السلام عليكم ورحمة الله وبركاته
صبحكم الله بالخير
كيف حالكم .. وش اخباركم
عنوان القصة : البعد والحرمان
بطل القصة : الاتصالات السعودية بعد اللله ما هداهم الضحية في القصة : العميل رحـــــــــيل الحـــــال يمثل دور الاشرار :الاتصالات السعودية قبل الهداية
وباقي التفاصيل بالقصة
قدر الله عليه وأشتركت على الصيف في خدمة الدي سل " أسلوب واحد طرار"
وعطوني موعد بعد ستة شهور يعني رأحت علي الصيفيه عاد ما خليتهم طفشتهم وصرت أتصل عليهم قبل ما أنام وبعد
ما اقوم من النوم إلى أن كلمني موظف وقال يالطيب رقمك عندنا وعنوانك عندنا وموعدك قربانه لك ولا عاد تتصل
وحنا نتصل عليك "يعني طفشتنا"
قلت صار وراح أهدي النار " الله يجيرنا وياكم نار الدنيا والاخرة" كم شركة اتصالات عندي
وصرت اتصل عليهم بعد كل يومين إالى أن أتصلوا علي وقالوا حنا عند باب البيت عاد تصدقون الفني حق الشركة خاف من كثر المتجمهرين طبعا بكل الفئات العمريةعاد ما احد مركب دي سل في حارتنا الا انا علشان كذا شايفينه شي جديد
المهم وانتشار الخبر أن انا ركبت الدي سل ومن يومها وكل ما أحد شافني يباركون
ليه تقول " تقول عريس " ويومين والا شباب الحارة با أسلكاهم كل وأحد يبي خط المهم ربي فكني منهم وصار أسمي سلطان دي سل
عاد انا ما تهنتيت بالدي سل بسب كل شوي تطلع للي مشكلة وانا هالمسكين من محل للمحل
وقبل أسبوع ما عاد اشتغل النت معي عاد أتصلت على الاتصالات وقدمت يمكن فوق عشرين بلاغ وهم يصرفون في
ويقالون الفني حق الشركة جاء وشيك وخطك ماعليه مشكلة
والمشكلة من جهازك عاد انا متاكد من جهازي المهم طفشوني كل شوي يصرفون فيه عاد انا جاتني هواجيس انه
عين وما أنلم فيه ناس عندنا تبندق الله يكفينا شرهم عاد قلت يمكن خيره
وقلت قبل ما نترك النت لازم نودع الاخوان في المنتدى لكن الحمد الله جاء فني الشركة بعد الله ما هداهم و بعد طلعت الروح وطلعت
المشكلة من عندهم وتصدقون كان بيصرفني لان شاف اصلاح المشكلة يحتاج وقت وهو أنتهى الدوام عنده
ولكن قلت مو عليه انا :p
المهم ما خليته يطلع من بيتنا الا والمشكلة أنحلت وطلع الفني نثرواي وقلت في نفسي خلص شغلك وانا أوريك
وجلست أتجادل معه الى أن رفعت ظغطه
وراح الله يستر عليه وانتهت القصة أكيد اللي يقراء قصتي بينام
وكان هذا هو سبب غيابي الفترة اللي رأحت وفعلن والله كنت راح انحرم وابعد عن هالوجيه الطيبه واحمد الله أني
رجعت للمنتدى
شخاميط قلمي
........ كُتب الرُحيل........
بعد أن قضيت جُل وقتي
..في منتداي المُنير..
وأبت نفسي وهي مجبرتاً
أن ترحل دون تُوديع
ولكن قضاء الله لي عودةً إلى أحبتي وأخوتي
وأسئال الله ربي أن يجمعنا
........في جنة الخُلد........
سحبة بريك
شركة الاتصالات السعودية بحاجة الى التطوير مايصير حنا اكبر مصدر للنفط والنت عندنا بطئ ودول اقل منا واكثر شعبا الانترنت عندهم مجانا وبسرعة عالية وعلى قولتهم :
ولو أسمعت لو ناديت حيا **** ولكن لا حياة لمن تنادي
نحن بنتظار منافس للشركة الاتصالات والله يصلح الحال.
تنويه وأعتذار
اتمنى أن تحوز على رضاكم ولاتلومني عهدي بكتابة القصص أيام مادة التعبير ونحن نستقبل النقد البنأ " أفهم يا
فهيم " وانا ما كتبت هالموضوع الا بفرحتي بالعودة لكم ودمتم بود وحفظ من الرحمن .
رحـــــــــيل الحـــــال
مرررره
الوضع العادي
