المـيزانية .. طــلباتنا واجـد .. بس من حقنا .. أنتـي فـايضة.. - نادي الهلال السعودي - شبكة الزعيم

سندريلا الهلال · #1 20/12/2006, 06:27 AM

بسم الله الرحمن الرحيم

وش اخباركم مع البـرد

مابقى الا يجينا الثلج اللي نتمنـاه

مع انهم يقولون انه في عرعر مدهر

ماشاء الله كل شيء سوقة ارتفع .. الحطب والدفايات والبطانيات والملابس الشتوية ..

حتى الميزانية ماشاء الله مزدهرة وهاليومين مدهرة مانسمع الا الفايض من الميزانية

طيب فاضت الميزانية الخطوات اللي بعد الفيضان وشي

أمس أنا زايرة جدي في مستشفى العسكـري دخلت مع دعاسيق

والله تقل في مصر لا والله مستشفيات مصر في التلفزيون أحسن

انا اول كنت لما يقولون العسكري اقول ماشاء الله اكيد راقي وفخم والله طلع هب بلا لب

طيب العسكريين ولهم العسكري ويشبعون فيه والله ما يأهل حتى يحطون لك شمعة

أهل الحرس ولهم الحرس والله يهنيهم فيه مفارشهم مايغيرونها الا كل خمس ايام يعني اذا النمل استفحل

الجامعي حق الملك خالد وحق الملك عبد العزيز ..لمنسوبين الجامعات ..والله يبارك لهم فيها

والتخصصي لل vip

حنا يالاوادم ويين نروح

الميزانية هاللي فاضت ورى ماتزيد عدد المستشفيات ليه ماتحسّن من وضع مستشفيات

الثروة تصنع المستحيل .. وتحقق معجزات .. لية البطء في آلية التنفيذ .. لية التروي في عملية تحسين وضع معيشتنا

لما نطالع الدول القريبة منا بصراحة نغبطها تقدمت تقدم هائل وقوي لأنها في قراراة نفسها ..تقول الأقربون أولى بالمعروف

وتعمل بالمثل الشعبي (( دهننا في مكبتنا ))

بس الظاهر حنا نخلة عوجاء بطاطها في غير حوضها ..

الميزانية هذي ..لازم نستغلها في تحسين وضع الجميع .. تحسين العاطلين والعاطلات عن العمل ..

بعد عشر سنين ترى احتمال مانمشي بسيارات من الزحمه

ليه مايسارعون بايجاد حلول لفك هالاختناق ..

يعني أمس أخوي كان عنده موعد كان الساعة 9 تقريباً عشان يتعدى طريق في الرياض يبي له ساعة

طيب اذا فاته الموعد من المسؤل !!!! زحمة الرياض

الميزانية حل لكل شيء نستصعبه ونكابده هنا ..

مع تمنياتي بالرخاء والنماء في كل ميزانية لمملكتنا ..

وكل ميزانية وأنتم بخـــير