نعم هذا ما حصل في بنك ألراجحي وبتحديد في الهاتف المصرفي حيث قامت الأداره بمنع الموظفين من اداء الصلاة بحيث ان الموظف ..
معليش بتكلم بالعامية شوي
يعني تقول للموظف اذا بغيت تصلي خذ وقت الصلاة من البريك الي هو نص ساعه(بعد ماكان وقت الصلاة كل شي يوقف بالبنك ويتجهون للمصلى) محدده للموظف يريح بعد الجلوس ثمان ساعات في خدمة العملاء وفي حالة ان الموظف راح دورت المياه الله يكرمكم ويكرم الملائكة مرتين ولا ثلاث مرات وخلص والبريك حقه وجا وقت الصلاة مايمديه يروح يصلي الفرظ(يسجل عليه لفت نظر) بعد ماكان وقت الصلاة يقفل النظام وبعدين وش يستفيدون لن حنا الحمد لله في دوله وقت الصلاة يتوقف كل شي يعني الله يستر ما يتطور الأمر والتساهل بمنع الصلاة و آدا الفريظه وانا والله ماكتبت الموظوع عشان شي لا أنا موظف عندهم والله يغنيني عن البنوك وعلى فكره ترا الكلام هذا واقعي ومجرب <---------اخوه موظف بالراجحي
والله العظيم اني ماكتبت الا من غيرتي على الدين والصلاة و حر ما فيني والله حرام عليهم .
وبعدين انا الاحظ بالتصرف هذا طريق يخلي الموظف يتهاون بالصلاة واترك لكم الحكم

لا حول ولا قوه الا بالله
الله يهديهم ويصلحهم

مشكورين على المرور

لحظة تأمل /:

عندما اراجع عمادة القبول والتسجيل.. ويقفل الاستقبال من وقت الاذان..ثم نصلي وعندما نرجع الى الاستقبال فاذا بالموظفين تو ماتذكروا الصلاة وذهبوا الى المسجد ..بعد خروج الناس منه ..

عندها من الوووووووووووووووم ؟؟!

للأسف نحن أناس نأتي بالمصائب لانفسنا ...


في جامعتي المرموقة .. احيانا تكون بعض المحاضرات بمدة 1.20 وقد تمد اثناء وقت الصلاة .. عندها ماذا لو سمح الاستاذ للطلبه بمغادرة القاعه ؟؟!

اجزم لك ان الكثير من الطلبة سيتأخر في العودة .. وهذا يحصل كثيرا واشاهده بام عيني ..


سابقا ايام الثانوية .. معلوم ان وقت صلاة الظهر اجباري سيكون في وسط الدوام لان الدوام لاينتهي الا قبل العصر بوقت يعتبر ضيق نوعا ما ... كان ينزل على الطلاب عبادة غير طبيعيه .. يجلسون فالمسجد و يتهرجون واذا كلمهم احد المدرسين قالوا نسبح .. والا قاموا يسننون .. علما ان المدرسين اثناء الدوام العادي كانوا يحثون ويرغبون الطلاب فالسنة ..ولاحياة لمن تنادي...



لما ذكرت سابقا /: قد لااستغرب ماامر به بنك الراجحي.. مادام في وقت الصلاة متسع ..





انتهى , , ,

شي يحير صحيح

ولا من اي بنك بعد الراجحي

هذا وهو بنك المطاوعة والملتزمين المقدس <== مع التحفض

يا خوي اخاف ان اخوك مبالغ ولا شي تأكد

بعدين خطاب لمؤسسة النقد يحوس ابووووهم على طووووول

ترى ما بعد نصير بدبي كلن على كيفة

وتقبل تحياتي

لا حول ولا قوة الا بالله

إقتباس يكفي ان الصلاه بالمدارس مو بوقتها أهم شي الحصه هم بعدها الصلاه

صاادق كلي هلالي هذاا اللي صااير

الصلاة .. الصلاة .. وماملكت أيمانكم

الله يهدينا ويثبتنا يارب .. ويرزقنا من يعيينا على آخرتنا قبل دنيانا ..

الله يجزاك خير على حرصك ...

لا حول ولا قوة إلا بالله

اخوي وسيم والقلب خالي ولا يهون الجميع (مشكورين على المرور)
اخوي لامبالغ ولا شي وانا حبيت ابين صوره للي حصل وحنا غافلين ياخي يكفيك لو بيخلون استقبال الأتصالات وقت الصلاة اجزم ان فيه ناس تبي تقول خلني ادق عليهم وقت الصلاة مافيه ظغط ولا شي واصلي بعد ماخلص
المشكله حنا بدينا ننزل من القمه دام هذا يحصل في بلادنا والله يستر.
وبنسبه لدراسه مانخلتف بهذي المسئله وخاصه ان اغلب الي فيها بمرحلة المراهقه
اما بالبنك ياخي اقل واحد عمره فوق ال24 سنه يعني مو صغير

لاا حول ولا قوة إلا بالله

ما أزيد على كلام الأخ عزوز الأزرق..... وصح لسانه


وما قام به بنك الراجحي عمل صائب لخدمة الزبائن.... والدين سعة ووقت الصلاة فيه متسع....




تحياتي....

مع إحتراااامي لكم بقول وجهة نظري وهي الصحيحة بإذن الله بحكم إني مدير عمل

طبعا دوامنا شفتات ومن ضمن الدوام يدخل وقت الصلاة خاصة للي دوامهم من الساعه 2ظ الى 10 في الليل رحت وسألت الشيخ .

عن الصلاة قال وقت الصلاة طويل فيجوز للبعض أن يأخر والبعض أن يقدم الصلاة خلال وقتها يعني ناس تروح تصلي وناس تجلس وبعد الإنتهاء المجموعة الأولي تروح المجموعة الثانية .

وأنت ذكرت الهاتف المصرفي ياأخي العزيز الهاتف المصرفي يتحدث مع جميع المناطق والدول يعني اللي في جده وقت الصلاة عندهم غير عن وقت الصلاة عندنا . واللي في الشرقيه غير عن اللي في الرياض .

فإذا طلعوا للصلاة كل اللي يشتغلون في الهاتف المصرفي من اللي راح يرد على العملاء في جده مثلا أو الشرقيه علما انه جده مابعد صلوا والشرقيه خلصو صلاة .

فالواجب عدد منهم يطلع يصلي والبقية تنتظر ثم يطلع العدد الثاني .

وقت صلاة العشاء معروف إنه حتى منتصف الليل يعني تقريبا عند الساعة 12 في الليل .

فهل إذا صلى مجموعة من الناس عند الساعه 11 مساء وهم جماعة يعتبرون صلو في غير وقت الصلاة . لا طبعا .

للتوضيح فقط والله أعلم .