#1  
قديم 13/12/2006, 01:20 PM
زعيــم متواصــل
تاريخ التسجيل: 17/07/2005
المكان: الرياض
مشاركات: 141
Unhappy الرجاء من كل نصرواي الجديه والتوقف كثيراً حول هذه المعاناة المحزنه ..




الرجاء من كل نصرواي الجديه والتوقف كثيراً حول هذه المعاناة المحزنه ..




ضحية تشجيع نادي الشحاذين ...


... ثلاثون عاماً من ...

..الوهم والأحلام ..


وأنا صغير مثل : ( كل المراهقين ) كان يجذبني .. ( اللون البراق ) ونسي والدي أن يخبرني أن ( ليس كل مايلمع ذهباً )
إنشغال والدي بتجارته ووالدتي بتربية إخواني جعلني فريسة سهله كل من ..

( في نفسه مرض )

هكذا عرفت .. ( النصــــر )

أصدقاء السوء لم يتركوا لي مجالاً للتفكير ...

ماجد ... محيسن .. الهريفي

شوف الكوبري ياروحي يابوعبدالله اييييييه ( يقصد ماجد عبدالله ) .
اعتقدت ان هذه هي الكوره وهذا منتهى الفن ...


ثلاثمون عاماً من ..

( الضيـــــاع والتعب النفسي )



الناس تاخذ بطولات .. !!
وأنا أمدح ماجد ومحيسن !!


يقولون لي :
فريقيك ماجاب الدوري ..

أقول :
إيه بس ماجد جاب كوبري ( أبو الطموح )

يقولون : فريقك مهدد بالهبوط !!

أقول :
إيه بس ماجد لاعب القرن ..
أشوف النصر ينهزم وأردد مايقول الرئيس عن التحكيم !!


ثلاثين عاماً وأنا إذا دخلت مجلس أتحاشا أقول :
إني نصراوي ..

" تعبت نفسياً "


وأصدقاء السوء راحوا مع اللي راح .
بعد مازرعوا في نفسي كوره غلط في غلط ..

وكالعاده بعد ماغادرت مدرجات ( ملعب الملز ) منكس الراس
وفريقي مهزوم ..
خليت السياره ..
ورحت أمشي حول الملعب
اخفف من الوجع
وأفكر في نفسي ..

وصدفه قابلت زميل كان معنا في الحاره ماشفته من 20 سنه .
كنت اكرهه ..
لسبب واحد لأنه كان ( هلالي )

شافني وسلم علي
والسعاده واضحه في ملامحه
عرف قصتي يوم شافني ..
( ماسك العلم النصراوي )
كان .. مؤدب ولا حارشني ..

قال بأدب :
( الله يعينك إلى الحين نصراوي )
بغيت أبكي وخفت يعلم العيال عني
ماقدرت أطالع عينه...
عرف جوابي ..
مشي جنبي ساكت يوم وصلنا السياره
عطاني شريطين للهلال وقال :
إذا شفت نفسك فاضي طالع هالشريطين ..
وعطاني رقم جواله ..

وصلت البيت ..
رميت الأشرطه .. وقلت :
ماناقص إلا أطالع مباريالت الهلال ..

حاولت أنام وكل ماتذكرت ترتيب النصر في الدوري طار النوم ..

رحت أمشي في الحوش وأنا أقول :
الدخان والنصر واحد منهم راح يقضي علي ..

رجعت الملحق اقلب من الدش ملل ..

وشفت الأشرطه اللي عطانياهم صديقي الهلالي ..
قلت : وش أنا خسران بدال هالطفش خلني أشوف الهلال .. وأضحك عليهم !! .

بديت أطالع الاشرطه ..
شي من الهدوء والسكينه
بدأ يتسلل إلى نفسي ..
شفت شي عكس اللي كانوا أصدقائي يقولونه
شفت .. ( فن )
شفت .. ( مهاره )
شفت .. سامي ( اللي كانت أقول انه لاعب )) والحين أقول ( مجموعة لعيبه في لاعب واحد )
شفت الشلهوب والمهاره وعرفت ليه سموه الشلهوب الموهوب ..
شفت التمياط وشفت القحطاني وآه من ولد القحطاني ..
شفت .. ( كوره حقيقيه )
شفت .. ( بطولات من كل شكل ونوع )
الحين عرفت ليش جمهور الهلال أكثر سكينه وهدوء مني ..

ثلاثين سنه من
( التخبط والضياع )

توني أشوف الكوره الصح ..

كل ما خلص الشريط ..
رجعته من الأول إلين نمت ..

صحيت الصبح وكلمت صديقي الهلالي ..
طلبت منه أشرطه ثانيه وثالثه ورابعه ..

ماهو عيب إني عشت ضايع
العيب استمر ضايع ..

عرفت .. الفن
عرفت .. الكوره

عمري اللي راح في القهر والتعب والمجادله الكذابه ..

انضميت لشباب هلاليين علمتهم قصتي ..
أخذوا بيدي ساعدوني ..

خفت أضعف وارجع لاصدقاء السوء ..

كل ماضعفت رجعت شغلت واحد من الأشرطه
وهدأت نفسي واطمأنيت ..

لي سنتين من يوم اهتديت ..

1) أهلي فرحانين بالتغير اللي طرأ على شخصيتي .
2) صرت أكثر هدوء وأكثر روقان .
3) تحسنت انتاجيتي في عملي وهذا شي طبيعي .
4) صرت اذا جلست في مجلس وقلت :
إني هلالي ماعاد أحد يتجرأ يتحرش فيني ..

الأرقام تتكلم ..
والمنصات تشهد ..

هذي قصتي ..
أهديها لكل نصراوي في غفله ..

الأيام تمضي
والسنين تركض ..

العمر واحد حرام نقضيه في
( ذل )
( و )
( تعب )
( و )
( قهر )

سعادتي أكبر من إني احطها رهينه أقدام حارثي وبيشي ..


إلى كل نصراوي ..
أهدي قصتي لتكن عبره وعضه ..
لعل الله ينفع بها أحد التائهين
اضافة رد مع اقتباس
  #2  
قديم 13/12/2006, 01:41 PM
زعيــم متألــق
تاريخ التسجيل: 27/08/2006
مشاركات: 1,141
الحمد الله على سلامتك من المرض النفسي
وتجشيع الزعيم
اضافة رد مع اقتباس
  #3  
قديم 13/12/2006, 01:48 PM
زعيــم نشيــط
تاريخ التسجيل: 01/12/2006
المكان: في بيت امي
مشاركات: 824
قصه حزينه ولكن الحمدلله انك غيرت نادي الفقر واتجهت للزعيم
اهنيك على اختيارك الصحيح
بس انتبه لعيالك لا يطلع منهم واحد نصراوي ثم يصيرون مثلك خخخ
اضافة رد مع اقتباس
  #4  
قديم 13/12/2006, 01:53 PM
زعيــم مميــز
تاريخ التسجيل: 24/07/2005
مشاركات: 14,960
حمدلله على نعمة العقل

وحياك الله اخوي
اضافة رد مع اقتباس
  #5  
قديم 13/12/2006, 02:13 PM
الصورة الرمزية الخاصة بـ رحــ هلالي ــال
زعيــم مميــز
تاريخ التسجيل: 17/08/2006
مشاركات: 2,094
العقل السليم في تشجيع الزعيم
اضافة رد مع اقتباس
  #6  
قديم 13/12/2006, 02:36 PM
زعيــم متواصــل
تاريخ التسجيل: 17/07/2005
المكان: الرياض
مشاركات: 141
يازعماء مو أنا اللي مقصود في القصة هذي قصة واحد نصراوي وغير ميولة
وانا حبيت انقلكم القصة بحذافيرها ولا انا هلالي من يوم طلعت على الدنيا أنا أموت لو أشجع فري غير الزعيم الله لايحرمني منه
اضافة رد مع اقتباس
  #7  
قديم 13/12/2006, 02:41 PM
الصورة الرمزية الخاصة بـ rayan0099
زعيــم متألــق
تاريخ التسجيل: 04/03/2006
المكان: الرياض . .
مشاركات: 1,495
شجع الزعيم تعش ((((( بـــــنـــــعـــــيــــــم)))))
اضافة رد مع اقتباس
  #8  
قديم 13/12/2006, 04:02 PM
زعيــم متألــق
تاريخ التسجيل: 07/04/2005
المكان: المدينة المنورة
مشاركات: 1,220
إقتباس
الرسالة الأصلية كتبت بواسطة مجن سامي ون
العقل السليم في تشجيع الزعيم




الحمدلله على سلامتك من داء النثر .. وصدقني بتشوف الهناء مع الزعيم


وإسألنا نحن عشاقه .. دايم يرفع روسنا .. الله لا يخلانا منه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:40 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube