اتحداكم ياجمهور الرياض ثم اتحداكم ثم اتحداكم - صفحة رقم 2 - نادي الهلال السعودي - شبكة الزعيم

العنبر 19 · #16 11/12/2006, 11:03 PM

إقتباس


	اولا احترم نفسك واحترم الفاظك ثانيا البايخ وجهك ثالثا اذا ماتبي ترد تراك مانت بزايد ولا منقص شي في الموضوع يعني بالعربي خل ردك لك رابعا الموضوع يحكي الحقيقه ولاشيء غير الحقيقه واللي يقول غير كذا يسمحلي ماعنده سالفه

لي رجعه لردك المحترم !!

والرد عليك وعلى من يشكك بجماهير الرياض

سكره هلاليه · #17 11/12/2006, 11:21 PM

إقتباس

الرسالة الأصلية كتبت بواسطة الإمبراطوره الهلاليه


	نفسي احضر .. اطالب سلطان بن فهد بمدرجات نسائيه <<<انطمي بس

هههههههههههه
ايه والله وانامثلها
اهئ اهئ اهئ اهئ

ماأبالي دامني هلالي · #18 11/12/2006, 11:24 PM

إقتباس

الرسالة الأصلية كتبت بواسطة شرقاوي هلالي


	بسم الله السلام عليكم اتحداكم ياجمهور الرياض انكم تحضرون يوم الخميس مباراة الشباب لان معروف عنكم جمهور بطولات وجمهور نصر وبس أنا ماني مندس ولا شي بس يغيظني انا في مباريات كبيرة مايحضر جمهور الرياض فيها وانا استند على كلامي من الموسم اللي فات ومن هنا اتحداكم ياجمهور الرياض انكم تحضرون ويا فايز ياخسران والتقي فيكم بعد المباراة اخوكم شرقاوي هلالي ترا انا ماني قاعد احمسكم علشان تحضرون لكن اتحداااااااااااااااااااااكم

مشكور على تحميسك الجمهور الهلالي بس والله ذكرتني بايام الابتدائيه اتحداكم تحضرون لو تنتقى الكلام اللي يحمس افضل من كلامك هذا كان افضل ولاتزعل ترى الاختلاف في الراي لايفسد للود قضيه

مساير الدنيا · #19 11/12/2006, 11:29 PM

اتمنى ذلك

زعيم رجال المع · #20 11/12/2006, 11:43 PM

أقول لا تغلط يا (الشرقاوي) صجيتونا جمهور الشرقيه جمهور الشرقيه
أقول جمهور الرياض تاج راسك وترا أستاد محمد بن فهد صغير والله لو جيتو الرياض ما تعبون ربع أستاد الملك فهد وحتا أستاد الملز وحتى اللي يحضر في الشرقيه نصفهم جمهور الرياض

Abu Abdulah · #21 11/12/2006, 11:55 PM

بإذن الله راح اكون بالموعد وراح احضر المباراه ونتمنى نحضر ونساند الزعيم وهو يقدم افضل المستويات واللي توجت الزعيم بالصداره.

هلالي الرياض · #22 12/12/2006, 12:20 AM

يا اخي واللي يرحم والديك فكونا من سالفة جمهور الرياض وجمهور الشرقية

والله ذبحتونا

شوف ردود الشباب عليك وشلون

انت تدور المشاكل بين الجماهير؟

ولا تبي تقول ان جمهور الشرقيه يحب الهلال اكثر من جمهور الرياض؟

وش الهدف م الموضوع هذا غير المشاكل؟

وعلى فكرة المقارنة خاطئة

لا تقارن جمهور يحضر 6 او 7 مباريات طول السنة بجمهور عنده اكثر من 20 او 25 مباراة

الله يسامحك يا عبدالله بن مساعد على كلمتك اللي ما جابت لنا الا المشاكل

اذكر الله واحذف الموضوع لأنه راح يسبب مشاكل حنا في غنى عنها

zizo 5 · #23 12/12/2006, 12:37 AM

آتــمــنى جمـهـور الهــلال بالريـآض يحـضـرون المبـآرآه

السلام الزعيم · #24 12/12/2006, 02:10 AM

انا ول وتجد باروح بيجي معي 20 واحد

هلالي حتى في منامي · #25 12/12/2006, 02:11 AM

أفاااااااا يذا العلم

نوريك إن شاء الله الخميس

خوي سامي الجابر · #26 12/12/2006, 03:17 AM

صدقني شرقاوي راح تكون خسران 100% وانا متفائل لان االسنه هاذي غير

الســـ الهلالي ـــهم · #27 12/12/2006, 09:08 AM

لاتتحدى ياهوووووووووووووة

كذا تخليني اجمع عيال حارتنا

سجلني عندك اول الحاضرين

N76_111_an · #28 12/12/2006, 09:16 AM

راح اقولك شي بالنسبه لجمهور الهلال في الرياض ...مايحتاج تحدي هذا اول شي

والجماهير الهلاليه في كل مكان تبي تحضر بس لاتخص جماهير نادي الهلال بالرياض

واذا ماحضروا يوم الخميس ترا معهم عذرهم ياخي درجه الحراره مباراه الهلال والنصر

الاخيره تدري كم 9 درجه يعني جممممده .

واتمنى انك تقدر ذا الشي

حبيب روح الزعيم · #29 12/12/2006, 09:48 AM

ان شاء الله واكيد وانا واثق من جمهور الزعيم من عقب فوزنا على ( النصر والأهلي ) وقربنا من انفرادنا وتربعنا على صدارة الدوري اكيد بيحضرون ويملون الملعب...

وبالتوفيق لزعيمنا الأسيوي...

@المطلوب@ · #30 12/12/2006, 10:22 AM

إقتباس

الرسالة الأصلية كتبت بواسطة الواد هلالي


	ان شاء الله الملعب يكون شبه فل يسسسسستاهل الزعيم

ليش شبه فل ؟؟ ليش ما يكون فل ؟؟

ما هي صعبه على جمهور الزعيم ........

والمباراة لها اهمية كبيره كونها بين المتصدر ووصيفه

و نجوم الزعيم متعودين على الملعب فل

بعكس لاعبين الشباب اللي متعودين على الملعب و هو فاضي

اتمنى ان يمتلى الملعب منكم ......

وبالتوفيق للزعيم