههههههههههههههههههههه ٍBoW WoW رجعتني ايام زمان الله يرجك
موضوع متعوب عليه بس بغيت اقولك شي .. ماتبون ظهير يسار يشوت بوز ظفر

طيب ياجبان .... طيب






خليتهم يفوزون




أنا وزملائي نبي نعالج في الخارج




مع عيد الفطر

وش رائيكم يالمصابين

ٍBoW WoW

الحين انت والا هيمو
اللي يبي يعوضني عن طاولتي اللي انكسرت
والله يانا رقعتها رقعه من زود التفاعل مع الشوته المستدلخه
بس الحمد لله ماصار حولي واحد من البزران
والا الله يستر كان مسنتر براسه
عموما كان تبون مدرب على بند الاجور
ترا اخوك حاضر

الله أكبر ... جاء الحق وزهق الباطل ,,,

بصراحه هذا الموضوع واحد من أفضل المواضيع اللي قريتها لك يالداج ومن أفضل المواضيع اللي قريتها بالعام ,,,

وأحسن مافيه إنك خليتنا نفوز ,,,

كوكو واوا .... من اليوم ورايح أنت من الحاشيه المقربه عندي , إدخل أي موضوع وسو فيه اللي تبي واللي يقولك شيء تعال علمني عنه وانا أوريك فيه ,,,

" شيروكي .... رح لسلمان خله يعوضك من ميزانية المنتدى " ,,,

صاحب الضربه المستدلخه / رامبو الأطخم ,,,

بس ايش النذالة

حتى مانت ملعبني احتياط..طيب اقل شي برا 18 مو مرة كذا



المباراة الجاية لعبني ولا