نادي الهلال السعودي - شبكة الزعيم - الموقع الرسمي - المـيزانية .. طــلباتنا واجـد .. بس من حقنا .. أنتـي فـايضة..

- منتدى المجلس العام (http://vb.alhilal.com/f1/)

المـيزانية .. طــلباتنا واجـد .. بس من حقنا .. أنتـي فـايضة..

بسم الله الرحمن الرحيم

وش اخباركم مع البـرد:D مابقى الا يجينا الثلج اللي نتمنـاه :yes: مع انهم يقولون انه في عرعر مدهرs60s

ماشاء الله كل شيء سوقة ارتفع .. الحطب والدفايات والبطانيات والملابس الشتوية ..s60s

حتى الميزانية ماشاء الله مزدهرة وهاليومين مدهرة مانسمع الا الفايض من الميزانية :rolleyes:

طيب فاضت الميزانية الخطوات اللي بعد الفيضان وشي:D

أمس أنا زايرة جدي في مستشفى العسكـري دخلت مع دعاسيق :confused: والله تقل في مصر لا والله مستشفيات مصر في التلفزيون أحسن:upset:

انا اول كنت لما يقولون العسكري اقول ماشاء الله اكيد راقي وفخم والله طلع هب بلا لب:D

طيب العسكريين ولهم العسكري ويشبعون فيه والله ما يأهل حتى يحطون لك شمعة:mad:

أهل الحرس ولهم الحرس والله يهنيهم فيه مفارشهم مايغيرونها الا كل خمس ايام يعني اذا النمل استفحل:mad:

الجامعي حق الملك خالد وحق الملك عبد العزيز ..لمنسوبين الجامعات ..والله يبارك لهم فيها:yes:

والتخصصي لل vip :D

حنا يالاوادم ويين نروح :D الميزانية هاللي فاضت ورى ماتزيد عدد المستشفيات ليه ماتحسّن من وضع مستشفيات :rolleyes:

الثروة تصنع المستحيل .. وتحقق معجزات .. لية البطء في آلية التنفيذ .. لية التروي في عملية تحسين وضع معيشتنا:rolleyes:

لما نطالع الدول القريبة منا بصراحة نغبطها تقدمت تقدم هائل وقوي لأنها في قراراة نفسها ..تقول الأقربون أولى بالمعروف :yes: وتعمل بالمثل الشعبي (( دهننا في مكبتنا )):D

بس الظاهر حنا نخلة عوجاء بطاطها في غير حوضها ..:D

الميزانية هذي ..لازم نستغلها في تحسين وضع الجميع .. تحسين العاطلين والعاطلات عن العمل ..

بعد عشر سنين ترى احتمال مانمشي بسيارات من الزحمه :D ليه مايسارعون بايجاد حلول لفك هالاختناق ..:rolleyes:

يعني أمس أخوي كان عنده موعد كان الساعة 9 تقريباً عشان يتعدى طريق في الرياض يبي له ساعة:confused:

طيب اذا فاته الموعد من المسؤل !!!! زحمة الرياض :rolleyes:

الميزانية حل لكل شيء نستصعبه ونكابده هنا ..:yes:

مع تمنياتي بالرخاء والنماء في كل ميزانية لمملكتنا ..:yes:

وكل ميزانية وأنتم بخـــير :D

موضوع راائع وجميل واهنيك على الطرح الجمييل

اختي سندريلا الي سمعته ان مية ملياار من الفااض رااح لليووم الاسودعلى قولتهم

والبااقي مدري وش صاار عليه بس انا في تقدم يعني شوفي اول وش كنا والحين وش صرنا فيه كذا مشرووع

بيفيد الوطن وبيفيد الشباب يوضفهم

إقتباس:

لما نطالع الدول القريبة منا بصراحة نغبطها تقدمت تقدم هائل وقوي لأنها في قراراة نفسها ..تقول الأقربون أولى بالمعروف

ربعنا جيدين انهم يعطوون لبنان ملياار وخمس مية ملييون دولار وشعبهم نصه مطفر

على العموم الله يعطييك العاافيه على الموضوع

ولا عدمنااك

ودمتم سالمين

هــامور البورصة

الله يعطيك العافية ..

من كلامك افهم اننا فعلا مازلنا ننتظر ..ومالنا الا الصبر والانتظار ..

كل الشكر لتواجدك ..

هلا بمستشارتنا المتألقة :)

موضوع جرىء و رائع وكلام بالصميم

سندريلا ماتقصد بس الفائض في ميزانية العام القادم

من سنة 2003 والمملكة تحقق فائض بالميزانية يعني اربع سنوات متواصلة

بلغت مجموع الفوائض اكثر من600 مليار ريال

اعرف ان جزء منها ذهب لتسديد جزء من الدين العام

لكن الباقي ماذا استفدنا منه؟؟

بالنسبة للصحة اعتقد بان وضع متشفياتنا وضع مزري جدا

حريم يولدون بالاسياب مواعيد ماتحصلها الا بعد شهور من المعاناة خدمات للمريض اقل مايقال عنها سيئة

هناك اقتراح سبق ان طرح اتمنى اتمنى ان ينفذ عن قريب

المستشفيات الحكومية تتولى تشغيلها شركات خاصة وتلتزم الدولة بتوفير تامين صحي لكل مواطن

بالتالي يستطيع المواطن العلاج باي مستشفى اهلي بدفع رسوم رمزية لاتتعدى 10% من قيمة العلاج

اليوم بالصدفة وانا اقرأ جريدة الاقتصادية وجدت مقال لكاتبي المفضل ( اقتصاديا ) الاستاذ راشد الفوزان يتناول نفس القضية اللي تناولتها ( مستشارتنا ) اليوم

إقتباس:

أعلنت الميزانية العامة للدولة, يوم الإثنين الماضي, بأرقام تاريخية غير مسبوقة, ولست بصدد إعادة ذكر للأرقام التي نشرت في كل وسائل الإعلام السعودية, ولكن اللافت في هذه الميزانية أنها ذات أرقام إيجابية تاريخية, فقد حققت فائضا بمقدار 265 مليار ريال فعليا عن عام 2006م, أيضا توجيه 100 مليار ريال كاحتياطي للدولة, وهناك الكثير من الأرقام المهمة في الميزانية, ولكن هذين الرقمين, الفائض والاحتياطي, هما الجديد الذي يحدث بعد مرور عدة عقود من السنوات فهما يعكسان مدى إيجابية الموازنة العامة للدولة, وما ينتظر هذا الوطن من حجم إنفاقي كبير يواكب هذا النمو العالي في السكان والمتطلبات وحتى التحديات, لكن ما أود التركيز عليه هنا, أننا أن الميزانية العامة للدولة أو حجم الأموال الآن متوافر منذ عام 2003م حيث حققنا عام 2003م فائضا بمقدار 45 مليار ريال, وعام 2004م فائضا بمقدار 130 مليار ريال, وعام 2005م فائضا بمقدار 217.8 مليار ريال, وأخيرا عام 2006م. حققت الميزانية فائضا بمقدار 265 مليار ريال, بإجمالي فوائض مالية عن أربع سنوات (2003 - 2006 م) 657.8 مليار ريال. هذه الأرقام هي أقصى ما تبحث عنه الدول لتحققه كفوائض مالية جيدة, من خلال مصادر دخل الدولة ونحن نعتمد هنا على مصدر النفط كمصدر رئيسي ومهم ساعدت أسعار النفط على تحقيق هذه الفوائض المالية المميزة, لكن السؤال المهم الذي يجب أن يطرح, ماذا حدث على أرض الواقع من إنجازات في هذا الوطن كاقتصاد كلي وشامل, وللمواطن, وللمستقبل؟!
حين نريد استعراض ما يحدث في أرض الواقع, أجد أننا لم نحقق ما يوازي هذه الفوائض المالية, فاستثمار الأموال التي يتم تخصيصها للوزارات الحكومية أو حتى شبه الحكومية هي كبيرة ومميزة, ولكن لا نجد الحلول تنتهي للمشكلات التي تحدث للاقتصاد الوطني أو للمواطن, فنلاحظ القصور في الخدمات كثيرا, نقص المياه والمعاناة, انقطاعات الكهرباء وتوقفها في أوقات الصيف, فرص العمل المحدودة وخاصة المرأة, الفرص التعليمية داخل المملكة تظل محدودة وصعبة, مكافحة الفقر, البنية الأساسية من صرف صحي ومطارات "مطار جدة مثال", عدم وجود بيئة صناعية رافدة للاقتصاد الوطني, المستشفيات وقلتها ومعاناتها, وغيرها كثير, ولكن أريد التركيز على أن ملامسة تأثير هذه الفوائض المالية في الاقتصاد ككل تظل دون مستوى الإنجاز, وسبق لخادم الحرمين الشريفين أن خاطب الوزراء "بأن لا عذر لهم بعد اليوم" إشارة لوجود المال الذي كان يعتبر عائقا في الإنجاز أو تحقيق الأهداف, ولكن الآن ومن سنوات قليلة وجدت الفوائض لكن المشكلات والقصور لم تنته, فما زالت المعاناة مستمرة حقيقة لبعض مما ذكرت, فلن تجد سريرا في مستشفى بسهولة أو بدرجة عالية من الكفاءة, ولن تجد مطارا راقيا وكافيا كمطار جدة, ولن تجد صرفا صحيا أو مياها في جدة وغيرها بسهولة, ولن تجد مقعدا جامعيا أو كلية لابنك أو أخيك بسهولة, ولن تجد ولن تجد, هذه بعض ما يفتقده المواطن, وهنا نحمل الوزراء والوكلاء وكل مسؤول بمكانه, فحين كان العذر هو المال أو المخصصات غير كافية, فهي الآن تضخ بكل قوة وكفاية, ولكن ما هي كفاءة وقدرة الوزارة على الإدارة بكفاءة وتحقيق الأهداف والتطلعات, يجب أن نعيد النظر في من هو المنجز والمدير وماذا يعمل, حين تجد مشكلة "أي مشكلة" لا تنتهي بسهولة أو بحلول سهلة وبكفاءة, الملك عبد الله بن عبد العزيز - حفظه الله - شعرت من خطابه للوزراء وللمواطن, قمة المصداقية والأبوة والتطلع لهذا الوطن والمواطن بأن يحقق لهذا الوطن عزته وقوته وشموخه, وأن يحقق للمواطن رفاهيته وحقوقه وألا يكون هناك قصور أو محتاج, الملك - حفظه الله - فعل كل ما بوسعه باعتماد احتياجات الوزارة والجهات الحكومية الأخرى وتدخل أكثر من مرة لمزيد من رفاهية المواطن, ولكن يحتاج هذا الإخلاص الملكي إلى رافد داعم ومثابر وهي الوزارات الحكومية, ومتى تحققت الأهداف التي تحدد بكفاءة وبأقل تكلفة نكون وصلنا للنقطة العادلة للجميع.
على الوزارات والجهات الحكومية وشبه الحكومية أن تعمل بكل طاقاتها وقوتها, بالسرعة والوقت المناسب والكافي غير المحبط للمواطن أو المهبط له, على هذه الجهات أن تعمل على الإنجاز للوطن الذي يعاني منها من سنوات, علينا أن نعمل كلنا في سبيل الوطن ووطن أقوى لمواجهة التحديات, والاستفادة من كل "ريال" لعزة وبناء هذا الوطن أولا ثم المواطن, حين تربط أو تلزم هذه الجهات الحكومية بتحقيق هدف خلال مدة محددة مع توافر كل العوامل, أثق أننا سنتخلص من كثير من المتأخرات والنواقص التي نعاني منها من سنوات في كل المجالات, إدارة بالأهداف هو مصطلح إداري معروف, ولكن هنا أضع ميزانية بالأهداف متى تحققت نقول نجحنا, وغير ذلك هو إخفاق لا سمح الله.

ماعليه ياكاتبنا العزيز (مستشارتنا) سبقتك بتناول الموضوع ;)

الف شكر سندريلا على الموضوع الرائع :)

إقتباس:

أمس أنا زايرة جدي في مستشفى العسكـري

سلامة جدك مايشوف شر
وانا بعد جدتي بالمستشفى :(
الله يشفيهم يارب,,
,,,,,,,,,,,,,,,,,,,,,,,,,,

ياوخيتي سن سن والله شيء يقهر ويفشل بنفس الوقت :(
صحيح السعوديه اغنى دوله لكن للأسف ماشفنا شيء ,,,صحيح تطورنا لكن مثل ماقلتي ببطء شديد,,,

إقتباس:

بعد عشر سنين ترى احتمال مانمشي بسيارات من الزحمه :d ليه مايسارعون بايجاد حلول لفك هالاختناق ..:rolleyes:

وش عشر السنين ؟؟ وانتٍ الصادقه سنتين ,,
والله ضروري يوجدون حلول للطرق ...!!
مو حاله عندي محاظره 10 لازم امشي قبلها بساعه :(
ونبي نشوف سكة الحديد اللي يقولونها من سنه جدتي :D

انا طلباتي كتبتها قبل واكررها هنا :D
باختصار صلحوا مستشفياتكم .. وجامعاتكم .. ومدارسكم ..وشوارعكم .. وطيرانكم .. وكهربكم ..ومويتكم .. واتصالاتكم ..وسياحتكم ..وعقارتكم... وقروضكم واسهمكم ... واعطوا الطلاب مكافأتهم ...و الشباب العاطلين وظايف... والبنات رواتب :d ..وعطوا الفقراء والمحتاجين رواتب تكفيهم .. وعجلو بمشاريعكم

ووووبس

سن سن صباح الخير :D

ما بعد عدة 48 ساعه على اعلان الميزانيه وشبيتوا عليهم ........ مثل الي طلع معه خمسين ريال ويبي يشتري بها سياره ويسافر ويتزوج وبيت و و و و ....... الفائض رقم كبير ماليا بس بعد الدوله واحتياجاتها اكبر من الفائض...... والي بيروح موعد ويعرف ان الطريق زحمه يطلع بدري..... وبالنسبه للحلول البديله موجوده وتم الموافقه عليها من العام بس كل شي يبيله تخطيط ودراسه مو كن فيكون ........ والشي الأهم الفائض ولله الحمد موجود بس لين وصل الفائض للمختص يبيله واحد يخاف الله .....
وبالنسبة للدول الي جنبنا ترا عدد سكانهم 13 رجال و23 حرمه 100 بزر مساحتها ما تجي مدينة الرياض وعندهم تقريبا ثلث ميزانيتنا يعني ما يدرون وش يسوون بالدراهم مافيه وجه مقارنه

إقتباس:

وش اخباركم مع البـرد مابقى الا يجينا الثلج اللي نتمنـاه مع انهم يقولون انه في عرعر مدهر

ماشاء الله كل شيء سوقة ارتفع .. الحطب والدفايات والبطانيات والملابس الشتوية

وشو !!
تقولين برد !!
عاد تصدقين .. حنا نسمع بالبرد بس مانشوفه ..
قبل كم يوم جانا هواء بارد .. بس أضن لو يجون أهل الرياض يقولون جو ربيع :d
عاد لنا يومين ماهناش هواء بارد .. الأجواء عاديه ..
حنا السوق عندنا يهشـّـون ذبّـان ..
كل يوم أقول ودي أحس اني بـ شتاء وبرد وأتدفى وأشرب حليب زنجبيل .. ونسولف ونستانس .. :rolleyes:
بس الله يسامحهم ما عطونا إجازة طويله نلحق على القصيم ..

إقتباس:

حتى الميزانية ماشاء الله مزدهرة وهاليومين مدهرة مانسمع الا الفايض من الميزانية

طيب فاضت الميزانية الخطوات اللي بعد الفيضان وشي

الفايض سلمتس الله تنشق الأرض وتبلعه .. ما نشوف شي .. :rolleyes:

أغدينا هـ المرهـ مع أبو متعب نتطور ونلحق الجيران ..

...

الله يشفي جدك ويعافيه ويقومه بالسلامه ..

التخصصي اللي لـ الـ VIP في جدهـ للأسف ما يسوى ..

صحيح النظافه ماعليه كلام والتطور فيه ..

لكن الدكاترهـ والله ما عندهم الا الدجه ..

بس أيام ما كان جدي الله يرحمه هناك كانوا يمدحون تخصصي الرياض ..

...

الدول الثانيه ما شاء الله تطوروا كثير ..

عاد حنا مساكين .. والله يا جدهـ معاناة .. ما في شارع ما فيه حفر ..

ما غير طع طق طرطع .. والسيارة على الوكاله ولا الورشه بـ سبب الحفر والجبال(المطبات) .. :mad:

والله ربعنا من جرف لـ دحديرهـ والتطور بـ وادي وحنا بـ واديـ ن ثاني ..

مملكة الإنسانيه ما تقصر مع الدول الإسلاميه .. والأكثر مساعدة وبلا فخر ..

بس الشعب السعودي المغلوب على أمرهـ ليش ما لهم بـ حلالهم شي !!!

زحمة الرياض مشكلتها مشكله ..

أنا أقول لو يخلون الناس يمشون بـ طيارات صغيرهـ حقت راكب ولا راكبين أصرف ..

يمكن يلحقون على دواماتهم قبل التأخير ..

...

كل ميزانيه والجميع بـ خير ..

ويارب تكون هذي السنه غير اللي سبقها ..

ليتهم يحسنون من أوضاع الأسهم اللي دمرت الناس وضيعت مستقبل البعض .. وطيرت عقول البعض !!

أنا متأكد اللي طاحوا بـ الأسهم ما يبون الا حقهم ويبون يهجون .. بس عطوا الناس حقوقهم ..

والفايض المفروض يستفيد منه الشعب السعودي كااااااااااااااافه ..

إقتباس:

الرسالة الأصلية كتبت بواسطة HEAF (مشاركة 4419479)

اخووي اول شي انا اعتذر من سندريلا وماكان ودي اقلب الموضوع شاات

لكن خلنا واقعين وش الحلول الي قالو عنها القطاراات من متى قالو بنحط قطاراات من سنة جدي الله يرحمه

والي بيروح موعد يطلع بدري يعني قبل الموعد بكم سااعه والله ماتكفي

انا قبل اسبووع اياام المطر طلعت السااعه سبع وصلت مستشفى الحرس الساعه ثماان ونص من الزحماات

ورجعت علطوول كنت راايح اجيب وااحد من هنااك اقسم بالله مارجعت البيت الا السااعه عشر ونص كان فيه مطر والطريق مووقف

اشلون يخااف عليه شعبك مطفر الفلووس هذي وين يصرفونها فيه ؟ المفرووض يصرفونها على الشعب ومطلباات الشعب

يااخي كم فيه وااحد عاااطل في السعووديه

اذا الدوول هذيك شعبها قليل شف ميزانيتك كم وشف ميزانيااتهم كم لا تكوون متنااقض ولا بس انا الي نخااف على الدرااهم

وهم مايخاافون

على العموم اختلااف الرااي لا يفسد للو د قضيه اتمنى انك ماتفهمني غلط

واكرر اعتذااري للسندريلا الهلاليه

السلام عليكم ورحمة الله وبركاته،،

هلا بالسندريلا:)

إقتباس:

مع انهم يقولون انه في عرعر مدهر

لي عم بعرعر كبير سن (الله يعطيه الصحة والعافيه) ساكن بلحاله ولا جاء الشتاء نحاول نقنعه يجي للرياض بس ماش نعجز عنه:cry: وآخر مبرراته يقول الحين عرعر مثل بيروت بالثمانينات:D ياحبيله فسقان:D

إقتباس:

طيب فاضت الميزانية الخطوات اللي بعد الفيضان وشي

الجواب عند معاليهم:yes: الدولة خصصت لكل قطاع حصه تتناسب مع متطلباته وحاجة البلد

واللي نتمناه هو وضع آلية لمتابعة طريقة صرف هذه المبالغ في كل جهة;)

إقتباس:

حنا يالاوادم ويين نروح الميزانية هاللي فاضت ورى ماتزيد عدد المستشفيات ليه ماتحسّن من وضع مستشفيات

كل سنة يكون نصيب الصحة من الميزانية ممتاز مقارنة بباقي القطاعات لكن ما شفنا شي، ما غير دراسات وخرابيط

الرياض بكبره ما فيه مستشفى حكومي لجميع المواطنين الا الشميسي ، والقمامه قصدي اليمامه للولاده:cry: !!!

إقتباس:

طيب اذا فاته الموعد من المسؤل !!!! زحمة الرياض

الحمد لله يارب اننا من سكان الرياض:yes: أهون شوي من باقي المناطق اللي ماعندهم الا آآه ياليل:cry:

تشكراات , ويعطيك العافيه:) وأحسن شي انك فكيتينا من الخط المايل:yes: منـّول عشان أقرا لك موضوع لازم أنسدح:D

الله يعطيك العافية

كلا يغني على لياله

المشكلة في البطانة يعني في كل شي لابد نصب ويكون من المسؤلين عندكم مثلا المكافات وما أداراك ما المكافات

يعني سبب تأخيرها أنهم يشغلونها في سوق الاسهم "والشيكات حقت المكافات

تستلمها الجامعات أو الكليات في أول يوم من كل شهر وبسب النصب ماتزل للطالب الابعد كم من شهر " مثل جامعتنا لهم

ستة شهور " وزين أن نزلت اخر الشهر " وهذا الكلام ليس كلامي أنما كلام أحد الدكاتره بالجامعة .

الحكومة ما قصرت بس نبي أهتمام مثل تهتم ب لبنان ونحن الاحق .

الأخ هامور البورصه كلامك حلو وابد النقاش حلو. واقول مشكلات الزحمه حلها مو متركز على ميزانيه وشارع جديد او قطار مشكلة الزحمه بسبب التخطيط لمدينة الرياض وللمعلوميه قسمو منطقة الرياض إلى شرائح ناسي عددها ولكن كل شريحه بيكون فيها مجمع اداراة يعني جوازات احاول مدنيه بلديه و و و ألخ يعني فروع للإداراة الحكوميه هذا احد الحلول وعلى فكره تم بناءه وتشييدها وبتشتغل قريبا وهذا يدل ان فيه ناس تشتغل ... وبالنسبه للدول الثانيه مو تناقض ولكن هم مصروفهم على دولتهم ودولهم صغيره بس انت عندك دوله لها ثقلها السياسي ... مو على المنطقه لا على العالم كله والشي هذا له تكلفه ...... وعشان ما يطول الكلام ..... إلي اقصده في كلامي وبعطيك مثال واحد بينقل بنت اخوه من جنوب الرياض لشمال الرياض ولا جاها الدور في النقل يقول وقدامي الكلام هذا يقول للمسؤل ببرق لخادم الحرمين ابو متعب وبينقلها !!! ياخي ابو متعب فاضي بس ينقل بنتك من جنوب الرياض لشمالها الله يعينه بس ....فمشكله الزحمه او اي مشكله مو معقول نرميها على الميزانيه لازم تقبل انه فيه يوم لك ويوم عليك تحمل عشر ايام زحمه في كل سنه ..... ومعنى كلامي مو ان كل شي مره يهبل وماشي تمام لاء ولكن نتمنى الافضل ولكن الفائض ما يحل كل مشاكلنا . ... . واشكرك على ردك

لا لا لا لا ....

ماهكذا تورد الإبل !!

سندريلا .. مابقولك سلميها بيدي وابشري بعزك ...اذا ماخليت جــــــدة مدينة من كوكب اخر << مايقلد رؤوف خليف.

تبون الحق .... وتسمعون لكلمتي ...
ياخي ذا ولي الأمر .. وهو ادرى بمصلحتنا .. انتم على بالكم مافالدولة الا خدمات من طرق و مدري وشو ؟؟؟!

الدولة .. تطور فنفسها شيء فشيء وانتم شايفين المدن الصناعية..

الدولة عندها حرمين .. وانتم شايفين الحجاج كل سنة يزيدون . وكذلك المعتمرين ..

الدولة وراها تجنيد و حفظ امن .. ومن ذا القبيل ...

باختصار ربكم راحمكم انكم مو انتم المسئولين عن هذا الشيء كله..
مادام انكم بايعتو ابو متعب الله يحفظه ..وهو حاول قدر المستطاع انه يتخذ بطانة صالحة ... خلااااااص انتم ابلعوا السنتكم واللي فيه خير يدعي له..

اما ان يجي كل من هب ودب ( واسمحولي ع هالكلمة) ويتكلم ويلت ويعجن . فهذا مرتع خصب لشك وتيادل الاتهامات ضد الدولة ..

انتهى مع التحية ..

موضوع نقاشي حلو .........

وآآآآآآآآآآآآآآآآآآآآآآآآآه لو بتحكين عن المستشفيات ..... صاروا الحين المقيمين عندهم تأمين والعسكر والجامعيين لهم مستشفياتهم إلا حنا الله يخلف مثل المدرسين والمدرسات والطلاب ........

لكن وش نقول ... مع باليد حيلة ياوخيتي ..... والله الود ودنا لو يحطون في كل حي مستشفى ...... لكن هذولا ربعنا قول بلا فعل ..... وحتى لو كان في فعل فهو مو قد المطلوب ....... وأنا أقولكم الصراحة ما قد مرضت الله يحفظنا وياكم إلا وأ،ا مسنتر عند مستشفى أهلي ......... ليييييييييييييييييييييييييييييييييييييييييييييييييييييييه وحنا عندنا خيرات وأعلى ميزانية وقروش وخبرات .... يعني كل شي متوفر ،،، ليش ما ينجزون ويخلصونا ......

هذا حنا المتوسطين ولله الحمد .... ((((((((بس و ش نقول عن المساكين الضعوف من وين لهم يتداوون وياخذون علاجاتهم ))))))).......

موضوع مميز ...... وأتمنى من الجميع التفاعل ...... وألف شكر لكاتبة الموضوع وياليت تثرينا بمثل هذه المواضيع .....

تحـــــيـــاتــــي .،،،،. هـــلالــــي عــلى طـــــوووول .،،،،.

هذا غيض من فيض ........ وحنا لسه ما حكينا إلا اللي في الميزانية .... ما حكينا عن الفايض ...... وهذا الموضوع عن المستشفيات ...... لسه ماتطرقنا لمواضيع الخدمات والبلديات والتعليم والنقل والاتصالات و و و و و و و و و و و و و

سؤال محيرني : وين دور الوزراء وأعضاء مجلس الشورى اللي في كل جلسة مسوين لي فيها ديموقراطية تصويت وتصويت وتصويت ويضغطون بأصابعهم كأنهم أول مرة يشوفون شاشة .....

يا ناس يا عالم ..... لحد يجي يقولي ليش تدقق وليش ماتشوف الانجازات ليش بس تشوف العيوب ..... ياناس اللي يحبونكم ما ينحونكم ما يدورون لكم الخير ........ وبعدين الملك عبدالله ــــ الله يحفظه ــــ أمر بنص الدولة وإلقاء المشورة عليها فيما ينفعها في دينها ودنياها ......

أرجو من الجميع التفاعل مرة أخرى .... وأجدد شكري لصاحبة الموضوع .....

تــحـــياتــي .،،،،. هـــلالـــي عـــلى طــــوووول .،،،،.