ضحية وزارة التربية والتعليم - صفحة رقم 2 - نادي الهلال السعودي - شبكة الزعيم

عزوز الأزرق · #16 28/11/2006, 12:39 AM

اممممممممممممممممممم < < < يفكر بعمق..

المذاكره.. شيء جيد و حلو ..

ان بغيت طريقتي.. كانت ..

افهم مع المدرس... وانشب في حلقه ... لدرجة انه مره من المرات احدهم يقولي (غريبه ياعبدالعزيز ماعندك سؤال) هههههههههه ماعلينا!!<<< كان زمان مو بالجامعه.
زي ماقلت لك لاتطلعين من الدرس الا وانت فاهمه .. بعد كذا بالبيت اذا عندك واجب حليه .. ماعندك انت وضميرك (وجه حزين) ...

لكن النقطه الاهم هي .. واللي الى الان مبسوط بها ... هي..
اني ايام ثالث .. كنت امسك الكتب قبل الاختبارات بفتره واقسم المواد حسب صعوبتها وسهولتها .. وكل ماده اخليلها كم يوووووووم ... مع الاخذ بالاحتياط لازم اسبوع احتياط احتسابا لاي ظرف طارئ....وخبرك انا مستحيل نمشي على النظام..

وبكذا يصير ليلة الاختبار .. تشقر على الكتاب من اوله الى اخر مجرد بصات .

قفله : كلن ينام على الجنب اللي يريحه ..
قفله اهم : مستحيل ان تكون كتابة التاريخ صحيحه 100% (وافهم يافهيم)

انتهى , , ,

عزوز الأزرق · #17 28/11/2006, 12:51 AM

تحذير /:

إقتباس


	وعليكم الهاي والرحمة

إقتباس


	وعـليكــمــ الهـــاايــ

على ماأظن ان في هذه الكلمتين محظور شرعي .. لذلك جرى التنوية ...

انتهى , , ,

Dr.Sara · #18 29/11/2006, 03:24 PM

إقتباس


	وعليكم الهاي والرحمة مساء النور اختي انا بقولك طريقتي بالمذاكرة ايام الثانوية .. فكل واحد وله طريقته ... كنت في ثالث ثانوي اسمع المدرسين يقولون ذاكروا اول باول لا تؤجل عمل اليوم الى الغد ومن هالكلام مذاكرة دروس اليوم اول باول سهلة جدا جدا لا تصدقين اللي يقولك انا اذاكر باليوم ساعتين او 3 ساعات صدقيني اذا اخذتي مثلا اليوم : رياضيات و فيزياء وكيمياء ونحو وفقة وحاسب الي وكنتي في وقت المدرسة تتابعين مع الاستاذه وفهمتي الدرس اكيد بتكون مراجعته بالبيت اسهل بكثير ونقول يمكن بالكثير ياخذ معك وقت مذاكرة الدرس 10 دقايق واذا كان فيه واجب بيكون الوقت كله ربع ساعه ولو تحسبين وقت مذاكرتك كله يطلع بالاخير ساعه او ساعه ونص اقولك وش فايدة المذاكرة اول باول هذي سلمك الله علشان اذا جاء وقت الاختبار وجيتي فتحتي الكتاب يكون كل درس وكل فقرة واضحه لك ومو غريبه وسهل عليك مذاكرتها مرتن ثانيه وعندي لك نصيحة واتمنى انك تعملي فيها خاصة ايام الاختبارات النهائية : هي المراجعه بعد صلاة الفجر فهي مفيدة جدا جدا جدا وترسخ المعلومة في ذهنك علشان وقتها يكون ذهنك صافي واحذرك من السهر المفرط والروحة للاختبار وانتي مواصلة اسف على الاطاله ودمتي سالمة

هلا يالله انك تحييه ..

أخوي مرسول الهلال

والله كلامك درر ماشاء الله ..

عجبني من جد , بس انا الحمدلله ما اواصل ايام الاختبارات الا ما ندر , و لكني ما اراجع بالفجر ابداً ..

هذا مشكلة بحد ذاتها وادري انها بتأثر على الرأي العام

<<<< امانه

تسلم مرسول لا تحرمنا من رأيك ,,

إقتباس


	انا الي بيمشي على طريقتي عز الله نجح انا الله يسلمك الي الناس تذاكره بساعه اذاكره ب 5 ساعات

اوف اوف

الله يعينك يا اختي

إقتباس


	يعني دقيقه اطل بالكتاب وساعه قدام المرايه وساعتين بالمطبخ مايحلى الاستشوار ولاالكريمات ولاالمكياج ولا يجي الجوع ولايجي العطش الا وقت المذاكره

من جد .. ما تلاحظين اننا ايام الاختبارات تجينا طفرة غير طبيعية في العناية بالنفس

اقسم بالله اني بعض الاحيان اقعد اصلح شعري , و احط ميك آآآب كامل

والمشكلة ما اطلع من الغرفة يقالي اذاكر

لا وما اطلع عشان اهلي ما يهاوشوني ويقولون تاركة الدراسة

وقاعدة تتزين ....

خخخخ

إقتباس


	بس شوفي انا اقلك >>>بيبدا الترقيع لاجد انتي بسنه مهمه حطي كل جهدك وطاقاتك فيها اول شي مكان المذاكره مكان هادي بعيد عن التلفزيون والازعاج وبعيد عن السررررررررير لانك بتنامين >>>هذي موانا ابداا وجيبي جنبك كل شي مويه عصيرات شوكولاتات >>يعني مافي عذر ثاني شي انتي لازم تكونين مصحصحه اشربي شاهي

افا عليك ..

لا توصين هالسنة كلها دفارة مدري شمعنى ..

اما المكان ..

تراني احب اذاكر عند خلق الله ,, واذاكر عند الناس والصجه مدري لييه ... !i

وبعدين انا ما اشرب شاهي .. لالا انا اشرب نسكافيه .. اصلا هذي هي عادتي سواء بأيام اختبارات أو مو اختبارات ..

إقتباس


	اما طريقتي بالدراسه اني اكتب تقدري تقولي تلخيص للمنهج مااحب اذاكر الا كذا يعني القوانين بورقه تحت بعض وزينيها ولونيها وكذا والتعاريف بورقه مثلا هذي الطريقه حلوه تفيدك قبل الاختبار تطلي عليها وخذي الدراسه انها تسليه >>>ادري انها صعبه بس مشي الله يوفقك ان شاء الله والجميع يارب........

يا حبي لك ..

لكن اقعد الون وازين الورقه ..خخخ اسمحي لي يعني

احس ان الوقت كله ضاع على التزيين ..

والله طريقتك حلوه وفعالة .. لكن انا احب اذاكر من الكتاب عشان لو نسيت الجواب مثلا

اتذكر مكانه وابدأ اتذكر الاجابة ..

وتسلمين يا قلبي , والله يوفقنا ويوفقك يا رب ..

إقتباس


	وين مانروح وين مانجي امتحانات واختبارات الله يعين الجميع بس اقولك ثالث ثانوي صعبه وتهد الحيل بس بالنسبه لي احلى سنه يعني فيه فرق بين تعب المدراس وتعب الجامعه المدرسه لما تتعبين تلقين ناتج للتعب اما الجامعه ممكن بمجهود قليل ماتدرين عنه تبدعين يعني لازم تغيرين الاسلوب

ههههههههههه

حتى هنا وانتي داخلة المنتدى تلاقين ناس يتكلمون عنها ..

الله يعين بس ,,

ونظرتك بالنسبة للمجهود في المدرسة والجامعة واقعي بصراحه .

إقتباس


	اذا كنتي تحضرين كل الحصص وتنتبيهن وتطلعين من الدرس وانتي فاهمه كل شي اعتبري نفسك خلصتي 60% من المنهج اذا كنتي تحلين واجباتك اول باول بنفسك اعتبري نفسك خلصتي 10 % و30% من المجهود يكون ليلة الامتحان في الحفظ وترتيب معلوماتك . يعني السالفه بسيطه طبعا انا ماتكلمت عن الاكل والنوم لان هذي اشياء معروفه . وطبعا لما تجي اسئلة الوزاره هذا شي ثاني!! والتخصص يبغاله موضوع خاص فيه . الله يوفقك ويسهل عليك اختباراتك وتفرحينا بنجاحك باعلى النسب. تحياتي

والله كلام حلووو

اقنعتيني ,,

تسلمين يا الغلا ..

إقتباس


	انا مع دلع ايام الثانوية مو مثل الجامعة مع ان احيانا المنهج اقل اما بانسبة للمذاكرة تختلف حسب المادة طبعا مستحيل امسك شي قبل يومه بس تختلف في وقت المذاكرة

هلا بنت الزعيم ..

تسلمين على الراي ,, (((الطويييييييييل ))

هههه

إقتباس


	هلا فيك اختي أميره .. وش دعوه حاله نفسيه . هي صحيح ازمه نفسيه بس بتعدي ان شاء الله والله يوفقك ان شاء الله في اختياراتك تواصلين نجاحك .. وبأذن الله راح تتخرجين بنسبه تمام .. وتدخلين الطب (ايه ابتسمي كذا ) مافيه شي مستحيل .. المستحيل انك تيأسين في بداية العام ..

وهلا فيك كلاسيكي

والله على حسب تصنيفي اني الآن من المرهقين جسدياً ونفسياً ..

بس تحسون اني معطية الموضوع اكبر من حجمه صح !!!

إقتباس


	صحيح أن قرارات وزارة التربيه والتعليم كلها جت مره وحده وبتتعب الطلاب .. وخاصه التراكمي من ثاني ثانوي .. بس الحمد لله عدينا الثانويه وارتحنا .. عقبالكم ان شاء الله ..

اقول بليز لا تقهرني

إقتباس


	اما المذاكره .. ذاكري على حسب راحتك اللي تحسين ان المعلومه تبقى في ذاركتك .. والطالب اللي مايذاكر كل درس بيومه راح يتعب في الاختبارات وماراح يركز ويمكن تتششت الملعومات .. بس اهم شي فهم المعلومه قبل حفظها .. والتركيز رؤس الاقلام والاشياء التعدديه .. والمرجعه حلوه .. بس كثرة المراجعه مضره بعد .. عموماً اسال الله التوفيق لك ولنا جميعا .. ودمت لنا بخير ..

تسلم على الافكار .. يا ابو الافكار ..

لا تحرمنا من ردودك ,,

إقتباس


	ايه الله يعينكم خذوني قدوة عام 1418 تخرجت من الثانويه بتقدير امتياز ولله الحمد والمنة وأخذتني القراااده وسجلت في كلية المعلمين وتخرجت وللحين ماوظفوني علما انه ليس لي اي مجال الا التعليم .

ماشاء الله صار لك عمر متخرج ,, <<< بتكبره حيل

افااا يعني امتياز وتدخل كلية المعلمين ... !! من جد قرادة ...

الله يعينك وييسرلك ..

إقتباس


	أما افضل طريقة للمذاكرة هي كالتالي وبإذن الله تتفوقين . لكل مادة ضعي لها دفتر خاص بها غير الدفاتر المطلوبة من المدرسة . عند إنتهائك من المدرسة قومي بكتابة جميع ماأخذيته من مواد بالدفتر مثل الرياضيات تكتبين في الدفتر الخاص بك وبالرياضيات الدرس اللي أخذتيه اليوم بس كتابة مع تركيز وهكذا مع بقية المواد . ومن الغد تكتبين ايضا المواضيع الجديده مع قراء الموضوع السابق قراءة سريعة في نهاية الفصل سيكون عندك ملخص كامل انتي من كتبه . تذاكرين المادة بكل سهوله .

والله حركه حلووه

بس اتوقع هي نفسها زي الدفتر المدرسي اللي نكتب فيه الملخصات , والملخصات

هي اللي داخل معنا .

تسلم هلالي شقاوي ..

إقتباس


	وعـليكــمــ الهـــاايــ اهلنـ.. اهلنـ.. يعني أنــا تقـريبـاً نفسكـ<== مو الي جواك..يعني مثلك قصدي :P يعني أحيـانا ادرس كل يوم اذا كانت النفسيه فلللله ومرووووق وحسيت انو لازم ادرسـ

هلا فيك طفشانوووه

والله الي بيتبع طريقتك بيروح فيها والله ..

خخخخخ

انت اتبع طريقتي

<<< ما بقى الا هيييي

خخخخ عاد شف مين يتكلم .. اللي منحاسه بالدراسه

إقتباس


	او اذا قـال لي مدرس الرياضيات المصري( ياعم ياطفشان<== الي هو انا ..ان مابتزاكرش ليه ؟ مافيش حاقه اهم من الدراسه يابني...الخ من الكلام الفلله حقه ) او اذا قال مدرس العربي ( يا طـفشان <== الي هو مو انا <== ينكت <== ومايعرف ينكت ..الزبده نكمل يقول ياطفشان سوف أُسَمِع لَكَ نَصُ سَرَنُدِيبَ<== هذي قصيده عندنا بكتاب الادب) وأذاكـر يـاطويـلة العمــر أيام الاختـباراتـ والحمد لله انا من الاوائل <== مو مره يعني بس اوائل اهم شي :P وتــحيــااااتيــ <== ثالث ثانوي طبيعي -ج خخخخ <== طفشاان

هههههههههه شكله موب المدرسه هو الفله ... انت الفله

خخخخ

الله يوفقنا ويوفقك يا رب ..

إقتباس


	وآهـِ يا سرنديب .. والبآرودي ومدرسة الاحيآء ...الخ < < من ضحآيا ثالث ثنوي :p

ههههههههههه

كلنا في الهوا سوا ... كلنا ضحايااااا ....

احس اننا في النهاية بنسوي هذا .. وش يسمونها ... مواويل دراسية .. خخخخخخخخ

إقتباس


	والله شوفي وانا اخوك .. المذاكرهـ هـ الايام ما يمديك < < بيخربها بس جد بالنظام الجديد ذا كل يووم علييك اختبار اختبارين .. وخصوصاً حقين طبيعي .. مثلا يجيك يووم عليك رياضيات وعلم أرض < < صايرت له .. يالله يمديك تذاكرين حق اختبارات بكرره .. يرووح الوقت .. وانتي ما ذاكرتي المواد الثانيه .. انا يا ما تمنيت اني أمسك الفيزياء يوم وأخلصها والله ما فييه وقت .. كل يووم عليك اختبار الله يعين بسس .. وان شاء الله نجيب النسبة اللي ترفع الراس .. والله يوفقك خيتو .. ومشكوورهـ ع الموضوع اللي خلاني أفضفض ..

يوووووووووووووه من جد تعب ..

لالالالا لازم نسوي ابداع شوي على الاقل لو مو بالدرجات .. نبدع نسوي لهم قصيدة

هجاء .. خخخخخ

الله يوفق ويعين بس ...

والله عادي فض فض يا اخي فض فض ..

إقتباس


	نفس المشكله والحين الوثيقه معلقه في المطبخ والشغاله سفرها الوالد بس رمضان كان ضغط في المطبخ بس ابشركم الراتب تظاعف نتيجه للمجهود الذي قمت فيه هههههههههههههههههههههههههههههههههههه

لا لا لا تعليق ...

إقتباس


	ههههههههههههههههههههههههههههههههههههههه امتحانات وقروشة ومذاكرة ذ كرتوني بأيام الطفولة الا جت الامتحانات انواع الهم والقروشة وازفت شي في الامتحانات انك تكتب الحل صح ثم تمسحه وتكتب غلط وتطلع تشوف الحل الا انواع الـــ

ايام الطفولة مررررة وحده ...

خخخخخخخ

الله لا يبالك اللحين بعيالك تجيهم ايام اختبارات ويروحون فيها خصوصا مع النظام الجديد هادا

اي والله هذا ازفت شيء واكثر شي يقهر...

ابو ندى تسلم ..

إقتباس


	والله حماس خل نروح نذاكر خخخخخخخخخخخخخخخخ عندي اختبار يوم الربوع وبعده اختبار يوم الثلوث الله يستر دعواااااااااااااااتكم

ههههههههههه

وش حماسووووه

!!!!!!

ماشا ءالله عليك بس عندك يوم الاربعاء والثلاثاء

حنا كل يوم يا ابويا

إقتباس


	والله في عده طرق مثلا اليوم رحت للجفالي وشفت البانوراما يا انها شيء ولا الرنج سبورت علشان كذا قررت وقتها اشتغل في الممنوع خخخخخخخخخخخخ علشان كذا فررت اذاكر واجيب درجات زي الناس لتحقيق المنيه المهم ياحكي لكم قصه اختباري الماضي كنت مقسم الماده على عده ايام وكل ما خلصت حق اليوم رحت فيتها وتعشيت عند البحر افرش بساطي واقعد وفللللللللللللللللللله المهم بالتوفيق للجميع تــــــشــــــــــــــــــــــــــاو

ماشاء الله عليك ..

انتم يا العيال لما تذاكرون , وتنجحون مثلا قدامكم اشياء وخطط تسوونها

لكن حنا البنات يا حرام مصيرنا البيت لا محالة ..

والله يعينك ويوفقك وتشتري هالسيارات اللي عاجبتك ..

اما سالفة البحر فلللله من جد ..

تسلم نمر ,,

مهووسة الزعيم · #19 30/11/2006, 03:25 PM

يازين المدارس الاهلية ... يعطونك الاسئلة وفوق كذا البنات مايحفظوونها ينقشونهاااا ...من الدفاتر ...

الله يخليلنا هالمصرياااات متونسين معاهن بس فالينها نضحك ونرقص والدرجاات كاملة ..

طبعا انا مايشملني هالكلام ... وبالتوفيق للجميع ..

hilalemooot · #20 30/11/2006, 07:19 PM

السلام عليكم

ايييييه .. يازين ايام ثالث .. سهله جداً .. اهم شي الإنتباه لشرح المدرسين لأن هالشي له النصيب الاكبر .. والشخص لو فهم الدرس تقريباً حفظ 70% منه ..

تنظيم الوقت .. الواحد مايرهق نفسه .. السهر شيليه من بالك نهائياً .. ولا يصير كل وقتك مذاكرة .. وبس

بالتوفيق لك ولشباب وشابات المدارس

قفله :

الله يرحمك يا حسام

فـ مان الله ,.,.,

Turki(الرايق)Turk · #21 30/11/2006, 08:08 PM

انا انوم الساعة 8او 9 واقوم 2او 3 بالفجر واذاكر

ســ الهلال ــراب · #22 02/12/2006, 07:16 PM

هو وين مارحنا ورانا غثى الإختبارات

تصدقون ان من اول مارجعنا من بعد العيد الين السبت اللى راح وحنا من كمياء لفيزياء لرياضيات

وعندنا اسبوع راحة الأبلات حاسداتنا عليه

مع المعدل التراكمي مافي وقت نحضر والا نذاكر والا نحل واجبات وغير النشاط اللي نعفس قوقل عشان نطلع بعد طلعة روح وقرف

وفي النهايه عشر درجات وياليتها تجيب قيمة الحبر والورق والفاتوره والوقت الضايع

Dr.Sara · #23 02/12/2006, 07:41 PM

ههههههههــ

يا ناس والله فلللله

اقول وش رأيكم تقولون لأهاليكم انكم تدخلون النت عشان تذاكرون بالماسنجر

ههههه

ولا نسوي هنا موضوع للدراسة ..

خخخخخخ

ونجتمع يقالنا ندرس .....

يا حليلنا تحسونا محرومين ...

إقتباس


	انا انوم الساعة 8او 9 واقوم 2او 3 بالفجر واذاكر

يا حليله .. شكله اللحين راح ينام ,,,

إقتباس


	تصدقون ان من اول مارجعنا من بعد العيد الين السبت اللى راح وحنا من كمياء لفيزياء لرياضيات وعندنا اسبوع راحة الأبلات حاسداتنا عليه مع المعدل التراكمي مافي وقت نحضر والا نذاكر والا نحل واجبات وغير النشاط اللي نعفس قوقل عشان نطلع بعد طلعة روح وقرف وفي النهايه عشر درجات وياليتها تجيب قيمة الحبر والورق والفاتوره والوقت الضايع

يؤ يؤ يؤ

وش ذا ..

بس من جد الله يعيننا كلنا ,,

إقتباس


	يازين المدارس الاهلية ... يعطونك الاسئلة وفوق كذا البنات مايحفظوونها ينقشونهاااا ...من الدفاتر ... الله يخليلنا هالمصرياااات متونسين معاهن بس فالينها نضحك ونرقص والدرجاات كاملة .. طبعا انا مايشملني هالكلام ... وبالتوفيق للجميع ..

ههههه

يا قلبي حتى انا بمدرسة اهليه ..

لكن والله الكتاب معي من الجلده للجلده .. ولو اقولك اسم مدرستي تنصدمين ما تتوقعين انها كذا ..

ولا في شيء اسمه استهبال وهروب ..

والله العظيم من بداية الدراسة والى الآن ولااااااا حصة فراغ ...!!!!!!!!!!!!!!!!!!!!

صدقي او لا تصدقين ....

اقسم انه قرررف ..