][ اعرف ][ جارك ][ قبل ][ دارك - نادي الهلال السعودي - شبكة الزعيم

عـز الهلال · #1 02/01/2007, 10:06 PM

السلام عليـكم ورحمه اللهـ ,,

كيفكم يـا شباب المنتدى , ويـاشاباته الكرام

كيف حالكم بعد الذبح والتذبيح

والأكل والنوم المريح

هل اطعمتم الجيران من لحمكم

أم هم من أطعمكم

ولا كـ ـ ـل واحد سحب على الثاني ولا اعطاه شي ...

_ _ _ _ _ _ _ _ _ _

المهم
يقول الرسول صلى الله عليه وسلم :- { ما زال جبريل يوصيني بالجار حتى ظننت أنه سيورثه }

وفي حديت آخر :-{من كان يؤمن بالله واليوم الآخر فلا يؤذ جاره }

الجار ومـا ادراك مـا الجار ;) يجي منه النافع والضار , اذا كان معصب يجيب لك الشاهي بارد :p واذا كان رايق يجيبه حار

وتوه طالع من النار . وياما جلب لـ الناس العار

لكن يبقى حبيب و وفي على طول المدار

.

وش رايكم بـ تعريف الجار

..؟

أول شي بسرد لكم قصه عن ولد جيرانـا

وهو عافنـا واياكم مريض شوي في عقله

المهم كان قدام بيتنـا ويكلم نفسه

وطايح سواليف مع نفسه :p ويأذن تاره

ويغني تارةً اخرى

استغربت الوالدة من ذا الصوت وقالت وش ذا الصوت المهم طلت مع الشباك طله بسيطه

وأخونـا في الله حس ان فيه احد عند الشباك :p و حس انها انثى ;)
وقام وطاح فيها غزل

ويغني

ويشعر

,, و غنى اغنيه وقال
عـيـونـكـ عـجـيــبــه

يـ ـاويـل مـن تـصـيـبـه

ومثل مـا تقول الأنشودة القديرة

:-

يا جـاري ايـن حـقـوق الـجـار .. والجار للـ جار مهـما دار
وصى الرسول بـ سابع جار .. والباقي نسيته وياللـ عار

_ _ _ _ _ _ _ _ _ _

ايه جيران أول وجيران الحين والفرق الشاسع <<< سوالي فيها الشايب

بس كنت أسولف انـا وجدي عن الجار والجيران

يقول والله فرق عن أول
كنـا زمان مـا تلقى الواحد الا عند جاره

وسواليف وفله حجاج

وضحك ووناسه

والعيال كل ولد ماشي مع ولد جيرانهم

وأنواع المهاوشات والمضاربات

والي تنتهي في الأخير بكسر زجاج والد المتفق (

يعني الي لونه ازرق في هذي الصورة )

لكن الحين قسم اني مـا اعرف اغلب اسماء الجيران

ما اعرف الا ثنين
او ثلاثه للـ أسف

واحد من الجيران سكن في حارتنا جديد

وبالغلط سدد فاتورتنا

عشان كذا عرفته

والثاني يقرب لي من بعيد

و غصب اعرفه

.

مره من المريررات

كنت أسولف مع صديقي ونطينا بالسوالف على واحد جارهم
وقالي " والله عندنـا جار غاثني جايب لي المراره

" قلتله ليه وش سوا
قالي " ياخي كلما يشوفني يسلم علي " !! عشانه يسلم عليه صار غثيث والله الحاله

لكن هذا الزمن وهذا حاله <<< رجع لنـا الشايب

_ _ _ _ _ _ _ _ _ _

المهم مدري من وين نختم .. و إيش نقول

لأن كلامي كله خلص اليوم :p
ومـ ـ ـاعاد فييني احط الا نكته عشان واحد من الناس العزيزين

للـ معلوميه النكته مكتوبه بقلم سحري مـا يبين الا اذا كبيت مويه على الشاشه

أو لحستها سبع مرات

... تقول النكته :-

فيه اثنين يسوون دعاية بسبي واحد يشرب والثاني يقول تكــــــفـى جـــــغـــــمـــــه

ترا لون النكته باللون السحري

ولازم تطبقون الشرط الي قلته فوق
عشان تبان

.. وها انـا استودعكم الله و

سلاميشو ...

Rossi 999 · #2 02/01/2007, 11:05 PM

الجار شأنه أو امره عظيم .. فالرسول صلوات و ربي و سلامه عليه قد أوصى به

و البعض في هذا الزمان ما تراه ساحب على جاره

و بالأحيان .. متطاق معه

و تكثر المشاكل بينهم ..

,,.,,

و البعض الاخر يعجبك .. يسلم عليه و يساعده اذا احتاج و كلش تمام

و ان شاء الله افتح كتاب الوطنية .. أبـ ح ــس لك :p عن حقوق الجار

,,..,,

مواضيعك .. تقنن

شقرن لك .. ريان و في رواية .. راكان :p

عسيريه · #3 02/01/2007, 11:24 PM

إقتباس


	الجار ومـا ادراك مـا الجار يجي منه النافع والضار , اذا كان معصب يجيب لك الشاهي بارد واذا كان رايق يجيبه حار وتوه طالع من النار . وياما جلب لـ الناس العار لكن يبقى حبيب و وفي على طول المدار .

حلووو التعريف

اما عليك سجع انما ايه

الجار اخ يالجار عفواً قصدي الجاره

تبي الصراحه ما عمري شفت ولا وحده من بنات الجيران

مدري ليش احس اني ماراح ارتاح لهم وبيني وبينك صديقاتي وبنات خوالي يكفون جيش ماشالله

ثااااانكس عز الهلال على الموزوع

.
.
.
عسيريه مصرقعه

هلالي9 · #4 02/01/2007, 11:50 PM

صدقت اخوي

والجار للجار كما قال السلف

مشكور اخوي على طرحك الرائع واسلوبك المميز

المستحيل202 · #5 02/01/2007, 11:50 PM

ما شاء الله عليك جمعت النكتة بالفايدة

يعطيك العافية حبيب قلبي ...

ولك تحيااتي وإعجابي بأسلوبك الجميل

دمت بود

ساقي الـعُطـور · #6 03/01/2007, 12:36 AM

لي عودة

عـز الهلال · #7 03/01/2007, 01:32 AM

مشكورين على ردودكم

عـز الهلال · #8 03/01/2007, 02:27 AM

إقتباس

الرسالة الأصلية كتبت بواسطة رحـــــــــيل الحـــــال


	لي عودة

في انتظار عودتك

زعــيــم آسيا · #9 03/01/2007, 03:37 AM

مشكور اخوي وصراحه موضوع مهم

الهنوووف · #10 03/01/2007, 04:17 AM

انا بتكلم عن الجيران وبترك الباقي
بس قبل اتكلم
هل فيه جيران في هالوقت .

ماشوف الجيران الا بالمسجد ايام رمضان .وماعرفهم بعد
قهر جيراننا عندهم بنات بس ماتعرفنا عليهم

يمكن الرجال يشوفون بعض علشان الصلاة والا كان محد يعرف شكل جارهم

انا ماعمري حسيت بالجيران الا في بيتنا الي قبل هذا وصادقت بنتهم الوحيده
وعلاقتي فيها كانت حلووة

يعطيك العافية

هامور البورصه · #11 03/01/2007, 04:37 AM

هلا والله باريااان وش هالموااضيع الزينه والعلووم السفره جيراان وحركتات

والله الاياام هذي الجاار مايدري عن جااره حتى مايعرف اسمه بس يشووفه في المسجد والسلام وعليكم السلاام وزين بعد اذا سلمووو على بعض

انا اشووف ان الغلطاان هو امام المسجد لييه مايكوون فيه دوريه كل شهر عند وااحد من الجمااعه منها الجمااعه يتعرفوون على بعض

والي مايبي يدخل في الدوريه بسلامته لكن اذا صاار الامام مطنش وش تبينا نسووي ولا بعض المسااجد الامام مايكوون من اهل الحااره

انا مرة كاان عندي شغل ووقفة عند مسجد في حااره ونزلت اصلي وطلعت من باب المسجد الي يطل على الحااره مهووب

الي يطل على الشاارع العاام وكنت جااي متااخر وانا طاالع الا ذااك الي ينااديني ويسلم علي وعرف بنفسه وقاال انا امام المسجد

المهم قاالي انت سااكن جديد في الحااره لآن انا عندنا دووريه قلت والله ابرك السااعاات لكن انا مانيب من اهل الحااره بس موقف اصلي

يدريك ان الاماام هو الي يجمع الجمااعه وشف لحقني وساالني بس عشاان يقوولي ان فيه دورية والله يجزااه خير من بعدها وانا حااقد على امام المسجد

لكن انا اتكلم عن نفسي اللهم ملك الحمد جيرانا عمااني وخواالي والبااقي عز الله اني مااعرف منهم احد بس اشوفهم في المسجد

والله يعطيييك العاافيه اخوي رياان على هالموضوع ولا عدمنااك وشكراً لك

ودمتم سالمين

عزوز الأزرق · #12 03/01/2007, 05:49 AM

هلا و الله و غلا بـ ( ريااااااان )

تبي الصراحة والا بنت عمها << ذي يقولونها الشياب...

الصراحه نفسي مسدوده عن الردوووووووود .. وحسبي الله على اللي كان السبب..

لكن موضوعك وشخصك الكريم .. اجبرني...

ريان قبل الموضوع .. اقسم لك اني اعجبت بما خطت يداك .. ايما اعجاب...
اسلوبك مرح و راااائع ..وشيق .. ومفيد في نفس الوقت ..

اما عن الموضوع ... بالفعل .. الان قليل من يسأل عن جاره .. بل قليل من يعرفه ..

كما ذكر الهامور ... لامام المسجد دور .. لكن لايتحمل كامل المسؤلية ..

الجميع يتحمل ..

وربما من اهم الاسباب في هذه العزله .. هو التطور في وسائل الاتصال ..

و اعلام .. وكثرة مشاغل الدنيا ...

في بالي كلام كثييييير .. لكني فقدت الحماس لطرحه ...

انتهى , , ,

سندريلا الهلال · #13 03/01/2007, 05:57 AM

عـز الهلال .. موضوع روعة يمكن عيد الأضحى والطعمة اللي نوزعها ذكرتنا بهالشيء ..

فعلا الجــار حقة عظيم ولكن للأسف اللي صاير شيء مايسـر أحد ... حتى الدورية يمكن يتحمسون اول شهر وبعدين يتهاونون فيها ...

الجـار أحيانا يكون لك عون بعد الله سبحانه ممكن توصيه على أهلك لو اضطريت لتركهم ممكن تأمنه على ملكك لو احتجت له ..

الجــار أحيانا يكوون بمثابة الأهل .. والمحظوظ اللي يملك جيران يحبهم ويحبونه ..

عز الهــلال ... اختيار موفق لموضوع مهم..

الفارس الحائر · #14 03/01/2007, 07:35 AM

للأسف في الآونه الأخير قلة الصله مع الجار

ولا نتقابل إلا بالمسجد ولاتعرف حتى اسمه وهذا معروف لدى المدن

لكن في المحافظات والقرى أرى فرق كبير جدا بين الجيران

فالكل متواصل سواء من نساء او أولاد

وفي الأعياد يتواصلون مع بعض في السلام

وفي المدن الكبير للأسف لاتعرف إلا شكله فقط

وفي الأخير الف شكر لك اخي عز على الموضوع الرائع والطرح الأروع

عـز الهلال · #15 03/01/2007, 08:57 AM

تشكراتيت على ردوودكم