السكـــر مرتفع لالا منخفض ...مسألة يجب الانتباه لها ..!! - نادي الهلال السعودي - شبكة الزعيم

سندريلا الهلال · #1 25/11/2006, 06:38 AM

بسم الله الرحمن الرحيم ..

قبل كم يوم كنت أتناقش أنا وحده من قريباتي عن الدورات الي تخص الكمبيوتر والانجليزي ..!!

قالت لي: أنا سجلت في دورة قلت لها يووووووووووه ليه ماعلمتيني عشان نسجل مع بعض. >>>> وشوله مع بعض بتروحون السوق انتم. قالت : يالله هالحين قلت لك . . قلت وهي الدعوه على طول لازم الواحد يفكر ويشاور نفسه قالت : يابنت الحلال كلها يومين قلت يومين وش يومين قالت : ايه دورة اسعافات أولية

قلت انا طيب قولي من الصبح مهب ساحبتني بالكلام وانا مدري وش الطبخه الا الطبخه ورق عنب;) >>>> من المعجبين بورق العنب اصلا فيه وحده بالعالم يقال لها أنتي حواء ماتحب ورق العنب

اللي أبي أوصله أنا .. ليه حنا الله يصلحنا نفتقد أبسط الملعومات عن الاسعافات الأولية ..

الآن حنا يوجد عندنا في البيت كبار سن الله يحفظهم يعني هي وحده من الثنتين او الثنتين كلهم يعانون منها .. الضغط والسكر !!

ليه مانحاول نعرف كيف نعرف ان اللي عندي مصاب بارتفاع او انخافض سواء في السكر او الضغط ؟؟!!

حتى ان المريض اللي عندي ومن خلال قرآتي لحالته يطمئن نفسيا .. الان لما تشعر بشيء وتشكيه لأحد ويقولك ان اللي فيك سببه نقص او زياده في شيء .. تصير حالتك أهداء من قبل لانك عرفت سبب الألم ..

لكن تقعد في حيرة ماتدري وش فيك هذا يزيد الألم ويضاعفه ..نفسيا اكثر منه عضوياً:sad:

يعني من المفروض ان يكون الشخص ملم بأسرار .. هذه الأمراض ..أنا ما اقول صيروا دكاتره

بس شيء رائع انك تملك خلفيه عن هالأمراض الأساسيه اللي من الممكن تكون متواجده في أي بيت .. بحكم وجود كبار السن الله يحفظهم لنا وكبار السن هم والدينا اللي مافيه عندنا أعز وأغلى منهم ...

طبعاً لازم تكون تعرف تستخدم أجهزة قياس السكر والضغط .. مهب يصير منخفض وتقول مرتفع او العكس بدل ماتصير عون تصير فرعون >>>>>> والله مدري هو المثل هنا صح ولالا بس يفي بالغرض

حلو الانسان يعرف يتصرف في مثل هالأمور . شعور جداً مايوصف وانت تساهم في راحة اي شخص سواء قريب لك او بعيد ..

اشياء ماتتطلب منا شطاره وفن .. بس تتطلب منا حرص واهتمام ..

يعني اقدر استفسر بنفسي .. عن كيفية معرفة اعراض هذه الامراض بواسطة اقرب وسيلة لي سواء المستشفى عن طريق الدكتوره او في الكتب او الانترنت .. تساؤلاتنا كلها بتكون مجابه لأن العلم الان أصبح منتشر وليس محصور ..

من أجلنا جميعاً يجب أن نثقف أنفسنا ونغذي مداركنا بأمور تفيد الجميع وتفيدنا ..

كل الأمنيات للجميع بدوام الصحة والعافية وطول العمــر على الطاعة باءذن الله ..