#1  
قديم 28/12/2006, 11:54 PM
زعيــم نشيــط
تاريخ التسجيل: 08/03/2002
مشاركات: 930
>>>>>>> مــن أجــل عيـــون البلوتـــوث <<<<<<<

بعد غيبه طو يله أعود لكم بهذا الموضوع المنقول


>>>>>>> مــن أجــل عيـــون البلوتـــوث <<<<<<<


--------------------------------------------------------------------------------


أفلام قصيرة شفت بعضها على النت
وبعضها عند الشباب



مع ان الأفلام جدا قصيرة
الا انها تصور لنا سلوك خطير جدا عند بعض الشباب
والبنات بعد عشان مايزعلون علينا



بعد ماتشوف هالأفلام أكيد راح تسأل نفسك :
وش الأسباب التي خلّت (أبطالها) يسوون كذا ؟
ومن اللي أجبرهم ؟


أكيد فيه سبب
ويمكن يكون أكثر من سبب وسبب


هل هو الفراغ ؟

راح نظلم الفراغ لو قلنا إيه .
لأنهم أصلا مشغولين وماعندهم وقت
كلهم مشغولين
خالد مشغول
سعدمهو فاضي




خالد لو أمّه تقوله : ياولدي نبيك تودينا السوق
يرد عليها انا مشغول ماني فاضي .
خلي السوق بكرة او شوفي غيري
انا مشغووووووووووول

(( طبعا الرد يعتبر في قمة الأدب بالنسبة لخالد ))
لأن أحيانا توصل انه ينفخ على امّه



وسعد مثله
ماودّا أخوه المستوصف لأنه بعد مشغووووول
بما أنهم مشغولين أجل الفراغ بريء منهم براءة الذئب من دم يوسف





شباب أعمارهم تعدت العشرين
وبعضهم يمكن وصل الثلاثين




تصدقون بعضهم متزوجين!



تصدقون بعضهم آباء !
يعني صار عندهم أطفال محتاجين تربية





حسافة !

على وش بيربون عيالهم



ماأبي اطول في التعليق والمقدمة
وراح اصور لكم الأفلام من خلال الحروف والكلمات
ماراح اضع لكم رابط للأفلام عشان مانكون عون لهم ولشياطينهم على انتشارها








[mark=FFFF00]المشهد الأول :[/mark]


الأبو يسوق السياره ومعاه طفله
كان ملبس الطفل دركسون السيارة
( يعني مدخل ارجول الطفل بين فتحات الدركسيون )
مثل مايلبس الطفل البنطلون
وصاير الطفل حاضن الدركسيون وماسكه بيديه .
لاحول له ولا قوة الا بالله




وأم الطفل معهم بالسيارة جالسة على مرتبة الراكب

تدرون وش كانت الأم تسوي ؟!



7
7




كانت تصور هالمشهد العجيب بجوالها !
مبسوطه على الإن سفنتي ثري
كانت تصورالأب المتهور وهو يفررر الدركسيون بطفلها مرة يمين ومرة يسار
وأحيانا الفررر يكون بـ720 درجة !
المشهد هذا يخليك تتمنى لو كنت معهم
بس عشان تسطره هو وزوجته الخبله



كان الأبو يمشي طبيعي بالسيارة وهو يسوي هالحركات ( البلهى وانية ) بالطفل الرضيع
تخيلوا وش كان يصير لو واجهتهم سيارة وتحرك الطفل أو فك يديه !!
كارثة



وأم الطفل ( المخرجة ) ياعيني مبسوطة ومستانسه وهي تصورهم وتوجههم زين
عشان يطلع البلوتوث مضبوط وعليه الكلام

حسافة مثلها تكون أم
وحسافة مثله يكون أب





كله عشان يسوون بلوتوث يضحكون فيه الناس على ولدهم
ـــــــــــــــــــــــــــــــــــ



نرجع للأسباب اللي خلتهم سيوون كذا :



برأيي السبب يرجع للزعاطه
( يعني الغرور وشوفة النفس )



السبب الكبير هو : شوفوني وش قاعد اسوي

شوفوني أطلق من مبارك
واتحدى سعيد يسوي مثلي



ـــــــ


ممكن يكون الفلم قديم وأكثرنا شافه ونساه
لكن بعض الناس صعب تنسى مثل هالمشاهد الغير إنسانية



راح أحاول بنفس الموضوع اتكلم عن أفلام شفتها وأبطالها في قمة الإستهتار واللامبالاة
واتمنى اللي شاف مثل هالمشاهد يصورها لنا بالكتابة بدون مايضع رابط للفلم
وكلنا راح نعلق عليها


ونسأل الله أن لايبتلينا
ونحمده على أن فضلنا على كثير من خلقه


____________________________
اضافة رد مع اقتباس
  #2  
قديم 29/12/2006, 12:17 AM
زعيــم نشيــط
تاريخ التسجيل: 02/07/2005
المكان: الرياض
مشاركات: 691
يعطيك العافيه والله فعلا
كلامك يجب الاخذ به حقيقة
اضافة رد مع اقتباس
  #3  
قديم 29/12/2006, 02:06 AM
الصورة الرمزية الخاصة بـ M a N s O u R
تقني مميز
تاريخ التسجيل: 27/04/2006
المكان: { .. في مملكتي
مشاركات: 3,267
مشكوووووووووووووور،،، والله يستر من البلطوث هذا ...
اضافة رد مع اقتباس
  #4  
قديم 29/12/2006, 05:06 AM
موقوف
تاريخ التسجيل: 27/01/2006
المكان: من العارض ليا الحره
مشاركات: 750
كلامك صحيح

والخافي اعظم

الله يستر ويش يصير الايام الجايه

مشكور على الموضوع وماقصرت

تحيتي لك
اضافة رد مع اقتباس
  #5  
قديم 29/12/2006, 07:04 PM
الصورة الرمزية الخاصة بـ LBa your heart
عضو سابق بلجنة الفيديو والصوتيات
تاريخ التسجيل: 13/09/2005
المكان: تعبت أدور بالوجيه انساان يفهم لا حكيت
مشاركات: 4,930
شفت المقطع

واللي يقهر فيه أن الام تضحك

الله لايبلانا بس

ومشكور أخوي
اضافة رد مع اقتباس
  #6  
قديم 29/12/2006, 09:03 PM
زعيــم نشيــط
تاريخ التسجيل: 20/09/2006
مشاركات: 982
مشكووووووووووور والله لا يبلانا يا رب
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:36 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube