كلامك عين العقل يالغالي

الغريب كفيت ووفيت ...

هذا مانريده تصحيح اخطاء بعض اللاعبين ( الدعيع )وايضا المدرب...
نتمنى التوفيق للزعيم

أهنيك على كلامك المنطقي

فعلا كل نقظة ذكرتها من مصلحة الهلال

مشكور يالغريب لكن بسيرو أمس لم يوفق تماما بالتغييرات

كلام صحيح ولزم نلعب زين في المبارات القادمة

ولزم نصحح الاخطاء هاذي المرة مرة بالسلام بخسارة الشباب

المرة الجاية مانظمن خسارة الشباب

والله يالغريب انك كبير كل الكلام اللي قلته اتفق معك فيه
وخصوصا تحميل ياسر اكبر من طاقته وأيضا أرجع لمباريات الهلال
تجد الفريق يبذل جهد مضاعف وأخشى أن ينعدم هذا الجهد مع تتابع
المباريات فاللياقه اهم شي
تحيــــــــــــــــــــاتـــــــــــــــي لك

كلامك يالغريب عين الصواب

والله كلامك رائع وواقعي اخي الغريب

مبدع ايها الغريب في كتاباتك كما عهدتك دائما والحمد لله انك من القلائل الذين عاشرتهم منذ بداية الالفية الثانية وما زال ينزل للشارع الرياضي بعيدا عن الابراج العاجية التي وضع فيها كتابنا الكبار انفسهم ولا الومهم من ناحية بعد ان اصبح صغار السن هم من يسيطرون على المنتديات للاسف واذا حبيت تناقش واحد ما يمديك ترسل ردك الا تشوف عشرات وعشرات من نمونة الردود الي ما وراها الا ضيقة الصدر وفي المقابل الومهم ايضا بانهم فضلوا مهام الاشراف على تثقيف المشجع الهلالي خاصة صغار السن والناشئة وارى ان المهمة الثانية اهم وافضل بمراحل واتمنى ان لا نخسرك ايضا لتبقى المنتديات مرتعا لمواضيع اشتموا هاللاعب وسبوا هاللاعب واتمنى انك تجي على نفسك شوية وتستحمل الوضع


اذكر اني عرفت شبكة الزعيم قبل ست سنوات بالضبط وعرفتها ملاذا لتنافس الكتاب الكبار ومواضيع اراهن ان ادارات الهلال واعلامه استفاد الكثير منها سواء بوجودوك او وجود العوام او ابو لما او يا قاهرهم يا سامي او جدار الطين وسور الصين ووووووووووو

اما الان للاسف فالمنتديات اصبحت مخصصة لتصيد اقل لاعب مستوى لمهاجمته وللاسف بعض الاعضاء فاهم المنتديات انها وضعت انك تجلس تتكي مقابل التلفزيون وتشوف اقل اللاعبين مستوى كل مباراة وتجي تلعن سابع اسلافه في المنتدى !!!!!!!!!!!!!!!!!!!!!!!!!

ولي عتب على الاشراف في هذا الموضوع لان بعض اليوزرات وضعها غريب ومشكوك فيه ومريب لحد الثمالة

يوزرات لا تراها ولا تسمع عنها وقت الفرح وترى تاريخ تسجيلها من سنين طويلة لكن مشاركاتها قليلة ونادرة واغلبها لا يظهر الا وقت المشاكل او وقت سلخ جلد احد اللاعبين وتخيل الموسم الماضي هذه الدائرة دارت على جميع لاعبينا من اكبر نجم لاصغر لاعب شاب

حتى لو كان هذا المشجع فرضا هلالي وش استفيد منه وهو مشجع نكدي يختفي وقت الفرح ويظهر وقت الهزائم ويا ريته يكتب المفيد


عموما خلها على ربك وما نقدر نقول الا الله يصبرنا ويعوضنا خير عن الي خسرناهم
لي تعليق على كم نقطة تفضلت فيها

إقتباس ** الإرهاق وضح على ياسر .. وهو أمر متوقع من لاعب يفرض عليه تكتيك المدرب أن يسجل ويراوغ في كل مكان ويعود للخلف أحيانا لممارسة دور صانع اللعب بل وللدفاع أحيانا .. أقولها بالفم المليان وأتمنى ألا أذكركم معشر الهلاليين ... أريحوا ياسر قليلا .. ولا تحملوه أكثر من طاقته .. فتخسروه !!! وإذا صار صاحبك عسل .. لاتلحسه كله

المشكلة الازلية عندنا في الهلال ان فريقنا فريق فردي اكثر منه فريق جماعي ونادرا ما تلاقي اسلوب جماعي محدد يدلك على ان الفريق تدرب على هذا الاسلوب ويطبقه لانه تدرب عليه كثر ما هي اجتهادات فردية وعشان كذا متى ما افتقدت مفاتيح اللعب للحلول الفردية ففريقنا يواجه صعوبة وصعوبة كبيرة جدا في التسديد ومشكلتنا الاكبر وهي مشكلة ازلية عرفتها منذ ان تابعت الهلال ان خط الوسط دوره هو الهجوم اكثر من الدور المعروف لخط الوسط وهي صناعة اللعب للمهاجمين وربط خطوط الفريق والدلائل كثيرة

الموسم الفائت

كماتشو صنع اربعة اهداف نواف صنع هدف والشلهوب خمسة ولاحظ ان كل هذا في 22 مباراة يعني مجموع ما صنعه صناع لعبنا الي كل واحد يقول الزين عندي لا يتجاوز اصابع اليد الواحدة اما الدلالة الثانية فمنذ متى شاهدنا هدافين هلاليين ينافسون على هداف الدوري السعودي على الرغم من ان فريقنا يضم لعيبة بوزن ياسر وسامي والجمعان سابقا ووووو اما الدلالة الثالثة المضحكة ان ياسر صنع للعيبة خط الوسط اكثر مما صنعوا له !!!!!! تخيل

متى ما تفرغ الشلهوب ورودريقو والتايب ونواف لخدمة المهاجمين وامدادهم ولو بنسبة 60% فانا مستعد ان اراهن ان ياسر سيكون هداف الدوري السعودي

إقتباس ** ذكرت في مقالي السابق أن التايب يبالغ في الاستعراض واللعب الفردي والبارحة واصل هذه السلبية ولو تفرغ التايب للاستلام والتسليم الدقيق الذي يتميز به وصناعة اللعب التي يجيدها .. لما كان لدفاع الخليج أن يمثل مشكلة !!

التايب الغالي هذا اسلوبه وما تقدر تصنفه على انه يكثر من اللعب الاستعراضي لان الاداء هذا مو جديد عليه وهو من طينة الثنيان والغشيان وانا ما شفت اي استعراض مبالغ فيه وصدقني اغلب اللقطات الي تشوفها غير تامة من التايب راجعة لعدم جاهزيته بدنيا ولياقيا ..... التايب قدم الكثير والكثير لخط وسط الهلال في المباريات القليلة الي لعبها خاصة على صعيد التحرك بدون كرة وايضا تحسين الاستلام والتسليم وهو يحتاج فقط الى جاهزية لياقية وفنية وحساسية مباريات

إقتباس ** بطولة الأمير فيصل قد تكون ذات فائدة كبيرة إذا ماحاول بيسيرو من خلالها تجهيز صف ثان يدعم الأساسيين وهي فرصة لتجهيز سامي والخراشي والحربي والعنقري وفهد سرور ونواف التمياط والصويلح.. لتكون الخيارات أكثر وأنفع من خيارات البارحة !!!

اوافقك جملة وتفصيل الهلال يحتاج حاجة ماسة الى تجهيز الغنام لياقيا وفنيا وحتى فكريا لان اللاعب يمر بمرحلة فراغ وايضا تجهيز سامي لياقيا وفنيا واعادة تأهيل نواف نفسيا وارجاع التايب الى نسق المباريات والجاهزية الكاملة ولا انسى احمد الحربي وفهد سرور

كل كلامك صحيح اخوي الغريب