في فرق لمّا يكون بس معصب , ولمّا يكون معصب لأنك خايف
نول هالخوف في الفترة الأخيرة صار يبتعد عنه , لكن ماتخلص منه مع الأسف والدليل ندمه على أحد النقاط اللي خسرها في التاي بريك مع السويدي , وكان واضح عليه توتره وخوفه من خسارة المجموعة
وسبق وقلت نول دايـم ماتغلب عليه نفسيته بعدم التركيز , تشوفه يقطها لك آوت بكل جرأة ولا كأن مسوي شيء
وبعد أنا أجيب لك موقف , في مباراة نول مع فيرداسكو في أمريكا , الإسباني عدّل النتجية وفاز بالمجموعة الثانية 6 / 1 , وبعدها النول دخل معصب بقووة , وكل اشوي يلتفت على المدرب , واللي يخليني أعرف ان معصب وراح يفوز , تحس في إرساله ان واثق من نفسه , مو خايف من حاله ان يخسر النقطة مثل مباراته مع دافي سيمي فاينل شنغهاي أو مباراته مع ماردي فيش في أمريكا 2006 !!
يعنهي عصبية وثقة , وعذراً لأني ماوضحت قصدي كامل
واللي أقصده بالتدريج , فمثلاً هالموسم , دخل الموسم بأداء متوسط كمّل به إلى أن وصل فاينل ميامي واللي خلاه يوصل إلى الفاينل مو لأن أداءه توب , لا طبعاً من سوء اللي حوله وخصوصاً ان فترة بداية الموسم كانت سيئة على الأغلبية , والدليل قلة المباريات الممتعة في ذيك الفترة
وبعدين طلع من ميامي وتحسّن مستواه اشويات وتأهل فاينل مونتي كارلو و روما , وكان أداءه حلوو مرة فيها , وبعدها جات مدريد وخروجه والكل يشهد ان بسوء حظه مو منه وإلا كان بإمكانه يواصل إلى الفاينل , المهم نكمل , بعدين دخل الرولان وخروجه منها مو بسبب مزاجه , لا طبعاً , بسبب الإرهاق , 3 نهائيات ماسترز وسيمي فاينل طوييييل مرة طلّع فيهم كل شيء يعرفه في التنس يعني عامل الإرهاق كان حاضر وبقووة في فرنسا .
بعدها دخلنا عشبي وشارك في هاله على ماأذكر وقدم فيها مستوى طيب , وبعدين على ويمبلدون وقدم مستوى رووعة مقارنةً بمستوياته الغبية على الأراضي العشبية
أما خقِّته في بطولتي كندا , هذا بسبب ان جاي من راحة , هو صحيح تأهل الفاينل قدام فيدرير في سينسيناتي , لكن أداءه برضو كان متوسط حتى لو كان فاز قبلها على رافا 6 / 1 !!
أما في أمريكا تحسن مستواه مباراة بعد الثانية , وبعدها دخل ATP وأخذ بطولة وقدم مستوى طيب في شنغهاي وفاز بِـ بازل وباريس , يعني إلى الآن أداءه كويس , وماأظن مجموعة وحدة تخليني أنسى موسم
فهمتن كيف , يعني ممكن ماتزبط نظريتي له , لكن لاحظت عليه تكرارها
وقلت لك , الأداء اللي ظهر به نول مع السويدي في المجموعة الثانية , يمكن تكون مزاج لكن أظنها استسلام
لكن شوف سامي هالشيء بيتحدد في مباراته مع نادال , أنا ماأدري شبيسوي , لكن بعدها برجع لك وبعترف لك إذا كان كلامك صح أو لا
وإذا نادال بيستقعد على 200 نقطه وهذا من حقه ذيك الساعه بنشوف اداء نوفاك ,,
يا راجل سحبنا , مافي ميدان
فعلاً , هالشيء يُحسب لِـ نادال أكثر من النول , لأن احنا وشيضمنا ان نادال راح يدخل المباراة بمستوى طيب , وبالذات هالحزه ان نادال محنا عارفين له خشّه
//
زقرت وربي
بطل بكل معنـى الكلمة
أكثر اللاعبين حالياً في ثبات إصراره , أداءه إلى الآن مهوب توب , لكن يكفيني إصراره وعنـاده
لاعب يملي العين بدفاعيته , واثق من نفسه , يخاطر بكل جرأة , إذا سلمّ الهجوم لِـ فيرداسكو تحسه يردها بقوة وماعنده إشكال , الغريبة ان اللاعبين الكبار حالياً معظمهم يتعاملون مع أمثال فيرداسكو وسوديرلينغ بالسلايس , لكن آندي لا , بايعها ! يردها بدون مايفكر
يعني صحيح هالشيء مو صحيح أبداً بصفتك لاعب كبير , لكن وربـي اليوم متعة غير طبيعية من ناحيته هو بالذات , ولا يهون الإسباني اللي قدر يقارع آندي المستقعد
أما فيردساكو , فـ 1000 علامة استفهام على هالتسرع الزايد , هالتسرع لخبط له عدة نقاط كثّرت من أخطاءه المباشرة التاااافهة ولو كان آندي في يومه كان حسم المباراة في مجموعتين وهو يضحك بعد , لأن آندي ضيع عدة فرص لكسر الإرسال , وهالشيء غريب جداً من جهة البريطاني بحكم ان نااادر مايضيع مثل هالفرص وهالشيء يرجع لإسلوبه الدفاعي في بعض الأحيان .
عموماً , المجموعة اللي أخذها فيرداسكو من آندي غير مستحقة أبداً , لكن أهم شيء فاز البريطاني فوز مستحق
وأتمنى له التأهل
كل التوفيق لِـ المايسترو ويااارب تنعاد سهرة فاينل أمريكا < ماظنتي بوترو في حيل
//
جيمي موراي كان حاظر مباراة أخوه < ماشفت حطو على في المباراة بس شفتها مابين الصور
في مباراة قويه فاز البرطاني آندي موراي على الإسباني فيرناندو فيرداسكو
في المجموعه الأولى ضرب اللاعبين بقوه و لم يتمكن إي لاعب من كسر إرسال الآخر حتى الشوط التاسع حيث تمكن آندي من كسر الإرسال ثم ختم نتيجة المجموعه لمصلحته
6-4
في المجموعه الثانيه لم يحصل كسر للإرسال و إحتكم اللاعبين لشوط كسر التعادل الذي أنهاه فيرداسكو لمصلحته بنتيجة 7-4
سيناريو المجموعه الثالثه كان مشابه للثانيه حيث لم يحصل كسر للأرسال و إستمر التنافس بين اللاعبين حتى شوط كسر التعادل الذي أنهاه البرطاني لمصلحته بنتيجة 7-3
..::.. صور مباراه موراي وفيرداسكو ..::..
وفي النهايه اثنينهم برى البطوله رغم متعه المباراه ,,
اي أذكرها هالمباراة , كأنها في روما ؟!
ولو كان آندي في يومه كان حسم المباراة في مجموعتين وهو يضحك بعد , لأن آندي ضيع عدة فرص لكسر الإرسال , وهالشيء غريب جداً من جهة البريطاني بحكم ان نااادر مايضيع مثل هالفرص وهالشيء يرجع لإسلوبه الدفاعي في بعض الأحيان .
,,
الوضع العادي
