حالةاختطاف بسبب مباراةالنصر وسطيف+تصرفات جماهيرالنصر - نادي الهلال السعودي - شبكة الزعيم

آآآه ياسامي · #1 13/12/2006, 09:15 PM

مساء الخيريازعماء

أمس الثلاثاء طلعت من الدوام بعد المغرب وكنت مرهق وفي طريقي للبيت اتصل علي زميلي النصراوي وقال وين بتشوف مباراة النصر فيه قلتله في الاستراحه قال أجل بمرك ونروح سوا قلتله ok.
مرني أذان العشاء وركبت معه وماردنا ألا ملعب الملز،،تخيلوا ياشباب خطف عيني عينك،،،،،
المهم استسلمت للأمرالواقع ودخلت الملعب وعلى فكرة هذي أول مباراة احضرها لغير زعيمنا الآسيوي،وتبغون الصراحة أنا بعد ماعرفت أن مصيري هوحضور المباراة قلت في نفسي فرصة اشوف تصرفات جماهير النصر وطبايعها وخرجت بالآتي::

# غضبانين على الخوجلي بسبب لون فنيلته الزرقاء.(ذابحهم الزعيم).
# لين جاء فاول ردد الجمهور سلامه سلامه (فرق عن شلهوب،جمعان،تفاريس،رودريقو).
# اذا لم يحسب لهم بلنتي(تمثيل طبعا) قالوا لوأنه سامي كان حسب..(رافع ضغطهم الذيب)
# انخفاض شعبية الحارثي عند الجمهور.
# يعيشون على الأطلال بذكرهم ماجد في اي هجمة رأسيه(معقولة10سنوات مالقوا بديله)
# اذا استلم البيشي الكورة قالوا عساه يدخل المنطقةعشان ياخذ بلنتي.(اعتراف صريح بتمثليات البيشي).
# قائد الرابطه الإماراتي صاحب قرقيعان كان يجيب طاري الهلال بكل احتقار.( وش دخل الهلال في الموضوع،بس ولوشكلهم مدرسينه زين)
# من زمان ماشفت جماهيرتخرج حزينه لأني ولله الحمد ماأحضر ألا للزعيم.

فيه حاجه لفتت نظري وهي الحنية الزائدة من رجال الأمن للجمهورالنصراوي،(وين هالحنيه في مباريات الزعيم).

وفي النهاية اعتذر على الإطالة بس حبيت انقل لجمهور الزعيم الكريم مايحدث بين جماهيرالنصر.
والوعد ان شاءالله غدا في الملعب لكن هالمره لمؤازة الزعيم.

فـــــراس · #2 13/12/2006, 09:22 PM

مشكور على التوضيح
الظاهر انهم مهم ناسين ماجد الى لين تحج البقره على قرونها

Abu Abdulah · #3 13/12/2006, 09:30 PM

شي طبيعي ومعروف عن النصراويين كلامهم كله عن الهلال وسامي لانهم حارقين دمهم.

ضحية مجاملة · #4 13/12/2006, 09:34 PM

الله يعطيك الف عافيه .. واشهد انك صدقت ..

ياعيال انا حاضر مباراة النصر والوحدات الاردني السنه اللي فاتت

وحاضر مبكر جدا من الساعه 4 العصر ليس لشي بس رايح مع واحد من العيال

ومزعجني من يوم السبت وماحبيت اردهـ .. المهم ياعيال ..

وبعد طقاق فتحو البوابه ودخلنا الملعب .. اول مادخلنا الملعب

عشوائية كبيره من الجماهيرر وكاننا في غابة وليس بملعب

وبعد تجمع ودخول اغلب الجماهير الساعه 5 الا ربع

صرراخ جماهيري للنصر وبدون اي مقدماات بسب الزعيم

ووصفه ( نـيفـياا ) .. (نـيـفـيـا ) ..( نـيـفيـا ) .. > الحمدلله بس .,

وبعد دخول الزلاماات مشجعين الوحدات الجميع يقسم ويحلف

بانهم جميعهم مشجعين الهلال . >> كلن يرى الناس بعين طبعه

وبعد التعادل المخيب بالامال وسببهم للحكم ايضا وصفو

بان الهلال له يد بالذي حصل .. >> اللهم حولنا ولا علينا

وبعد الخروج من الملعب الجميع يلتف ويشتم نائب

الرئيس ومباشرة ( المشيقح ) في تلك الفتره .

ووصفهم بالقروني بالجبااان .. ورمي القوارير على شباك

التذاكر .. اسف على الاطاله ولكن تذكرت باللي شاهدته

قبل سنه من الان .. والحمدلله على نعمة الهلال ..