مقارنة بين شرطتنا وشرطتهم

هذي قصتين حصلن لا حد الاصدقاء وقالي عنهن ويليته ماقالي


الحادثة الأولى حصلت في الخارج :

تمام الساعه 12 ليلا في الطريق السريع بين واشنطن وفيلادليفيا وقفنا في محطه وسوبر ماركت ....اكتشفنا ان المفتاح قفلنا عليه داخل السياره....طبعا كنا 3 شباب..وش السوات اتصلنا بالشرطه..4 دقايق بدون اي مبالغه كانت عندنا وفتحت السياره نتج عنه ضرر بسيط للسياره وتم التاكد من هويتنا والسياره..وبكل بساطه أنتهت المشكله؟؟؟؟ ;)





الحادثة الثانية وحدثت للاسف هنا:

احد الاصدقاء كان راجع من خط القصيم من استراحه وقت الفجر وفجاه راعي جمس
سكران يحاول ايقافه ومعه رشاش....اتصل مباشره بأمن الطرق....ولا احد
يجيب نهائيا؟؟؟؟؟

اضطر واتصل بالشرطه..999...وابلغهم..قالوا وش موتره قال جمس قديم
..قالوا وش موترك؟؟ قال بي أم دبليو....؟
قالوا: دوووووووووووس؟؟؟؟؟؟؟




يالله لك الحمد والشكر الله لا يغير علينا

اي والله فرق كبير بين شرطتنا وشرطتهم لا كن وش السواه
ماقول غير الله يعين

اقول دوووووووووووووووووووووووووووووووووووووووووووووس

ياأخي حرام عليك ...؟

أنا مرة أتصلت فيهم والله ويشهد علي ربي دقائق معدودة وأربع دوريات عند بيتي ومعهم ملازم أول ( نجمتين ) تلمع .

وكلهم أخلاق وذوق وأزود عليها متعاونين جدآ .

هذا الكلام ليس لكي أناقض كلامك ولكن هل صديقك صادق في ما يقول ( أو أنه مبالغ مع أحترامي الشديد لك شخصيآ ولصديقك.


تحياتي

هلا وغلا بالنمر

أسمع يالغالي

مره أحترقة سيارة في الشارع اللي ساكن فيه في منتصف الليل

الوكاد تجمعنا كم واحد وخبرك بانزين وماء ماينفع

جت الدوريه يالحبيب وين الدفاع المدني والله انه قالنا فيه حريقه في بيت وأنشاءالله يجونك وتعرف وقت الأنفعال سألته عطنا طفايه اللي بموترك
قام وبربس بشنطة الدوريه وقال والله مهنا شين!!!!!!!!!
وراحت السياره وأخوانك يحترون متى يجيهم السراء

معهم حق يقولون : دووووووووووووووس

لأنهم أصلاً مشغولين بغيره

وهو معه بي ام دبليو (( ماشاء الله علشان ماتقول حسدته )) ليش يجيون يساعدونه

خل عنك بس انت وهو والله عندى سالفه زينه


المهم في يوم كنت على خط ابوحدريه كنت جاي من البحرين
وكان معى الوالد قدر الله ويضرب عندنا بنشر واخوكم ماعنده
مفتاح عجل ولا عده حقت البنشر وكان الوقت تقريبا الخامسه
العصر وانتظرنا امن الطرق حتى انه مر علينا سلام وتحيه
قلت للاخ اللى تقول امن طرق ابوه ماعندكم مفتاح عجل
قال لا قلت طيب ممكن تروح المركز او تصرف انت امن طرق
قال الاخ / معك جوال قلت ايه
قال اتصل على اهلك وهم يجبون لك مفتاح

للمعلوميه كان المركز على 5 كليو

ونخن بحدمه الشغب ( نحن بخدمه الشعب )

هلا اخوى عاشق


اول مرة ادرى ان الجمس القديم اسرع من B.M.W



اقول الله من الدجه.

اسمع دور على هيمو وسولف عليه.

تراه يموت فى الكاوبوى.

:p

شف يالدلخ تراني جاااار موضوعك من الصفحه الثانيه

شين وقوي عين

يغيب له فتره مدري وين يطس ويجينا بمواضيع غير مؤكده
الله وين ايام عاشق حق مال اول ( منذ مبطي )

امووووووووهـ