حالةاختطاف بسبب مباراةالنصر وسطيف+تصرفات جماهيرالنصر
 

أمس الثلاثاء طلعت من الدوام بعد المغرب وكنت مرهق وفي طريقي للبيت اتصل علي زميلي النصراوي وقال وين بتشوف مباراة النصر فيه قلتله في الاستراحه قال أجل بمرك ونروح سوا قلتله ok.
مرني أذان العشاء وركبت معه وماردنا ألا ملعب الملز،،تخيلوا ياشباب خطف عيني عينك،،،،،
المهم استسلمت للأمرالواقع ودخلت الملعب وعلى فكرة هذي أول مباراة احضرها لغير زعيمنا الآسيوي،وتبغون الصراحة أنا بعد ماعرفت أن مصيري هوحضور المباراة قلت في نفسي فرصة اشوف تصرفات جماهير النصر وطبايعها وخرجت بالآتي::

# غضبانين على الخوجلي بسبب لون فنيلته الزرقاء.(ذابحهم الزعيم).
# لين جاء فاول ردد الجمهور سلامه سلامه (فرق عن شلهوب،جمعان،تفاريس،رودريقو).
# اذا لم يحسب لهم بلنتي(تمثيل طبعا) قالوا لوأنه سامي كان حسب..(رافع ضغطهم الذيب)
# انخفاض شعبية الحارثي عند الجمهور.
# يعيشون على الأطلال بذكرهم ماجد في اي هجمة رأسيه(معقولة10سنوات مالقوا بديله)
# اذا استلم البيشي الكورة قالوا عساه يدخل المنطقةعشان ياخذ بلنتي.(اعتراف صريح بتمثليات البيشي).
# قائد الرابطه الإماراتي صاحب قرقيعان كان يجيب طاري الهلال بكل احتقار.( وش دخل الهلال في الموضوع،بس ولوشكلهم مدرسينه زين)
# من زمان ماشفت جماهيرتخرج حزينه لأني ولله الحمد ماأحضر ألا للزعيم.


فيه حاجه لفتت نظري وهي الحنية الزائدة من رجال الأمن للجمهورالنصراوي،(وين هالحنيه في مباريات الزعيم).

وفي النهاية اعتذر على الإطالة بس حبيت انقل لجمهور الزعيم الكريم مايحدث بين جماهيرالنصر.
والوعد ان شاءالله غدا في الملعب لكن هالمره لمؤازة الزعيم.

مشكور على التوضيح
الظاهر انهم مهم ناسين ماجد الى لين تحج البقره على قرونها

شي طبيعي ومعروف عن النصراويين كلامهم كله عن الهلال وسامي لانهم حارقين دمهم.

ماشالله عليك

يالله تكفير ذنوب خخخخ


جمهور سيئ بمعنى الكلمة والله

عساك غيرت جو بس

يالله غيرتـ جوووووووووو

الله يعطيك الف عافيه .. واشهد انك صدقت ..

أحمد ربك أنك هلالي بس نعمة من الله .......................

يارجال كان راجع بتكسي اشوا انهم ماطلعوك بلكاميرا كان منفضح

يحليلهم

هههههههههههههههههههه


اللهم لا شماته !!

ياخي اهم شي انك شفت نعمة ربك يوم انه كتبلك تكون هلالي

ياأخي فريق فاشل النصر يعيني عادي عندهم يسون هذا الفوضاء

يعطيك العافية بس انتبه وانا اخوك اسمع مرة ثانية انك رايح معهم