أجواء المملكة الايام القادمة ( من خبيـــــر ) - صفحة رقم 2 - نادي الهلال السعودي - شبكة الزعيم

هلالي القرعاء · #16 27/11/2006, 02:35 PM

ياليت يكرمون حسن كراني .. يستاهل ..

إقتباس


	المهم تدفوا شكل هالاسبوع ( جمده )

بالنسبه لنا جونا عادي جدًا ..

لا جمده ولا برده

ولد وايل · #17 27/11/2006, 03:23 PM

الله واكبر ياقدمك ياكراني

الا وش الدنيا به الله يذكره بالخير

ومن ناحيه انه رمز فهذي اشهد لها

ياحليله ياشيخ دايما توقعاته للطقس خطأ

G o L d E s T · #18 27/11/2006, 06:06 PM

يعطيك العافية

اما من ناحية التكريم فأقولك من الحين ما فيه امل

اذا كانوا ناسين الدعيع تبيهم يكرمون هالمسكين

مع احلى الاماني

ღهلابوليღ · #19 27/11/2006, 06:20 PM

ههههههههههههههه يعطيك العافية

البارق · #20 28/11/2006, 12:01 AM

أجل نشرتنا الجوية احسن نشرة بالعالم والسبب إن اللي يديرونها متخصصين ..

لو كل من أخذ دورة أسبوعين صار متخصص كان أنا لي عشرين تخصص..وأنت يا سهل خبير شبكات ..

الحمد لله الأمطار اللي جت وزينتها إنها في وقت الوسم ..

وهذا يبشر بقدوم ربيع غير شكل إن شاء الله تعالى هذه السنة ..

ويالله ما ندري وين نروح الصمان وإلا سامودة وإلا القشيعين ..

ويالله ..مع أحلى الأماني ..

عزوز الأزرق · #21 28/11/2006, 12:15 AM

زماااااااااااااااااااااااااان عن حسن ..

الله يهديه ... نادرا مايذكر جدة ...هع

<< ينقهر اذا شاف ا مطار الخير و البركه في كل حدب وصوب...الا جده..هع

و يزيد قهررررر اذا ركدت المياه بالشوارع ..وانتشر البعوض ههههههه

<<< اخذ المنعطف الاخير .. ليقول الف شكر يااستاذ حسن ... وكلمة شكر لسهل الممتنع ..

انتهى , , ,

ريفيلينو · #22 28/11/2006, 12:44 AM

سلاااااااااااااااااااااااااام

وش ذا المنخفض الجوي اللي جاب لنا حسن كراني

الله يذكره بالخير كان كويس

بس حااااااااق ابو الشغله مره من المرارير

وهجدوه الجماعه

يوم يطلع في النشرة وأول شي قاله :

مبروك فوز الأتحاد

عقبها صار على شمسه غيوم

مهوب مع احلى الأماني

سلاااااااااااااااااام

نـــــــ15ــــــمر · #23 28/11/2006, 02:03 AM

ههههههههههههههههههههههههههههه

لا حلوه يا مشرفنا

تشــــــــاو

دلع-20 · #24 28/11/2006, 02:32 PM

يعطيك العافيه على نفضه الغبار الي جبتها

بس صدق حسن مرتبط بالماضي ايام غصب 1 وغصب 2

الحين تبغاهم يكرمون مذيع عريق بالقناه ؟ كيف يكرمونه وفيه اطباء ودكاتره ماجابوا خبرهم !!

يعطيك العافيه

ســــ 9 ـــــام · #25 28/11/2006, 03:01 PM

ماشاء الله

الكناري الأزرق · #26 28/11/2006, 05:21 PM

الاسـبوع الجاي الله و العالم انه حر لانه ما عـُـمر الفلكيين صدقوا دايم يجي كلامهم عكس مع احترامي لك سهل

!

سهل · #27 01/12/2006, 01:18 AM

الف شكر للجميع على ردودكم الرائعه وتواصلكم الدافئ ;)
والحمد لله صدقت التوقعات وكان هذا الاسبوع كله ماطر
ورأينا الشمس اليوم وما نتمناه هو الدفئ والشمس حتى ينبت العشب

كل الشكر لــــ

ღهلابوليღ
Mr.GoaL
ســــ 9 ـــــام
مجنون @ الزعيم
الـــوردة الزرقاء
البارق
دلع-20
الكــلاسيكي
ريفيلينو
MeToOo
جراح الهلالي
الـنـادر
الكناري الأزرق
نـــــــ15ــــــمر
هلاليه سنعه
ღكلي هلاليღ
ولد وايل
ياما وياما
iq1399
هامور البورصه
هلالي القرعاء
رحـــــــــيل الحـــــال
عزوز الأزرق

والله ودي ارد عليكم واحد واحد بس فيه موضوع ثاني يعني مشوار

ولكن نأخذ مقتطفات من هنا وهناك

إقتباس

الرسالة الأصلية كتبت بواسطة iq1399


	سهل تخيل حسن كراني يدرسك

كان نفلـّها يا حسااااااااااااام .. وبيعذرنا على الغياب

بس اخاف يدق علينا بالليل ويقول تعالوا بكرا بدري تراها بتمطر

إقتباس

الرسالة الأصلية كتبت بواسطة الـنـادر


	الا يا سهل درجات الحرارة اللي حاطه تابعه لاي مدينه

المشكله هالسؤال جاي من خبير إلى خبير

<< مصدق عمره !!
طبعاً للعاصمه وعلى المقيمين خارجها مراعاة متابعة الغيوم

إقتباس

الرسالة الأصلية كتبت بواسطة Mr.GoaL


	ابشركم ان عندنا في الشبكة حسن كراني اخر كل يوم يتوقع احوال الطقس وسير السحب وكل يوم بعد مشئيه الله يعلمنا بعلوم المطر بس ماني بقايل لكم اسمه

انا ابقول لكم اسمه .. موضوعي وحر فيه

بس هو اختصاص زلازل .. يعني هو يحفر لنا الشعيب وحنا نجيب له المطر

هااااااه عسى عرفتوه !

إقتباس

الرسالة الأصلية كتبت بواسطة البارق


	الحمد لله الأمطار اللي جت وزينتها إنها في وقت الوسم .. ويالله ما ندري وين نروح الصمان وإلا سامودة وإلا القشيعين ..

صحيح يا طير البر

والوسم يطلع الخميس القادم بعد ان يكمل ( 52 ) يوم همن تدخل
المربعانية

لمدة ( 39 ) يوم وتخرج 24 ذو الحجه ويدخل الشبط ! إي بالله !
وان بغيت تكشت عليك بالعفين تحت الوادي اللي بتلقى بوه فقع كبر دميجيتك

إقتباس

الرسالة الأصلية كتبت بواسطة ريفيلينو


	وش ذا المنخفض الجوي اللي جاب لنا حسن كراني مهوب مع احلى الأماني

شنب .. تحس بالبرد زينا !!

لاني اشوف اللي بسيبيريا كلهم اشناب وعادي عندهم اللانخفاضات

إقتباس

الرسالة الأصلية كتبت بواسطة الكناري الأزرق


	الاسـبوع الجاي الله و العالم انه حر لانه ما عـُـمر الفلكيين صدقوا دايم يجي كلامهم عكس مع احترامي لك سهل !

ومع احترامي لك .. اذا انقشع الغيم تشوف البرد صح .. ويا زين البرد
ولا تنسى خلهم يغطون قفصك بالليل

نشوفكم بحلقه قادمه .. ومهوب مع احلى الاماني

الزلزال الهلالي · #28 01/12/2006, 01:33 AM

إقتباس


	انا ابقول لكم اسمه .. موضوعي وحر فيه بس هو اختصاص زلازل .. يعني هو يحفر لنا الشعيب وحنا نجيب له المطر هااااااه عسى عرفتوه !

ايه يقولون اختصاص زلازل بس مدري عنه

يعطيك العافيه اخوي سهل

سهل · #29 01/12/2006, 01:41 AM

ما شاء الله عليك ... خربت علي اللغز

الا وش توقعاتك ليوم غد !!

الزلزال الهلالي · #30 01/12/2006, 01:58 AM

توقعات CNN

وتوقعات BBC

والله يجيب الخير ان شاء الله