#1  
قديم 04/12/2006, 01:14 PM
زعيــم نشيــط
تاريخ التسجيل: 06/04/2005
مشاركات: 799
أحداث لم تظهر في التلفزيون( تجدونها هنا)+موقف طريف مع الأمير بندر بن محمد

السلام عليكم

ألف مبروك الفوز أمس على الفقر الي متذيلين سلم الدوري عقبال الهبوط للدرجه الثانيه

طبعا ماراح أحلل لأن الإداره والأعضاء كفوا ووفوا في تحليل المباراه وفي وصف همجيه جمهور الفقر

في مشاهد جديره بالذكر لم تظهر في التلفزيون على حد علمي اكتبها لكم هنا:

--جمهور النصر ردد نيفيا نيفيا أكثر من مره قبل بدايه المباراه في محاوله استفزاز لجمهور الهلال لكي يردون عليهم

ولكن جمهور الزعيم أرقى من أنهم يردون على حثاله والتزموا الصمت (عشان مايصدق عبد الهادي) ويعاقب جمهور الهلال.


--رئيس الهلال الأمير محمد بن فيصل يرفع يديه معاتبا محمد الدعيع بعد كوره البيشي الي ارتطمت بالعارضه وكان لسان

حال رئيس الهلال يقول (وشفيك يالدعيع اليوم) لأنه كان رافع يديه مستاء من عدم متابعه الدعيع للكره وتقدمه عن المرمى.


--وبمناسبه الدعيع الجمهور الهلالي هاجمه بشده بعد كوره البيشي والدعيع معذور لأنه الهوا كان في صالح النصر

لذلك كانت الكرات صعبه عليه (بصراحه الدعيع مايستاهل الهجوم الذي لقيه بعد كره البيشي).


--التائب كان محل إعجاب جميع من حضر المباراه بمهاراته الرائعه والجمهور كان يهتف بأسمه بين كل فتره وأخرى بقياده حقوي.


--عند استبدال رودريقو بالتمياط يبدو أنه التمياط زعل من تغييره لأنه صافح رئيس الهلال واللاعبين وتجاهل المدرب

وقعد على الكرسي لكن بوسيرو ذهب للتمياط وصافحه.



--فرح طارق التائب بالهدف الثاني الي احرزه للهلال فرحه كبيره كونه أول يهدف يحرزه وفي لقاء ديربي وجماهيري.


--احتجوا لاعبين النصر على الحكم المساعد بسبب هدف التائب وذهب بوسيرو لتهدئه لاعبين النصر ويدفعهم بعيدا عن الحكم

وذهب أحد الإداريين الهلالين وسحب بوسيرو لمقاعد الإحتياط (وكان لسان حال الإداري يقول خليهم في حريقه أنت وش دخلك (بصراحه تصرف راقي من بوسيرو ولا كان من مصلحته أنه لاعبين النصر يحتجون على الحكم لين ماينطرد أحدهم)

--عند استبدال الشلهوب رئيس الهلال يبدوا أنه يمازح الشلهوب لأنه الشلهوب كان يضحك ورئيس الهلال حضن الشلهوب في

منظر جميل يبين الترابط بين الإداره واللاعبين.

--عند إلغاء الهدف النصراوي (التسلل) احتجوا لاعبين النصر على الحكم وتجمهروا عليه وصارت مشاكل طبعا هذه شفتوها

وركض المشعل وشات الكوره من قدام الدعيع معظم الجماهير تعتقد الدعيع راح يتهاوش مع المشعل بس العكس صحيح الدعيع

مسك المشعل يبي يهديه لأنه شافه متنرفز ويبدو خالد عزيز نفس الشيء يحسب الدعيع يتهاوش جا يفزع أبوعزيز الرجال نشمي.

--فجأه واحد سألني وش سبب الهواش أنا جاوبت عليه وأنا أناظر الملعب ماشفت مين الي يكلمني قلت له المشعل شات الكوره

من قدام الدعيع قال: (كيف؟) ناظرت فيه طلع الأميربندر بن محمد يسألني أنا شفته انلحس مخي لخبطت بالكلام

قلت له الدعيع شات الخوجلي هو شافني تلخبطت تركني ونزل لأنه كان نازل من المقصوره وأنا واقف على

درج المنصه في نهايه المباراه (بصراحه ياني لقطت وجهي تلقيط وش جاب الخوجلي عند الدعيع )

--محمد أبولما شعله من النشاط ماشاء الله عليه طول المباراه رايح جاي (شفته راح عند جماهير النصر يصورها يوم تثير الشغب (حق النذاله يابوحميد )بصراحه يعطيه العافيه الرجال مومقصر)

بس هذه هي أهم اللقطات الي التلفزيون

وآسف على الإطاله.
اضافة رد مع اقتباس
  #2  
قديم 04/12/2006, 01:16 PM
زعيــم مميــز
تاريخ التسجيل: 19/06/2001
المكان: الخبــــر
مشاركات: 4,690
الف الف مبروك الفوز

ومشكور
اضافة رد مع اقتباس
  #3  
قديم 04/12/2006, 01:24 PM
زعيــم فعــال
تاريخ التسجيل: 24/04/2006
المكان: قلب الزعيم
مشاركات: 245
مشكوووور ويعطيك العافيه
اضافة رد مع اقتباس
  #4  
قديم 04/12/2006, 01:34 PM
زعيــم فعــال
تاريخ التسجيل: 25/03/2005
مشاركات: 245
مشكووور وكفو والله يابوحميد صورهم واحشرهم
اضافة رد مع اقتباس
  #5  
قديم 04/12/2006, 01:39 PM
زعيــم مميــز
تاريخ التسجيل: 11/07/2005
المكان: وسط المدرجات
مشاركات: 7,319
مشكوووووور يالغالي
اضافة رد مع اقتباس
  #6  
قديم 04/12/2006, 03:25 PM
الصورة الرمزية الخاصة بـ عطــر الأمــاكن
مشرف سابق بمنتدى الجمهور الهلالي
تاريخ التسجيل: 24/04/2005
مشاركات: 13,275
عوافي

بصراحة طرحت نقاط وجزئيات كانت غائبة عن الكثير

وخاصة لمن لم يحضرو للملعب
اضافة رد مع اقتباس
  #7  
قديم 04/12/2006, 03:45 PM
زعيــم نشيــط
تاريخ التسجيل: 10/11/2003
مشاركات: 868
إقتباس
قلت له الدعيع شات الخوجلي


هههههههههههههههههه
اضافة رد مع اقتباس
  #8  
قديم 04/12/2006, 03:45 PM
زعيــم نشيــط
تاريخ التسجيل: 11/03/2006
المكان: ][ .*. الهــــلالـــ .*. ][
مشاركات: 883
الله يعطيك العافيه وما قصرت .. يا الأســد الهـلالي

اما بالنسبه للدعيع والمشعل .. بعد ما شات المشعل الكوره في منظر غير حضاري

ذكرنا بمباريات الحواري زمان .. اذا لاعب زعل من حكم قام وخرب اللعب ..


وكان الدعيع يلحق المشعل يقوله ( ليه تشوت الكوره ).. لكن ما مد يده عليه كان فقط

بالكلام .. وعزيـز نفس الحكايه كان يقول للمشعل ليه تشوت الكوره .. وبرضه لم يضربه

انما كان المشعل يمشي والدعيع وعزيز يمسكونه .. وما كانو ابدا ناوين يعتدون عليه

او يضربونه ..


لكن لاعبي النصـر المتسرعين هاجمو الدعيع وعــزيــز .. ومدو يدينهم عليهم ..

وجاء الخوجلي بكل عنجهيه وبأسلوب غير حضاري متوقع منه .. ومد يده على عزيــز

وضرب عزيز على وجـهه .. انا اشكر عزيـز على تمالك اعصابـه .. لاني وبصراحه

لو كنت مكـان عــزيـــز ما كان خــليت الحارس ( الناعم راعي الجِــل ) يمد يده علي

الا واكــسرها .. لكن اتضح ان لاعبي الهــلال .. بدوليتــهم ومعرفتــهم بأخلاق الرياضه

تمالكو اعصابــهم وما ردو الصــاع صاعــين ..


وعلى فكــره ... كل النصراويين كانو متقبلين قرار حكم المباراه ( الي حد ما ) ..

ولكن بعد ان اشعل المشعل شرارة الفوضي بضربه للكره خارج المرمى .. بدأت الفوضى

واصبح جمهور النــصر .. يرمي كل ما يواجهه .. حتى ان بعضهم خرج من الملعب

وهو ينتفض من البـرد ( كل ملابسه في الملعب ) .

* *

ألف مبرووك للهــلال وانا كل اللي يهمني ان فوز الهــلال كان عن جداره واستحقاق

وسواء كان الهدف النصراوي صحيح ام تسلل .. فهو لا ينقص من كبد الحقيقه شي

وهي ان الهــلال هو الأجدر بالفــوز ..والنصر الأجدر بمدارس تعليم الأدب .




ودمتــم ®
اضافة رد مع اقتباس
  #9  
قديم 04/12/2006, 03:47 PM
زعيــم فعــال
تاريخ التسجيل: 24/11/2005
المكان: KSA
مشاركات: 310
مشكوووووووور
اضافة رد مع اقتباس
  #10  
قديم 04/12/2006, 03:49 PM
موقوف
تاريخ التسجيل: 30/09/2006
مشاركات: 266
شكراااااااااااااااااااااااا لك اخوي
اضافة رد مع اقتباس
  #11  
قديم 04/12/2006, 03:55 PM
الصورة الرمزية الخاصة بـ leo messi
زعيــم مميــز
تاريخ التسجيل: 05/11/2006
المكان: تـحـت المكـيـف ..!!
مشاركات: 4,991
مشكوووووووووووور
اضافة رد مع اقتباس
  #12  
قديم 04/12/2006, 04:04 PM
زعيــم نشيــط
تاريخ التسجيل: 20/01/2006
مشاركات: 541
خخخخخخخخخخخخ

اما الدعيع شات الخوجلي


وياسر شات الحارثي
اضافة رد مع اقتباس
  #13  
قديم 04/12/2006, 04:04 PM
زعيــم مميــز
تاريخ التسجيل: 06/04/2005
المكان: milan club
مشاركات: 4,119
الف مبروك الفوز


اضافة رد مع اقتباس
  #14  
قديم 04/12/2006, 04:04 PM
زعيــم متواصــل
تاريخ التسجيل: 05/11/2006
مشاركات: 54
يعطيك الف عااافية
اضافة رد مع اقتباس
  #15  
قديم 04/12/2006, 04:07 PM
زعيــم مميــز
تاريخ التسجيل: 19/04/2006
المكان: PIN:7680F483
مشاركات: 3,452
مشكور وجزاك الله الف خير وقل لابو حميد يورينا اللي صوره
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:47 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube