الاجواء عندنا بسط وهز وسط.. بعدين وش سالفة حرف الــ خخخ معك ..أخاف شوي تقول السلام عليكم خخخخخخ:d
إقتباس
اول شيء ابي اعرف انتي اي تخصص هندسه طالعه اشاعات واجد
اييه تعرف وانا اخوك الاشاعات في حياة المشاهير أمر طبيعي ..
تخصصي ياطويل العمر .. EE ..ELECTRICAL ENGINEERING وللناطقين بغير اليابانيه " هندسه كهربائيه"
إقتباس
والشيء الثاني انت خاطب ولا متزوج (نبي ندبر لك عروس)
لا هذه ولا تلك.. ومشروع الزواج خارج حساباتي نهائيا بالوقت الحالي ..
إقتباس
والشيء الثالث (وش اكبر جريه سويتها في الجامعه)
اما أكبر جريه كانت قبل سنه تقريبا .. حتى اذكر اني لفيت بحزام الجامعه كامل بدون توقف ..
لا عن جد اكبر مشكله حصلت معي قبل سنتين ونصف تقريبا ..
كان يومها الجامعه تستقبل الملك عبدالله (وقتها كان ولي العهد) واخوك الضعيف ماعنده خبر .. وصادف بنفس اليوم كان عندي اختبار بالجامعه مساء:sad: ..
خرجت من الاختبار والنفسيه معدومه والاخلاق صفر .. وكنت ماشي داخل الجامعه على سرعة 100 كم/س ( للي مايعرف السرعه القصوى 50 كم/س)..
المهم وانا طاير داخل الحزام على اللفه واتفاجأ بعد اللفه بحواجز(مخاريط) حاطينها رجال امن الجامعه لتنظيم السير ..خلوا السير باتجاه واحد وانا جيت عاكس.. وتفاديا للحواجز دخلت لفه على يميني على سرعتي .. وما امداني امسك فرامل الا وانا قاشعلي 3 مخاريط وبغيت اخذ معهم اثنين من تبع الامن ..
طبعا صارت هوشه وتجمع حولي نص حقين الامن بالجامعه .. وبعد اخذ وعطى صقعوني باربع مخالفات .. سرعه +عدم ربط حزام الامان + تهور +عدم احترام رجال الامن .. وفوق هذا كله رفعوا الموضوع لعميد شئون الطلاب وبعد اسبوع تحقيقات خرجت بـ 10 ساعات لخدمة المجتمع قضيتها عند بوابات الجامعه افتح الحاجز واصكره ..
أنا حصل لي موقف فضحتني فيه..وما مشيتها لي حسبي الله على صراحتك
المهم ما علينا أنا سامحتك بس لا تعودها
حيا الله اوريا التخصص .. اما فضحتك ياكبرها عند الله .. المسالة ماتتجاوز دعابه ثقيلة طينه:razz: ..
إقتباس
السؤال الأول: كيف الحال قصدي كم باقي لك على التخرج من الجامعة ان كنت طالب.. وان كنت
متخرج فكم مضى على تخرجك؟...
راح الكثير ومابقى الا الطفايس ان شاء الله .. السميستر الجاي بطلع كو اب (تطبيق) ..
إقتباس
السؤال الثاني: بالطبع مواقف الجامعة كثيرة... ماهو الموقف الذي مازال عالقاً في ذاكرتك؟
على كثر المواقف ماتلقى موقف فاضي تلبق فيه سيارتك ..وياليت تحدد موقف معين حتى اعطيك لانها تتنوع بين فرح وكابه وهم ووناسه وتحطيم وطفاقه ,,
إقتباس
السؤال الثالث: شخصية في المنتدى حصل لك خلاف معها ثم قامت هذه الشخصية بكتابة موضوع مميز
هل ستتجاهل الموضوع أم ترد عليه؟ وكيف سيكون ردك؟
اما هذه ففيها قولان:
الاول .. اذا كان الخلاف بالتوجهات او وجهات النظر .. برد على الموضوع طبيعي وطبيعة الرد تكون حسب الموضوع ورؤيتي له بعيدا عن أي امور اخرى,,
االقول الاخر .. اذا كان الخلاف شخصي .. بتجاهل الموضوع تماما لعدة اسباب منها حتى ابعد عن الاحتكاك بهالشخص وحتى لا أترك اي مجال لتفسير خاطئ من الطرف الاخر .. اضف على ذلك ان كان الموضوع متميز فردي لايقدم ولا يؤخر والموضوع بينال حقه من الردود على حسب تميزه ,,
إقتباس
السؤال الرابع: دعوت أحد أصدقائك لتناول العشاء في أحد المطاعم.. وبعد انتهائكم من الأكل اكتشفت أنك
نسيت محفظة نقودك في المنزل.. وليس معك نقود تقوم بتسديد قيمة العشاء..
كيف سيكون تصرفك في هذه الحالة؟ (وجه يضحك بقوة ويتمسخر)
حك هلالي الظهران ذقنه وقال سؤال جيد:d ..
شوف مادام اني عازمه بمطعم اكيد بيكون مطعم اعرفه واعرف نوعية اكلهم ولي تعامل سابق معه وبهالحاله بتفاهم مع المسئول لاني زبون عندهم.. واذا حجرولي وكان هالصديق امون عليه بيحاسب وهو مايشوف الدرب .. واذا كنت ما أمون عليه بقوله عن اذنك بروح دورة المياه وعينك ماتشوف الدرب وهو يدبر عمره :dead:..
إقتباس
السؤال الخامس: هل أصبحت الآن عم؟ أو خال؟ أو حتى أم؟ <<<<<<<< ولا تزعل شيل الأخيرة..خطأ مطبعي يالغلا
يقولون اني جد بالرغم اني عزوبي ..واحيانا بعض اخوياي يقولون ياعمي طيير ..
والله لاعم ولا خال ولا حتى عيال خوالي وعمامي عندهم اطفال علشان بالنصب يقولون ياعم او ياخال ,,
إقتباس
السؤال الأخير: ما هو الفرق في نظرك بين حسن التعامل مع الآخرين وبين المجاملة؟
ياخي وش هالسؤال المعوق .. احس انه مافيه ترابط بين حسن التعامل والمجامله! كأنك تقول لواحد .. مارأيك بالهدف اللي سجله ياسر القحطاني وهل لزاوية رؤية الحكم علاقة بجمال الهدف؟
بالنسبه للتعامل انا مؤمن بالمقوله اللي تقول .. عامل الناس بمثل ماتحب ان تعامل به,,
اما المجامله البسيطه اللي ماتخدع الشخص اللي تتعامل معه فهي مطلوبه بعصرنا .. لان الواحد فينا صاير يولع من اول كلمه .. شخصيا انا مع الصراحه بشرط ان تكون بطريقه ملائمه وبعيدا عن الوقاحه!!
هلا والله بولد امريكا وعقبال ماتروح نيويورك << فاهم غلط
اسئل حبيبي ولا تخاف انا لاني بعض ولا افتش .. بعدين نعنبوا ابليسكم حسستوني اني بعبع الحين:sad: ,,
إقتباس
هل كل المواضيع اللي كتبتها من خيالك و الا من واقع تجاربك في الحياة؟؟
والله يابو العبد هي لاهذي ولاهي كذا! في البدايه كنت اكتب مواقف تصير معي لكن بعدين اخذت طريق اخر وهو اسلوب القصه!
الموضوع عندي يبدأ بالفكره وهي الاهم وبعدين يشتغل عندي الخيال واحيانا ادخل بعض التجارب في القصه .. مع ان الغالب هو الخيال ,,
إقتباس
بعد الجامعه
كم سنه بتقعد على وضع العزوبيه ؟؟
وشفيكم كل ابوكم مطفوقين وتسألون عن الزواج!
مشروع الزواج عندي مؤجل لاشعار اخر وتحديدا بعد التخرج .. لاني باذن الله مخطط اني اكمل الماجستير .. ومكان دراستي للماستر بيحدد بشكل كبير الوقت المناسب للزواج ..
الماجستير بيكون اما بعثه على حساب الحكومه او على حسابي الخاص في امريكا او دبي او بيكون هنا بجامعة البترول,,
وكل شي بوقته حلو;) ,,
إقتباس
هذا اللي في بالي الحين
و
keep smiling زي اللي تحت
سلامـ
تسلم عبدالله .. وبالمنتدى ان شاء الله عندي ماتشوف غير الابتسامه ;) ,,
حيا الله السام .. وانتم ضيوفي حبيب قلبي ..
بعدين وش مسكة " يامرحبا يامرحبا" ! لا يكون الشبكه حاطين لكم فوق مسلسل صدق الله العظيم بدل هدف الشلهوب وانا مدري :d ,,
إقتباس
بدايتاً ..
وش رايك بالظلــم ؟
وياخي لين صار اللي ظالمك أقوى منك ..
ولافيــه أمكان تقدر عليه .. مشرف .. والاداره ماعندك احد
وش السواة .. ؟
الظلم اعلى درجات الغبن والقهر .. وقهر الرجال اسوأ مايكون لكل صاحب عزة نفس .. ومهما كان الظالم اقوى منك فيه اللي اقوى منه ! ودعوة المظلوم مستجابه ,,
اما اذا انت تشوف ان اللي ظالمك هو مشرف .. نصيحتي لك اولا احسن النيه وصفيها من جديد وبعدين امشي بالطريق السليم ومثل مايقولون امشي عدل يحتار عدوك فيك .. واذا اقتنعت ان هالشخص مستقصدك اتركله الجمل بما حمل! مافيه شي يستاهل انك تستهين بنفسك لاجل شخص ظالم والله حسيبك,,
إقتباس
ثانياً ..
وين تحب تروح لين جيت تخيم في البر ؟
المكان الاحب لقلبي النعيريه ولاتهون الصمان والعاذريه,,
إقتباس
ثالثاً ..
تحب الحداق ؟
ايه احبه خصوصا اذا حطوا معه زنجبيل ,,
إقتباس
رابعاً ..
هل عرض عليك أن تكون : إستشاري / مشرف في المجلس العام ؟
ابدا..
إقتباس
خامساً ..
لماذا لانرى لك مشاركات في هالفتره في منتدى الجمهور ؟
والله لعدة اسباب .. منها :-
× ضيق الوقت..
× بصراحه اشوف الوضع بمنتدى الجمهور اسفل خط التثبيت مايؤهل ابدا واعتقد ان المواضيع سواء من تغطيات او كتابات اللي تثبت تغني وتكفي..
× الوضع الرياضي حاليا يسد النفس والفساد والبلاوي تكره الواحد بالرياضه ..
لكن صدقني اذا كانت عندي استطاعه للتواجد وسمح لي الوقت فلن اتردد بالمشاركه ,,
إقتباس
سادساً وأخيراً ..
أتمنى لك دوام الصحه والعافيه والسعادهـ يالغالي ،،
اخووك ســــ 9 ــــام ..
على راااااسي والله .. تسلم ياغالي على ذوقك وكلماتك الرقيقه
ياهلا والله فيكـ .. وماشاءالله طالع رزه في ذا الكرسي بصراحه من اول مادخلت المنتدى وطبعا صادفت فترة غياب لكـ ,, لكن رجعت انت بـ موضوع كان قمه في الروعـه ,, ماقدرت وقتها اني ارد عليكـ وبجد خذلني الوقت لكن يسعدني اكون هنا اليوم .. يمكن اروع فرصـه اني اعبر لكـ عن اعجابي بـ شخصيتكـ واللي بالفعل كانت بعيده عن التكلف وبعيده عن التصنع .. واكبر دليل هو حب الاعضـاء لكـ .. وهذا اكبر مكسب والله ,,
انا عندي كم سؤال اذا تسمح لي ..
** بصراحه ودي توصف الجو العام اذا دخلت النت .. يعني وانت تكتب الردود / المواضيع كيف وضعكـ ( احس ان عندكـَ ازعاج ماادري ليه )
** ماقد تخيلت نفسكـ وين تكون او وين تتمنى تكون بعد خمس سنوات ....؟!!
** الصداقات عن طريق الانترنت .. غالبا مايكتب لها النجاح ماادري هل لكـ تجارب مع الصداقات هذي .. وكيف كانت ...؟!!
اعذرني لو طولت عليكـ بس مافي احلى منها فرصه اني اعبر لكـ عن اعجابي .. وامنياتي لكـ بالتوفيق ,, بصراحه يشرفني اني اتواجد هنا مع باقي الاحبه وعسى الله يديم المحبه بين الجميع
هــــــــــــــلا وغـــــــــــــــلا بالغالي .. عمـــر ..
نورت المجلس العــــــــــــــــــــــام ..
هلا والله بشمعة المجلس عادل .. النور نورك وتواجدك الدائم وتواصلك من اجمل ماحصل لي ,,
إقتباس
أخوي عمــري عندي في خاطري اكثر من عشرة اسئله ..
بس ما ابغى اثقل عليكـ بكثر الأسئله ..
ارووووووووح ملح انا .. تصدق محد ناداني بعمري الا اثنين ..مره الخال اللي بالحجز ..ومره كنت ماشي بالشارع والدنيا الليل واصقع بذيك الحجه من ورا من غير ما اشوفها وقالت يا ئومري انا ..
كلاسيكو سؤال بري .. انت تكروني << بيحلف الرجال عمره مايقولها مع اني داري انها خطا مطبعي ,,
عادل حبيب قلبي .. انت اسأل بدال السؤال عشره وبدال العشره ميه ولا تشيل هم..
إقتباس
س1/ مـــــــاذا يعني لكـ المنتدى ؟
احد يدلني بسرعه على مخرج الطوارئ .. والله المنتدى يعني لي الكثير .. يكفي انه عرفني بناس مثلك وشرواك ويكفي ان اوقات طويله قضيتها بداخله .. باختصار المنتدى بيتي الخامس :d ,,
إقتباس
س2/ ماذا قدم لكـ المنتدى وماذا قدمت له ؟
امممممم (<<مو لايق عليه الدلع ) .. وش قدم لي المنتدى؟وايش قدمت له؟
المنتدى أعطيته كل شيء وأعطاني ركبه!
تصدق عادل الى يومك ما شكرني أحد من المشرفين على تواجدي بينكم .! << مشكلة الثقه
قلت لك اخوي المنتدى عطاني أعضاء أحمد ربي اني تعرفت عليهم .. أعضاء مثل الاخوان والله .. أعطاني مجال اعبر فيه عن نفسي وعن شخصيتي كما أحب بل دعموني ووقفوا معي ..
اما انا ايش قدمت للمنتدى .. انا مثلي مثل اي عضو يشارك اخوانه بافكارهم ويحاول يرسم البسمه ع شفاهم ولو بالشي البسيط,,
إقتباس
س4/ اصبحت من الأعضاء المحبوبين والاكثر شهره من ناحية خفة الدم ..قل لي كيف بدأت في المنتدى ؟
شوف من الاعضاء المحبوبين نمشيها اما الاكثر شهره هذي كثر منها .. اشوا اني اذا نزلت موضوع طاحت عماره وسقطت مروحيه وانخطفوا سبعه من ثقالة الطينه ..
اما كيف بدأت .. فيه مره من المراير وانا اتجول بالمنتدى فتحت موضوع وطلعلي واحد يقول .. يا الحبيب هالموضوع مايخصك واذا تبي تعرف وش فيه سجل معنا! سجلت وصار اللي صار ومن عقبها قررت ادارة الموقع بالاجماع على طرد الموظف اللي قالي سجل معنا :d ,,
إقتباس
س4/ماذا تعني لكـ الكلمات التاليه :
الكلمات هي عباره عن حروف مشبكه .. والتاليه مضاف اليه ليس لها محل من الاعراب << ياحمار هذا السؤال
إقتباس
* الشروق
هو لفظ منتشر في مدينة جده .. يطلق على اهل نجد والقصيم
إقتباس
*الابتسامه
الراحه
إقتباس
*البحر
عشقي الاول والاخير .. وملاذي الاول بعد الله .. البحر صديقي وعشيقي ورفيقي وكاتم اسراري;) ,,
إقتباس
*الاستراحه ..
القطه
إقتباس
وتقبل أرق وأعذب تحيه ..
أخوكـ / عادل
ولك مني اجملها واصفاها ..
===================================
كالعاده مايحلى لي اوقف الا عند فرصه " صندوق الجماعه على غفله"
هلا فيك اخوي الظهراني منور مغطي على زينة الشوارع ايام العيد ينورون الشوارع الكبيرة ويطفون الحارات
الحقيقة أنت منور كل يوم يا مهندس نبارك لك بالتخرج إن شاء الله
بأسأل كم سؤال تبي تجاوب يعطيك العافية ماتبي أيضاً يعطيك العافيه
أولاً لقيتوا طباخة لفريقكم بعد ما راحت خديجة والا لليوم ميتين جوع ؟؟؟
من تتمنى ياخذ الرئاسة الأمريكية بعد المملوح بوش
هيلاري كلينتون ؛ كوندليزا رايس ؛ رائدة الزعيم
لو قدر الله عليك وصرت رئيس أمريكا وش اول قرار ومن بتعين نائبتك
أنت تمتلك مخيلة جميلة تترجمها بأسلوب مميز فما علاقة ذلك بالعولمة<<<أقصد هل لك طقوس معينة للكتابة
ما اهم هدية قدمت لك والمناسبة
كلمة تهديها لهؤلاء الأشخاص
الوالده
الوالد
اخوك رائد
هلالي الظهران
مدرس الرياضيات أولى إبتدائي
خمس عضوات وخمس أعضاء تتابع مواضيعهم
رائدة الزعيم بعيون الظهراني عيوبها ومزاياها
وش رايك بالمطر لأني الحين أسمع صوته
أعتذر على الإطاله
وأشكرك على سعة صدرك وإجاباتك الجميلة
زين وصلنا بدري ....>>> ماسكه طرف ثوبها وتلهث بتلحق على المراتب الأولى عارفه أن الأخيرين بينسحب عليهم
مشكورين إشراف المجلس لحسن أختياركم ...ودايم معودينا على تميزكم ...
هلا فرصه ضايعه .. ابسألك فيه كرت ضايع مكتوب عليه " تقدم الى خانة البدايه" شفتيه؟!
اما رافعه طرف ثوبك!! عساك لابسه شلحه بس .. الله ياخذ ابليسك تذكرت ايام المراهقه يوم اني انسدح تحت التلفزيون واناظر من تحت كود اني القط شي ,,
بس بالله عليك فرصه ماتفاجئتي يوم شفتي الاخ اشراف مثبت موضوع مستضيفيني فيه هههههههههه
إقتباس
هلا فيك عمر بهالأستضافه والله يعينك على غثاثه بعض الاسئله طبعا مب مني لا من بعض الأعضاء ....
من جد يافيه بعض الناس غثه .. الله يعيننا عليهم وعلى اسئلتهم (واحد يناظر الجدار ويصرف السالفه)
إقتباس
اسئلتي ....
ليش مسمينك ابن بطوطه عارفين ان تنقلاتك واجد بس ليش هالتنقلات ؟؟؟
اييه من جد ليه سموني كذا؟ بعدين منهم اللي سموني ابن بطوطه لاني بصراحه اول مره اسمع اللقب .. انا فقط ســـواح..
اما ليه هالتنقلات فهي غالبا خارج عن الاراده.. يعني انا وش ذنبي اذا ابو عمر وامه جابوني وانا خارج المملكه! وايش بيدي وانا طفل عمره مايتجاوز الـ9 سنين ينتقل من الرياض الى جده! لكن المنطقه الشرقيه كان اختياري لبناء مستقبلي ..
طبعا هذي التنقلات العامه .. اما التنقلات الصغيره والسفرات لو بتطرق لها ماقضينا ,,
إقتباس
ليش دايم تسحب على الاعضاء ولا ترد عليهم في مواضيعك مب عيب عليك !!!
فرصه أكرهك ..
اولا تظلميني .. لانه مو بدايم اسحب هي مره ايه ومره لا .. بعدين المسالة مو مسألة اني اسحب لا والله بالعكس انا اتشرف بردود الاعضاء ولو بيدي افرد لكل عضو موضوع خاص لكن ...
شوفي لما اكتب موضوع افتح صفحه جديده واجلس اخربط من راسي لكن لمن ارد على الاعضاء احاول اني ارد عليهم بما يليق فيهم وبالتالي احاول اني ماأرد الا اذا صرت رايق ومع ضيق الوقت وقلة تواجدي احيانا يروح الموضوع للصفحات الثانيه
واقول خلاص اللي راح راح ,,
إقتباس
دايم تكتب لنا اشياء مدري من وين تجييبها في بعض ردودك بحكم ميانتك على العضو هل تجي كذا على طول من قرايتك لموضوعه ولا من وين تجيب ذا الأفكار (( آخر شي ردك بموضوع ابو مقبل ))
هههههههههههههههههه عليكي سؤال ..
اييه اكيد من دميجتي ولا من وين بجيبها .. الحمدلله الذاكره عندي قويه والخيال متضخم حبتين واحطها باسلوبي .. يعني انتي دوري كلمه او نقطه بالموضوع وتذكري موقف او تخيليه وابني الرد عليه,,
إقتباس
أحسن مكان زرته بحياتك ؟؟؟
احسن مكان من اي ناحيه؟؟!!
عموما يبقى الحرم النبوي الشريف وروضة رسول الله -صلى الله عليه وسلم- افضل مكان اجد فيه الراحه بدون اي مبالغه او مثاليه .. سبحان الله في ذاك المكان روحانيه عجيبه وراحه نفسيه ما ألقى لها اي بديل ,,
إقتباس
لو يجيك 100 مليون كل شهر وش راح تسوي فيها ؟؟؟>>> لاتنساني من العطيه ..
اول شي ابشتري الشبكه وابدأ اعدل في عاهات الاعضاء .. على سبيل المثال .. اقطع لسان فرصه ضايعه واسحب لي المعسل من صدى الامس واحلق للهاوي على الزيرو وانتف السكسوكه وازوج ابو ريمان والجاحظ واحبس الفيروسه بغرفه واتبرع للماسه بلاب توب واشتري لعزوز ارض عند البحر واشتري لسندريلا جزمة رياضه بدال اللي ضاعت وازووج الهنوف اللي تبيه واشغل التميميه ومحبوبه مدرسات رياضه واصادر اقفال سهل واخلي الذئب الازرق عضو مجلس اداره
وهكذا ..
بعدين بوزع بقية الــ 100 مليون على الاهل والاقارب والاصدقاء وعلى المجتاجين وببقي معي 10 مليون كل شهر.. اسافر فيها كل شهر لدوله ,,
إقتباس
ليش كتبت بمعرفك الظهران ماكتبت بلد غيرة ولا بلاش منه شي ثاني تكتب .... وش تعني لك هالديرة ؟؟؟
ابد لاني انتمي لهالبلد خلال الفتره اللي سجلت فيها .. اما ايش تعني لي بصراحه انا عااااااااااااشق حد الثماله للظهران والخبر!
انا عشت بالرياض 9 سنين وبجده 9 سنين والشرقيه خمس سنين .. بصراحه الشرقيه غيييير.. يكفي اني اجد فيه الطمأنينه والراحه النفسيه,,
إقتباس
تحب البيبيات ... الأطفال الصغار بلغه ثانيه ...وإلى متى تستظرفهم (( كم سنه الين مايكون عندك الطفل ماصل ))
ومين مايحب الاطفال الصغار؟!!!
لكن بصراحه انا احب اناظرهم والعبهم واشمشهم بعد بس يعني لفتره ماتتجاوز الربع ساعه لاني بعدها اتوهق واجيب العيد .. يعني كون اني اصير مسؤول عنهم هذي ماتنفع معي ابد واخواني الصغار سابقا وعيال خوالي اكبر دليل ..
والطفل يكون عسل وما اروع مايكون الين يوصل عمره 4 سنين بالكثير ومن عقبها الله يكفيكم الشر تبدا ثقالة الطينه والدلع الماصخ الين يوصل 9 سنين تقريبا ومن بعدها يبدا يفك ,,
إقتباس
يقولون أنك دب ومن دبابتك اصابعك ماليه الكيبورد ودايم تضغط أحرف مالها سنع ... ماذا ترد على هذه الاقوال ... <<< حشى محاكمه
ههههههههههههههه احس انك تبين تستفزيني بهالسؤال .. لكن انا بجاوبك عقب ماتقوليلي رايك بالكلام اللي يقول ..
انه من كبر ضروسك اهلك بيشغلونك خرامه وان وجهك من الشين اللي فيه كأنه بريعصي(وزغه) منحاش من زبيريه ههههههههه وبالاماريه يقولون انك تصبغي شعرك بالمناكير وتحنين يدك بالصلصه هههههههههههههه
إقتباس
لاجاك امتحان وضاق خلقك من المذاكرة وش اقرب شي تسويه عشان تفك ذا الضيقه غير دخولك للمنتدى ؟؟؟
مباشره اطلع الواجهه او العزيزيه او الهاف مون .. اهم شي مكان فيه انا والبحر فقط,,
إقتباس
آخر سؤال استانس ....
أنا قايله بسأل عشر اسئلة ....اخفف عليك
وش يعني لك ذا ؟؟؟
وذا فوق البيعه
وش آخر أخبار نجر من زمان عنه ؟؟؟
دوول كلهم زي عيالي << مقطوع سره مع مصاريه .. اما نجر ربطناه في رمضان والظاهر محد فكه .. انتدبولي واحدن غيره ,,
إقتباس
عضو تتتمناه يصير صديقك بس ماعطاك وجه وثاني عطاك ؟؟؟
طيب مافي عضوه .. الحمدلله جميع الاعضاء(جمع عضو ) اصدقائي بالشبكه وما اظن فيه عندنا عينات بالشبكه شايفه نفسها والدليل الموانه اللي بيننا ياوجه العنز ..
إقتباس
اكتب سطرين بحق هذا المستخدم <<<<<
كم رقم جوالك .. يالشينه الله يعلم وش كثر غلاكم عندي انتي وبقية الشيون.. الله يقطع شكلك حتى اني راسم لك صورة في خيااالي عشاان كل ماغمضت عيوني ونمت اتخيلك وكل مااتخيلك اتعوذ من ابليس وارجع انام .. فرصه ضايعه أشبه ماتكون بالنحله في المجلس العام والاعضاء يتزودون برحيقها << تكفى لاعاد تشبه ..
عن جد فرصه في هالمواقف يخونني التعبير .. فرصه عضوه محبوبه من الجميع وخفيفة دم ومتواصله مع الجميع ومهتمه بالاعضاء كأخوه لها تفرح لفرحهم وتحزن لحزنهم واللي مايعرفه الكثير عن فرصه خلف ضحكتها انها تحمل قلب طيب وكبيييير يتسع للجميع .. اعذريني ماوفيت بحقك وانتي تستاهلين كل خير, ,
إقتباس
888
88
8
كل ذا ترى سؤال واحد
خلاص عاد احس أني طولتها ....>>> بدري
الله ياخذ ابليسك .. هذا وانا محرص عليك ..
إقتباس
لا تصرف اسئلتي ....
الله الله بالإجابات بسرعه عشان مايتراكم عليك الواجب
خلك شاطر تسمع الكلام
مجنون انا اصرفك! وش يفكني من لسانك بعدين ,,
إقتباس
سلاااااااااااااام ,,
ياسفابي
وعليكم السلام .. حياك ربي .. بعدين سلميلي على شغالتكم سفابي وقوليلها سرائولو
حيا الله هالطله .. خطوه عزيزه ياباشا .. منور الحته والله العظيم تلاته .. الهاوي عمرك سمعت بالحب من أول ذبه .. هذا انا حبيتك .. وانت اسال من هنا الى القريات ومع كل سؤال حبك يزيد ,,
إقتباس
نمبر ون : أيهما تفضل عيشتك أيام الدراسة وأنت مع أهلك ، أو هالحين وأنت موظف وعزوبي؟ ولماذا :::::<< أشين شي لماذا
بعيد عن المثاليه واكون معك صريح.. انا الحين مرتاح ولله الحمد بصوره كبيره بهالوضع .. والحمدلله متواصل مع الاهل وان شاء الله مافي قصور ومثل ماقالوا خلك بعيد حبك يزيد..
بعدين اصحح لك معلومه .. انا عزوبي وادرس وعلى وش تخرج ,,
إقتباس
نمبر تو: اذا عزمتك لعرسي يوم 7/7/1430 هـ ، هل تبي تجي ومعك عيالك أو تبي تجي تدودل يدينك أو لن تأتي خلقه
اييه هين معي عيالي .. في اجابه سابقه قلت ان الزواج بيعتمد على الماجستير ..يعني على الاقل مافيه شي ولو حتى خطبه قبل سنتين.. والاكيد الاكيد اذا ربي احيانا وكنت موجود بالسعوديه .. حاضر حاضر الله لايعوق بشر ,,
إقتباس
نمبر ثري: بدون لف ولا دوران ، كم مره دخلت سوق الظهران الدولي؟؟
هههههههههههههه تصدق اول مره اسمع فيه << ياكبرها عند الله ..
الظهران مول مادخلته الا مره وحده قبل شهر تغديت فيه فقط .. طبعا السوق من عقب الساعه2 للعوائل فقط ..
ومن فتح الظهران مول اخذ سمعة الراشد من ناحية الصياعه والمسخره حتى انك تحلل الراشد عند الظهران!!
إقتباس
نمبر فور: وش أعني لك أنا هل تحبن؟؟ أو تكرهن؟؟ ووراه؟؟
الهاوي ودي اصارحك وافتحلك قلبي امام الملأ بس عندنا عذارى ونخاف عليهم .. بس مايخالف ان اقولك آي لووووف يووو .. وخلني اقولك انت تعنيلي شي كبير .. انت الخل الوفي ,,
إقتباس
نمبر فايف: لو جتك وحده مزيونه وبنت ناس وما تتفوت وطلبت يدك للزواج؟ وكان شرطها الوحيد انكم تسكنون بالقريات لاجت المربعانيه ، فهل توافق؟ أو تعيي؟؟
يا رجال لو نسكن بالصومال ماعاقت معي .. بس المهم تخش القلب بقووه ولا مالنا عازه فيها ,,
إقتباس
نمبر 6 : تراك أخلفت بوعدك لي حق الرياض ومنب محللك
افاااا .. تصدق بالله من قريت هالسطر قمت اقلب بالرسايل وادور وش السالفه .. يابعدي صدقني اني ما أخلفت بوعدي..اخر مره طبيت الرياض كانت قبل تبدا الدراسه(قبل 11 اسبوع) باسبوع وقبلها كان عندي الفصل الصيفي وعقبه طسيت برا السعوديه ..
والله العظيم اني كنت ناوي ادز الرياض بهالويك اند لكن الاختبارات حسبي الله عليها :sad: .. واوعدك اذا قررت اطب انت اول من يعلم وابشر بالحق ,,
إقتباس
سلمت يابعدي ، وانت من الناس المحببين إلى قلبي ، الله يحفظك ويوفقك ويرزقك بنت الحلال ، ويزوجنا أنا واياك بيوم واحد
تحياتي لك،،
امين .. من بوئك لباب السماء يارب .. حياك ربي يا الاولاني .. عزيز وغالي
ها كيف الكرسي ياهلالي الظهران عساه مريح تبي قهوة وشاهي ابشر وانت تجاوب شكلك مستانس اني مانيب فيه بتقول بنفتك من اسئلتها ولكن نو نو نو
بطاقتـــــك الشخصيــــة اذا سمحت ؟؟ لو رجعت الى الوراء ماذا ستفعل ؟؟ بيت شعر شعرت أنه لك وعنك؟ ذكرى حزينة تلازمك؟ كلمتك المكررة الي دائما ترددها ؟
اذا طلب منك تغير اسمك من هلالي الظهران فماهو الاسم الذي سوف تختارين؟ *عضو-- عضوه : تراجع مستواه عن السابق من الاعضاء من هو بنظرك ؟؟ * من هو العضو الغامض في الزعيم ؟ * عضو او عضوه تهنئينه إلى ما وصل إليه ؟ عضــواو عضوه تحس انـه قريب جدا لنوعيه تفكيرك ؟؟ لمن... تفضي بكل أسرارك ؟ اسم (ندى ) وش قصتــة اذا ممكن وش يعني لك ..؟؟ من هي الهنووف من وجهه نظرك وما ابرز عيوب الهنووف ؟؟
والباقي بعديــــــــن احس انك بتكره عمرك من كثر اسلئتي تحمـــــلني
..
.. وكنت ماشي داخل الجامعه على سرعة 100 كم/س ( للي مايعرف السرعه القصوى 50 كم/س)..
,,
..
..
.. عزيز وغالي
الوضع العادي
