هل تؤيد هذا الاقتراح اللي راح يفيد الكرة السعوديه و لاعبيها كثيرا ؟؟!!
سلااااام
كلنا يشوف في نهاية المباريات كيف اول ما يصفر الحكم يدخل الاعلاميون ( ركضا ) لاخذ التصريحات و المقابلات من اللاعبين و المسؤولين .
صراحة هذا الموقف يحرجنا كثيرا فترى الاعلاميين يتهاوشون على لاعب و لاعب يرفض التصريح و مواقف كثيره فيها احراج للاعب و للاعلامي
لكن هذي المواقف ما نراها الا في دورياتنا اما من يتابع الدوريات الاوروبيه ما يشوف هذا المنظر بل انه يشوف اللاعبين يدخلون داخل على طول و لكنه يتفاجأ اليوم اللي بعده بتصريح للاعب او مدرب او رئيس .
ما يحدث هو ان فيه بكل ملعب غرفه للمؤتمرات الصحفيه يروح لها المدربين بعد المباراه و اللاعب اللي عنده تصريح يبي يقوله و لاعب يبغى يستمع لاسئلة الصحفيين و يرد على موضوع معين و تكون الاسئله بانتظام و غير استفزازيه .
اما اللاعب اللي ما عنده شي يقوله او ما يبي يصرح ما يروح للمؤتمر بل يتجه لغرفة تبديل الملابس على طول منعا للاحراج من الصحفيين و الاعلاميين .
يعني الكل شاهد بالاك لما دعس لاعب ليفربول ( نسيت مين هو ) لو كانت هذي الدعسه و الطرد عندنا لشاهدت الاعلاميين كالنمل يركضون ورائه بحثا عن تصريح . لكن ما حدث انه بعد المباراة طلع و اتجه لغرفة المؤتمرات ليدلي بتصريحه عن الدعسة و انه ما كان قاصدها بدون اي ازعاج من الصحفيين .
و اعذروني على هذا الطرح المتواضع لاني كنت مستعجل في الكتابه و كان هذا الموضوع في بالي دائما .
واختلاف الرأي لا يفسد للود قضيه
اخوكم \ ارسنال بوي