(( وإذا كان الزوج رخمة !! هل تـُترك زوجته تسرح )) صورة
بسـم الله الرحمـن الرحيــم ..
والصـلاة والسـلام على إمام المحتسبين , وبعــد ..
تـُـبتلى بعض النساء .. بأزواج يصنفون من فصيلة (( الرخويات )) في العلوم الغانمة .. والقوامة الصحيحة المنضبطة بضوابط الشرع (( حلوة )) العبارة الأخيرة .. تذكرني - الله المستعان - بتمرير طوام أخلاقية .. تحت هذا الضابط .. الذي يتم ذبح الفضيلة - للأسف - من خلال ترديده .. وقد قيل يا كثر كلام البدو .. قال من ترديده .. فلا نتوسع !!
يكفينا توسع بعض نسائنا في النقاب .. يقابله تضييق وصرصرة في العباءة .. ولو كان العكس لكان حسناً .. ولكن إلى ربنا الشكوى .. ليرفع البلوى ..
نعود إلى الرجل - الرخمة - الذي لايهش ولا ينش .. لا مع زوجته .. ولا مع بناته .. يراهم في مناظر لا تليق من كشف للوجه .. ولبس لعباءات (( خالعة )) وتجده هو (( وكشرته )) عند الإشارة مبتسم إذا طاحت العين بالعين .. وهل يقتل العقلاء إلا العيون ؟!
فإذا ابتليت المرأة .. التي لم تجد التوجيه الصحيح الكافي .. في بيت أهلها قبل الزواج .. بزوج من هذه الفصيلة .. هل تترك تعبث بنفسيات شباب البلد .. الذين تكالبت عليهم الهموم النفسية .. والديون المالية .. والشهوات الفضائية .. فما عاد لهم حيلة .. إلا (( نهش )) هؤلاء الفاتنات الغافلات .. تحت إمرة رجل من فصيلة الرخويات ..
لا تتعجبوا إن قلت لكم .. إن الشباب (( الضايع المُضّيع )) اليوم .. لم يعد يردعهم رادع .. عن أخواتنا إذا كنا بصورة فاتنة .. يقابلها جمود حسي من قيّم سواء كان أب أو زوج (( رخمة )) .. ويخزي وجه ناصر ومنهو وزيره !! الذي ضيع شباب الوطن .. والتفت إلى إخراج نسائه ..
في كل زمن وفي كل دولة .. يبقى أناس ليس لهم .. إلا التلذذ بالشهوات .. ولا يصلون إلى نشوتها .. إلا من خلال المغامرة .. وحب الجديد والإثارة .. ولهذا نرى اليوم - وبكثرة - مقاطع مشابهة لما استنكرناه في بداية الأمر .. وضج المجتمع لأجله .. وتوقع الجميع العقوبات الرادعة حتى لا يتكرار الحدث .. ولكن !! ماذا نقول .. هل نقول أن داء الرخاوة أصاب بعض قضاتنا ؟ هداهم الله وأعانهم آمين .
إن مصيبتنا اليوم تكمن .. في تضييع النساء .. من قبول أولئك الرخوم .. وعدم الأخذ بأيديهن .. حتى لا تصيبهن الإحن والمحن !! .. ويبقى السؤال قائماً .. هل تترك الزوجة تسرح وتمرح وهي في ضِل - رخمة - ؟
وقديما قالوا ضل راقل ولا ضل حيط .. وأنا أقول ضل حيط .. ولا ضل رخمة ..
أتــفق معكـ اخوي هلالي الصبيخه تماماً فيمـا قلته ..
لأن التربيه لها دور أساسي في نبذ تلكـ الأمور ..
وأيضاً لو وجدوا الشباب بدائل للتسكع في الاسواق لكانوا في خير ..
بالاضافه ان العقاب الرادع يردعمن عنت تكرار الاخطاء ..
اما - الرخمه - فهو في سبات عميق .. ولا أظن انه راح يفيق الا بطامة على رأسه ..
أقــل شي أين الغيره !!
عموماً لا أريد الاسهاب كثيراً في هذا ..
فشكراً لك على ما خطت أناملك ..
والله يصلح الحال ..
دمت لنا بخير
كثير من الناس صار الشي هذا عادي عندهم الله المستعان أذكر كان خلي مره يدخن بالسيارة وكنا رااكبين معاه واحناء صغار يعني الكلام هذا قبل 15 سنه فخلت زوجته فتحه في الغدفه أو كما يسمونها النساء المهم هي فتة صغير فقط للنظر والله مازلت اتذكر كلمته يوم قال غطي عيونك لأطفي الزقارة بالفتحة اللي على عيونك
وفعلا كثروا الرجال اللى من هذي النوعيه بصراحه انا ما احب الرجال اللي ماعنده غيره على محارمه
والله شي يقهر يمشي مع زوجته بسوق وهي لابسه عبايه على الكتف وضيقه ومتلثمه وهو عادي يمشي والابتسامه ماشاء الله عريضه ....بصراحه انا استحقر الرجال اللي من هذا النوع
الله يهدي الجميع
عميد المجلس العام وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
يعطيك ربي الف عافية هلالي الصبيخه .
المشكلة البعض فاهم الحرية خطأ ..
يترك بناته والا زوجته تسرح وتمرح بلبسها ومكياجها لا حسيب ولا رقيب ولا شئ ..
همن يزعل اذا احد تحرش فيها .. انا ما اقول ان اللي يتحرش فيهن معذور ..
لكن بكل صراحه هي على التربية من الاساس ..
سواء للشباب او البنات ..
يعني لو كانت متربي تربية سليمة على اساس الخوف من الله في كل شئ ..
كان ماشفنا هالاشياء ..
لكن المصيبة اذا كانت البنت ماخذه راحتها وهي في بيت اهلها ..
تلبس وتتمكيج على كيفها ومحد يقولها لا ..
واذا انتقلت لبيت زوجها استمرت على نفس الحالة !!
ياخي قسم بالله يا تشوف عبايات تفتن بشكل !!
لو ما يلبسن عبايات احسن !!
خصوصا لا جاك المخصر اللي يبرز لك كل مفاتن الجسم !!
واستغرب من اللي يشوف اهله حاطين لي مكياج وهم طالعين السوق !!
نعنبوا ابليسك مكياج للسوق !!
الرخوم بهالوقت واجد .. للأسف ..
أنا ماقهرني إلا وحده نازله من سيارة أبوها طبعا في مواقف الكليه ...
وناطله غطوة خفيفه ويوم جت تنزل طاحت منها ملازمها ويوم نزلت بتاخذهن وتطيح الشيله اللي مغطيه وجهها وقعدت تشيل بأوراقها ولا أهتمت أن وجهها طالع ويوم جت تقوم نطلت الغطاء وأبوها ماسوى ولا ردة فعل قدامها <<< أمحق أبو الله يعافيه ولا يبلانا ...
وحده بعد في المصلى حق الراشد ...
أمها خلصت من الصلاة وهي قاعده تضبط اللثمه والله أنها قاعده حول ربع ساعه عشان تطلع بأفضل صورة:sad: وأنا مغير أراقبها مع أن أمها عبايتها على الراس ولا قالت لبنتها ولا شي ....
المشكله البنت شكلها عادي جداً ;) بس يوم تلثمت برزت عيونها والعباة مخصرة
الله يهديهم ويهدينا ....
المشكله بالوالدين :sad: هم اللي سكتوا عن عيالهم ولا ربوهم تربيه زينه;)
يعني إذا شفت الوحده تمشي مع أهلها ولا قالوا لها شي وش ترجي من وراهم
طيب ليه كذا
وحده من معلماتي أيام الثانوي تقول أن صديقتها أبوها يجبرهم أنهم يصورون معه وهم لابسين ملابس عاريه ....
تقول هي ماودها تسوي كذا بس غصب عنها ....
أمها ميته وهم ثنتين هي وأختها ....
شوفوا حال الأبو وشوفو بناته:sad:
ماأقول غير الله يهديهم:sad:
يعطيك العافيه أخوي هلالي الصبيخه ....
وجزاك الله خير ,,