وعليكم السلام ورحمه الله وبركاته
وانا اقول وش جابك يا حبك للهذره بس <<
لا مانيب لايمتك الهم طايلني وطايلك <<الا وبحط مثل مثلك:p

كلنا تعبنا من الدراسه الله يعيننا بس ونفتك ونجيب نسب حلوه
وان شاء الله تعبنا ما يروح على الفاضي باسئلت الوزاره
وان جات صعبه بروح بعد الاختبارت لم مكه وادعي عليهم عند الكعبه
بعدين اروح لم المدينه واكمل الدعاء حقي <<ياويلي على هالبنت حاقده

احمدي ربك امك على الاقل اتقولك بفكر امي على طول( لا)
ما عندها لعب << تعرفني لا غبت يوم يحلالي الغياب
بذات بالبرد والله ماودك اتقومين من الفراش

الوزاره اتغير في النظام كل اشوي عشان اذا ضبط
علينا ثبتوه واذا ما ضبط غيروه...
كننا في معمل فيزياء قاعد يجربون فينا لا بارك الله في عدوينهم
وحنا الوحيدين اللي رايحين فيها الله يستر من تواليهاااا

ياحليلكم عندكم حفل تخرج مو حنا رجيناهم يوم الاربعاء
وعاقبونا بانهم ما يسون لنا حفل تخرج....
عاد وحده من البنات قاعده اتقول من زين حفلتكم عاد
نسويها با استراحه ونتجمع ونفلهااا وما علينا منهم
اعوذ بالله منهم حتى حفل التخرج حارمينا منه

ايه والله ياحبي للهلال هو اللي يبسطنا
حتى اخواني<< عواذل يقولون الهلال ما يفوز الا بالتحكيم
بس ما نلومهم لا قالوا هالكلام لان الهلال طفشهم من
كثر ما يفوزعيني عليه بارده ماشاء الله عليه

ههههههههههههه وش هالنصائح غربل الله ابليسك
تدرين عاد هالنصائح تدرس بفصلنا
نرفع ضغطهم لين يقولون الدرس مشروح ويطلعون برى:p
اخرها الاربعاء من جد مصرقعين ومزعجين
لا وجايبين قهوه وشاي وورق عنب ومعكرونه بالبشمل ...;)
كننا بمطعم وهم ما قصرواهزونا وشرشحونا وما خلو
ولا بقوا بنفوسهم شي علينا الا قالوه

اللهم امين ...والجميع ان شاء الله
يسلمو رعبوبه على الموضوع الفله

رعبوبه
حاولت اقرى الموضوع بس قدرت تحطمت نفسيا
اقول ما فيه ملخصات
حسبي الله على اللي خربتكم


تشـــــــــــاو

حراااااااام عليكم لا تلومنها


صحيح انها صايره كانها بالعه مسجل
بس حتى والله ما تنلام


هالقرار قرار تعذيب ما يصلح لنا تحنو معشر السعوديين
لاننا بختصار مضعين الطاسه طواااااال الترم
واذا جات الاختبارات النهائيه شغلانا الدبل و البعض ينجح والبعض لاا


يعني مع اني ما اذاكر الا اذا جيت انام قريت شوي وسكرت << بس لا تخافون تراها تنجح بمتياز شلون مدري
بس لا ليلي ليل ولا نهاري نهار يعني شعور داخلي حتى لو ما ذاكرت بس كلمة بكره على اختبار هذي تخرب اليوم كله



والله ما الومك يا رعبوبه

بس يقولون الترم الثاني بيرجعونه زي اول

والله ليته علشان ارجع افضى لمي وازعجها بالسوق




سلاااااااااااااااااااااااام <<<< ما بغيتي تخلصين

]ديـك الجن

إقتباس يوووووووووه طووووووويل بقوة الموضوع ... قلت لو 15 سطر راح أقراه .. لكن هذي إرادة الله ... لا إعتراض انا أشاء وانت تشاء والله يفعل ما يشاء ... لذلك إن وجدت وقت فاضي رجعت أقراه ..

هذي فضفضه لازم تكون طويله :p
ولا اعتراض لقضاء الله [/SIZE][/COLOR]

د.هدف

إقتباس يــاســلام يــ رعــبــوبــــة >> ودي أعـــرف وش مــعــنــى رعــبــوبــــة : شفت معجم لــسـان الــعــرب كـلـه مالقيت به رعــبــوبـــة

معناه يقولون يقولون عاد مدري صدق ولا تبكيش:p أن معناها دلووعه

إقتباس المــهـمـ وسعـتي صـدورنـا يــالزاحـفة الدافـورة >> أنــا أتحــدى الكــل شـكـلك من كلامك دافورة >> محلل نفسي يــقــلون لك الدوافــيــر يــعــرفــون بــعــض

إيه صادق الدوافير يعرفون نفسهم والدليل إني كتبت الموضوع وأنت رديت علي;)

إقتباس واحــمــدي ربــكـ مــاطحــتــي بــالمـعـدل التـراكمي مثل الي بـعـدك

الله يعينك ويوفقك يـــاارب

إقتباس المـهـمـ مـشـاء الله عليكي كــاتــبـــة روايــة انــتــي >> وش أخــبــار يـدك بـعـد الكــتـابــة

تصدق اصلا ماتعبت ولا حسيت بعد

إقتباس وأنــا تــرا مــن المـزعجــيــن >> مـثـل أخوكي >> >> اذا قــام يـقـوم البـيـت كـلــهـ

مو بس انت وأخوي الأولاد كلهم مزعجيـن

إقتباس وأنــا أحيي أخـوكي البـنـات لانـامـوا مـاقـامـوا ولا قــامــوا مـانــامــوا

والدليل أنـا لو يكبون علي مويه ماحسيت فيهم

عزوز الأزرق

إقتباس هلا والله برعبووووووووبة .. ويامرحبا ... عقبال ما تعلمينا بخبر خلعك .. وحكم المحكمة على المدرسة ..

هلا فيك عبد العزيز قريــبا ان شالله :p

إقتباس يااااااااااااااااااارب يحقق طموحك بالخير...

آميـن ..وياك إن شالله

إقتباس مدري شو اقوووووووووول .. لكن والله اني اشفقت عليك .. من موضوعك حاس ان لسانك مربوووووووووط .. واليوم انفك ... وتقديرا لك .. قريت الموضووووووع كااااااااااااااامل .. ولوني مافهمت مثلك . احسه مكتوووووووب بلغة (جاوه)!

إيه والله ..وأنا أحس كذا بعد..أصلا ياحليلي ماكنت أتكلم أبد:p لإني راضيه بالقضاء والقدر
بس بلغ السيل الزبى مثل مايقولون

إقتباس اخوي بثالث مبتليني كل ماجاه اختبار انجليزي .. جاني على باله اني (شطس بير) .. ومن زود مافي مدرسهم .. كل فترة اختبار يعني الى الان ثلاث اختبارات نهايتها اليوم ..

أنت أخوك مجننك انا جننت ابوي مسكين كل شوي رايحه له علشان يشرح لي شي بالإنجليزي
والنحو مجننه أخوي يعني مبتليه وباليه البيت معي :p

إقتباس يكفي ان موضوعك طوووووويل تبيني انا اكمل الباقي ؟؟!واطوله زياده ؟؟!

لا عــادي أنا دمقراطيه<<مضيعه خذ راحتك الصفحه صفحتك:p

البــالون

إقتباس هلا برعبوبة ..

هــلا فيك ..

إقتباس والله الدراسة قلق و طفش .. و النظام الجديد تعذيب من جد .. لكن والله ماقد الا مادتين مدري ثلاث والباقي

[COLOR="dimgray"] اييه والله صدقت
بس انا احسن منك قدمت كل المواد ولا ماده نزلت فيها عن الـ3 من 4:p [/COLOR ]

إقتباس و ابشرك المدرسـة ساحـب عليـهـا من أمـس

انا كنت ابسوي مثلك:p بس خفت ينقصون من درجـاتي

إقتباس ياللـه أحس انـك فاااااضيـه اليـوم وودك تفضفضيـن بقـوة ..

اييه والله ملياااانه كلام وبقووة بعد

هامور البورصه

هلاا طوييرق<<تموون :p

إقتباس هبي يوجهها هههههههههههههههههه

حراام عليك

إقتباس لالا ماشاءالله تباارك الله

ايييه زين:p

إقتباس والله يوفقك يااارب ويوفق الجميع ان شاءالله

آآمين ..ويااك

إقتباس ماعندك خبر متى البرناامج يعااد ههههههههههههههههه مدام السنه ذي حليمة بتحج اجل انا بضبط العزبه برووح احج وحج ياحااج ههههههههههههههههههه

كل ذا علشان حليمه:p
للأسف البرنامج قبل أسبوع ولا كان قلت لك متى الإعاااده

إقتباس رعبوبه الله يعطييك العاافيه على الموضوع الحلوو بس تبين الصدق ماكملته صرااحه ان شاءالله بعد مبارااة الهلال رااح ارجع موضوعك طوويل مررة

الله يعافيك>>مسوي رسمي:p
وبصراحه ماعندك سالفه ليش ماكملته
:p

برنسيسة الهلال

إقتباس حيــــااللـــــــه رعبوبــــــه فضفضي ياقلبـــــــــــي اللــــه يعينـــــك ...

الله يحييك
وفضفضة بس احس بكلاام باقي ماقلته بالموضوع الجاي ان شالله <<بتتصفق:p

إقتباس واللـــــه يوفقــــك يارب ويرزقــك بنسبـــه ترفع الراس ...

آمين ان شالله..ويااك ..

نــ15ـــمر

إقتباس رعبوبه اسمحيلي ما عندي لياقه اقر ى الموضوع ابي احسن اللياقه وارجه شكلي ابنظم حمله (لا للمواضيع الطويله ))

هذي فضفضه لازم تكون طوييله:p
وانا والهنووف بنكون اول المعارضيين لهذي الحمله :p

إقتباس رعبوبه حاولت اقرى الموضوع بس قدرت تحطمت نفسيا اقول ما فيه ملخصات

والله انك عجاااااز وبقووووة يامتعب:p
حاول مره اخرى يمكن تقدر

إقتباس حسبي الله على اللي خربتكم

ياويلك منها :p

الهنوووف

إقتباس هلا وغلا في بنات ثالث ثانوي والله وكبرتي يارعبوبة وصرتي عرووسه >>سكتوها هالعجووز تكفو

هلا وغلااا بك يمه
يالله يالله دوري لي عرييس <<ماتستحي

إقتباس وانا اشهد ان الدراسه ذابحتس

شفتوا

إقتباس عادي الاهل لو يشوفونك اربع وعشرين ساعه مع كتاب يقولو ماتذاكر

اييه والله

إقتباس اجل ابوي وامي ذابحيني الناس بتعطل وهم يقولون ذاكري

اها بس على قوولتك اسكتي لا أعلع الفضايح مدري من اللي ع النت 24 ساعه >>امزح :p

إقتباس تراني ماغبت غياب هبا منثورا مره غبت لاني تعبانه

اييه اذكر يوم يضربونك ابره :p <<فضيحه

إقتباس ومرة غبت لان ماعندي الا محاضره وحده وباقي الغيابات والله ماعندي شي وكل البنات غايبين

مع اني مدري عنك بس صدقتك لأني واثقه من هرجك ;)

إقتباس بس الدافور دافور والموؤدب مؤدب والهادي هادي

اييه والله صدقتي انااا اشهد على هالكلام

إقتباس بالعتن مسجل ياقلبي عليتس كاتمة كل ذا بقليبتس

وش اسوي ماعندي وقت افضفض لأحد اروح لأختي حالها مثل حالي:p
ويوم فضيت فضفة هنا

إقتباس عادي مو انا صديقتس يعني العرق دساس

صدقتي العرق دساس

إقتباس اقول اها بس وروحي ذاكري >>>ياكرهي لهالجمله

لاا يكثر

إقتباس الله يوفقتس ياوخيتي ويرزقتس حب المذاكرة وتجيبين اعلى الدرجات دنيا واخره قولي امين

آآآميــن ..ويااك يالدبه

إقتباس وهنا حان موعد رحيلي

حيــاك الله

مشكووووووووووورة أختي رعبوووبة والله كلنا مالين من هالمدرسة لكن هانت

مـاجد مقبل

إقتباس هلا وغلا بالدافورة الداجة رعبوبة الزعيم ...

هلا وغلا فيــكـ ماجد

إقتباس ماشاء الله عليك وش ها الانطلاقة الرائعة في ها الموضوع

من ذووقك ماجد وجودك هنا هو الأروع واللي يسعدنـي

إقتباس حسيت اني اقرا مقدمة بن خلدون + جريدة الحياة + مجلة فواصل + مجلة ماجد

نسيت الرياااضيه

إقتباس والله يعنك يالطلاب على هاالقررات كل يوم قرار جديد يطبقونه عليكم كنكم حقل تجارب

اييه والله وانت الصادق مايحسون ان ورانا مستقبل منا اللي بتصير دكتوره ومنا اللي بتصير ضابطه<<مثل طموح بعض الناس
ومنا اللي بتصير محاميه بس الاغلب مدرسه وع عاد مو حلو مدرسه

إقتباس بس هي سنة وتعدي والبادي اظلم >>> وش السالفة خخخخخخخخخخخخخ

^^
خاشه بالغلط بقووة

إقتباس رعبوبة الله يعينك ويوفقك وتتخرجين باعلى الدرجات انشاء الله ... دمت بخير اختي الغالية ...والله يرعاك ,,,

آآمين ..ويوفقك ويعينك ويرعــاك ان شالله

عـز الهلال

إقتباس واللـه يـا خيتي كلنـا قرفانين من ذا القرار الجديد يبغونا نذاكر كل يوم واللـه أكثر سنه اذاكر فيها بحياتي ,, هذي السنه

والله نفسي عمري ماذاكرت كذا حتى الحين احس اني جاده وابي درجات حلوة اول مره
العاده بس نجااح والسلام مايهم الدرجات;)

إقتباس أقسم بالله ودي أصيح من كثر هـ[ـالمذاكر] ,, يازين اختبارات الشهريه بس .. اذكر اني وقتها ما كنت افتح الكتب بالبيت الا مرتين بـ الفصل الدراسي الواحد مره بـ الأختبارات الشهريه ومره النهائيه . ولا باقي السنه مـ ـا ادل الكتب حتى الواجبات أسحب عليـها , ومـا أحل الا قليل .

سبحان الله دايم الشطاار والداافورين نفس بعض

إقتباس والي زاد الطين بله أن يوم السبت عندي اختبارين وبيني وبينكم ما ادري وشهم , ومالي خلق اذاكر خصواصاً أن أغلب الطلاب اعطوا نفسهم إجازة الا انـا مجبور اداوم للـ أسف

وانا من الشطاره رحت المدرسه السبت بجدول يوم الأربعاء بالبرد الناس يصيرون عجازين:p

إقتباس بس الحمدلله اليوم غبت ولا داومت بسبب مرض , والله ان اهي كانوا بيودوني المستشفى لكن انـا رفضت , لأني مـا ابغى اتشافى ابي اغيب ابي اريح شوي , جابت لنـا المراة هـ[ـالمدرسه] ... ( رب ضارة نافعه )

سلاماات ماتشوف شر ان شالله بالعدوا

إقتباس اصبري وصابري أختي .. فـ الإثنين قريب

لا افا عليك عطيت نفسي عطله من السبت

...SoMe OnE...

إقتباس ياهلا والله فيكـ

هــلا والله وغلا فيك..

إقتباس بصراحه اول شيء .. اهنيكـ بـ قرب الاجازه .. وان شاءالله تستمتعين فيها ..

مشكور ع التنئه<<ماعرفت ترد:p آآمين وان شالله انت بعد تستمتع بالعيد ..وبالإجازه اذا أجزت مثلنا

إقتباس صح ان الدراسه شكلها ماخذه اغلب وقتكـ بس مايمنع انه يكون فيه مساحه لـ الفرح ..

الحمد لله ..فرحانين ومستانسين..بس من اتذكر الاختبارات يطير كل شي:p

إقتباس ومن ناحية النظام بجد اشوف الطلاب متأذين منه .. لكن اشوفه انه اوكي .. ونتيجة الامتحانات هذي راح تشوفونها في اخر السنه .. ويكون امتحان النهائي اسهل من اول .. بحكم انكم اخذتوا على الجو العام لـ الامتحانات ,,

بقووة متأذين..بس الحمد لله أحس نتائجه ظاهره ع الطلاب واحلى شي المذاكره اول بأول وعرفنا طريقة
أسئلة المدرسات

إقتباس ذكرتيني بكلمات موجوده عندي وبصراحه ماادري من اللي كاتبها ...!! اذا تسمحين لي انثرها هنا

أكيــد اسمح لك الصفحه صفحتك
والكلمات روووعه أحســها طالعه من قلب مجرب ..الله يسعدك ياارب ويوفقك

إقتباس اعتذر عن الاطاله لكن كلمات محتفظ فيها عندي وبصراحه ماادري من كتبها لكن اعتقد انها مناسبه لـ الحوار اللي صار بينكـ انتي ونوره وعايشه

الإطاله جميله ولا تمل عندمــا يكون المتواجد رماد الحرف

الفارس الحائر

إقتباس ياهلا برعبوبه ومواضيعها الطويله

هلاا وغلا فييك طاال عمرك

إقتباس تصدقي إنك كسرتي خاطري ،، لكن إحمدي ربك عندكم إجازه للعيد مو مثل غيرك

لو أنا منك أسوي المستحيل وأطلع اجازه وماعلييك منهم اطلع وانبسط وارجع كنك ماسويت شي<<تخرب:p

إقتباس ومثل ماقالت أمك الله يخليها لك ويطول بعمرها كله سنه وترتاحين وبعدها يبدا شقى الجامعه

أميين ..ويخليلك أمك وأبوك ويطول بعمرهم ان شالله
يالله ننتظر هالسنه تعدي وشكله مافي لا جامعه ولا خرابيط مافي احلى من جلسة البيت
نت وتلفزيون وطلعات وروحات وجيات محد يقول ادرسي ولا احد يقولي شي

إقتباس أتمنى لك التوفيق ،،، وإجازه سعيده مقدما

ويـــاك ان شالله يالغالي

الــوردة الزرقاء

إقتباس يازين المدرسه فيها مغامرات ورجه فيها متعه ع الاقل ,, مو مثل الجامعه وان شاء الله رعبوبه تتخرجين ونفرح فيك

والله احس الجــامعه فيها دجه اكثر من المدرسه علشان هييك احس اني احيانا متحمسه لها
آميين تسلمين يالغاليه

إقتباس كلهـــا كانت مستخدمه وبكثره الا الفقره( 5) من المستحيلات اروح لمدرسه اترجى فيها او اتمصلح عشان تنبسط وانا انقهر

والله شوفـي انا نفسك كلها ناجحه فيها وآخذ امتياز الا الـ5
محد نااجح فيها الا المصااريه هم اللي يجيبونها غصبن عن المدرسه واللي جابوها دوافيير:p

إقتباس رعبوبه يقول المثل: المــدرسه اكسبوها لاتفوتوها

أفااا عليك ماافوت ولا دقيقه
وياازين المثل حقك بضمه لدفتر امثاالي :p

وعليكم السلام ورحمة الله وبركاته ..

هلا برعبوبة ..

تصدقين اني تعبت انزل الماوس عشان اكتب رد

صراحه ماخليتي شي نعلق عليه ماشاء الله عليك>>> مو اسلوب مصري ابد

الله يعطيك العافية يالغالية وان شاء الله يوفقكم ربي وتتخرجون بنسب عالية

وانا بانضم لحملة زميلي نمـــ 15 ـــر ....تشـــــــــــــــــاو

الكلاسيكي

إقتباس هــلا وغــلا برعبوبه وفضفتها القصيره < يطنز

هلا وغلاا كلاسيكوو;)

إقتباس عليك مثل .. انما ايه .. مثل يبي له دفتر علشان نكتبها ..

كانوا يبون يتسلفونه مني ولا رضيت اسلفهم كذاا نحاسه

إقتباس والله يخلي لك امك .. مادامه موافقه .. تبي راحتك ..

آمين ويخليلك مامتك

إقتباس اما الهنوف شكلها تآخذ اجازه واوف من عندها . ماشاء الله عليها ..

افااا عليك..هذي هنيف اعرفها زين

إقتباس نورتي الحته .. ويالله راح الكثير وبفقي القليل .. صحيح ان القرار والنظام اللصاير الحين يطفش ... بس كلها كم شهر وتنتهون .. وتفتكون من الدراسه وبلاويها .. وتجون للجامعه .. مع الهنوف ..

الحته منوره بوجودك:p
يطفش بقوووة ..
بس مثل ماقلت كم شهر ونطلع ونفتك من الدراسه ..بس عقدتني المدرسه
شكله مافي امل جامعه >>امزح

إقتباس والله انا من اتصل في واحد من اخوياي في الدراسه يقول بكره عندي اختبارين قلت عمى من خبرتك وانت تقول بكره عندي اختبارين . قال انها ماتخلص ابد .. الله يكون في عونكم .. يالله كلها وقت .. وربي راح تتذكرونها لما تتخرجون ..

الله يوفقه ياارب
واحد ينســى التعب ..والشقى ..والهم ..والغم <<قلبتها محزنه:p

إقتباس اما عن اخوك النصراوي . شوفي له كرتون مناديل لانه كل هزيمه للنصر بيبكي .. على كذا ماراح يسكت ابد .. والشي الثاني انه راح يشجع كل فريق ضد الهلال . الله يكون في عونك ..

:p :p :p :p
من ناحية هزايم النصر فمو مترقع ابد وصدقت والله كل فريق ضد الهلال يشجعه
ويوم قدام الخليج اقوله شجع الهلال يقوول لو يلعبون قداام مين مااشجعهم
عذاااال

إقتباس اما عن النوم .. انا اشهد انك بطة النووووم .. وما الوم اخوك .. بس ترى مو انتي لوحدك . حتى انا في البرد والله ان النوم يحلى .. وماودي اتعدى السرير ابد .. ومع هذا احب الشتاء .. حباً جما ..

حتى انا احب الشتاء حبا جما:p
ومن ناحية اني بطة نوم فبطة نوم حتى مااتغدى ولا اتعشى بسبب النوم
انام اذا جت اختي تقومني مااحس فيها نوومي حييل ثقييل فإذا قمت مااشتهي شي:p

إقتباس واااااو بتحج حليمه بولند ... مممم كن ودي احج

من زينها عااد <<منقهره:p

إقتباس الله يهديها .. والله يتقبل منها صالح الاعمال ..

أمين

إقتباس وفي الختام .. فضفي مثل ماتبي.. هنا للفضفضه .. وحنا نستمع لك .. لانك لو ماتفضفضين هنا يكن تفضفين في المدرسه وتوقفك المدرسه .. خليه هنا ارحم ..

لاتوصيي :p
والمدرسه ان ماصادتني افضفض بتصيدني اهرج مع اللي جنبي
يعني متهزئه متهزئه

إقتباس وعليك نصايح .. لا عز الله بتتخرجين

مجــربه ونسبة نجاحها 100%;)

إقتباس وبالتوفيق لك بالدراسه .. وعقبال التخرج .. وثم الدكتوراه ان شاء الله <<وراك انسبسطتي امزح

آمين ..وياك ياارب
وبعدين اللي اخذوا الدكتوراه مو احسن مني ويمكن بعد اللي اعلى <<نست اسمه

~بنت الزعيم~

إقتباس وانا اقول وش جابك يا حبك للهذره بس << لا مانيب لايمتك الهم طايلني وطايلك <<الا وبحط مثل مثلك

هلا وغلا منووره:p من ناحية الهذره فكلنا هذارين
والله يعيني ويااك يالدبه;)

إقتباس كلنا تعبنا من الدراسه الله يعيننا بس ونفتك ونجيب نسب حلوه وان شاء الله تعبنا ما يروح على الفاضي باسئلت الوزاره وان جات صعبه بروح بعد الاختبارت لم مكه وادعي عليهم عند الكعبه بعدين اروح لم المدينه واكمل الدعاء حقي <<ياويلي على هالبنت حاقده

اماا لو تجي اسئله صعبه..مايفكني عنهم الا المسدس على اللي حطوا الأسئله
ولأسوي مظاهرات في جميع ارجاء المملكه الحبيبه:p واخلييهم يندموم ويحطون لنا كلنا 100%:p
<<كثري منها

إقتباس احمدي ربك امك على الاقل اتقولك بفكر امي على طول( لا) ما عندها لعب << تعرفني لا غبت يوم يحلالي الغياب بذات بالبرد والله ماودك اتقومين من الفراش

يـــاعمري والله :p

إقتباس الوزاره اتغير في النظام كل اشوي عشان اذا ضبط علينا ثبتوه واذا ما ضبط غيروه... كننا في معمل فيزياء قاعد يجربون فينا لا بارك الله في عدوينهم وحنا الوحيدين اللي رايحين فيها الله يستر من تواليهاااا

الله ياخذ الحق

إقتباس ياحليلكم عندكم حفل تخرج مو حنا رجيناهم يوم الاربعاء وعاقبونا بانهم ما يسون لنا حفل تخرج.... عاد وحده من البنات قاعده اتقول من زين حفلتكم عاد نسويها با استراحه ونتجمع ونفلهااا وما علينا منهم اعوذ بالله منهم حتى حفل التخرج حارمينا منه

كفاايه بالمتوسط ماسوينا حفل تخرج عاقبونا
مديرتنا قالت لنا اذا حافظتوا على القوانين المدرسه:p بتسوي لنا حفله وبتجيب
كل اللي نبيه عااد انا بقول لها تجيب بالحفله موضي الطقااقه
<<عرس مو حفله

إقتباس ايه والله ياحبي للهلال هو اللي يبسطنا حتى اخواني<< عواذل يقولون الهلال ما يفوز الا بالتحكيم بس ما نلومهم لا قالوا هالكلام لان الهلال طفشهم من كثر ما يفوزعيني عليه بارده ماشاء الله عليه

ويلوموني في حبه

إقتباس ههههههههههههه وش هالنصائح غربل الله ابليسك تدرين عاد هالنصائح تدرس بفصلنا نرفع ضغطهم لين يقولون الدرس مشروح ويطلعون برى اخرها الاربعاء من جد مصرقعين ومزعجين لا وجايبين قهوه وشاي وورق عنب ومعكرونه بالبشمل ... كننا بمطعم وهم ما قصرواهزونا وشرشحونا وما خلو ولا بقوا بنفوسهم شي علينا الا قالوه

هذي النصايح لأني احبكم حطيتها لكم
حنا علشان البرد لازم كل يوم شاهي وكبتشينوا وكوفي وورق عنب اما الورق عنب
فقصة حب انا وياه

بنت فهد

إقتباس حراااااااام عليكم لا تلومنها

تكفيين لاتخليني اصيح

إقتباس صحيح انها صايره كانها بالعه مسجل بس حتى والله ما تنلام

ههههههههههههههههههههههههههههههههههههههههههههه
الله يرجك

إقتباس هالقرار قرار تعذيب ما يصلح لنا تحنو معشر السعوديين لاننا بختصار مضعين الطاسه طواااااال الترم واذا جات الاختبارات النهائيه شغلانا الدبل و البعض ينجح والبعض لاا

مضيعين عقلنا كله طوال الترم :p

إقتباس يعني مع اني ما اذاكر الا اذا جيت انام قريت شوي وسكرت << بس لا تخافون تراها تنجح بمتياز شلون مدري بس لا ليلي ليل ولا نهاري نهار يعني شعور داخلي حتى لو ما ذاكرت بس كلمة بكره على اختبار هذي تخرب اليوم كله

ااه بس <<طالعه من قلب

إقتباس والله ما الومك يا رعبوبه بس يقولون الترم الثاني بيرجعونه زي اول والله ليته علشان ارجع افضى لمي وازعجها بالسوق

اييه خلي يرجعونه احسن لنا ولهم
وانا افضى للنت:p

عاشـ تشلسي ـق..

إقتباس الله يعطييك العاافيه ع السواليف وعادي فضفضي

الله يعــافيك:p

إقتباس الله يايام الثانوويه قسم بالله ماكنت افتح الكتااب

لا اجل انا احسن منك انا ادرس;)

إقتباس الله يخلي المداارس الاهلييه وهذااني قااعد في بيت امي

ياارب ان شالله تلقالك شغل

إقتباس الله يووفقك ياارب وتجيبين النسبه الي ترفع رااسك ورااس اهلك وتدخلين القسم الي تبينه بس خلي طمووحك على قدك ههههههههههه اعرف وحده جايبه خمسه وتسعين ومادخلت الي تبي

ويوفقك ياارب ..
والله طموحي مو شي كبير ;) بس ابي اجيب نسبه كبيره ..تدخلني جامعه
ومابي ادرس بكلية الآداب عاد من زينه تدرس تدرس وآخر شي شهاده مو معترف
فيها وش الفايده

MeToOo

إقتباس موضوع مميز .. خصوصاً انه يتكلم عن معآنتنا انّا يآ طلاب الثآلث < < ينرحموون

تسلم يانايف الله يعينك ويعيني ويعين كل اللي بثالث

إقتباس صرآحه القرآر الجديد كويس وشين .. بسس انا عندي رأي في هـ المسأله < < نورنا يآ شيخ .. المفروض ان الوزآره استثنت في السنه الاولى من تطبيق النظآم صف الثآلث .. لان كل الطلآب متعودين ع نظآم معروف وبـ آخر سنه يجي نظآم يلخبط كيآنهم .. صحيح يعود الطآلب ع المذآكره يومياً .. بس يخلي الوآحد يضيع .. ما يدري كم درجة نآقصته اصلن مآ يدري الاختبآرات كلها اختبرهآ ولا لا ؟؟ .. لان كل يوم ع الاقل فيه اختبآرين ثلاثه .. صآرت فوضى مو اختبآرات ..

والله انك مفكر دااهيه :p اييه والله لمفروض يطبقونه على اول وبس
واصلا كذا راح يخربون جدولنا الدراسي اللي هم مرتين بالسنه نفتح الكتاب
اما لو يحطونا بالوزاره كل الطلاب جايين يشكرونا نشيل قراراتهم هالباااايخه ونحط قرارات احسن
ونعطيهم درجات مجانا بعد <<:p

إقتباس يعني غصب تضيع درجه ..

إقتباس عموماً .. الله يعدي هـ السنه ع خييير .. ونجيب النسبة اللي ترفع الرآس

آآمين..الله يسمع منك..

إقتباس مشكوورهـ رعبوبه ع الموضوع .. اللي خلاني غصب (أخرجني) من عزلتي النتيه

العفوو ..
اييه والله انك صاادق لك وحشه ..
ياالله بسرعه ارجع للمنتدى ترانى فاقدينك

إقتباس نآيف .. كآن هنا .. وسيعود لـ سبآته الشتوي مرة أخرى < < مآ يقلد أحد

تعود لنا بالسلامه ان شالله

الدريبي الهلالي..

إقتباس مشكووووووووووورة أختي رعبوووبة والله كلنا مالين من هالمدرسة لكن هانت

العفوو ..
الله يعديها على خير

20يــاسر الجابر9..

إقتباس يعطيك العافيهـ يارعبوبة على هالموضوع الحلو

الله يعافيك يالغالي وجودك هنا هو الأحلى ..

إقتباس وهـ بس يوم جبتي طاري فوزية الدريع فز قلبي << بسم الله على قلبك مدري ليه كل ماشفتها في الشاشه ودي أضمها ياحبي لها ذيك البنوته

:p :p خخخخخخخخ:p :p
اجل تضمها مااكون رعبوبة ان مازوجتك اياها ياياسر
بقول لها في واحد يموت فيك
لايكثر ياعمري يافوزيه جالسين نتريق عليها

إقتباس الله لا يحرمنا منك يارعبوبهـ وبصراحه شرف لحليمه بولند أنك تذكرينها في موضوعك الرائع اللي كل ما يصير أطول يصير أحلى وأحلى

تسلم اسامه على كلامك الحلوو
وشرف لي وجودك هنا يالغالي

أبو يارا المغترب

إقتباس هلا برعبوبة ..

هلا بك

إقتباس تصدقين اني تعبت انزل الماوس عشان اكتب رد

الصبر زين وانا اختك

إقتباس صراحه ماخليتي شي نعلق عليه ماشاء الله عليك>>> مو اسلوب مصري ابد

اييه والله صايره كني مصريه

إقتباس الله يعطيك العافية يالغالية وان شاء الله يوفقكم ربي وتتخرجون بنسب عالية

الله يعافيك .. ويوفقك ان شالله

إقتباس وانا بانضم لحملة زميلي نمـــ 15 ـــر ....تشـــــــــــــــــاو

جميع الحقوق محفوظه

abu_riman

إقتباس فإذا ما كانت الدنيا في لحظة كأنها ( حصة ) مادة ثقيلة الدم معلمها أثقل منها دماً ؟! حينها كيف أخرج من الحصة ؟! حينها أقول إلهي أمدني بالقوة ..

ابو ريمان
هلا والله وغلا فيك وبوجودك هنا وحيااك الله بالمنتدى ..
لك فقــده والله
الدنيا ..تقلب حال الانسان ..تجعله تحت اوامرها
ربما بإمكانه التغلب على مصاعبها..او انه لايستطيع لعدم
مقدرته مجاراتها ..
وبالنهايه ..الصبر فإن الله مع الصابرين
فمهما اغلقت الابواب في وجوهنا فبــاب السماء لازال مفتوح
اعانك الله اخي الغالي

والله نفس معاناتي


قسم بالله قلق



والمشكلة كل شوي مغيرين


حتى بعض المدرسين اعادوا الاختبارات عشان توزيع الدرجات


كل يوم اختبار وش هالنظام البايخ



الله يعينن على الرجعة للكتب


والله احس اني مب قادر ارجع اذاكر بعد الاجازة



بس احسن شي ان المدرسين يتعاطفون مع طلاب ثالث


بس فيه كم مدرس عندنا رافعين ضغطي


الله لا يبلاكم بمدرسين مثلهم