طبعا مافي احد عاقل ممكن يصدق هالشىء خصوصا بالوقت الحالي
لكن اللي دفعني لاختيار هذا العنوان ازمة السكن ( الحااادة ) اللي نعيشها بالرياض خاصة وبمدن المملكة الكبيرة بشكل عام
اسعار الاراضي مرتفعة بشكل جنوني وتكاليف البناء عالية جدا وبالتالي شىء طبيعي الايجارات بتكون نار
عندنا تحصل اشياء كثير لو حاولت انك تجد لها تفسير تبي تتعب نفسك وبالنهاية مستحيل تجد التفسير اللي تبيه
الان عندنا ممنوع انك تبني دور ثالث ( بالنسبة للفلل) وحتى العماير على الشوارع العادية فيه حد معين من الادوار ماتقدر تتعداه يعني وين الناس يبنون ويسكنون؟؟ اكيد بيتجهون للاراضي اللي ابعد وبالتالي راح تتوسع المدينة
واذا توسعت لابد المناطق الجديدة توفر لها كهرباء وموية وهذا يشكل عبء على الدولة ولابد بعد تربطهم بالمدينة بزفلتة طرق وهذا بعد عبء على الدولة
غير كذا هذا يساهم بارتفاع الاراضي وارتفاع الايجارات
اول كان الواحد يتمنى او يحلم يبني له بيت ملك ، الان مع الاسف الجديد صار طموح الواحد ( خصوصا الشاب ) شقة حلوة ومرتبة وعساه بعد يحصلها
اول كان قرض صندوق التنمية العقاري ممكن الحصول عليه بعد فترة معقولة
الحين احمد ربك اذا جاك الدور بعد 15 سنة
زوج اختي قدم اول ماتزوج بعدين شراء ارض وبناها بقروض من هنا ومن هنا وبعد ماسكن بثمان سنوات توه يجيه الدور
ايجارات نار على شقق صغيرة ومواقع عادية جدا وتلقى المالك او صاحب مكتب العقار يقول تبيها والا الف غيرك يتمناها
السكن اهميته بعد الاكل والامن اذا ماقدرنا نوفر السكن المناسب لشبابنا والا مشاكل اجتماعية كثير تبي تحصل
الان الكل ينادي بزواج الشباب وفي ناس تتكلم عن غلاء المهور لكن اغفلوا جانب مهم جدا وهو السكن
تكاليف الايجار والاثاث تشكل ميزانية مرهقة جدا لاي انسان عادي حتى لو كان راتبه يعتبر راتب عالي نسبيا
المشكلة ماهي صعبة ولا هي معقدة ولا تحتاج لسنين من الابحاث واللجان وكل هالخرابيط
المسألة مسألة قرارات تجي بوقتها بدون مماطلة ولا تسويف
فعلاً موضوع هاادف ولاازم الشعب السعوودي يلتفت للنقااط الي ذكرتها
فعلاً فيه صرااحه ارتفااع فااسعاار الارااضي والشقق اجل بالله عليكم شقه غرفتين وصاله ومطبخ ودورتين ميااة وانتو بكراامه بعشرين الف !
الآن الشااب السعوودي اذا جااء يتزوج يبيله قرض واذا جااء بيسكن يبيله قررض بالله كيف تبوونه يعيش حيااة سعيده حتى وهو في اسعد ايام حيااته
وهو يدري ان عليه ديوون ومااهو عاارف متى رااح يرتااح منها اذا قلنا رااتبه سبعه واخذو منها ارربعه عشان القروض كم يبقاله ثلاث الاف رياال
يبقااله ثلاثه كيف تبوونه يصير سعيد الحين اذا قلنا بيسدد فاتورة كهرب وجوال وجوال مرته كم بقااله ؟
صرااحه معضم الشباب السعودي عليهم ديووون الله يعينهم بس ومووب عاارفين وش يسوون وصلت اعماارهم ثلثين وتلااقيه ماجمع الا خمس طعش الف او عشرين الف ولا دخلبها فالاسهم ورااحت عليه
صرااحه لاازم يلتفتوون للنقطه هااذي
وثااني شي الي هو انك تلزم الشخص على دوورين انا ماني عاارف القرار هاذا ليش اصدر اساسا انا اتوقع انه حسد
يعني وش لك خص خلها يبني برج اذا هوو مقتدر بس وش نقوول
الله يعطييك العاافيه اخووي افتخر بالزعيم صرااحه موضوع اكثر من راائع
فعلاً هذي مشكله
إذا الشقه التمليك ب300 الف اربع غرف وصاله ودورتين مياه ومطبخ
إفترضنا غرفه للنوم مجلس رجال ومقلط والصاله مجلس حريم الغرفه الزايده
غرفة أطفال طيب واللي عنده ولد وبنت والعائله تكبر وين يحطون الخدامه
لأن الخدامه تحتاج جناح خاص والا يحطوها بجناحهم طيب العائله توسعت
صار عندهم اربعة اطفال لازم يدورون بيت والمشكله انهم ماخذين قرض للشقه
البيوت اقل بيت مساحته ماتسوى 400 متر وما اكتمل قيمتها على 600 الف
والمشكله أنها بمناطق بعيده يبقى حق الأبواب والبويات والأثاث هذي 300 الف
وصل البيت للمليون وهو مايسوى والأراضي دخلت سوق سودا
والمسكين بهالحاله المواطن اللي يتدين عشان يسدد ديونه
بصراحة أنت تطرقت لأزمة حـالية يواجها الشباب خصوصاً مسألة السكــن
العــقار نـار .. ولا غير كذا أصبح السكن نادر. .
بصراحة أنا أصف أصحاب الشقق بالاستغلاليين ..أجل عمارة فيها اكثر من 16 شقه ليه طيب حرام
أعط كل شقه مساحتها .. ليه تزيد في العدد حتى تستفيد ويتضرر المستأجر .. أعطني شقة مناسبة بسعرها ..
ولا تعطيني شقه ..كل غرفة تقول أنا أصغر من الثانيه ..
انا بصراحه عن تجربه قريبه في اختيار الشقق الأسعار فيها اجرام .. .والمساحه المبلغ اللي مطلوب فيها حرام
أجل معقوله شقه نضطر نغير في اثاثها عشان مساحتها ماتكفي أصبحت المساحه تتحكم فينا بدل مانتحكم فيها .. يعني الواحد اذا ما ارتاح في بيته وين يرتاح .. المكان الضيق دائماً كئيب وخصوصا ان احنا تعودنا في حياتنا نسكن بيوت كبيره .. فجاءه ننتقل لسرداب أهل الشقق اللي لا يعرفون ذمه ولاضمير في شققهم .. خلاص عندهم الشقه فقط استهلاك لمدة سنه وبعدها خلاص من خراب في مشكله ..
لو نسأل اي شخص عادي أعطانا حل لأزمتنا فكيف بالمختصين والمهندسين .. هناك آلالاف الحلول المرضيه للجميع .. لكن والمشكله في لكن هذي ؟ أين من يطرح وينفذ!!!!!!!!!
الله يعيين الجميع ان شاء الله وعقبال ماتنحل أزمتنا لأنها أزمة تواجه الغالبية ..
افتخر بالزعيم .. طرحت أزمة بحد ذاتها .. الله يعطيك ألف عافية ..على هالطرح الرائع ..
مهيب بعيده خلاااص الشباب عجزوو يلقون سكن مناسب يريحهم ..
إقتباس
اسعار الاراضي مرتفعة بشكل جنوني وتكاليف البناء عالية جدا وبالتالي شىء طبيعي الايجارات بتكون نار
في ظل انهيار الاسهم العالم اتجهت للعقااار ومثل ماقلت البناء تكاليفه باهظه وبياخذ ماوراه ودوونه
عشاان يكمل فلته
إقتباس
توسعت لابد المناطق الجديدة توفر لها كهرباء وموية وهذا يشكل عبء على الدولة ولابد بعد تربطهم بالمدينة بزفلتة طرق وهذا بعد عبء على الدولة
وحتى الناس مايبوون البعد يبوون يكوونوون في وسط المدينه قريب منهم المصالح الحكوميه
والمستشفيات والاسواق وقريب من اهلهم البعد شين
او
إقتباس
يحلم يبني له بيت ملك ، الان مع الاسف الجديد صار طموح الواحد ( خصوصا الشاب ) شقة حلوة ومرتبة وعساه بعد يحصلها
بس تصدق هذا الشئ مهووب مستحيل بصراحه فكرة الإيجار المنتهي بالتمليك
فكره حلووووه تكون تقسيط لين يستطيع بعد كم سنه تملكها
افضل من ان الشاب يدفع اجار ويتعب واخر شئ يطلع من مكان تعوود عليه
خالي له فتره بسيطه متزووج وكان ساكن بشقه صغيره مره
اجارها كان18 تخيل طمع التاجر وغلاها الى 25 وهي مافيه زوود ابد
اضطر انه يطلع ويخليها ويدوور لها وحده ثانيه .. وهذي حال الشباب المساكين
صايرين ابن بطووطه من جرف لدحديره
إقتباس
اول كان قرض صندوق التنمية العقاري ممكن الحصول عليه بعد فترة معقولة
صندوق التنميه من جد شئ مهوب صااحي ناس يقعدون 25 سنه واكثر ويالله يجيهم الدور
وش الفايده ااذا ماعاونو الشباب بعدين ربي بيغنيهم وبيقدروون يشترون بيوووت
والمشكله فيه ناس مقدمين عليه وهم مايحتاجوون له لو يتنازلوون لغيرهم يكون افضل ..
إقتباس
تكاليف الايجار والاثاث تشكل ميزانية مرهقة جدا لاي انسان عادي حتى لو كان راتبه يعتبر راتب عالي نسبيا
صادق كل شئ نار هالحييين الله يعين الشباب وييسرها لهم ..
قلتها قراارات متى ......؟؟؟
الله اعلم ’’
الف شكر اخوي افتخر على الموضووع الحساس والمهم صغته بأسلووبك الرائع ..
دمت بخير ..’’
فعلاً فيه صرااحه ارتفااع فااسعاار الارااضي والشقق اجل بالله عليكم شقه غرفتين وصاله ومطبخ ودورتين ميااة وانتو بكراامه بعشرين الف !
الآن الشااب السعوودي اذا جااء يتزوج يبيله قرض واذا جااء بيسكن يبيله قررض بالله كيف تبوونه يعيش حيااة سعيده حتى وهو في اسعد ايام حيااته
وهو يدري ان عليه ديوون ومااهو عاارف متى رااح يرتااح منها اذا قلنا رااتبه سبعه واخذو منها ارربعه عشان القروض كم يبقاله ثلاث الاف رياال
يبقااله ثلاثه كيف تبوونه يصير سعيد الحين اذا قلنا بيسدد فاتورة كهرب وجوال وجوال مرته كم بقااله ؟
صرااحه معضم الشباب السعودي عليهم ديووون الله يعينهم بس ومووب عاارفين وش يسوون وصلت اعماارهم ثلثين وتلااقيه ماجمع الا خمس طعش الف او عشرين الف ولا دخلبها فالاسهم ورااحت عليه
كلام صحيح وزين بعد اذا كانت بعشرين الف بس مع الاسف مثل هالشقة بمثل هالوقت تعتبر رخيصة
اما سالفة القروض فالله يعين الشباب بس قرض زواج وتقسيط سيارة ويمكن حتى اثاث يعني من كل جانب مأخوذ منه
يعطيك العافية اخوي هامور البورصة ( مع ان البورصة ماعاد فيها هوامير )
رائدة الزعيم
إقتباس
إذا الشقه التمليك ب300 الف اربع غرف وصاله ودورتين مياه ومطبخ
يابنت الحلال الناس الحين مهوب قادرين على الايجار فما بالك بالتمليك
بعدين شلون الشاب يقدر يجمع 300 الف بالوقت الحاضر اعتقد صعب او بالاصح شىء اقرب الى المستحيل
إقتباس
إفترضنا غرفه للنوم مجلس رجال ومقلط والصاله مجلس حريم الغرفه الزايده
غرفة أطفال طيب واللي عنده ولد وبنت والعائله تكبر وين يحطون الخدامه
لأن الخدامه تحتاج جناح خاص والا يحطوها بجناحهم طيب العائله توسعت
صار عندهم اربعة اطفال لازم يدورون بيت والمشكله انهم ماخذين قرض للشقه
البيوت اقل بيت مساحته ماتسوى 400 متر وما اكتمل قيمتها على 600 الف
والمشكله أنها بمناطق بعيده يبقى حق الأبواب والبويات والأثاث هذي 300 الف
وصل البيت للمليون وهو مايسوى والأراضي دخلت سوق سودا
والمسكين بهالحاله المواطن اللي يتدين عشان يسدد ديونه
هذا الواقع مع الاسف ولابد نذكر هنا بان مجتمعنا والعائلة السعودية لها خصوصية خاصة لابد مراعاتها في مسألة السكن
كل الشكر لتواجدك المميز رائدة
سندريلا الهلال
هلا والله وغلا بمستشارتنا المتألقة دائما
إقتباس
بصراحة أنا أصف أصحاب الشقق بالاستغلاليين ..أجل عمارة فيها اكثر من 16 شقه ليه طيب حرام
شوفي بصراحة ماتقدرين تلومينهم مادام فيه طلب كبير وهم متأكدين ان الشقق كلها تبي تستأجر غير كذا لو صار عدد الشقق اقل من كذا يبي يقل العرض وبالتالي راح ترتفع الاسعار زيادة
إقتباس
أجل معقوله شقه نضطر نغير في اثاثها عشان مساحتها ماتكفي أصبحت المساحه تتحكم فينا بدل مانتحكم فيها .. يعني الواحد اذا ما ارتاح في بيته وين يرتاح .. المكان الضيق دائماً كئيب وخصوصا ان احنا تعودنا في حياتنا نسكن بيوت كبيره .. فجاءه ننتقل لسرداب أهل الشقق اللي لا يعرفون ذمه ولاضمير في شققهم .. خلاص عندهم الشقه فقط استهلاك لمدة سنه وبعدها خلاص من خراب في مشكله
المسألة مثل ماقلت تعودنا في بيوت اهالينا على الفلل الكبيرة وان كل واحد له غرفة خاصة والصالة اللي توسع الصدر
والسور اللي ندور فيه بسياكلنا اول
لذلك صعب اننا نتقبل كذا فجاءة الانتقال الى مكان اصغر بكثير بالاضافة الى اننا مقتنعين من جوا ان هالمكان مايستاهل القيمة المدفوعة له
مرورك اسعدني سندريلا ورايك ( كالعادة ) اضاف لي الكثير
هلالية سنعة
إقتباس
في ظل انهيار الاسهم العالم اتجهت للعقااار ومثل ماقلت البناء تكاليفه باهظه وبياخذ ماوراه ودوونه
عشاان يكمل فلته
لا احد يتكلم عن الاسهم
نبي ننسى شوي
إقتباس
وحتى الناس مايبوون البعد يبوون يكوونوون في وسط المدينه قريب منهم المصالح الحكوميه
والمستشفيات والاسواق وقريب من اهلهم البعد شين
يمكن اول هالكلام الحين ودهم يبعدون قد مايقدرون عن الزحمة
الا طبعا الحريم ودهم دائم يكونون قريبين من الاسواق ;)
إقتباس
بس تصدق هذا الشئ مهووب مستحيل بصراحه فكرة الإيجار المنتهي بالتمليك
فكره حلووووه تكون تقسيط لين يستطيع بعد كم سنه تملكها
افضل من ان الشاب يدفع اجار ويتعب واخر شئ يطلع من مكان تعوود عليه
وين صعب جدا الواحد يجلس اكثر من عشرين سنة يقسط اقساط وبفوائد مهيب منطقية وغير كذا اغلب هالفلل صغيرة مرة ولا تكفي العائلة اذا كبرت
كل الشكر لتواجدك ( السنع ) ياسنعة
صاحبة المجد الهلالي
إقتباس
ما اقول الا ياحظ الحجازيين متعودين على الشقق يطلع من شقة اهله يدخل في شقته
اما بهذه صدقتي الله يخلف علينا بس
تصدقين شيابنا حتى فلل الدبلكس ماتملي عينهم
اتذكر اخوي لما بنى له فلة دبلكس وشافها ابوي قال وين مكان النخلة قال اخوي مافي مكان لها قال ابوي افااا كل شىء ولا النخلة دبر لها مكان لو بالسطح
إقتباس
مساكين بصراحة الشباب اللي راتبة خمسة الالاف هذا وين بيجيب اجار من وين له
هالحين اتجهوا الناس يسكنون مع اهلهم مهب حب فيهم الا مالقوا سكن
وحتى اللي راتبه اكثر من خمسة بمثل هالمصاريف راح يتعب وماراح يوفر شىء
اما سالفة السكن مع الاهل لا تعممين صح في ناس سكنوا معهم لانهم مالقوا سكن وفي ناس لا والله هو يبي يسكن مع اهله خصوصا اذا كانوا مالهم الا هو بعد الله
الف شكر على رايك الصريح اختي صاحبة المجد الهلالي موفقة دائما ..
بالفعل اخوي طرحت موضوع في وقته ..
اللي مقدمين على الزواج يتعبون مايحصلون شقق اجار .. والمشكله مثل ماطرقت له
غلاء الاراضي .. يعني مستحيل تتزوج او تبني مع بعض .. والشقق رغم انها نار
الا انها فل الفل .. والناس ماصارت تحصل .. بس اللي اخر ش سمعته بهذا الخصوص
انهم سمحوا لاصحاب العماير التجاريه باقامة اكثر من ثلاثة ادوار .. وهذا الشي من صالح المستهلك ..
الله يعين مايجي يوم ونسكن بالقرب من المطار ..