السلام عليكم


مدري من وين أبتدي

المهم

بدايت القصه

أول شي انا متخرج من الثانويه التجاريه السنه اللي راحت <--المفروض متخرج من ثلاث سنين

المهم جيت بختبر قياس ..سجلت ودفعت لهم الدراهم ويوم جيت بدخل قال وين بطاقة الاحوال قلت ضايعه

قال لازم تجيبها ..قلت يابن الحلال لي اسبوع ادورها وماحصلتها قال لازم

قلت طيب الرخصه ماتثبت؟

قال لا َ !!

تهاوشت معه وقال تعال الخميس الجاي وسحبت عليهم ماجيتهم وإلى الحين ماختبرت وطارت البعثه

من بعد هالسالفه لقيت بطاقة الاحوال بالبيت

طيب أنا ابي أعرف شي واحد الحين الرخصه موب من الحكومه ومكتوب اسمي وحاطين خشتي بالبطاقه

طيب هالرخصه ماتثبت ؟!!

..

وهذي سالفة صارت لي امس

رحت أقدم على مؤسسة التدريب المهني يبون 3000طالب الخ الخ

المهم قبل اليوم المحدد اللي بروح لهم

ضاعت بطاقة الاحوال

دورتها بالبيت وحست البيت من فوق الى تحت ولا حصلتها

قلت اجل باخذ معي رخصتي وجوازي عشان اثبت لهم :sad:

صحيت الصبح الساعه ثمان واتكششخ وحالتي حاله

واروح لهم وادخل قال ورنا الشهاده وشافها قال وين بطاقة الاحوال

قلت ضايعه

قال لازم تجيبها

قلت شلون أجيبها وهي ضايعه ...معي رخصه وجوازي وصورة لبطاقة الاحوال

قال ماتنفع

...

وانقز اليوم الصبح للاحوال المدنية واخذ منهم ورقه على ان بطاقتي ضايعه <--ماخذ الورقه من الاحوال بواسطه

ورحت للمؤسسة وقبلو الورقه واختبروني ورجعت البيت واكتب لكم الموضوع


وهذي هي السالفه


مافيه ألا المجلس العام افضفض له

اللي يشوف له غلطه مطبعيه يستر علي

....


مايستفاد من الموضوع:

1/ اذا مالك حاجه ببطاقة الاحوال خلها بالبيت واخذ معك صورة للبطاقه <--هذا اذا انت طالع تتمشى

2/ لازم تكون عندك واسطه بكل قطاع بالدوله عشان تخلص معاملاتك بسرعه

3/ اذا صار لك نفس الموقف أعرف أن حظك نحس

هلا وغلا بالغالي كلي هلالي

اما عليك بطاقة احوااال ما منه فايدة

هذي ما تضيع الا اذا بغيتها ...

الا على طاري الرخصة قبل ما اطلعها مافي تفتيش الا ويوقفني رخصتك

ويوم طلعتها ادور تفتيش ابيهم يقفوني ما القى احد

هههههههههههههههههههههههههه

تسلم كلي هلالي على الموضوع والله يعينك لين تطلع وحدة ثانية ...

بس ياليت تلزقها بجبهتك :p عشان لاتضيع :p دمت بخير ,,,

ترى ديم بطاقه الاحوال مشكله مشكله في كل شي

وشكراً

إقتباس الا على طاري الرخصة قبل ما اطلعها مافي تفتيش الا ويوقفني رخصتك ويوم طلعتها ادور تفتيش ابيهم يقفوني ما القى احد

هذي صارت معي ومع ناس اعرفهم

إقتباس تسلم كلي هلالي على الموضوع والله يعينك لين تطلع وحدة ثانية ... بس ياليت تلزقها بجبهتك عشان لاتضيع

أبشر بس خل البطاقة تطلع

مشكور على مواستك لي ياماجد

..............

إقتباس ترى ديم بطاقه الاحوال مشكله مشكله في كل شي وشكراً

ليش مطلعه باقة أحوال?!

شكريا شكريا على مرورك أختي مالكة السعوطططططيه

وعليكم السلام ورحمة الله وبركاته

وهي ما تضيع الا وقت الازوم

اذا مالك حاجه ببطاقة الاحوال خلها بالبيت واخذ معك صورة للبطاقه <--هذا اذا انت طالع تتمشى

ياهلا و غلا ,,,

شف وانا اخوك ... بطاقتك اظن ماتحتاجها الا اذا بتراجع دوائر حكومية .. او بنوك و شركات ... اما كاثبات شخصية فخلك مثلي..الرخصة تكفي...<< رغم انهم ماقد طلبوها..

ومن جهة اخرى بما انك ذكرت قصتين فخلني اقولك قصة ..
لما ضاعت او (سرقت ) محفظتي بمافيها بطاقة الاحوال.. وكانت في وقت محرررج .. حيث اني مسافر في اليوم التالي... يعني مافي وقت اراجع.. فيادوبك ..وقفت بطائق الصراف.. و من الفجر وانا محضر في الاحوال .. اخذت برنت .. والرخصة .. وعلى المطاااااار.. قبلوها بدون اي تعقيد ..<<< ياحبي للناس الذربة..



في امان الله ,,,

اما الواسطه .. هع .. سلم لي علاها..

انا ماعندي بطاقه احوال
بس اشوف الناس دايم مبتلشين فيها؟؟؟

الله يعينك

كلامك صح صح صح ياسلام عليك

بس أبي اذكر لك موقف عكس موقفك بتمام مررره مسكني راعي دوريات وقال لي وين بطاقة الأحوال قلت له ضايعة وهي معي أسذب عليه .

قال وليه ضايعه أنا وش يثبت لي إنك سعودي .
قلت له معي الرخصة . ههههههههه

قال تدري الرخصة ماتثبت لي ....!!!

قلت يابن الحلال شف سيارتي مظلله ومايظلل سياراتهم الا السعوديين .
قال ذكرتني لازم اعطيك قسيمة على التظليل .
قلت وشلون تعطيني قسيمة والسيارة باسم الوالد تصير القسيمة على ظهر الوالد .

قال لا أعطيك على الرخصة . هههههه ذكي صح

قلت الرخصة ماتثبت لي الاسم لانه مكتوب في الرخصة اني سعودي وانا قصمنجي " على بالي غيرت شي . "
المهم ضحك وقال فهمت قصدك .

لكن لازم يكون معك بطاقة أحوال اللحين ضف عفشك ولاعاد اشوفك في الشوارع .

وبس .

ههههههههههههههههه

الله يعينك