#1  
قديم 11/11/2006, 07:33 PM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,895
Cool " 2/ث/د" .. مش حـتـقــ...{العدد الثاني } ..!؟

المشهد الثاني ..

خارج المدينة / الرابعة فجراً...

الصوت : مزج بين ( ركض جواد ) طربق طربق طربق + ( دقات قلب ... "إيقاع سريع" طق طق طق ) ..
الصورة : فارس ملثم يمتطي صهوة جواده قادم من أعماق التاريخ.. يحاول جاهداً ان يدرك ظلام الليل قبل ان تغتاله يد الصبح ليستتر بغطاء الليل الأسود ويلتحف بظلامه الدامس ...
ولكن قبل ان يصل إلى أبواب المدينة تدركه طلائع النور
فتكشف عن وجهه الشاحب وقواه المنهك ..حينها ..
يقف ليصرخ بأعلى صوته الذي تُردد الصحراء صداه
ماء لا أريد إلا الماء ....


طبعا اذا قمت الفجر ولقيت الماء بارد هذي مشكلة لكن إذا قمت الفجر ولقيت الماء منقطع أعتقد هذه مصيبة ..!!

أي والله ان الماء نعمة كبيرة ياليتنا نحسن استخدامها ..

# تنبيهات قبل الإقلاع ..

@ هذي السوالف قديمة قبل 6 سنوات تقريبا وقبل ما يطلع لي ضرس العقل ...
@ بصراحة رغم الشقاوة كانت علاقتي مع اكثرالمدرسين رائعة ومستمرة إلى الآن واعتبرهم أخواني وأكثر ...
@ الموضوع سواليف فلا يجي واحد من شياب المنتدى يقول انت تخرب عيالي وأحفادي ..
@ لو استقبلت من أمري ما استدبرت ما كنت هكذا ..


نقطة للانطلاقة ...

في البداية بعطيكم وصف للفصل والمدرسة لكي تكونوا في الصورة ..
كنت ادرس في مدرسة في الملز وكان مبنى المدرسة في الأصل قصر للمك عبدالله الله يحفظه
وكان فصلنا في فلة مستقلة قديمة ما فيها الا ثلاثة فصول ..
>>> اتوقع انها كانت نادي وفصلناغرفة البلياردو
والدور الثاني كان فاضي (( مزبن على كيفك )):p
وكن نقضي فيه الكثير من الوقت مابين شاي وورق وبليلة ..;)
ولان المبنى الأساسي بعيد كان نادر يجينا احد من الإدارة ..



~~ أنا ومايكل شوماخر ~~

كان الطلاب في الفصل يصدرون أصوات والأستاذ مايدري من وين يجي الصوت
وكنا نقلبها بعض الأحيان مقومات يعني أصوات سباق سيارات ..
وفي مرة من المراريت رحت مع احد الأساتذة لغرفة المدرسين >>> طبعا أشيل الدفاتر ..
وقبل ما اطلع من غرفة المدرسين ناداني احدهم وقال ماجد تعال !! رحت وأخذني على جنب وقال أنت تحب مايكل شوماخر !! أنا انهبلت وراح بالي إلى حارس الدنمارك وتوقعت انه درى
اني قالب الفصل استديو تحليل رياضي
فقلت ما اعرفه ياستاذ منه ذا ؟؟
وبدا يستدرجنى وطبعا كانت عندي قاعدة تقول اجحد
ولما أصابه اليأس قال هذا شوماخر حق سباق السيارات !!
أنا ضحكت وقلت لا والله ما أحب سباق السيارات ابد
فقالي طيب لي تطلع أصوات سيارات سباق في الفصل.. ؟
عاد قلت في نفسي والله انك مشوار كل ها اللف والدوران
وضيعت علي الفسحة وأخرتها ها الموضوع البايخ
ومن دون شك ما في الا اجحد ثم اجحد ثم رح لفصلك ..


~~ قصتي مع مدرس النحو ~~

كان عندنا مدرس نحو ما اتفق أنا وياه ابد ومن أول يوم جانا بدت مشاكلي معه
وحصته إما أنام أو اتكي في الدور الثاني ..

وفي احد الأيام قررت إني أنام لكن الطلاب قالوا اليوم اختبار
قلت اجل أبطلع برا وأنا طالع شافني الأستاذ وقالي وين رايح ماجد منت
مختبر قلت لا اليوم تعبااان ومالي خلق اختبر ..
عاد بعد الاختبارات جاني واحد من العيال وقالي وش سالفتك أنت ومدرس النحو
كل ماجاه واحد يراجع درجته يقوله انا معطيكم اكثر من حققكم وفي طالب اسمه ماجد
عطيته اعمال السنة درجة وحدة وهو مايستاهلها ...
>>> كلفت على نفسك ياشيخ
طبعا من باب الإيثار قلت لخوي ما بيها رح خذها !


وهنا تبدأ الحادثة الغريبة !! إرسالنا إلى المستشفى ؟؟ والتي غيرت مجرى حياتي ...

~~ الوردة الأولى ~~

في صباح يوم ليس له ملامح !! ونحن في الفصل إذا بالباب يطرق ..
دخل احد الأساتذة واستدعى خمسة من الطلاب ..
اجتماعهم لا يبشر بخير !! سأله الأستاذ الأخر من يريدهم ؟؟
فأجاب المدير !! فأمرنا بالخروج ولسان حاله يقول اذهبوا غير مأسوف عليكم .. :sad:
في الطريق إلى الإدارة كنا ننظر لبعضنا مستغربين ونقول أصبحنا وأصبح الملك لله ...
ماذا حدث وماذا يريد المدير ؟
وصلنا إلى مكتب المدير تعلونا الدهشة ويتملكنا الخوف !
كانت المفاجأة أننا نجد المدير يرحب بنا بل يأمرنا بالجلوس !
سبحان مغير الأحوال .. بدأ المدير يتكلم عنا واننا من خيرة الطلاب وفينا من الخير الكثير !!
ومهما حدث فنحن أبنائه
والمدرسين لايريدون لنا إلا الخير !!
وبعد محاضرة قصيرة انبتت النخل في رؤوسنا ..
قال ان وزارة الصحة طلبت من المدرسة ان ترشح لهم بعض الطلاب (الجيدين )
حتى يشاركوا في حملة التطعيم ضد شلل الأطفال وقد تم ترشيحكم لهذه المهمة
فأنتم واجهة مدرستكم وانتمى ان تعكسوا الصورة الحسنة لها !!

بعد ذلك خرجنا من مكتب المدير بعد ان شكرناه على هذه الثقة ووعدناه ان نحسن التصرف ؟؟
بالطبع لم نصدق ما حدث والفرحة كانت كبيرة فترشيحنا لهذه المهمة من بين أكثر من 1000طالب يعد تميزا لنا ..




~~ الوردة الثانية ~~

في المستشفى أو على الأصح المستوصف
تجمعنا بعد صلاة العصر تم استقبلنا ورحبوا فينا قال لنا المسئول
اننا بنصير مجموعتين وبيحط مع كل مجموعة ممرض وممرضة !!
اكيد استانسنا وماكنا مصدقين انه بتركب معنا ممرضة ..
توقعنا انه لبنانية وبدت الاحلام وكل واحد يطلع بطلعة غبية
و اللي يقول انا باخذ الصغيرة وانت خذ الكبيرة
>>>> على بالهم زواج :p
لكن يوم شفنا الممرضات غيرنا راينا على طول وقلنا للمسئول بنطلع كلنا قروب واحد
ولا نبي معنا احد وبعد أخذ وعطا وافق المسؤول واعطونا حقن التطعيم
اللي كانت تعطى عن طريق الفم وشرحولنا كيفية استخدامها
وحددوا لنا الحي اللي بنكون فيه ثم انطلقنا على بركة الله ...


~~ الوردة الأخيرة ~~

كان الحي اللي حنا فيه كله فلل سعودين وبدينا نشتغل بإخلاص بس المشكلة أنهم كانوا يلطعونا قدام البيت ربع ساعة لين ما يفتحون الباب وأسئلة وتحقيق وأخر شي ما يطلع عندهم بزارين !! وكان بيت اخوي قريب من المنطقة اللي حنا فيها قلت للشباب خلنا نروح نطعم عياله واكشح قدامه إني دكتور يوم جيته وقلت له قال ما في أمل اخليك تطعمهم والله لو اني لاقيهم في الشارع وقال انه بيطعمهم في المستوصف عاد إنا طلعت ومن النذالة لزقت على بابه أربع استكرات وكتبت عليها تم التطعيم ..
ويوم شفنا الوضع كذا قلنا لازم نغير موقعنا احد الشباب اقترح نروح شقق كل اللي فيها من ديار الشام واتفقنا على كذا طبعا الشقق خارج منطقتنا ويوم وصلنا رحت لاحد الشقق طقيت الباب طلعت لي زولة سودانية وجابت ولدها الصغير
قلت نطعمه والأجر على الله وأنا أعطيه القطرات الزول شفط العلبة كلها رغم ان طعمها بااااااااااايخ
برضوا الشقق مانفعت معنا وطلع واحد من العيال باقتراح يشق الجبهة وقال ليش ما نروح المجمعات السكنية
(( كامباوند)) طبعا هذي السالفة قبل 11 سبتمبر ..


~~ الوردة الحمراء ~~

وشدينا الرحال إلى احد المجمعات في الملز ..
وعند البوابة قلنا للهندي حنا وزارة الصحة ;) ونوريه علب التطعيم المسيكين دخلنا على طول مع سيارتنا . .
وفي داخل المجمع ما تحس انك في السعودية البنات يمينك ويسارك بالجنز كالبنز
طبعا حنا طلاب ثانوية ما شفنا خير
وأنواع السواليف وهذي تجيب أخوها وهذي ولدها وتجمعوا علينا من كل حدب وصوب
وجاتني هندية تقول ان أختها ولدت قبل أسبوع هل تطعمونه اللي معي قال ايه وينه بس
انا بصراحة خفت وقلت والله ما ادري اتصلوا على الدكتور ..
اتصلوا والدكتور قال عادي ما في مشكلة فقالت لي ادخل جوا البيت أمه تبي تشوف وأنت تطعمه ;)
وادخل ويجبونه يحليله هندي صغير وأطعمه وهم حولي يناظرون ويضحكون ..
بالطبع الشباب أنواع الأفلام والمواقف الطريفة .
بعد ما خلصنا طلعنا من المجمع إلى المستوصف وسلمناهم الأسماء
اللي نصها تأليف وتمت أول أيام التطعيمات بسلام
..

# تنبيهات قبل الهبوط ..

@ من ناحيتي حظرت أول يوم فقط ولم أكمل معهم مسيرة التطعيم التي كانت ثلاثة أيام ..

@ طبعا المدرسة رشحتنا لان ذيك الأيام اختبارات ويدرون اننا ما نذاكر ولان الموضوع فيه كرف وشحلطة في الشوارع على غير سنع يعني لا مكافاءة ولا شهادة ولا درجات ولاشيء ..

@ التطعيم كان عبر الفم وللأطفال من خمس سنوات فما دون ..

@ اللي ما تطعم من أعضاء المنتدى الكرام يرسلي على الخاص ويبشر ولا يشيل هم ..

@ مدرس النحو تغير وصار النحو من موادي المفضلة ..

@ العدد القادم هو العدد الأخير فلا تخافوا..
وفيه : * العريف الجديد وقصائد الهجاء !
• نقلي من الفصل وقصيد في الحنين !


أحبتي كتابتي لهذه المواضيع جعلتني بين نارين
الأولى ان بعض الأحباب أعجبوا بموضوعي وشاركوني ذكرياتي فمن القلب شكرا لهم ..
والثانية ان بعض الأحباب عتب علي كتابتي مثل هذه المواضيع وما ذلك إلا حبا لي فشكرا لهم
..

وقال خليلي الفرار أو الردى
فقلت هما أمران أحلاهما مرُ ...


اعتذر عن الاطالة ...
دمتم في حفظ الله ورعايته ,,,
اضافة رد مع اقتباس
  #2  
قديم 11/11/2006, 07:41 PM
زعيــم مميــز
تاريخ التسجيل: 16/10/2005
مشاركات: 15,366
السلام عليكم و رحمة الله و بركاته

هلا بماجد .. ياخي انت بالمنتدى وش حليلك عضو شطور و مؤدب لكن طلعت شيطانٍ أمرد

اجل تطعم ! و انا اقول وش سبب كثرة المـُــعاقين بحي الملز

بس بصراحـة فكرة مديركم روووعهـ ,,

ذكرني بإستاد كان حاط الطلاب الشياطين بالنظام << شعبهـ تحفظ نظام الدولة او الدويلة

عـاد الاستاد ملغم عقولهم انهم رجـال و يعتمد عليهم ..

فمطبقين النظام تـمامـ ,,

لكن الصناحة الصناحة اربع و عشرين ساعـة متكين ما عندهم شي !

المدرسة هادية لا مشاكل و لا شي !

لان ذولا اساس المشاكل صاروا يحاولن يوقفونه بالتالي انسى يكون فيهـ مشاكل

يعني الاستاد اذا جـاء يشرح يقعد يتكلم و يسمعونه الفصول الثانيه من الهدوء السائد بالمطرسة

واصل يا ماجد ,,

يعطيكـ العافيهـ ,,

تحياتي و السلامـ ,,

اخر تعديل كان بواسطة » الكناري الأزرق في يوم » 11/11/2006 عند الساعة » 08:58 PM
اضافة رد مع اقتباس
  #3  
قديم 11/11/2006, 07:48 PM
زعيــم متألــق
تاريخ التسجيل: 28/06/2004
المكان: يلومونا يالــريــاض
مشاركات: 1,340
يعطــــــــيك العـــــافيه

د. ماجد على هالمواقف

عليكم حركات انواع الفله

بإنتـــــــظار الجزء القادم
اضافة رد مع اقتباس
  #4  
قديم 11/11/2006, 07:57 PM
زعيــم نشيــط
تاريخ التسجيل: 15/09/2005
المكان: الــعاصمة
مشاركات: 634
الله يرجك ياكابتن ماااجد..


تصدق أنا دارس بنفس المدرسة بس كنت عاقل إلا في الانجليزي وأظن تعرف من مدرس الانجليزي


بس ما تلاحظ إن أي فصل (د) دائما مشااغب وخصوصا في نفس المدرسة


مشكووور اخوي ماجد
اضافة رد مع اقتباس
  #5  
قديم 11/11/2006, 08:14 PM
زعيــم مميــز
تاريخ التسجيل: 18/03/2005
المكان: سّــــــــــــــــــــواح
مشاركات: 2,772
ههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههه


قسم بالله انك دايخ يا مهوي .. ابو مقبل تسمحلي احجز مكان الى بكره:p ,,

دعواتك,,
اضافة رد مع اقتباس
  #6  
قديم 11/11/2006, 09:15 PM
الصورة الرمزية الخاصة بـ مرسول الهلال
زعيــم متألــق
تاريخ التسجيل: 06/11/2004
المكان: بين الشقا وبين الغرام
مشاركات: 1,071
هههههههاااي اخوي ابو مقبل

صراحة اذا جتني مثل فرصك هذي مافوتها وحتى لو بثالث ثانوي

احس انها فلة اذا كانوا اخوياك مرجج تصير لك بعض المواقف تبقى بذاكرتك


ارق تحية لكـ
اضافة رد مع اقتباس
  #7  
قديم 11/11/2006, 09:49 PM
زعيــم مميــز
تاريخ التسجيل: 22/10/2005
المكان: الــظــهــران
مشاركات: 3,457
والله يا ماجد طلعت (عربجي) وبمرتبة الشرف بعد







< < < خلاص تعبت ما أقدر أكمل < < ليآقه ردوود ما فييه :p

لي عووده أكييدهـ بإذن الله ..
اضافة رد مع اقتباس
  #8  
قديم 11/11/2006, 10:08 PM
كاتب أديب بالمجلس العام
تاريخ التسجيل: 20/10/2003
المكان: جارة القمر .. الخبر
مشاركات: 1,650
ماجد تسجيل حضور

ولو لي تعليق برجع يوم الاثنين


فكرة جديدة للحجز
اضافة رد مع اقتباس
  #9  
قديم 11/11/2006, 10:44 PM
عضو سابق بلجنة تطوير المجلس العام
تاريخ التسجيل: 25/11/2002
المكان: سجن الحياة
مشاركات: 2,298
هلابك بك ياماجد ,,

أبدأ معك من الأخير لأني نسيت وش مكتوب في البداية !!

إقتباس
الأولى ان بعض الأحباب أعجبوا بموضوعي وشاركوني ذكرياتي فمن القلب شكرا لهم ..

أعتبرني من هؤلاء ,,

وسعت صدورنا بذكرياتك الجميلة ,, وصراحة أهنئك على الأسلوب الرائع في السرد الجميل ,,
إقتباس
وكان بيت اخوي قريب من المنطقة اللي حنا فيها قلت للشباب خلنا نروح نطعم عياله واكشح قدامه إني دكتور يوم جيته وقلت له قال ما في أمل اخليك تطعمهم والله لو اني لاقيهم في الشارع

والله مايلام أخوك ,, صراحة أكثر موقف ضحكت منه ,,

إقتباس
@ العدد القادم هو العدد الأخير فلا تخافوا..

الخوف لأنه صار الأخير ,, خلها مسلسل ,, والله سوالفك مايمل منها يابومقبل ,,
تحياتي لك ,,
اضافة رد مع اقتباس
  #10  
قديم 12/11/2006, 12:27 AM
الصورة الرمزية الخاصة بـ صدى الامس
عميد المجلس العام
وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222


هلا ماجد مقبل ..

شف منول اقول ماجد مقبل عاقل وماله بهالحركات والخرابيط بس طلعت داج وما عندك ما عند جدتي

وكل الهرطقات اللي تكتبها هنا والاخلاق وما ادري وش كلها عشان تغبي علينا طبيعتك الداجة

إقتباس
كنت ادرس في مدرسة في الملز وكان مبنى المدرسة في الأصل قصر للمك عبدالله الله يحفظه

ام الفله يدرسون في بيت ملك << تسنه من هاك الايام وهو ملك
من قدك تدرس في مدرسة صاحبة سمو ملكية !!

اجل حاطينكم في مكان البلياردو اثر ابو متعب منول يفت بلياردو ههههههههههههههههههههههه

إقتباس
عاد قلت في نفسي والله انك مشوار كل ها اللف والدوران
وضيعت علي الفسحة وأخرتها ها الموضوع البايخ

بعض المدرسين فاهمين خطة الاستدراج خطأ .. ..
يحسب انه اذا رجع الدفاع والوسط ولعب بخطة 4 -5-1 بيفوز
احسن حل في هالاوقات انك تخربها وتلعب .. 4 - 3 - 3 .. وصدقني تبي تطلع بنتيجة
بس المدرس داج وما يعرف يتكتك على سنع ههههههههههههههههههه
(( وجه يقول يا انت قلبتها تحليل مباراة ))

إقتباس
وكان بيت اخوي قريب من المنطقة اللي حنا فيها قلت للشباب خلنا نروح نطعم عياله واكشح قدامه إني دكتور يوم جيته وقلت له قال ما في أمل اخليك تطعمهم والله لو اني لاقيهم في الشارع

ياشيخ لو تحب السماء ما خليتك تطعم ولدي لو كنت ابوي مهوب اخوي
وما الوم اخوك مزدي فيك

إقتباس
وفي داخل المجمع ما تحس انك في السعودية البنات يمينك ويسارك بالجنز كالبنز

اضيع انا

إقتباس
الأولى ان بعض الأحباب أعجبوا بموضوعي وشاركوني ذكرياتي فمن القلب شكرا لهم ..
والثانية ان بعض الأحباب عتب علي كتابتي مثل هذه المواضيع وما ذلك إلا حبا لي فشكرا لهم ..

اقول اها بس اكتب خل نعرفك على حقيقتك يالداج !!
مسوي فيها هنا اخلاق ومحترم وماادري وش وانت من جنبها !!
يكفي اننا طلعنا بهالجزئين اننا عرفناك على حقيقتك يالداج !!


تحياتي لك يالغالي ..

كمل بس ولا تقول جزء اخير وما ادري وش كمل كمل كمل نبي نضحك اكثر

اخاف المره الجاية بيطلعونكم في اسبوع المرور ههههههههههههههههههههههههه

(( وجه ماجد مقبل وهو واقف يقول الرخصة والاستمارة ))

هههههههههههههههههههههههههههههههههههههههههههههههههههه


اضافة رد مع اقتباس
  #11  
قديم 12/11/2006, 01:35 AM
الصورة الرمزية الخاصة بـ الكلاسيكي
عضو مجلس إدارة الموقع الرسمي
تاريخ التسجيل: 06/04/2003
المكان: دنـيــآي ~
مشاركات: 18,713
هــلا بالغـــلا الدكتور مــاجد <<ماتنهظم ..
ماشاء الله عليك اخوي ماجد احس انك شعلة الفصل ,,
واتوقع انك اكثر واحد فيهم بثر على المدرسين ,,:p
بس ماكتب الله انك تصير مدرس علشان يرجعون الطلاب
حق ابوانهم المدرسين ,, وتحس بقيمة الطالب البثر ,,

بس حلوه لجحدتك لمايكل شوماخر ,, تصدق اني عاد في هالامور اخور
ما اقدر اجحد للنهايه ,, يعني اخوياي يصيرون ضحيه لاني فضيحه اضحك والا اكب العفش ,,
واقول الكذب خيبه ,, وذكرتني بمواقفي انا من الناس اللي لو اشوف شي مضحك حتى لو عند
وزير التربيه والتعليم بضحك وما اقدر امسك ضحكاتي وبصوت يسمعونه الجيران<<يعني الفصل الثاني

في مره والمدرس متحمس في الشرح فيه واحد من اخويانا اللي ورا يتكلم بصوت منخفض يعني
مايسمعه الا اللي عنده عاد ذب على المدرس ذبه انما ايه .. قال انا من شفت هالشنب اللي واصل اذنك
وانا غاسلن يدي منك ,, <<عاد دورني الحين والمشكله ان المدرس وقفني انا لوحدي <<وصرت ضحيه ,,

ومدرس النحو مزدي فيك يوم ينشب لك .. ولو اني منه ماعطاك لا مشاركه ولا حتى درجه مشاغبه ..
والحين مالقوا الا انتم تطعمون اخواننا ,, مادريت ولا كان بلغت عليكم ,, تعرفون من تروحون له اجل ,,
بس اتوقع انتم الطلاب اللي قالوا مامنهم فايده الا في هالاعمال خلنا نشغلهم ونفتك منهم ,,

ماشاء الله عليك اخوي ماجد يومياتك المدرسيه كانت وناسه ,, الله يجعل ايامك سعيده ,,
وبالعكس اخوي التغير والتنويع في المواضيع شي مطلوب ,,
يعني اذا الشخص واصل مواضيعه الجديه راح يكون غير مرغوب من قبل الكثير ,,
يعني لازم كذا وكذا ,, وخل الناس تعرف انك بتاع كله ,,,

بانتظار القادم المذهل ..

ولك ارق التحايا ,,
يادكتور ماجد ,,
دمت في رعاية الله ,,
اضافة رد مع اقتباس
  #12  
قديم 12/11/2006, 02:33 AM
زعيــم مميــز
تاريخ التسجيل: 29/07/2004
المكان: شبكة الزعيم
مشاركات: 7,277
هلا وغلا بالدكتور /ماجد مقبل ،،،،،
والله وصرت دكتور يابو مقبل عز الله كل الي طعمتهم أعدمتهم ،،،

إقتباس
ومن دون شك ما في الا اجحد ثم اجحد ثم رح لفصلك ..

ماشاء الله معزم في الجحده

إقتباس
عطيته اعمال السنة درجة وحدة وهو مايستاهلها ...

والله على حركاتك ماتستاهل لو سالب 10 انت وجهك نوم وعدم حضور ((ياحبي للمدرسكم))


وفي الأخير الله يعطيك العافية على المواضيع الفله والدجه
ونحن بإنتظار العدد القادم



أخـــــــوك
ســــــعد
اضافة رد مع اقتباس
  #13  
قديم 12/11/2006, 01:01 PM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,895


السلام عليكم ورحمة الله وبركاته ....



^^^^^ الكناري الازرق ^^^^^

هلا وغلا باحلى كناري على وجه الارض ....

إقتباس
هلا بماجد .. ياخي انت بالمنتدى وش حليلك عضو شطور و مؤدب لكن طلعت شيطانٍ أمرد

ههههههههههههههههه وش دعوه ابو كناري رج الله ابليسك خلاص انتهيت من الضحك ياناس ياعالم

إقتباس
اجل تطعم ! و انا اقول وش سبب كثرة المـُــعاقين بحي الملز

الا الكثافة السكانية في الملز زادت وذلك بتوفيق الله ثم جهودنا المباركة

على فكرة تطعمت ولا لا

إقتباس
بس بصراحـة فكرة مديركم روووعهـ ,,

هي فكرة جهنمية بس على مين تلعبها ككككككككك

اخوي الكناري الله يعطيك العافية على ها الرد الرائع

والشعور الجميل دمت بخير وعافية ,,,

~~~~~~~~~~~~~~~~~~~~~~~~~~~~~~

^^^^^ جراح الهلالي ^^^^^

هلابك اخوي الغالي جراح ...
وتراني بصدق اني دكتور
>>> اخصائي تطعيم هههههههه
اخوي جراح يسعدني كثيرا تواجدك في مواضيعي ..
دمت بخير وعافية ,,,

~~~~~~~~~~~~~~~~~~~~~~~~~~~~~


^^^^^ البرنس الهلالي الأزرق ^^^^^


وخروا هنااك اخيرا لقيت اخيرا لقيت صديق
هلا بالبرنس زميل الدراسة في المعهد ...

إقتباس
وأظن تعرف من مدرس الانجليزي

على فكرة تراني قديم واذكر كان يدرسنا سنغالي
نسيت اسمه بس كنا نقوله موسى نضاو ...
المشكلة انها ما كان يعرف عربي واذا سوينا شي يقول صوت صوت
بس يا كانا معه انواع الافلام ..؟؟

إقتباس
بس ما تلاحظ إن أي فصل (د) دائما مشااغب وخصوصا في نفس المدرسة

تقولها صادز الله يستر بس شكلك من حقين (د)

اخوي البرنس صديقي سعادتي لاتوصف بوجودك هنا والتواصل معك ...
دمت بخير وعافية ,,,

~~~~~~~~~~~~~~~~~~~~~~~~~~~~~

^^^^^ هلالي الظهران ^^^^^

هلا بالحبيب عمر
من زمان ما شفتك بمواضيعي >>> من كثرها عاد

بنقزك لين ترجع ويكون لك الاولوية في الردود الاخرى
>>> احسن يامنظم

~~~~~~~~~~~~~~~~~~~~~~~~~~~~~

^^^^^ مرسول الهلال ^^^^^

يالله ان تحييه هلا وغلا بالحبيب مرسول الهلال

إقتباس
صراحة اذا جتني مثل فرصك هذي مافوتها وحتى لو بثالث ثانوي

بصراحة كانت الدعوه فلة ×فلة والتطعيم في وادي وحنا في وادي
وهذا اللي خلاها تحلوووو

إقتباس
احس انها فلة اذا كانوا اخوياك مرجج تصير لك بعض المواقف تبقى بذاكرتك

من جد ايام لاتنسى وسيسطرها التاريخ >>> الاخ نابليون بونابرت

شكرا لك اخوي الغالي منصور هذا التواجد الرائع ...
دمت بخير وعافية ,,,

~~~~~~~~~~~~~~~~~~~~~~~~~~~~

^^^^^ MeToOo^^^^^

هلا وغلا ببغائي العزيز ميتو

حيا الله نايف عاد كل ها الغيبة لعيون ثالث ثانوي

الله يعينك نايف وشد حيك بكرة تصير دكتور تطعيم قد الدنيا

منتظرك يابطل ...

~~~~~~~~~~~~~~~~~~~~~~~~~~~



لي عودة بأذن الله ...
اضافة رد مع اقتباس
  #14  
قديم 12/11/2006, 02:00 PM
زعيــم نشيــط
تاريخ التسجيل: 10/08/2004
المكان: The heart of the world
مشاركات: 518
ياحلو المدرسه اللي كذا .. والدراسه اللي فيها متعه
ووناسه واصدقاء يوسعون الصدر ..
الله يوفقك
اضافة رد مع اقتباس
  #15  
قديم 12/11/2006, 02:05 PM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,895


^^^^^ مطيع الهميمي ^^^^^

حياك الله اخوي الغالي مطيع ...

إقتباس
ولو لي تعليق برجع يوم الاثنين

فكرة جديدة للحجز

حضورك رائع وعودتك ستكون اروع ..

شكرا لك اخي مطيع وانا بنتظارك ,,,

~~~~~~~~~~~~~~~~~~~~~~~~~~~~~~~~~~~~

^^^^^ راشد ^^^^^

حياك الله اخوي الغالي راشد ...
وبصراحة تواجد الرائع احرجني ...
وكلماتك الجميلة شهادة اعتز بها ...
والكبير كبير اخوي راشد ...

إقتباس
والله مايلام أخوك ,, صراحة أكثر موقف ضحكت منه ,,

هو الخسران شف عياله الا الحين ما تطعموا

إقتباس
الخوف لأنه صار الأخير ,, خلها مسلسل ,, والله سوالفك مايمل منها يابومقبل ,,

هههههههههههه الله يسلمك راشد وان شاء الله نكون عند حسن ظنك ...

شكرا لك اخوي راشد ما احطتني به من محبة ..
ودمت بحفظ الله ورعايته ,,,

~~~~~~~~~~~~~~~~~~~~~~~~~~~~~~~~

^^^^^ صدى الامس ^^^^^

هلا بالاستاذ القدير صدى الامس ;)

إقتباس
شف منول اقول ماجد مقبل عاقل وماله بهالحركات والخرابيط بس طلعت داج وما عندك ما عند جدتي

وكل الهرطقات اللي تكتبها هنا والاخلاق وما ادري وش كلها عشان تغبي علينا طبيعتك الداجة

ههههههههههههههههههه حلوه الهرطقات الا انت اول واحد دججني مع الداجين

إقتباس
ام الفله يدرسون في بيت ملك << تسنه من هاك الايام وهو ملك
من قدك تدرس في مدرسة صاحبة سمو ملكية !!

كيف الحال ;) اقول لا تجيب بنا العيد بس
>>> في احد تكلم بالسياسة

إقتباس
(( وجه يقول يا انت قلبتها تحليل مباراة ))

لا متابع زين بس خطتك الهجومية ذكرتني بلاتشي :p

إقتباس
ياشيخ لو تحب السماء ما خليتك تطعم ولدي لو كنت ابوي مهوب اخوي
وما الوم اخوك مزدي فيك

لا الحين عياله طلعوا داجين لاني ما طعمتهم وهو يتمنى بس راحت عليه ..
الا صدى ما ودك نسوى حملة تطعيم لطلاب المدارس ضد الرجة

إقتباس
اخاف المره الجاية بيطلعونكم في اسبوع المرور ههههههههههههههههههههههههه

(( وجه ماجد مقبل وهو واقف يقول الرخصة والاستمارة ))

هههههههههههههههههههههههه يؤيؤيؤيؤ
ذكرتني وقد كنت ناسيا ;)
يوم رحت مع الكشافة للحج انواع الذكريات الفلاوية

الغالي صدى الامس تواجدك الداج انعش المو ضوع ...

شكرا لك يا الغالي ودمت بخير ,,,

~~~~~~~~~~~~~~~~~~~~~~~~~~~~~~~~~~~~~~

^^^^^ الكلاسيكي ^^^^^

هلا بالغالي الحبيب كلاسيكو ...

إقتباس
واتوقع انك اكثر واحد فيهم بثر على المدرسين ,,

تقدر تقول بس ترا كان عندنا منسم يحطني على يساره

إقتباس
بس ماكتب الله انك تصير مدرس علشان يرجعون الطلاب
حق ابوانهم المدرسين ,, وتحس بقيمة الطالب البثر

هههههههههههههه تصدق حاولت اتخيل نفسي مدرس ما قدرت
احس انواع الهبال والرجة والطباشير >>> الاخيرة ما لها دخل

إقتباس
فيه واحد من اخويانا اللي ورا يتكلم بصوت منخفض يعني
مايسمعه الا اللي عنده عاد ذب على المدرس ذبه انما ايه .. قال انا من شفت هالشنب اللي واصل اذنك
وانا غاسلن يدي منك ,, <<عاد دورني الحين

الا تعال دورني انا ههههههههههههه والله ياهي ذبة محشش
تصدق انا مثلك اجيب العيد بعض الاحيان

إقتباس
والمشكله ان المدرس وقفني انا لوحدي <<وصرت ضحيه

في خويي اسمه ماجد كان جنبي وكنت ان اسوي الجرية وهو ياكلها

إقتباس
والحين مالقوا الا انتم تطعمون اخواننا ,, مادريت ولا كان بلغت عليكم ,, تعرفون من تروحون له اجل

ايه ترا الحياة تجارب وبعدين من وين يلقون مثلنا حبيبينا وش حليلنا

شكر لك اخوي الغالي الكلاسيكي هذا التواجد الرائع ...
والشعور الجميل والمشاركة المتميزة ..

دمت بحفظ الله ورعايته ,,,

~~~~~~~~~~~~~~~~~~~~~~~~~~~~~~~~~~~~~~

^^^^^ الفارس الحائر ^^^^^

هلا بك اخوي الغالي الفارس الحائر ...

إقتباس
والله وصرت دكتور يابو مقبل عز الله كل الي طعمتهم أعدمتهم

الا دكتور مع سبق الاصرار والترصد تخصص تطاعيم

إقتباس
ماشاء الله معزم في الجحده

تصدق اخوي المشكلة اني كنت احسب ما احد كافشني واجحد على غير سنع
وهم دارين عن كل شي

إقتباس
والله على حركاتك ماتستاهل لو سالب 10 انت وجهك نوم وعدم حضور ((ياحبي للمدرسكم

ههههههههههههههههههههههههه اشوا انك منت مدرس
الا على فكرة والله يا انا رجعت له الصاع صاعين
طبعا لانه ظلمني وبشهادة مدرسين أخرين بس خله مستورة

تسلم اخوي الغالي سعد تواجد الرائع ومروك المميز ...
دمت بحفظ الله ورعايته ’’’

~~~~~~~~~~~~~~~~~~~~~~~~~~~~~~~~~~~~~
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:12 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube