السلام عليكم ورحمة الله وبركاته ..


كيف حالكم .. وش اخباركم ...

مدري وش اقوووووووووول ... مساكم ورد والا صباحكم كادي ؟؟!

ع العموم الكيبورد قاعد يبكي .. ويترجى في ويصيح وينوح الا وتكتب موضوع ..


قلت انا ابشر بسعدك .. نكتب موضوع وليه مانكتب .. قال بس بشرط ..

قلت امر تدلل يابعدهم ... اذا مو انت اللي تتشرط منو يتشرط ؟؟!

قال /: بغيته موضوع ( غير جدي ) قلت يعني جدتي ؟؟!<< الكيبورد يكتب بدون حركات..
قال /: لا يعني موضوع كذا يكون ملطشه ... قلت افااااااا انا اكتب ملطشه ..
قال /: ياخي افهمني .. ابي موضوع مو زي مواضيعك الاخيره كلها نقد وهموم ماكن احد مالي عينك ..
قلت /: اي مواضيع هذا جزاي اللي ودي اشوف نفسي وعيال هالبلد احسن ناس ؟؟!
قال /: فكنا عاااااااااااااااد ... فلها وربك يحلها ... اكتب موضوع وخلصني..



عاد اخوكم عبدالعزيز .. رضى بالأمر الواقع .. وقال . ياخي انت قصتك في مباراة الأهلي ماخليت حد ماعلمته بها يالــ(مفضوح) خلاص اكتبها والزعماء يستاهلووون ..




الروايه /:

اليوم : الخميس تاريخ مدري كم شهر 11 /1427هــ
الساعه 10 جو جميييييييييييييييييييييييل ورائع ...
بعد ليله قارصة البرووووده .... << بعدين اقولكم وش تفسير هالبرد الغريب..
صحى عبدالعزيز في وقت يعتبر مبكرا باعتبار ان اليوم الخميس...

المهم .. مالكم وش افطر ووش سوا ...
الأكيد انه كان ينتظر الغدا .. واول مانزل الغدا .. ونفسه تنسد .. وتبدء فيه حالة غير طبيعيه .. تغدت العائلة الكريمه .. وهو سابهم ... و راح وتسدح ..
نبضات قلبه تتسارع ... درجة حرارته بدءت ترتفع .. وجهه الصبوح بدء يتشحب..
صداع بدء يغزو راسه ...



واويلتااااااااااااااااااه .. كانها بوادر انف العنزه وفي رواية (انفلونزا)
هنا بدءت المشكله .. والوساوس...
افااااااااا وشلون كذا .. ابمرض يعني ولاني رايح الملعب ..
اناااااااام .. لا لا .. اذا نمت اكيد اني بسخن ..بلاش من النوم ..

يروح لأمه .. يم .. هاه كيف انا مسخن .. امسكي هنا ..(الجبهه) طيب هنا (الرقبه)..
تجيبه والدته .. لا لا مافيك الا العافيه بس انت الهلال لاحس مخك ...

عاد انا اقوول .. الله يستر عساني ماامرض ولا اروح الملعب .. هو الهلال مايجينا الا مرتين بالسنه .. وتبوني مااروح ...



بعد العصر جاني اخووووي قال يله الملعب خلنا نلعب كوره (ملعبنا ) عاد خبركم سامي الجابر تبع حارتنا (انا) مطلوووووب يدقون جوالات ويطاردون وكله علشان اكسر روسهم بكم هدف وارجع ... <<<< كانك يالثقفي بتقول شيء ؟؟!
قلت لاخوي لا .. ماني برايح ...

قال .. ياخبل والله اذا تكاسلت السخونه بتمسك فيك .. وانشدني.. << محنك ذا الأخ..

انا /: هاه .. ايه والله انك صادق ...
هو /: يله مشينا..
انا /: طيب خذ المفتاح وشغل السياره على ماابدل ...


بدلت ولحقته ... وصلنا الملعب .. وكعادتي الكريمه .. ماانزل الا بشعار الزعيم .. ملفوفا على الرقبه .. لعدة اسباب ...
اولا .. خبرك الدنيا برد العصريه... وثانيا والاهم .. ابقهر بعض الناس ..الا كل النااااااس كل اللي معي ( اتحاديه - اهلاويه - نصراويه )وواحد هلالي داااااج مو داري عن الكوره << اللهم اغفر لنا وله ..:p




لعبنا خلصنا .. صلينا المغرب .. رجعت ..دق ولد خالي هاه كيف نروح الملعب سوا << اهلاوي ذا ويبي يخاويني فاااااااارق بس..
قلت مدري انا اشوف .. اذا بعد المباراه ارجع البيت والا اروح (الملكه) ملكة بنت عمتي الله يوفق لها .. << جردت بهم .. وكنت اذا بروح بارجع الاهل بس .. لكن صار خالي جزاه الله خير متكفل بقيادة المركبه ...

رحت المباراه .. و من عادتي مااحب الصجه فرحت عند درجه ثانيه ( يعني مقابل الرابطه) وقفت السياره في اقصى الجنوب ... خيرت نفسي بين شالين ..

الأول /: القديم ..مقلم ازرق وابيض .. قماش شوي ثقيل..
الثاني/: من الانواع الجديده .. مايفيدك وقت البرد ..

اخذت الاول .. لفيته على الرقبه .. وطاقية او طربوش فيجو على راسي .. واخير نفسي بين السجاده وبين المقعد الاسفنجي .. اخذت السجاده ...


مالكم بالطويله.. اهم الاحداث اثناء المباراه ...

<< لازم يدخل الجابر و التمياط لانهم عقدة الاهلي...

دخلوا الاثنين وبالفعل صار اللي قلت بفضل الله ..

جاء البلنتي ... اقسم بالله .ان جاني ضيق بالتنفس ... بغيت اطب ساكت ..
شفت نواااف بيشوت .. جاني احساس غريييييييييب .. واللي جنبي يقول بتضيع وانا معه ..
عطيت الملعب مقفااااااي .. حسيت انه بيغماء علي وامووووووت ... هذا كله ولسا ماشات .. يمكن تقولون مبالغ .. لكن والله اول مرره احس بذا الشيء ...
ذكرت الله واستغفرت .. قلت فنفسي ..خير ياطير كوره لاراحت ولا جت ..
لفيت وجهي شات نواف .. ارتدت الكوره .. اخخخخخخخخخخخخخ ... اسمع صياح جمهور الاهلي.. دربكه وسط المنطقه .. شوته .. قووووووووووووووووووووووول ..
قوووووووووووووووووول .. دربج طع .. صفق .. مدري وش صار ... اهم شيء انا ناقزنا نقاز غير طبيعي .. مانقزتوه ياهل الرياض فالديربي...



هذا اهم موقف فالمباراه ...

انتهت المباراه وفزنا ... الان بقي مهمة كيف تصل الى الموتر .. يوووووووه
ياهو شيء فضيييييييع .. وش ذا الغباء اللي فيني ؟؟!
موقف في اخر مواقف الاهلي ؟؟!
ربي عفوك عفوك .. الله يستر ..

نزلت .. وانا على يقين ان فيه مشاكل بتصير برا ..


طبقت الشال .. حطيته في يدي .. طبقت السجاده حطيتها على يدي كانها بشت.. وغطيت بها الشال... << نفسي نفسي ...

طلعت برا .. اشوف اللي يشيل حجر وفي رواية صخور وليست حصى ...
شوي الا واحد يقول لخويه /: وربي لو اشوف هلالي .. لا اقتله ..
<< كيف لو يدرون من اكون ؟؟!
ومن ذا الكلام .. اطالع فيهم وان بعضهم بزارين .. لكن ياخوفك من ذا البزارين ..
ليتهم واحد والا اثنين .. جيوووووووش .. تخيل نفسك يا ( جاك شان ) ضد 15 بزر و مراهق وشايب .. والله ماتسوي شيء ..

الان اخوكم فالله يمشيء ويناظر ماحولك احد كلللللللللهم اهلاويه الهلاليين تقول الارض انشقت وبلعتهم ... وكل ذا لاني موقف في موقف الاهلاويه ..<< قوي..

قلت خلني اطمن على وضع الشعار عسى مو باين ...

اناظر ..الا وطرف الشعار تحت السجاده .. ههههههههههههههههههه
ربنا يستر ... اعفط السجاده ... واعطيها حضن دااااااااااافي .. تقول ام لها عشر سنين ماشافت رضيعها << رضيع عمره عشر سنين هههههه:p

اثناء مااناء اتسردح .. مسكت الجوال.. وادق على اخوي كنوع من التطمين يعني .. ;) وانشده من بيردكم .. قال خالي ..قلت زين ... كان عنده ولد عمي اتحادي ..
قالي .. ترا الحكم غشاش ومدري وشو .. وانا اقول .. ايه ... اها .. صح .. صادق ..:p
اخاف اطلع كلمه وينفضح امري قدام ذا الاهلاويه ..الغبي مافهم اني اصرف ..
اعطى الجوال ولد اختي الاهلاوي << اكبر مني.. وكمان يتكلم .. وانا اصرف المهم بعد ماتناقلوا الجوال وانا قربت من السياره ..قلت يله فمان الله .. خلاص خسرتوني.. هع



وصلت للسياره بعد مشوار غير طبيعي ...طبعا جاي الساعه 7 لازم توقف في اخر الدنيا .. واحمد ربك انك تلقا موقف..


رميت الشال فالسياره .. والسجاده معاه .. سئلت نفسي السؤال المعتاد الى اين ؟؟!

قلت البيت ماحد فيه .. يعني تسردح .. الى السوووووووق ..
بشري لي غرض صغير .. المهم بعد لفلفه .. لقيت اللي ابي.. البائع برماوي..

قالي انت اهلالوي.. قلت ليه ؟؟ قال .. انت اهلاوي صح .
قلت يعني علسشان صوتي مبحوح .. قالي ايه ..

قلت خايف انك اتحادي ثمن اذا قلت لك اهلاوي بترفع السعر علي...< يلطف الجو
قال لا .. انا اهلاوي والله غش .. وحقت تيسير مدري وش فيها ..
قلت بكم اخرها .. خصم لي بالسعر ... واتفقنا ..
اعطيته الفلوس رجع الباقي.. قلت له خذ باقيك الكذب حرامممم ..
انا هلالي .. قعد يطالع مسوي زعلان .. انا ادري انه مابيرد البضاعه بس وناسه .
قلت انا هلالي وحتى لو انكم مظلومين مو ذنب الهلال ..
هاه وشلون بتبيعني والا بتبطل .. قال .. انا اعطيت كلمه وماارجع فيها..:p
هههههههههههههههه
مسوي فيها ذا ههههههههههههههههههه وش عندك يا حاتم الطائي ..

المهم .. انه خصم لي وماتراجع فالخصم .. لكن قال والله مكسبي يمكن مايجي 5 ريال ..

اخذت البضاعه بعد ماجاء يجادل في بلنتي سامي وبلنتي تيسير ..
انا جادلت لما شفت انه مافيه امل .. مشيت ... <<<< الفاضي قاضي...

وين يابووووووو العز... رفعت السماعه .. على النصراوي خويي .. هاه .. بحر ..
قال انت خبل البحر بررررررررد ..وهواء .. وانا بروح زواج الحين ..

قلت طيب سلام .. وفقلبي اقول احسن ...

اخذت لي عيشه والى حبيب روحي ,,, وتؤمه البحر .. واااااااااااااه يابحر..

تكيت فيه ...بالفعل كان برد .. لفيت الشال الازرق على الرقبه .. نزلت الشماغ .. ولبسته .. وتكيت .. واخذت اشكي له .. وهو يسمع ..

اخرها طلعت لي سمكه .. قالت ..شف انت بتنزل ذا اللي على رقبتك والا وش لون ..
قلت لييييييييه وش فيك ؟؟1

قالت .. طحلب هنا ماذينا مو مخلينا ننام ..قااااعد يصيح ..ولما شافك زاد صياحه . .
قلت طيب بفارق واخليكم ..

سويت walk على الشاطيء.. وتمشيت شووووي .. وماني قايلكم وش سر البنتين ..;)
بعدها رجعت لمكاني .. واتكي واكتب بيتين للبحر.. قلت فيها ..


عشاق يابحر عشاق ::: ومن صغري لها ناوي
بسألك يابحر تشتاق ::: لخل عنك متواري ؟؟!

<< الله يسلمنامن (حبي تيماوي)

وفي موضوع ذا صله ..يذكر ان لعزوز الأزرق علاقه وطيده مع البحر ..
حتى انه في احد ابياته يقووووووول ..
اعرفك يابحر وافي ... والغدر ماهو من اطباعك ..
والبيت الثاني جار عليه الزمن ونسيته
وهو متبني نظريته تلك .. وقد يسردها يوما ما هنا ... كدفاعا عن خله ( البحر )..



وبعد سهره مع رفيقه استمرت حوالي 4 ساعات قد تزيد .. عاد الى منزله ..


يأتي احدهم ليقووووول .. وش اللي ذكرك بذا القصه .. فأجيب قائلا ..
اليوم بعد محاضراتي وتحديدا 12.20 اتيت للصراف لعل ان اصرف مبلغا بسيطا ..
كمصروف جيب افطر منه خصوصا واني ماذقت شيء من الصباح .. فتحت المحفظه ..
بطلع بطاقة الصراف ... نظرة بابتسامه ...فاذا بها فااااااااضيه .. هههههههه
ولا ريال .. ولا بطاقه .. وين راحت ؟؟!
تذكرت !! نزلتها يوم المباراه .. فالبيت خوفا ان تسرق .. ونسيت اطلعها ..
قعدت جيعااااااااان ويمكن ماارجع البيت الا 3 الظهر ...
لكن ولله الحمد .. فرجت ..الشغله اللي كانت مقرره الساعه 1 تاجلت الى الاسبوع القااااادم...
وهكذا تطوى قصة عزوز الأزرق و اثار مبارة الاهلي ..


في الختام اليكم تذكير باهم ماورد فيها من انباء /:
* وسوسة قبل بدء المباراة بــ عدة ساعات ...
* الأزرق يكتم فرحته على طريقة (نفسي نفسي )
* البحر يحن ويأن لحال العزوبيه ويدعوهم للبحث عن شريكة تواسيهم قبل ان تمنعهم العوائل من زيارته..
*برد قاارس زار جده يومي الاربعاء و الخميس ... الله اعلم انه محفوظ من شنط لاعبين الزعيم ...
*الدعيع البرد مأثر على مستواه ... انصحه يرتاح لين يرجع الحر << زياده مجانا.هع
*مدري ليه احس الموضوع ذا ماله داعي ؟؟!

لم يبقى الا ان اقوووووووول ... هذا الموضع من باب تغييييير الجو فقط لاغير ..
وان الكتابة بهذا اللون تعني .. لاتعطوني وجه .. وتراها كذبه صفراء..


تقبلوا ارق واحلى واجمل تحية . من محبكم ..
عبدالعزيز / جده..