ياجماعه تكفون....؟؟؟؟؟
معليش اسف ..من الزعل نسيت اسلم عليكم؟؟

السلام عليكم ...مرحبا شباب ..كيف الحال..
مالحظه هذي ابتسامه صفراء...
لان قلبي مقهور من ذا اللي اسمه ادميلسون ..
ياناس جنني..والله هبل بي
شاب راسي وانا توي شباب...وارتفع عندي الضغط..وخلاني مضغوط
وجاب لي السكر من حلاوة لعبه وفنونه ....وصرت العن الساعه اللي اشوفه فيها (يماتح) ويتبختر بفانيلة زعيم اسيا...

ياناس يوم بعد يوم يثبت لنا هذا اللاعب..اسف,,
قصدي نصف اللاعب ..اوه.....برضه اسف..
قصدي ربع اللاعب هذا انه فاشل دراسيا ومنهجيا ومحطم فنيا وكل حاجه ولا فيه خير حتى للدرجه الاولى

ياناس كوره في السته يارده مايعرف يحطها جوا المرمى ..ايش الحلا هذا ..اخاف يعطونه عين بس....

والا تفرجوا عليه عند اي اشتراك تلقاه يبعد عن الكورة ماتقول الا نجم كبير خايف على الفنيات اللي ذابحنا فيها...

والله ان حسين العلي افضل منه ..وسلطان الناصر افضل منه ...
بل حتى لاعبين الوسط افضل منه..
مانظلمه ونقول مايهدف لا ...هو بصراحه ماتمر مباراه الاوسجل فيها ولكن بالمقابل ضيع عشرين فرصه محققه مع كل هدف...

يعني اصيح وانادي من يصيح...ياجماعه....

فــــكـــــونــــــــــا مــــن امـيـلــــســـــــــــون,,,

وارجو من كل من يؤيدني ان يدلي برايه,,,
وتقبلوا تحياتي...,,,

اقول وش اخبار النزهان والمسعري وربعه اما ادملسون فليس بجديد
ان يكون سيء
اذا كان قاهرك فانا الي قاهرني اكثر هو السمسار الي وهق الهلال وخلاه يتعاقد مع ها الاعب
والا هذا لاعب يلعب مع فريق كا الزعيم الا والله حرام عليه التذكره الي جابته للرياض

الاخ هزيم الرعد : كيفك حبيبي ؟؟؟؟؟

بعدين الهلال كيف يجيب محترفين صح والاعضاء مختلفين فلان يلعب وفلان ما يلعب

تصدق صار الهلال كنه فريق الحارة الريئس يلعب اللى يبي حتى لو ما قطططط

هههههههههههه


العزيز حبي تيماوى

اختلف معك فيما ذهبت اليه من ان اللا عب عيد العنزي ليس الموهبه المنتضرة في

الفريق الهلالى بل هو افضل من الناصر وادميلسون النا............

الله يذكر ايام المحتفرين اللي بمعنى الكلمه مهب هالخرابيط هذولا

أنا معك (هزيم الرعد) في كل اللي قلته ......

اول شي بسم الله عليك

و بعدين تراه مو بس انت الي طلعت ريحته منهم

انا ...... خلني ساكت

اقسم بالله العظيم ان ماعنده سالفه ....

وان كان المحترفين اللي بيجون مثله فتكفون مانبي احد

لاعبينا يكفونا....

شباب شنو شفيكم ايش صار الى عقولكم؟؟
انا داخلة منتدى النصر ولا الاتحاد ولا الاهلي؟؟
شباب اذا انتو كدا على لاعبيكم؟؟اجل اخوانا شبيسوون؟؟
النزهان والمسعري والعتيبي وادميلسون؟؟
هذولي تراهم لاعبين في نادي الهلال تعرفون ايش معنى هذا؟؟؟
حرام عليكم ؟؟انا ابي اسئلكم سؤال قولو لي لو اجى واحد من اللاعبين وقرى اللي تكتبوننة ايش بيسوي؟؟اذا جماهير نادية متخليين عنة اجل وين بروح وايش بيسوي؟؟
شباب خففو التعصب والكلام اللي مالة معنى ولا احد يكرة لاعب يحمل شعار الهلال؟؟؟


ومبروك التاهل:
redhaert

نعم بكل بساطة ادميلسون مقلب جديد فتقبلوه يا جماهير الزعييم ((((((((الصابرة )))))))) بكل بساطة و روح رياضية .
مع تحياتي و حبي : monster .

السلام عليكم ورحمة الله وبركاته ..
عودة لكم ياشباب...
اولا مشكورين على ارائكم الغاليه ..

الاخ حبي تيماوي :
انا اتفق معك حول اللاعب محمد العنزي ..يعني بصراحه لا جسم ولا مهارات ولاطول ...ولاحتى لمحات.....والله يعيننا ياجماهير الزعيم

الاخ yas2002
النزهان عطوة فرصه شوي تراه مجتهد ويحاول خصوصا انه توه راجع من اصابه ابعدته حوالي اسبوعين...وقبل ذلك مع المنتخب,,,
اما المسعري فيا حبي له ..هو وفيرون(عمر الغامدي)...

الاخ الذيب الازرق
يعطيك العافيه يوم تسال علينا *****وانت الذي طولت بغيابك

الحقيقه كلامك صحيح الى حد ما ..ولكن المشكله ماهي في السمسار على قولتك....المشكله فينا احنا....
احنا ليه مانخاطب اللاعب مباشرة عن طريق مدير اعماله ...
واذا العذر جاهز وهو " انه والله المشاغل ماتترك لنا فرصه"
فليش مانحدد لاعب معين ونرسل مندوب يكون متخصص في نادي الهلال بتوقيع العقود والتفاوض مع الاجانب...والا انا غلطان؟؟؟;)

الاخ9smsm9
كلامك صحيح و(انا اشهد)...

الاخ القلب الازرق
تعجبني, يعطيك العافيه يالغالي..

الاخ سواح
خلها بالقلب تحرق مابقى*********عادتي ماشكي على غيري عناي
ومشكور يالغالي

الاخ (ارفع راسك انت هلالي)
اذا كان هذا وبس ومخلي ليلنا بركه....فكيف لو واحد ثاني..
الشر برا وبعيد ...الشر برا وبعيد
مشكور يالغالي

الاخ redheart
من يحب الهلال ويقدر يسكت على وضعه الان ...
اذا لاعب داخل السته مايعرف يسجل ..والثاني كل تمريراته مقطوعه...والثالث فيرون بس شاص قصير...
واذا قصدك على الجماهير هذولاك...فلايهمونك
مايقدرون يقربون عشان ماعندنا (عثل وفاثوليا)..

الاخ monster
اتفق معك تماما ...والله يستر بس من الجاي..

تحياتي للجميع....

اخوي هزيم الرعد انا ماقلت شي مافي احد ماتهمة مصلحة الهلال بس مو لدرجة اللي انتو تسوونة؟؟
العتيبي شوف مستواه بدى يتحسن من مبارة لمبارة وبعدين اهو مو اول حارس او اخر حارس يصير في مراماة قول؟؟
ولا تنسون تراة في بداية المشوار انتو بس يجي واحد لازم يكون مثل الذيب او الدعيع او الثنيان او غيرة؟؟
لازم تعطونهم فرصة؟؟
والنزهان؟؟
ماشاءالله علية لا احد يقول علية شي صحيح المستوى مو مثل اللي حنا متعودين علية بس ما في احد مايغلط؟؟
وانت ماتدري يمكن عندة ظروف شاغلتة؟؟
وكذلك كل اللاعبين انا ما اقولم المسعري انا وحدة بعد فاقع مرارتي بس لازم نكون معاها انا الحين ماني قاعدة اجاملة لا بالعكس لازم نحط ايدينا في ايدين لاعبينا عشان نكون معاهم في خسارتهم قبل فوزهم؟؟

واعيد مرة ثانية اصبروا شوي الخير بيجيكم؟؟

والف مبروك التاهل:
redhaert

السلام


وازيدكم من الشعر بيت

طلع ماهوب برازيلي

ههههههههههههههههههههههههههههههههههه

ياسلام على الدلاخه



تحياتي

الحريف

مرحبا شباب...
اخوي red heart..
صدقني انا احترم رايك ..
ومن ناحية حسن العتيبي...فصحيح كنه اشوى شوي لكن بصراحه مايطمنك انه مرماك فيه حارس...اقول هذا وللمعلوميه ترى حسن ولد عمي شخصيا...
لكن اذا وصلت للهلال لا والله ترى الحق حق..
والحقيقه حسن يمكن انظلم بوجود الدعيع ...بس ماعليه حسن تتوقع منه خير وممكن مع الوقت يستعيد مستواه...
اما حسين فمااعتقد ان عنده شيء بيقدمه وماقدمه هذا هو وتركي القحطاني..
وان كان قصدك سامي ويوسف ترى الظاهر بنطول ماشفنا زيهم...ليه؟
لانه الاهتمام قل بالمدرسه وكلنا عارفين انه وقت اهتمام الامير بندر بن محمد بالمدرسه طلعت وخلال ثلاث سنوات على مااعتقد ...
جيل كروي حقق اغلب امجاد الزعيم اذكر منهم..
سامي الجابر , نواف التمياط ,خالد التيماوي ,اخمد الدوخي...
وغيرهم ... ولاحظنا في الفترة الاخيرة قلة انتاج المدرسه من اللاعبين المميزين ولم نرى الا الشلهوب طوال ست سنوات

عموما ان شاء الله نلقى الحل في مدرسة ريال مدريد..
وتحياتي للجميع,,,,,