16/12/2006, 07:24 AM
|
| زعيــم فعــال | | تاريخ التسجيل: 25/10/2006 المكان: بدنــ M ــيا
مشاركات: 247
| |
۩۞Ξ……Ξ۞۩ لعنبـو جد المفارق ۩۞Ξ……Ξ۞۩
وش حـيله اللي علته داخــل الجـوف
نار الفراق بوسط صدره تصــلا
وش حيلتي ياناس والحال منصوف ؟
منصوف نصفين على اللي تغـلا
نصف يقـول اصبر ترى يحن ويـروف
ونصف يقـووول
.. ~ من تغـلا تخــلا ~ ..
ــــــــــــــــــــــــــــــــــــــ
نسيتك قالها قلب يعاني
لحظه السكرات .!.
وعلى نعش الهوى
كلمه نسيتك من شراييني .!.
خلاص مرحومي شيعته
صدمني واندفن بسكات .!.
تقبلت التعازي وانت
ولا فكرت تعزيني .!.
ــــــــــــــــــــــــــــــــــــــ
شخص يزعلني جعل ربي يشله
أصعب شلل يكون ما يوجد دواه..
ولا برص يضفي على الجسم كله
يبدا بوجهه ثم يمشي على عضاه..
ولا مرض طاعون حتى يغله
يسمع علاجه بس من دون يلقاه..
ويصاب بالسكر حتى يحله
حتى المشي بالرجل ما عاد يقواه..!!
ــــــــــــــــــــــــــــــــــــــ
نفسي عزيزه وافهم العلم لاهنـت
الـذل مايـومٍ بعمـري تبعـتـه
رفضت غيرك وانت بالحب مالنت
ياقرد حظي يوم غيرك رفضتـه
واذا الغلا يرجع على معرفة نت
انسى الذي بينـي وبينـك كتبتـه
ــــــــــــــــــــــــــــــــــــــ
يـا نجــم يالـلي تقول الناس من حدري
يـا صفقة الطيب .. عند البايع الشاري
يـا مـبدع بـطـعـنـتي .. يا ذوق في غدري
لله درّي .. و درّ الـصـدق بــأشـــعـــاري
عــرفــت قـدرك .. و لانـي جــاهــل بــقـــدري
مـشـكــور جــداً .. عـلــى تـقـصـيــر مــشــواري
ــــــــــــــــــــــــــــــــــــــ
عرفت الناس والدنيا وطريقي
وعرفت ان الهوى كذب وأماني!
خذاني الشوق والحب الحقيقي
لذاك اللي عقب وده جفاني!
نساني للأسف في عز ضيقي
وأنا في غمرة جراحي أعاني!
لقيته في هوا غيري غريقي
تنكر من هواي ومن حناني!!!
ــــــــــــــــــــــــــــــــــــــ
تخيلتك وانا جالس بين الناس وحداني
تذكرتك وقمت اضحك بس العين زعلانة ..!!
راحت تشكي وتقول متى بأشوف خلاني ؟
فجــــأة
اذا بالنــاس بدت تســأل ولهــااانـة
ورى عينـك تصـب الدمـع
عسـى ماهو خبـر شيني ..!!
تبسمـــت
وقــلت :
لاجفــووون العيــن تعبـــاااانة ..!!
ــــــــــــــــــــــــــــــــــــــ
دخيل المكان اللي جمعنا وله وإعجاب
إذا لي معزه طاري البعد لاتطريه
لو تشوف وضعي عند ماتلتقي الأهداب
لك الله لو لك نيـة(ن) بالجفا تلغيه
أنا وانت غايب كن وسط العيون تراب
تنام الخلايق وإلا أنا النوم مالي فيه!!
ــــــــــــــــــــــــــــــــــــــ
حط جرحك وسط جرحي وأستريح
وأرمي همومك علي وخلها خل واحد مننا يصبح
جريح وواحد يعيش الحياة بفلها هو صحيح
بتكثر جروحي صحيح لكن جروحك من اللي ملها؟؟
حافظك في وسط عيني ماتطيح أصلا لو طحت أنت عيني من لها؟؟
ــــــــــــــــــــــــــــــــــــــ
انتهت مأساة عمري في هواك
ما اصدق كيف ع الفرقى قويت
التسامح فات لاتنظر وراك
لاتخط بحسرتك الفين بيت
في الهوى الله يحسن لك عزاك
انعني واقبل تعازي من هويت
اعتذر ماعاد بي وقت معاك
انتهى حبك .. مع الحب انتهيت
ــــــــــــــــــــــــــــــــــــــ
طويله قصة عيونك وأنا عمري بها موجود...!
تعيشني الأمل لحظة وتكسر حاجز الواقع!!
يقولوا من قديم الوقت : (من سافر يعود)
وأنا سافرت في عيونك ولا أدري متى راجع
متى؟؟؟
ــــــــــــــــــــــــــــــــــــــ
جيت وناسي شصار بيه
شايل همومي بيديه
ومن جديد أصبحت ضدي
وضاع من إيدي القرار
عفتني وعفت القلب
تايـه بليل القـطـار
إنت مو صاحب نهايـه!!
ــــــــــــــــــــــــــــــــــــــ
سامح الله طبعي اللي للتغير يا لعله
قاضبن خلك عزيز ولين صارت لي عقوبه
ليش تحسب غلطة الصاحب على الصاحب مذله
ليش ماتحسب ميانه لو تجي عشرين نوبه
ــــــــــــــــــــــــــــــــــــــ
من قـال أنـا ميتـه عليـك
اصـلاً أنـا مـاعاد ابيـك
تبغاني خاتـم بأصبعـك
ياشيــــخ ذا بـدري عليـك
لاتخـلـط اوراق الهـوى
كلـن تـرى لـه مستـوى
وكانـك على غيري قدرت
أصابعك ماهـي سـوى
ــــــــــــــــــــــــــــــــــــــ
منك اتعلمت كيف اقسى وكيف ابدي الشفاعه
كيف ازيف رقة اسلوبي وتأثير اندفاعي
طار طيرك في فضا غيري وبالغ بارتفاعه
والنتيجه تاه عن دربي وساهم بالتيــــاعي
شي مؤسف لو تخلا الخل عن خله وباعه
وانكر العشره وخان الود ذي له كان راعي
قمة المأساه لو صار الوفا مثل البضاعه
بالرخص ينباع ياسوء السلوك الاجتماعي
ــــــــــــــــــــــــــــــــــــــ
الزعل هو سبت الفرقه يهز الحب كله
ليتني طولت بالي قبل لايعلن غروبه
ــــــــــــــــــــــــــــــــــــــ
لو صحيح إن الحبيبين يجمعهم مصير
كان نفس اللي حرمني من النوم حرمه
والله إن مروتي ولعـت فيني سعير
يوم شفته تل قلبي وداسه بقدمه
مارحم زهرة شبابي وانا توي صغير
لين ضيق خاطري ضيق الله نسمه
ــــــــــــــــــــــــــــــــــــــ
أبي تسمع كلامي زين وتحطه على بالك
اذا حبك هبال اطفال لك عندي هبال اطفال
ولا وابشر بعد بهبال حب ما هو بهبالك
واذا قصدك تهين اسمي عشان تشمت العذال
ترى لا انته ولا غيرك ولا عشرة من اشكالك
ــــــــــــــــــــــــــــــــــــــ
لعنبـو جد المفارق فيه هم وفيه ذله
أثر كل الحب لذه والفراق أكبر عيوبه
ــــــــــــــــــــــــــــــــــــــ
من يفتح لفرقاي باب أفك له عشرين باب
وإذا خويي مايقدر خوتي ماأقدره
الصاحب اللي مايجي من صحبته غير العذاب
نذرٍ علي إن ماهجرني وإلا أنا اللي بهجره
ــــــــــــــــــــــــــــــــــــــ
لاتفكـر إنك لو تغليت أباجيــك
كلما اتغلــــى زود..صــــدي يزودي
وإن كان حارت صورتي وسط عينيك
مانيب أنا صوره سكنها الجمودي
لاتحسب إني لعبـةٍ بيـن أياديـك
كلي تحدي وكبـــــــــريا ء وصمـــودي
الله خلقني ند وأقـدر أجاريـك
وماأعجز إنـي أحبســـــــك بقــيــــودي
ــــــــــــــــــــــــــــــــــــــ
اذا فيه بكتاب النحو للفراق اعراب
فهو فعل مطلق بالبشر والجفا ماضيه
ألا ليت ربي ماخلق في الغرام غياب
واذا في فرقا طاري الحب لانطريـه
ــــــــــــــــــــــــــــــــــــــ
أهـون علـي الموت من زود وجدي
ولا تـوسل ساعـةٍ بين أياديك
أقــولهـا مجــبور ماهـــوب ودي
أفعالك اللي غيرت نظرتي فيك
ــــــــــــــــــــــــــــــــــــــ
مافيه داعي للعتب والمعاذير
الغدر خال الجرح واطيب عمامه
اما يجيب الله مطر ... تالي وخير
والا السلامه (مااااش) ما من سلامه
ــــــــــــــــــــــــــــــــــــــ
لايحسبنـي عايشـن بالمـسـرات
واللي خلقني كل امـوري رديـه
اصبر واجامل والصدر فيه ضيقات
عسا الفرج منـك يـارب البريـه
ابيه يذكرني علـى كـل الاوقـات
يذكـر حبيبـه بالمحبـه وفـيـه
خلـوه دايـم يعتبرهـا سهـالات
وترا الخوي دايم ما ينسـا خويـه
ــــــــــــــــــــــــــــــــــــــ
أخـطـيـت فـــي حـقــي
ولا كـنــك اخـطـيـت
سـكــت لأن الـصـمــت
حـشـمــه لـلأجـنــاب
الله يـهــنــيــك بـحــنــانــه
ويــالــيـــت تـاخــذ مـعــك
ذكـــراك.. وتـسـكـر الــبــاب
ــــــــــــــــــــــــــــــــــــــ
مسموح ابعد عن هواي
مقدر اجامل واخدعك
أسمحلي لو تلقى سواي
غيري ترى ماينفعك
ظنيت بك شوقي ورجاي
والعمر اقضي به معك
والغالي ارخصته معاي
حسبي على من دلعك
ــــــــــــــــــــــــــــــــــــــ
لاتتأسف .. مــا أبي منك اعتذار
أبيك ترد أيام عمري مثل ماضيعتها
أبي أرجع مثل ماكنت(فلانه) شمعة الدار
اللي من عرفتك ( إنت ) انطفى نورها
وأبيك تسدد ديون(ن) غدت فرقبتك كثار
وماظنك لوقضيت العمر كله تحت رجلي بتسدها
ــــــــــــــــــــــــــــــــــــــ
يا قلب لا تشره اذا الناس عافوك
لا تشتكي وتقول محد(ن) بغاني
وش ترتجي منهم اذا هم تناسوك
وش ترتجي من كل قلب أناني
أغتالوا آمالك وبالحيل ذلوك
وتصرخ تبي ما فات يرجع ثواني!!
ــــــــــــــــــــــــــــــــــــــ
كان الخطا في عالمك
شي عادي !!
ماني من لو
لاجرحته ضحك لك ..!
ــــــــــــــــــــــــــــــــــــــ
علم غرورك عزتي مالها حد
ولي وجه غير الود مابي تشوفه !
ايام صدك عدها لاخر العد
ونشوف انا والا انت يلقى الحسوفة !
ــــــــــــــــــــــــــــــــــــــ
من قال لك قلبي مع السيل ينقاد ؟
صحح مفاهيمك وصحصح معايا
يا صاح لي قلب عن الكيف نشاد
ما يمشي إلا إذا قلت: هذا هوايا
أنا معك قلبي شراويه العناد
لـكــن ليا حبك يسوي سوايا
ــــــــــــــــــــــــــــــــــــــ
لا تنصدم اذا قلت انا اليوم مـا أبيك
القلب عافك و انتهى اليوم دورك
اعميتني بحبك عسى الله يعميك
ورميتني يا شين بـ أعمق بحورك
يالله توكل لا تجيني و لا أجيك
يـالله حبيب أمك قوم رتب امورك
ــــــــــــــــــــــــــــــــــــــ
تظن في غيابك أموت من القهر والشوق ؟
لك الله من تفارقنا أحاول اذكر أوصافك
ــــــــــــــــــــــــــــــــــــــ
مالي مزاج ..
ارجع اقلب دفاتر ..
اوراقها تجريح ..
وسطورها عتاب ..
مالي مزاج ..
انظر لصوره قديمه
فيها الملامح تضحك ..
بوجه كذاب ..
ــــــــــــــــــــــــــــــــــــــ لكم مني كل الغلا.. اختكم : قطريه  |
الوضع العادي
