(16) صورة للأمطار في جامعة البترول بعدسة (المشاغب).. إلحق ما تلحق!!! - نادي الهلال السعودي - شبكة الزعيم

الـمـشـاغـب · #1 26/11/2006, 11:13 AM

بسم الله الرحمن الرحيم

السلام عليكم ورحمة الله وبركاته

وبعد:

بصراحة أنا شفت موضوع الأخ المندس كلي هلالي وطلعته للبر مع الصور...

ما أنكر أني انقهرت وغبطت هالمندس على ذاك الجو والحركتات...

عشان كذا قررت أني أنتقم منه في أقرب

فرصة

والحمد لله جاتني الفرصة اليوم مع صلاة الفجر... لما نزل المطر بكثافة على الجامعة...

بصراحة يوم قمت للصلاة ما كان في بالي أني أغتنم الفرصة وأصور المناظر الجميلة والربيعية في رحاب

جامعتنا الحبيبة.. لأن تفكيري كان منصب في الانتهاء من الصلاة ومن ثم مسابقة الزمن لمعانقة مخدتي العزيزة

واستغلال السويعات القليلة قبل بدء المحاضرات...

بس يوم خلصنا الصلاة وشفت الجو والحيا طار النوم وبدأ النشاط يدب في جسدي <<<< قسم بالله متعوب عليها

المهم ما بأطول عليكم...

التقطت عدة صور وأنا تحت زخات المطر لمدة أكثر من ساعة... بعض الصور كانت شخصية لذلك سأحتفظ بها لنفسي ..

أما بعضها الآخر فقد صورتها خصيصاً للمنتدى العام... ولأقهر المندس كلي هلالي وأعلمه أنه يوجد لدينا مطر

وربما يكون هذا الموضوع هو آخر موضوع لي في هذا القسم لظروف طارئة ستزول قريباً إن شاء الله...

يالله نبدأ بالصور:

__ __ __ __ __ __ __ __ __ __ __ __ __ __ __ __ __ __ __ __ __ __ __
أول ما طلعت من الغرفة بعد ما رجعت من الصلاة شوفوا من حصلت؟

شوفوا كيف ندلع القطوة

ما تنام القطوة إلا على كرسي... أحلى رفاهية

__ __ __ __ __ __ __ __ __ __ __ __ __ __ __ __ __ __ __ __ __ __ __

صحيت القطوة للفطور

لكنها خوفتني بعيونها بنت الذين... شكلها مواصلة من أمس ما نامت

__ __ __ __ __ __ __ __ __ __ __ __ __ __ __ __ __ __ __ __ __ __ __

هذا برج الجامعة... (تصوير احترافي)

__ __ __ __ __ __ __ __ __ __ __ __ __ __ __ __ __ __ __ __ __ __ __

صورة عالمية من السطح <<< متعوب عليها الصورة

__ __ __ __ __ __ __ __ __ __ __ __ __ __ __ __ __ __ __ __ __ __ __

شوفوا الأمطار كيف على الشارع؟

__ __ __ __ __ __ __ __ __ __ __ __ __ __ __ __ __ __ __ __ __ __ __

عندنا شلالات بالجامعة.. ولا تقول شلالات الآسكا العالمية

__ __ __ __ __ __ __ __ __ __ __ __ __ __ __ __ __ __ __ __ __ __ __

وهذا منظر الشلال من بعيد

__ __ __ __ __ __ __ __ __ __ __ __ __ __ __ __ __ __ __ __ __ __ __

ما شاء الله.. حتى السيول موفرتها الجامعة لنا

__ __ __ __ __ __ __ __ __ __ __ __ __ __ __ __ __ __ __ __ __ __ __

وهذا السيل من الجهة الأخرى

ماعليكم من "لي الموية" الموجود في الصورة.. لا تدققون واجد

__ __ __ __ __ __ __ __ __ __ __ __ __ __ __ __ __ __ __ __ __ __ __

منظر من الأعلى للمسجد... لا حظ الحدائق والجو الأوروبي... الحمدلله على النعمة

__ __ __ __ __ __ __ __ __ __ __ __ __ __ __ __ __ __ __ __ __ __ __

وهذا السيل بعد ما توقف المطر.... يازين السباحة فيه زينااااااه

__ __ __ __ __ __ __ __ __ __ __ __ __ __ __ __ __ __ __ __ __ __ __

ياعيني على الدافور اللي يذاكر مع ذا الجو الرومانسي

__ __ __ __ __ __ __ __ __ __ __ __ __ __ __ __ __ __ __ __ __ __ __

وش رايكم بدبابي؟

رهيب صح؟

__ __ __ __ __ __ __ __ __ __ __ __ __ __ __ __ __ __ __ __ __ __ __

حاولت أسرق الدباب.. بس عيّا يشتغل ابن الذين

لكن المرة الجاية بأنجح إن شاء الله

__ __ __ __ __ __ __ __ __ __ __ __ __ __ __ __ __ __ __ __ __ __ __

الرجال شفته متحمس من الجو... قلت خلني آخذ له صورة تذكارية

وطبعاً ما قصر الهندي هو بعد صورني
وأنا كني أسوق الشيول

وأعتذر عن نشر الصورة لأنها شخصية,,,,

__ __ __ __ __ __ __ __ __ __ __ __ __ __ __ __ __ __ __ __ __ __ __

وأخيراً:

أتمنى من كل قلبي أن يحوز هذا الموضوع الخفيف على إعجابكم.. وأتمنى أن أتواصل معكم هنا في هذا المنتدى

الرائع والجميل بعد انتهاء الظروف الطارئة إن شاء الله...

والسلام عليكم ورحمة الله وبركاته

الـمـشـاغـب

LBa your heart · #2 26/11/2006, 11:46 AM

هههههههههههههههههههههههههههههههههههههه

ما شاء الله مناظر طبيعيه <--يرقع :p

اما السيل اللي صورته هههههههههههههههههههههه

الله يرجك مكثر عجك

الحين عرفت أسمك (سلطان )

وبعدين لاتقول مندس ترى فيه ناس يصدقون على الريحه

الله يعطيك العافيه على الصور ياصديقي

هلالي وشقاوي · #3 26/11/2006, 12:05 PM

أجل يازين السباحة هاه لايكون سبحت هنا الله يرجك

أنت متأكد إنك في الجامعة تدرس مو بالبقالة اللي توصل الطلبات الله يرجك .

ياناس أتعب أنا مع الخط لايكون كاتب بأصابعك الذهبية

إقتباس


	وربما يكون هذا الموضوع هو آخر موضوع لي في هذا القسم لظروف طارئة ستزول قريباً إن شاء الله...

ماقريتها الا آخر شي لو إني عارف كان مارديت على موضوعك >>> مصلحجي

سلامات عسى ماشر وين بتروح بروح معك >>>>>> موب ملقوف أبد:p

يعطيك الف عافيه اخوي بصرااحه مجهود متعوب عليه كل هذا عشان ترفع ظعط المندس كلي هلالي

الله يعينك كلي هلالي مسكت عليك المندس

الكلاسيكي · #4 26/11/2006, 12:17 PM

ماشاء الله بدأو يطلعون المصورين هنـــا ..
والله يزيد ويبارك في المطر .. ويعم به ارجاء البلاد <سامعها في الخبار امس
وصور جميله .. بس لا عاد تصرق دبابات الناس مره ثانيه .. ترى هذي عدت ..
بس احي ان جامعتكم فيها حفريات .. يازين جامعتنا بس ..

هذي الصوره اعجبتني كثير .. لك الف شكر .. والله يهنيك بالمطر ..
ويوفقك في الاختبارات .. اجل تذاكر في الامطار !! كثر منها ..

دمت لنا بخير ..

هلاليه من الرياض · #5 26/11/2006, 01:10 PM

ولوووو مايجي ربع مطر الريااض ;) ;) والله الجو اليوم بالجامعه رهييييييييييب ومع القهوه صار ياسلااامـ.

...

لاتقطعنا أخوي المشاغب من مواضيعك وبإذن الله تزول ضروفك عاجلا

...

معشوقة الازرق · #6 26/11/2006, 01:22 PM

حركااااااااااااااات وامطاااااااااااااااااااااااااااار

الا اقووووووول انتبه على خالي ترا يدرس عندكم بالجامعه

بس ماقال لنا انه فيه شلالات نياغرا

ماشاء الله عليك مصورنا البارع كم اخذ منك الاخراج والاعداد لهذه الحلقة

شكرا اخي المشاغب على هالصور اللي 3 منها ماطلعت لي؟! بس فهمناها... وثاني مره لا عاد تشرب القطه (البسينه)

منبهات كثير اوكي.. ترا شكلها يفجع...

والللللللللللللله يعطينا مما اعطاكم...من غيييييييييير رعوووووووووووووووووووووووووووود

الهلالي دائماً · #7 26/11/2006, 01:24 PM

هلا وغلا بالمشاغب

وش ها الصور الله يصلحك تحوم السبد

خخخخخخخخخخخخخخخخخخخخخخ

والقطوة لا تصير نايم على كرسي الدكتور

لكن الشلالات والسيول ماشاء الله تبارك الله

غطيتوا على شلالات نياقرا

>>> حشا هذا بزبوز ماهوب شلال

والله يعينك شكل الكتب يخوف لاتصير هندسة كهربائية

شكرا لك يالغالي سلطان والله يعطيك العافية ,,,

معشوقة الازرق · #8 26/11/2006, 01:25 PM

إقتباس


	أتمنى من كل قلبي أن يحوز هذا الموضوع الخفيف على إعجابكم.. وأتمنى أن أتواصل معكم هنا في هذا المنتدى الرائع والجميل بعد انتهاء الظروف الطارئة إن شاء الله...

اللهـــــــــــــــــــ اميييييييييييييييييييييييييييييييييييييييييييييين ـــــــن يارب.. وماتشوف شر... نشوفك على خير اخوي المشاغب ترا ادعيلك كلما شفت شغلت الريل بلير..

الـمـشـاغـب · #9 26/11/2006, 01:39 PM

إقتباس

الرسالة الأصلية كتبت بواسطة ღكلي هلاليღ


	هههههههههههههههههههههههههههههههههههههه ما شاء الله مناظر طبيعيه <--يرقع :p

إيه مناظر طبيعية يالمندس... مب حركات فوتوشوب مثلك

إقتباس


	اما السيل اللي صورته هههههههههههههههههههههه الله يرجك مكثر عجك

أنا ما علي من حسدك يا حسووووووود

إقتباس


	الحين عرفت أسمك (سلطان )

من قال أن اسمي سلطان؟؟ هذا بس اسم وعاجبني وحطيته

إقتباس


	وبعدين لاتقول مندس ترى فيه ناس يصدقون على الريحه

في هذي صدقت... وأنا آسف يامندس

إقتباس


	الله يعطيك العافيه على الصور ياصديقي

الله يعافيك يا أحلى مندس في العالم

الـمـشـاغـب · #10 26/11/2006, 01:42 PM

إقتباس

الرسالة الأصلية كتبت بواسطة هلالي وشقاوي


	أجل يازين السباحة هاه لايكون سبحت هنا الله يرجك

خخخخخ والله شي

إقتباس


	أنت متأكد إنك في الجامعة تدرس مو بالبقالة اللي توصل الطلبات الله يرجك .

الله يرجك....حلوة

إقتباس


	ياناس أتعب أنا مع الخط لايكون كاتب بأصابعك الذهبية

أكيد بأصابعي الذهبية

<<<<<

إقتباس


	ماقريتها الا آخر شي لو إني عارف كان مارديت على موضوعك >>> مصلحجي سلامات عسى ماشر وين بتروح بروح معك >>>>>> موب ملقوف أبد:p

لا أخوي هو آخر موضوع ان شاء الله لكني ما بأغيب ان شاء الله عن الردود والمتابعة

إقتباس


	يعطيك الف عافيه اخوي بصرااحه مجهود متعوب عليه كل هذا عشان ترفع ظعط المندس كلي هلالي الله يعينك كلي هلالي مسكت عليك المندس

الله يعافيك.. وهذا واجبنا تجاه المندسين

الـمـشـاغـب · #11 26/11/2006, 01:49 PM

إقتباس

الرسالة الأصلية كتبت بواسطة الكــلاسيكي


	ماشاء الله بدأو يطلعون المصورين هنـــا .. والله يزيد ويبارك في المطر .. ويعم به ارجاء البلاد <سامعها في الخبار امس وصور جميله .. بس لا عاد تصرق دبابات الناس مره ثانيه .. ترى هذي عدت .. بس احي ان جامعتكم فيها حفريات .. يازين جامعتنا بس .. ..

احم...احم..

أبشر سيدي ... ما راح أسرق الدبابات ان شاء الله... بأسرق سياكل

إقتباس


	هذي الصوره اعجبتني كثير .. لك الف شكر .. والله يهنيك بالمطر .. ويوفقك في الاختبارات .. اجل تذاكر في الامطار !! كثر منها .. دمت لنا بخير

وأنا بعد أعجبتني الصورة... حتى اني شكيت اني اللي صورتها..

والله إبداع علي بسم الله علي من كل حاسد

الله يعطيك العافية أخوي الكلاسيكي على مرورك العذب وشكراً...

الـمـشـاغـب · #12 26/11/2006, 01:50 PM

إقتباس

الرسالة الأصلية كتبت بواسطة هلاليه من الرياض


	ولوووو مايجي ربع مطر الريااض ;) ;) والله الجو اليوم بالجامعه رهييييييييييب ومع القهوه صار ياسلااامـ. ... لاتقطعنا أخوي المشاغب من مواضيعك وبإذن الله تزول ضروفك عاجلا ...

مشكورة اختي هلالية على مرورك الطيب... ولو اني من الرياض اصلاً لكن اعترف ان الشرقية افضل من الرياض بتباعيد..

حتى الامطار في الشرقية غييييييييير

هلالية حرة · #13 26/11/2006, 02:19 PM

الصور رووعه
بس الرياض احلى

تغريد · #14 26/11/2006, 02:30 PM

انت المشاغب راعي المخدرات

ماغيره

>>>بنمسكها عليك:p

بعدين اش الي الرياض ماالرياض

مطرت عندنا اكثر منكم

والله حتى جامعتنا تسبح

حتى الضفادع الي فيها مبسوطين

بس تصدق
طلعت منها تشابه كثييير مع جامعتنا

الخنبقه والتراب والليات والبسس

والسيارات

>>>3 سيارات اطفاء من زمن ابو جدي

الي ليومكم امووت واعرف ليش حاطينها

عالعموم صور حلوه

بس ترى مطرنا اكثر:p

O V E R · #15 26/11/2006, 02:34 PM

إقتباس

الرسالة الأصلية كتبت بواسطة الـمـشـاغـب


	الرجال شفته متحمس من الجو... قلت خلني آخذ له صورة تذكارية وطبعاً ما قصر الهندي هو بعد صورني وأنا كني أسوق الشيول وأعتذر عن نشر الصورة لأنها شخصية,,,,

هههههههههههههههههههههه لا رايــق بس وش فيه يناظر كأنه راكب بانوراما

الله يوفقك يا المشاغب وان شاء الله ما تنقطع اخبارك