السلام عليكم ورحمة الله وبركاته

كيف حالكم يا شباب وصبايا؟؟ إن شاء الله بخير؟؟
أولاً اعذرونا على الإنقطاع اللي صار بسبب بعض الظروف!!
بس ان شاء الله من اليوم بحاول اشارك معكم في هذا المنتدى الرائع أكبر وقت ممكن!!

اليوم انا جايب لكم قصيدة لصديق عزيز علي ويبغى رايكم فيها؟!!

وأتمنى أنها تحوز على رضاكم واستحسانكم!!


تركتيني ورحلتي بدون أسباب
تركتيني معلق في حبل الهوى
تركتيني من دون خلان وأحباب
تركتيني وقلبي من حبك ما ارتوى
ليه رحلتي و حولتي حياتي عذاب
نار فرقاك أحرقت قلبي وما احتوى
من بعد ما كنا مثال للأحباب
صرنا مثال لانقسام النوى
مدري أنتي زعلتي من كلمة عتاب
أو هي ظروفك عالية المستوى
قد قالوا أصحابي خفوق البنت كذاب
ما صدقتهم لين قلبي منك أنكوى
ما هقيت أن حبي الأول كله سراب
هوى من طرف واحد والثاني ما اهتوى
ما هقيت انك تعديني من ضمن الألعاب
أنا ولعبتك ........ كلنا عندك سوى
بنيت حبك برج تعدى ناطحات السحاب
ولما عرفت الحقيقة برجي هوى
كنت أشوف الدرب قدامي ورود و أطياب
بس ماتت ورودي وبدد الطيب الهواء
احترت في حالي وضيعت الصواب
مدري افرح بفرقاك أو أبكي على اللي انطوى
مدري اجلس انتظرك تطقي الباب
أو أنسى من خلى ذراعي يلتوى
الأكيد أن جرحك اللي بقلبي ما بعد طاب
لما سهمك صاد قلبي وقلبي ما قوى
يتعبني الجرح ........ وكلما ذكرت زاد الأتعاب
جرحك اللي عجزت ألقى له دواء
خلاص أنا بترك الحب والإعجاب
دام انطفئ نور حبي وكنت أحسب انه ضوى


اتمنى انكم تقولون رايكم بصراحة وبدون مجاملات!!
#
#
#
#
#
سلام!!

صح لسانه ومشكور على النقل........

الظاهر يبيلها شوية وزن..>> مايعرف يقيم قصيد ابد..

الكصيده راائعه ===========> شعنده الدكتتور غساان

سامي بيض الله وجهك قصيدة جزله ========== شعنده حمد ال سعيد

نرجع لدكتور غساان الكصيده راائعه وجميله ويكتمل جمال الكصيده في البيت الذي يقوول صرااحه وانا انساان صريح مالقيت بيت مرتب صح وعلى قاافيه سوري بس انا صريحه

يعني تحس القصيده سوالف مهيب قصيده ماتنتهي بحر وتبداء بحرف عشاان افهمك بس

خل خوويك يتاابع شااعر المليوون وااجد هههههههههههههههههههههااي نفس اليمااني الله يرجه جااهم اربع مراات

وكرشووه المسكينه معن قصيده حلووه يووم يقوول في ليلة من العمر سولف علينا ابووي عن شااعر ينتخى ههههههههههههااي يعيني يعيني على القصيد

ولا القحطااني اللي جااهم يقوول حبيت للي غزااله قااعده ماابين الحلوين جميله واسمها عن اسمين لابسه عبايتها وملفااها

وفاكه شعرها من راسها لحد ركبااها دقق على ركباها يدل على شاعرية الشااعر وشوف كيف وزن البيت هههههههههههههههههه

ركباها اجل الله يعطييك العاافيه على النقل ولا عدمنااك وصح لساان قايلها ============> صح بدني

سي يو

القصيدة رائعة وكلماتها سهلة وتدخل القلب بسرعة

لكن يبيلها حبة وزن وتطلع اوكييييييييي

قصيده تحتوي على الكثير من الصور الجماليه ...
اعجبتني صوره و غصت فيها باحساسي..

ولي عدت ملاحظات عليها ..

إقتباس ما هقيت انك تعديني من ضمن الألعاب أنا ولعبتك ........ كلنا عندك سوى

اعتقد ان الشطر الثاني تكرار للشطر الأول .. وهذا لايعتبر عيب .. لكن انوه للرقي فقط .. < < < مايقلد احد

إقتباس احترت في حالي وضيعت الصواب مدري افرح بفرقاك أو أبكي على اللي انطوى

الشطر الثاني احس بكسر فيه ..وثقل..
اعتقد ان (على) هنا زائده .. مفهومه من السياق..

إقتباس كنت أشوف الدرب قدامي ورود و أطياب بس ماتت ورودي وبدد الطيب الهواء

اعجبني هذا البيت .. واعتبره قصيده بحالها..


اخي سامي .. احساس خويك حيييل سامي .. بلغه تحياتي .. و ليته دوم يتحفني بجديده لو على الخاص ..


لاأجامل .. قصيدة زميلك .. اعجبتني .. وان وجدت كسور في الوزن ( لا اعرف في الاوزان كثيرا ) فانصحه بالقراءه عنها وانصحه ان لايجعل الوزن .. عائقا امامه ..
خصوصا ان كان في بداية كتاباته ...


بالتوفيق وفالك المليون ان شاء الله ..خخخخخخ


انتهى , , ,

القصيده حلوه وكلاماتها احلى
اما الوزن انا ما اعرف فيه زين فما اقدر اقول شي
بس القصيده كلها على بعضهاااا راائعه اما الثلاث ابيات الاولى عاديه والباقي زي ماقلت راااائعه

وننتظر قصيده ثانيه

إقتباس الرسالة الأصلية كتبت بواسطة هامور البورصه الكصيده راائعه ===========> شعنده الدكتتور غساان سامي بيض الله وجهك قصيدة جزله ========== شعنده حمد ال سعيد نرجع لدكتور غساان الكصيده راائعه وجميله ويكتمل جمال الكصيده في البيت الذي يقوول صرااحه وانا انساان صريح مالقيت بيت مرتب صح وعلى قاافيه سوري بس انا صريحه يعني تحس القصيده سوالف مهيب قصيده ماتنتهي بحر وتبداء بحرف عشاان افهمك بس خل خوويك يتاابع شااعر المليوون وااجد هههههههههههههههههههههااي نفس اليمااني الله يرجه جااهم اربع مراات وكرشووه المسكينه معن قصيده حلووه يووم يقوول في ليلة من العمر سولف علينا ابووي عن شااعر ينتخى ههههههههههههااي يعيني يعيني على القصيد ولا القحطااني اللي جااهم يقوول حبيت للي غزااله قااعده ماابين الحلوين جميله واسمها عن اسمين لابسه عبايتها وملفااها وفاكه شعرها من راسها لحد ركبااها دقق على ركباها يدل على شاعرية الشااعر وشوف كيف وزن البيت هههههههههههههههههه ركباها اجل الله يعطييك العاافيه على النقل ولا عدمنااك وصح لساان قايلها ============> صح بدني سي يو

عسى ما شر وش انت شارب اليوم ??

بس ما شاء الله اتقنت دور د غسان

مشكور اخوي ويعطيك العافيه
لكن القصيده فيها اكثر من بيت مكسوربس بصراحه تحس عنده موهبه قادمه بإذن الله

أشكر الجميع على مروره في الموضوع وتقييمه للقصيدة!!

بصراحة الردود فرح بها صاحب القصيدة اشد الفرح!!

لأنه في بدايته ويبغى يستفيد من أخطاءه ................. مايبي ناس يجاملونه!!

وأنتم ماشاء الله عليكم شرشحتوا القصيدة شرشحة

بس والله لكم ألف شكر على تقييمكم ,, ويعدكم بأن يكون القادم أحلى!!

يعطيكم العافية

إقتباس كنت أشوف الدرب قدامي ورود و أطياب بس ماتت ورودي وبدد الطيب الهواء

هالبيت شدني اتمنا يزودنا باللي عنده
يعافيك ربي ياصديق راعي القصيدة وراعي القصيدة

عودة موفقة سامي (188) وافتقدانك بصراحة ;)



ونتمنى عودة التوهج الأصيل ... والرونق الجميل ...




اما عن القصيدة ..


فهي رائعة بروعتك سامي , وتحتاج لبعض التعديلات ..


وإن شاء الله تشوفها على الخاص ..



تسلم

سامي 188
ولكم باك
وعن القصيده بصراحه اعجبتني جدا واحس ان لامست جرحي وكان خويك انا
اعجبتني حقيقه لا مجامله

تشــــــــــــــــــــــاو