#1  
قديم 08/12/2006, 05:03 AM
مشرف سابق في شبكة الزعيم
تاريخ التسجيل: 12/08/2000
المكان: الريـــــاض
مشاركات: 2,918
Wink في الرياض في جدة في المجمعة .. دق الخشوم ما في أحلى مثله!!

][ أسبوع ولا كل الأسابيع ][

أجمل عنوان أصنــّــفه بصراحة !!

فوز على النصر الأحد الماضي 12/11 ، وفوز على الأهلي الخميس 16/11 ..

ست نقاط بالتمام والكمال في بنك الدوري ضمنتا تشبّث الهلال بالصدارة بكل ماأوتي من قوة ..

مباراة الهلال بالنصر كانت لذيذة بنتيجتها وبأحداثها الدراماتيكية وبرؤية منظر الاستاد وتحوله لغابة من الثياب الشتوية !

ونفس المنظر تكرر في مباراة الأهلي بس اللي اختلف إن ما شفنا ثياب شتوية ( لأن أجواء جدة دافية ) ...

لو دققتوا ولاحظتوا أن صجة هالفريقين علشان ( نقطة ) تؤهلهم يشخـّصون بها بالبطولة العربية وعلشان إذا المعلق جاب سيرة فريقهم بالدوري السعودي يذكر [انه تعادل مع المتصدر] !! وكلها منكم ياللي ترشحون لهالبطولات فرق مهيب أبطال في بلدانها !!

فالهلال يتعب ويشقى ويتحمل ويأخذ كأس الاتحاد مرتين متتاليتين وكأس ولي العهد مرتين متتاليتين وكأس الدوري مرة وحدة والثانية وصيف وبالأخير تشارك بالبطولات فرق لم تربح !! مثل الاتحاد والأهلي والنصر !!

بالنسبة لي أعتبره أنا أحلى تكريم من الهلال لأندية انجلت أمام الهلال .. لكن للأسف يواجه الهلال هذا الكرم بالتمرّد وعض اليد اللي انمدت له !!

النصر قبل مباراته بالهلال دبّلت مكافأة الفوز وأغلقت التدريبات ورجعوا أعضاء شرفه والنادي صار خلية نحل وسكرتي النادي يقول في نفسه [ ليت الهلال كل يوم يلاعبنا أقلها أحلـّـل راتبي ] .. وبالأخير ينهزمون مع الرأفة الهلالية ...

لن أتكلم عن قضية القضايا وهدف الغفلة لأن منطقي يقول ما بُني على باطل فهو باطل وأساس الهجمة النصراوية كان خطأ للهلال نفس المنطق مع مباراة الكأس عام 1407هـ أمام الهلال في يوم كان للتخيفي فاول في الدقيقة 3 ويحوّله بقدرة قادر عمر المهنا لمحيسن الجمعان وينرفع الفاول وتنتهي المباراة بهدف لماجد ويدافع النصر لمدة 87 دقيقة ويفوز النصر بالكأس ولا شفنا عقل ولا شفنا جمهور يولّع بأعلام النصر ولا شفنا هذال الدوسري يشوت الكورة ويحتج !!

نفس المنطق صار في نهائي دوري 1415هـ ( نهائي العمر الشهير) وأمام الحكومة بكبرها ! ولا شفنا إلا كسرة الثنيان لماجد واللي كانت داخل أجواء المباراة !! وهالنهائي حوّله العمر لمصلحة النصر وضيّع مجهود دوري كامل على الهلال وجيّره للنصر !! ولا شفنا ثياب شتوية تقتحم الملعب ولا ألفاظ نابية ولا جمهور يرجّم رجال الأمن ولا لاعبي النصر !!

نفس المنطق في عام 1417هـ ( هدف خميس في نصف نهائي الدوري) واللي سمي بهدف النية الخبيثة ! ( على وزن الجمرة الخبيثة ) وكانت عين خميس اليمنى لمضحي والثانية للكورة وألغي ً الهدف وشطبوا النعيمة وسحبوا جوازه وقارنوا النعيمة بمثل المجرمين العابثين ولسان حال النعيمة في ذلك الوقت يقول أشوى أن خميس ما له عين ثالثة وإلا كان سكروا النادي بكبره !( عيّار أبو فهد ) ...

نفس المنطق تكرر في نصف النهائي 1421هـ أمام النصر ( بلنتي الكاتو) واللي كان المهنا محكّم عليها وانتهت المباراة وخرج الهلال بظلم كبير وفاضح وما سمعنا أن لجنة حكام حلّــت أو توقيف للمهنا أو للخوجلي!!

ولاحظوا أن جميع الأمثلة كانت عباراة عن مباراة كأس أو خروج مغلوب وكان المتضرر هو الهلال !! والمستفيد هو النصر فقط!!

وألحين يوم خسرتوا ( نقطة ) كانت ستبعدكم عن الفيصلي بـ3 نقاط أقمتوا الدنيا ولم تقعدوها!!

يقول المثل [ اشربوا من الكأس اللي شربنا منه ] ويقول المثل الثاني [ حسّوا مثل ما حسّينا ولاحد سمعنا] ويقول مثل ثالث متعقــّـل [ هذي وهي نقطة أجل لو كانت خروج مغلوب وش بتسوون !! بتقلبون نشاطكم إلى مركز صيفي]!!

نفس الكلام مع الأهلي !!

فريق متقدّم بهدفين ملعوبين .. يلاعب فريق للتو خارج من معركة الأحد الماضي أبطالها الخوجلي والمشعل .. وأكثر من كذا استجاب لطلبكم وقدّم المباراة على حساب راحته .. وبالأخير تهاجمون قدامه !!!

يقول المثل الهلالي المتوارث [ تدّخل فيني قولين .. أصقعك بثلاثة !! تزيد أزيد ] ...

مبروك الصدارة والنقطة الــ27 عن جدارة واستحقاق وفوق هذا بقهر لآخر خصمين ...


][على الطاير ][

** في عام 1414هـ نزل مشجّع هلالي وجلس بالمضمار يضرب بعقاله من الظلم الفاضح في مباراة النصر والهلال وكان النصراويون يتفاخرون ويتلذذون بهالمقطع ! أما أنا كل ما ضاق صدري حطيت مقطع لآخر مباراة ( الأحد 12/11/1427هـ) وشفت مسرحية طولها 10 دقايق وبالأخير ينهزمون هزيمة ويصير كل تفكيرهم بعد هالمباراة وهواجيسهم بمن سيهبط لدوري الدرجة الأولى وهل فيه إمكانية أنه يهبط واحد بس !! وأقولهم أنا [ تقولون وتطولون ] !!..

** مباراة الهلال بالنصر كان الحضور كبير ويكفي أن الدخل ذهب للهلال مع النقاط الثلاث .. بس أتمنى في مباراة الإياب أن يكون الحضور صفر من الجانب الهلالي لأن ما ودّي أنفعهم بأي طريقة كانت بس الأهم النقاط الثلاث مضمونة ...

** في ظرف 72 ساعة تلعب مباراتين قويتين ومركزك حساس وتجيب النقاط كاملة وتحافظ على الصدارة !!
باختصار [ هالفريق مهوب طبيعي] !!

** 8 مباريات فوز على التوالي .. وصدارة هلالية رائعة .. سر لا يعرفه إلا القريبين من هذا الهلال ...

** لاعبي الأهلي توقعوا أن الضرب والركل والرفس مسموح مع تغيير لجنة الحكام !! وتوقعوا أن الاعتراضات طوال المباراة من بنود كرة القدم في هذه المباراة !! بس فاتهم في بند من البنود اللي حفظوها قبل ما يدخلون المباراة أن الخصم اللي قدامهم هو ياسر قصدي سامي قصدي التمياط أقصد الشلهوب معاليش أبغى أقول التايب ولا قدرت المهم الخصم هو مجموعة أناس ماودك أن الكورة توّخر عن رجليهم !! والنتيجة هي فوز لهم بكل تأكيد ...!!..

** يتظلــّـم الاهلاويون بالتحكيم ونحب نذكرهم بأن رئيس لجنة الحكام هو [ عبدالله الناصر ] ومعروف هالاسم في التجبّر والتعنّـت التحكيمي أيام لم توجد فيه صافرة [ برنامج الزيد ] أو الاستديو التحكيمي ل[ محمد فودة ]!!

ما بقى إلا تخلون ممدوح بن عبدالرحمن هو رئيس اللجنة [ بكبرها] بس المشكلة إن فاز الهلال وش راح يكون موقف اللجنة من الحكام أكيد الإعدام!!

** رجع سامي آخر 15 دقيقة .. والنتيجة !! بنالتي لصالحه وطرد للتونسي بدرا !!
يا حب سامي للتوانسة !!
آخر قول دولي له كان بتونس في المونديال ! والمتسبب في البنالتي والمطرود في المباراة المحلية هو تونسي !!
علاقة ود بين سامي وتونس يحب يوضحها لنا هالرائع من خلال المستطيل الأخضر !! ...

** في مباريات الدوري اللي يهمني هو الـ3 نقاط فقط !! فكم من دوريات قدمنا مستوى بدون نقاط والنتيجة ضياع دوري بأكمله ! ولنا في 1419/1421 هــ أكبر مثال .. فالسجل البطولي بيكتب [ البطل هو الهلال ) ومهوب كاتب في حال ضياع اللقب [ أبدع الهلال وفاز باللقب الفريق الفلاني ] !! ولنا في مونديال 82م خير برهان ! أبدع البرازيليون وفاز الطليان بكأس العالم ودوّنت سجلات كأس العالم وأدارت ظهرها للمنتخب الممتع لأنها تعترف بأن النتيجة هي [ الأهم] ....

** تشكيلة الهلال آخر مبارتين ممتعة حسب ظروف المباراة .. ومدرب الفريق [ داج خططيا] فنان [ بالتبديلات] ...
وبالنهاية النقاط كاملة لفريقه .. وهذا هو المطلوب ...

** حلو أنك تفوز .. بس الأحلى أنك تفوز على جميع الأندية في ملعب المباراة ... وهذا ما تكرر مشاهدته أمام خصوم الهلال ..

** أهدي النقاط الثلاث إلى فيصل العبدالهادي وإلى أعضاء شرف النصر وإلى الكابلي رجل الراية ( الشهير] ..

في الرياض في جدة في المجمعة .. دق الخشوم ما في أحلى مثله!!

دمتم يا هلاليين بوناسة وغيركم بتناهيد وآهات متقطعة ;) ....
اضافة رد مع اقتباس
  #2  
قديم 08/12/2006, 05:11 AM
زعيــم فعــال
تاريخ التسجيل: 17/10/2003
المكان: san antonio
مشاركات: 471
هههههههههههههههه
يعني نقول دورة الهلال لصقل اندية العرب

مقال رائع جدا ولي عودة باذن الله

مشكوووووووووووووووووور
اضافة رد مع اقتباس
  #3  
قديم 08/12/2006, 05:12 AM
زعيــم فعــال
تاريخ التسجيل: 21/08/2006
المكان: الرياض
مشاركات: 433
رووووووووووعهـ ..

سامي والتوانسهـ .. قصة عشقٍ لا تنتهي ..

تحياتي ,,


د . نـــــــ و ا فــــــــ
اضافة رد مع اقتباس
  #4  
قديم 08/12/2006, 05:22 AM
زعيــم متواصــل
تاريخ التسجيل: 16/07/2005
مشاركات: 55
مخاوي حبيـت اقولكـ .. أنت بطل لا اقصد انت أليـم لا قصدي انت خالع .. لا معليش كنت اقصد انت هلالي رهيــــــب

انا من المتابعين من بعيد لبعيد ولا اشارك واجد .. بس شدني مقالك وحبيـت ابدي اعجابي في ماكتبته

تدري وش اللي قاهرني انا ؟ ان اللي فاز علينا هالموسم هو ( الوحده ) ههههههههه يعني ترا كل هالزحمه اللي سووها النـثـر والاهلي عشان مايصير الوحده احسن منهم

الحمدلله ان فيه شيين اخذتها في حياتي بالفطـره ( الاسلام + الهلال ) ههههههههههه
اضافة رد مع اقتباس
  #5  
قديم 08/12/2006, 05:24 AM
موقوف
تاريخ التسجيل: 03/03/2006
مشاركات: 345
سلمت أناملــك

وكفيت ووفيت يامبــدع

مع التحيــة ..
اضافة رد مع اقتباس
  #6  
قديم 08/12/2006, 05:32 AM
زعيــم فعــال
تاريخ التسجيل: 25/04/2005
المكان: عرش الزعآمهـ
مشاركات: 284
محجوز
اضافة رد مع اقتباس
  #7  
قديم 08/12/2006, 05:33 AM
الصورة الرمزية الخاصة بـ A.R.S.E.N.A.L
زعيــم مميــز
تاريخ التسجيل: 17/07/2005
المكان: ][Emirates Stadium][
مشاركات: 1,694
مرحباا ..

يا سلام عليك يا بطل .. كلام اكثر من رائع ..

اهم شي نقهرهم .. *_^ ..

كل الشكر يالغلا .. وتستااهل التثبيت
اضافة رد مع اقتباس
  #8  
قديم 08/12/2006, 05:39 AM
زعيــم مميــز
تاريخ التسجيل: 30/10/2006
المكان: alhilal.com
مشاركات: 2,264

رائع المقال .. يعطيك العافيه اخوووي

كفييت و فييت
اضافة رد مع اقتباس
  #9  
قديم 08/12/2006, 05:39 AM
زعيــم مميــز
تاريخ التسجيل: 05/03/2001
المكان: اينمـــا وجد الحب
مشاركات: 4,861
مــخــاوي مقالاتك تســاوي ابــداع الـهــلال على المستطيــــل الأخضر
اضافة رد مع اقتباس
  #10  
قديم 08/12/2006, 05:40 AM
الصورة الرمزية الخاصة بـ محب الذئب9
زعيــم مميــز
تاريخ التسجيل: 21/01/2006
المكان: ♥ S A M i ♥
مشاركات: 14,143
مخاوي حبيـت اقولكـ .. أنت بطل لا اقصد انت أليـم لا قصدي انت خالع .. لا معليش كنت اقصد انت هلالي رهيــــــب
اضافة رد مع اقتباس
  #11  
قديم 08/12/2006, 05:44 AM
زعيــم متألــق
تاريخ التسجيل: 15/05/2005
مشاركات: 1,298
سلمت أناملــك

وكفيت ووفيت يامبــدع
اضافة رد مع اقتباس
  #12  
قديم 08/12/2006, 05:54 AM
زعيــم متواصــل
تاريخ التسجيل: 22/10/2005
مشاركات: 70
تسلم ويسلم راسك
وطال الله في عمرك
اضافة رد مع اقتباس
  #13  
قديم 08/12/2006, 06:12 AM
زعيــم متواصــل
تاريخ التسجيل: 31/05/2004
المكان: الريـــــــــــــــــــــــــــــــاض
مشاركات: 96
إقتباس
الرسالة الأصلية كتبت بواسطة مخاوي البطولات

نفس المنطق في عام 1417هـ ( هدف خميس في نصف نهائي الدوري) واللي سمي بهدف النية الخبيثة ! ( على وزن الجمرة الخبيثة ) وكانت عين خميس اليمنى لمضحي والثانية للكورة وألغي ً الهدف وشطبوا النعيمة وسحبوا جوازه وقارنوا النعيمة بمثل المجرمين العابثين ولسان حال النعيمة في ذلك الوقت يقول أشوى أن خميس ما له عين ثالثة وإلا كان سكروا النادي بكبره !( عيّار أبو فهد ) ...

خخخخخخ

وتسلم على المقالة يا بطـــل
اضافة رد مع اقتباس
  #14  
قديم 08/12/2006, 06:45 AM
زعيــم مميــز
تاريخ التسجيل: 28/09/2004
المكان: الرياض
مشاركات: 5,620
سلمت أناملــك

وكفيت ووفيت يامبــدع
اضافة رد مع اقتباس
  #15  
قديم 08/12/2006, 06:54 AM
زعيــم متألــق
تاريخ التسجيل: 09/10/2005
المكان: [ In Anfield Road ]
مشاركات: 1,418
كلام ولا أروع ،،


كلام في الصميم ..


لاهنت ولا فض فوك ’’
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:22 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube