بسم الله الرحمن الرحيم..
السلام عليكم ورحمه الله وبركاته...
هلا وغلا بكل اخواني واخواتي الغاليين
اشلونكم وشخباركم عساكم بخير..
عساكم ما زكمتم مع البرد واتشو ومدري وشو مثلي
عاد حنا ما ننعطي وجه لا جاء الصيف قلنا حر وما حر
وفي الشتاء نشتكي من البرد مدري شلي يعجبهم هالناس<<ماكنك منهم
بس انا اشوف ان الشتاء احلى من الصيف لان الصيف ما يطاق بصراحه
المهم خلنا في قرقرتي اممممم..



عاد هالايام يوم راحه وعشر ايام اختبارات وحوسه
الله يعين بس شي يرفع الضغط بشكل موب طبيعي
هالسنه طفشوني وجابولي المرض كل اشوي انتم اخر سنه
اللي يشوفهم يقول حنا مو عارفين باننا اخر سنه
وش صار لا صارت اخر سنه يعني حنا بالسنوات
اللي قبل ما نذاكر.. كل سنه نذاكر ونختبر وننجح
ليه تلجون وتصجون فوق روسنا حرام عليكم ارئفوا بحالنا
لا وزود على ذا كله يذلونا بالدرجات واسكتي والا انقص
قومي جاوبي والا انقص وو..
قسم بالله كرهوني بالدراسه والمذاكره..
كان عندنا الاسبوع اللي طاف اختبار ..
اختبرنا وخلصنا كنت واثقه من اجاباتي
واني حاله زين ومو ملخبطه او اخطات في شي
جتنا بعدين وعطتنا الدرجات وقامت قالت منار 9من 10
انا انصدمت ليه حرام عليك يا ابله والله حليت
وين طار الواحد<<من زود الشطاره
عاد الابله قالت طار وخلاص قلت لها بشوف
الاورقه حقتي قالت لا قلت لها الا بشوفها انا متاكده
ونقصيني 4 درجات لو انا غلطانه
قالت انتي مو غلطانه وانا مو جايبه الاورقه انا نقصتك كذا
<<بالله مو قمه القهر حسبي الله ونعم الوكيل بس
الله يعدي هالسنه على خير ونفتك من ذلهم وهالسنه الكئيبه

والله يوفق كل طلاب وطالبات سنه ثالث والجميع;)

~*~*~*~*~*~*~*~*~*~*~*~*~*~*~*




كفايه لا تدمر قلبي وتخليني اعاني
كفايه اللي مضى من سالف زماني
ما ابيك ترجع وتذكرني باحزاني
ما ابيك ترجع ثم تروح وتنساني
خلاص خلنا نبتعد وننسى اللي كان من ثاني
خلنا نذكر بعضنا بعد الرحيل بشي انساني
واوعدك بذكرك بالطيب لا اذكروك من جاني
واحاول اتجاهل نظرات فلان وفلاني
بذكرك واقول كان اعز خلاني
كان اجمل بيوت شعري وعناويني
كان انسان يحب ولكن ما يعاني
عشان محدنٍ يعرف وش كثر هو يعاني
المشكله اني لــ غيابه دوم اعاني
والمشكله ان الله بحبه بلاني
والمشكله اني ما اقدر على بعده ثواني
والمشكله انه لو اقترب مني وجاني
احس الدنيا من الفرحه ما تكفييني
والكلام من الخوف يوقف على لساني
يقول كيف الحال واقول زيني
واقول بخجل ما وحشتك يابعد عيني
يقول والله اني انتظر جيه لك لو هي ثواني
لاجل اقول انا احبك واشتاق لك يا بعد اسنيني
بس افترقنا ولكن مو على شانه اناني
ويحب نفسه وما يبيني وبينساني
المشكله مو فيه المشكله فيني واحده مالها ثاني
ان اللي يطيح من عيني ما يرجع لقلبي ثاني

~*~*~*~*~*~*~*~*~*~*~*~*~*~*~*


~*~*~*~*~*~*~*~*~*~*~*~*~*~*~*



كثير من مجالسنا تكثر فيها الغيبه واكل اعراض الناس
وبالذات عند الحريم<<خبره اسنين
يعني يقعدون يتكلمون بفلانه
وعلانه وفيها وما فيها...الخ<<وش دخلهم مدري
مثلا حنا لمن نتجمع عند اختي وبنات خالتي اكيد اننا نقعد نسولف
ومع كثره السوالف ممكن اننا نخطي ونحش
مو قايله اننا ناس مثاليين وما نغلط اكيد أي حد معرض للخطا
لكن التقليل من هالاخطاء هو الافضل
اختي اذا شافتنا قاعدين نغلط ونتكلم بالناس على طول
اتضيع سالفتنا وتجيب لنا مثلا لغز نقعد انفكر بحله
او تسألنا سوال في الصحابه عاد حنا مانحب السوال
اللي فيه من هو الصحابي ..لان اجاباتنا تكون طقها والحقها
مره من المرات سالتنا عن لغز وعاد انا وبنت خالتي
قاعد نفسر فيه ونحلل وحاله<<يقال لنا فهيمات
وفرحانيين وحسبنا اجابتنا صح وواثقيين حيل
بس للاسف اطلعت الاجابه غلط وموب يمها اصلا:p
كان يقول اللغز ...

انشدك عن بنت عمرها ما بين عشره وعاميين
حرفها الاول يطابق رابع الاثنين وحرفها الثالث مكتوب وسط شهرين
متزوجه زوجين الاول مسافر والثاني تشوفه كل يومين اخر اسمها اخر العيديين
وش اسمهااا تتوقعووون

واللي يحله هو الشاطر<<<تسمع برفع المعنويات
واتمنى ان كل تجمعاتنا تخلو من الغيبه والحش بالناس
والكلام بشي يفيد لك وللموجدين بهاللجمعه
عشان يكون الكلام اللي تقوله يحسب لك مو عليك
لان الله قال في كتابه(ما يلفظ من قول الا لديه رقيب عتيد)



خالص التحايا لكم وكل الامنيات لكم بالتوفيق دوماً وابداً
وجمعني الله واياكم في الفردوس الاعلى من الجنه ورحم الله موتانا وموت المسلمين
(سُبْحَانَكَ اللهُمَّ وبحَمْدِكَ، أشْهدُ أنْ لاَ إِلَهَ إلاَّ أنْتَ أستغفِرُكَ وأتُوبُ إليك)

بنت الزعيم
ارفع القبعه لكِ ولقلمك الجميل
لماخطه لناهذا اليوم
لقد ابدعتي فأمتعتي

إقتباس المشكله مو فيه المشكله فيني واحده مالها ثاني ان اللي يطيح من عيني ما يرجع لقلبي ثاني

اذا اخذ مكان من قلبك لن يخرج منه مهما حدث
صدقيني..
واذا تمنيتيه لن تجديه الا هناك
في غرفات قلبك المظلمه لانك اقفلتي عليه
بعقلك لابقلبك
فليكن في النور دائماً..ولكن في حدود الواقع


استوقفتني كثيراً هذه الصورة


بنت الزعيم
لقد مررت على موضوعك بالرغم من ضيق وقتي
فأرجو ان تعذري لي هذا المرور السريع
ولتعلمي
انك دخلتي ضمن قلة المنتدى اللذين اعجب بهم;) ..


سوسوالهلاليه

بنت الزعيم

مع إني ماأحب أقرأ المواضيع الطويله بسرعه إلا إني مريت على كل كلمه فيه

كلامك رايـــق..اللـــــه يعينك على ثالــث..شدي حيلك

وإذا على مدرسة المادة حقتك ففيه منها كثير مروا عليناحسبي الله عليهن

وبالتوفيق لك...

وتقبلي مروري

يعطيك العافيه موضوعك حلو وخفيف

إقتباس ما ابيك ترجع وتذكرني باحزاني ما ابيك ترجع ثم تروح وتنساني

//
//

هــلا والله وغـــلا منااار
منور المنتدى بموضوعـك من زمان عن مواضيعك
يالدبــه:p ابدااع موضوع متنوع ورائع..

الله يوفــقنا أنا وياك بثالث وكل الأعضاء
اللي بثالث وننجح ونجيب نسبه حلوة
ويخلونا نروح بعثه في جامعه اكسفورد
عاد ونااسه :p

..



كم من الأيام مرت وأنتهت..وأنت ياقلبي على
حالك بقيت..
كم من الذكـرى تعاند واقدرت..تغلبك ياقلب
وأنتَ ماقويت..
ليالي كلها أحزان..
وليل الفـرح أبد مابان..
ليالي ماتخلينا..ماغير الذكرى تكسينا..
تعبنا من الشقا والآآه..
تعبنا وكانت الأقـدار..((تفرقنا وتخلينا))
على ذكرى رحيل إللي ..تعبني قلـبي
من ذكـراه..وعيت روحـي لاتنساه..
ورحت هناك على شاطئ رحيله..وتذكرته
وكانت الذكرى جميلة لكنها أليمـه..
تذكرته وهو جالس وأنا جنبـه..أناظر في سواد عينه..
ويلعب بي هذا الشوق لما ألمس ايدينه..
آآه ياقلب ياليت تنساه..
تكفى مابـي أعيش على ذكراه..أنا وروحي
خلاص هجرناه..
إلا أنت عندك أمل فيه!!
غريـبه يـاقـلب!!
تكفى يالنسيان..
تعال وخذ مراسي الحزن إللي بقلبي..
ولاتعود وهي معك..
حتى لاتزيـد تعب قلبي ..

..

من ناحية الحش فيكثر بالمجالس ولاسيما بالمدارس
والجامعات مدري ليش
بس هذي ظاهره مو حلوة وان شالله نقدر
نتخلص منها ..

..

تسلمين على هالابدااع منووره..

//
//

سو سو الهلاليه
حياك الله اختي مشكوره على اطرائك وهذا بعضاً مما عندكم
القصيده مجرد خيال لا يذهب فكرك بعيداً ...
تشرفت بردك رغم ضيق وقتك..
واتشرف بان اكون من من تعجبين بهم ...
شكراً لحظورك وشكراً لكلماتك

*~*~*~*~*~*~*~*~*~*~*~*~*

?كلي هلالي?
حياك الله اخوي الله يعينكم ويعيني
ويوفكم ويوفقني ...اللهم امين
ماشاء الله عليك اجابتك صحيحه ...
وانا اللي قعدت ساعات ولا عرفته <<من الدلاخه
اكيد اتعرف هاللغز من قبل عشان كذا حليته بسرعه
وشكراً لمرورك وحظورك

*~*~*~*~*~*~*~*~*~*~*~*~*

هلاليه سنعه
هلا وغلا اختي سنوعه
البرد وانا اختك تقدرين تدفين منه بس الحر لا مكيفات ولا غيرها ينفع معه ...
اما الخشم من البروده ما احس فيه مره..ويديني الله لا يوريك صارت حمراء من البرد وحالتها حاله ..

ياحليلها اختك هههههه مع النخل اللي طالع لها بس عشرين انا دبلات الدبلات
يعني تعدين وتغلطين الله يعين بس...اللهم امين

الله يهديك وش شاعره مع الكلمات اللي ما استحقه
الحين اصدق انا ويا وجهي ...هذا بعضاً مما لديكم اختي سنوعه

وياك يالغاليه وصدقت هم يتكلمون ولا يفكرون بان لديهم ملكان يكتب ما تكلموا فيه
ولا يفكرون في نظر الله حينما يراهم وهم ياكلون في اعراض الناس ....اللهم امين

لا تقولين ولا شي يكفي تواجدكِ يالغلا في موضوعي
والله يعافيك من كل شر ...وشكراً لحظورك الرائع

*~*~*~*~*~*~*~*~*~*~*~*~*

بنت الزعيم..11089
حياك الله اختي الكريمه
هذا من ذوقك ..ويعين الجميع ...
تشرفت بتواجدك وردك

*~*~*~*~*~*~*~*~*~*~*~*~*

سندريلا الهلال
هلا وغلا اختي الغاليه
اذا كنت انا مبدعه فانتي الابداع بعينه ...
اللهم امين...الله يسامحها بس الحمد لله جت على درجه موب اكثر
الله يسلمك يالغلا ويوفقك ويسعدك
تشرفت بتواجدك في متصفحي فشكراً لك

*~*~*~*~*~*~*~*~*~*~*~*~*
الكــلاسيكي
حياك الله اخوي الكريم
والله لو تذكرت الصيف وبالذات بالقوايل اقول الشتاء ازين منه بكثير
ما شاء الله عليك اجل عندك مناعه الله لاليبلك
بالفلونزا بالذات بهالوقت ياهي تسوي سوايا فينا

من كثر ما يعيدون ويزيدون بنفس الكلام صار الخوف عندي مضاعف
عقبال ما اتخرج وارتاح يارب والجميع
الحمد لله انها جت على درجه والله اني كنت خايفه لا تقول صفر
بس الحمد لله ...امين ويوفقك

الله يهديهن مع انهن اكثر حطب جهنم الا انهن يحشون بخلق الله ولا يخلون حد في حاله ...
والرجال اكثر مجالسهم عن الاسهم <<خبره من اللي عندي
كل ما جلست مع اخوي عمي خالي والاسهم طالعه:p
والاسهم نازله صجونا ما صارت << يعني ما يحشون كثر الحريم

اشكرك على اطرائك ولولا الله ثم دعمكم لي لما عرفت للابداع طريقاً
وهذا قليل مما عندكم...
تشرفت بمشاهده معرفك في متصفحي فشكراً لك

*~*~*~*~*~*~*~*~*~*~*~*~*

نـــــــ15ــــــمر
حياك الله اخوي الكريم
ايه فيه عروق مشتركه صديقتي واختي في الله
الله يعينك اجل انت مثلي النفلونزا حاشتك بس الحمد الله
انفلونزا هذي ولا حقت الطيور
لا والله ما ابي مشاكل المديره تخوف تبي ماجد يفضحني
باخر عمري بالجرايد عاد العنوان بالبنط العريض (منار تطالب بدرجتها من معلمتها)
عاد هلي دايركت بيعرفون انه انا من كثر ما صجيتهم بهالدرجه:p

بالحش عندنا وعندكم خير ...
ومشكور على مرورك وردك


*~*~*~*~*~*~*~*~*~*~*~*~*

جراح الهلالي
حياك الله اخوي الكريم
والله يعافيك ويحفظك ومشكور على تواجدك

*~*~*~*~*~*~*~*~*~*~*~*~*

رعبوبة الزعيم
هلا وغلا بالغاليه رعبوبه
منور بتشريفك له يالعصلا والاروع حظورك هنا
امين يارب وش هالجامعه من وين جبتيها من اسمها ما حبيتها
انا ابي اروح جامعه واشنطن وش رايك خاطري ادرس هناك
تروحين معي والله فله;) ...

الله الله وش هالخاطره صكيتي علي ما شاء الله عليك
ايه طلعي خلينا نشوف ابداعك الحلو مثلك

تدرين ليه يكثر بالجامعات وتجمعات الحريم بالذات
لانهم ما عندهم سالفه ... فيحشون بخلق الله عشان يضيعون وقت

الابداع بتواجدك وردك حظر شكراً رعبوبه