#1  
قديم 09/11/2006, 10:04 PM
زعيــم فعــال
تاريخ التسجيل: 09/03/2006
المكان: UK - England
مشاركات: 340
Angry شوفوا لنا حل مع هالمدرب ... اذبحوه ولا انقلوه

السلام عليكم ورحمة الله وبركاته



كيف الحال ,,,, ان شاء الله بخير





واخرتها مع هالمدرب

وش السواة ؟؟


نذبحه ولا ننقله


ياناس اللي يعرف له مسؤول بالهلال , ولا اللي يعرف محمد بن فيصل يكلمه ولا يعمله


الجمهور له حق بالخطه والتشكيلة

كل ماقلنا شي قالوا المدرب يعرف لاعبينه , اي يعرف وأي بطيخ

المدرب صار معصوم من الخطأ ؟؟


مشكلة الهلال المدرب ورخامته

كل مشكلتنا تنبع من خوف المدرب

ليش كل لمدربين اللي يجوننا رخوم يخافون من الخطه الهجومية ؟؟


ليش كل المدربين يلعبون بخطه دفاعيه


يعني بالعقل طلعوا لي فريق بالعالم يلعب بـ ثلاث محاور ارتكاز من دون دعم للوسط ؟؟


نعنبوا حيه قلب الفريق كرة ركبي كلهم يدافعون ؟؟


معقولة نلعب قدام الفيصلي بثلاث محاور ارتكاز وقدام الطائي بمحورين ؟؟


ياناس مدربنا حماااااااااااااااااار مع سبق الاصرار والترصد


طيب ثلاث محاور ارتكاز ومهاجم واحد ؟؟


ياناس هالمدرب قسماً ان يذبحني رفع ظغطي


ودي اعرف ليش يلعب بمهاجم واحد ؟؟

مسوي نفسه ارسنال على غفله ؟؟


طيب وين المشكلة اذا لعب بمهاجمين ومحور ارتكاز واحد ؟؟



ياناس والله لولا الله ثم دخول الصويلح مع القحطاني في مباراة الاتحاد ولا كان اكل منكح القحطاني

لاحظوا يوم دخل الصويلح صار في مهاجمين اثنين وقدر يتحرك القحطاني لأن الرقابه انفكت وتلخبط الدفاع الأتحادي



ياناس كل العالم تفكر صح الا مدربنا يفكر غلط


ليش يطلع التمياط ويدخل التائب

وش يبي بقوارو ؟؟

يعني علانه ولد عمه ويعرف يسولف معه يخليه بالملعب

المفروض اليوم الشوط الثاني يدخل التائب ويطلع ردريقو ويخلي التمياط

او يطلع الهليل ويخلي ردريقوا ويدخل التائب وين المشكله يعني ؟؟




وغير كذا


انا ودي اعرف



وش يبي بالهليل


وربي اعنده ماعند جدتي نكبه من يوم عرفناه


مادري المدرب فاكن معه ولا مسوي ان فييرا معه بالفريق ؟؟



ياناس شوفوا لنا حل مع هالمدرب وتشكيلته الغبيه
اضافة رد مع اقتباس
  #2  
قديم 09/11/2006, 10:43 PM
موقوف
تاريخ التسجيل: 29/09/2006
مشاركات: 137
يا اخي ردريقو برازيلي والتايب عربي والفرق كبير
اضافة رد مع اقتباس
  #3  
قديم 10/11/2006, 01:29 AM
زعيــم نشيــط
تاريخ التسجيل: 29/08/2006
مشاركات: 583
ياجماهير الهلال لو استمر المدرب كذا صدقوني راح نقول وداعا لطارق
حرام والله حرام نخسر طارق
اضافة رد مع اقتباس
  #4  
قديم 10/11/2006, 02:44 AM
موقوف
تاريخ التسجيل: 26/09/2005
مشاركات: 852
والله المدرب فـــــــــــــــــــــاشـــــــــــــــــــــــــل واللي يقول غير كذا مايفقه في الكوره شي لاحد يقول المدرب

جاب لنا الصداره والمدرب من فوز الى فوز هذي كلها خرابيط مانبي صدراه وراها مدرب عنيد وغبي وفاشل

الحين وش يبي بالهليل يعني يعاند يبي يقنعنها ان الهليل يلعب وليه ماينزل التايب غيره من شهرت التايب ولا وش قصته

واقسم بالله اتعبنا هالمدرب
اضافة رد مع اقتباس
  #5  
قديم 10/11/2006, 03:02 AM
زعيــم متواصــل
تاريخ التسجيل: 20/10/2005
مشاركات: 119
لالالالالالالالالالالالالالالالالالالالالا
وش قصتكم ياجماهير الزعيم


يعني مدرب يلعب بتشكيله متوازنه
يعني شفنا باكيتا اول ماجا مع الهلال
الدور الاول كلها خسارات وتعادلات
ومستوى تعباان
بس بالاخير طبق طريقته وظبط الفريق


يعني الهلال ايام باكيتا والبطولات والمستوى الرائع
كم مهاجم يلعب ؟؟؟
بمهاجم واحد ويقدمون اروع المستويات
والفريق مستواه رائع الحين

انا من وجهة نظري مستوى الزعيم في تطور


ولانلوم المدرب على المستوى الضعيف في بعض المباريات
ترى الهلال يشكو من غياب كثير

وردريقو ماقصر مبدع بس يبيله صبر
والتائب تبونه ينزله وهو مصاب
التائب رفض ينزل لانه مصاب
في مباراة الاتحاد رفض انه يلعب اخر 15 دقيقه خوفا من الاصابه

بس انا عتبان على نواف التمياط بسبب غيابه عن مستواه
من كاس العالم الاخير ومستواه في تنازل


وبالاخير اقول المدرب جيد
بس يبيله صبر


مدرب الارسنال له 10 سنوات
ومستوى الارسنال كان متذبذب
حتى اوصل الفريق لمى هو عليه الان
وكذلك مدرب المان يونايتد له 15 سنه
يعني كثره تغيير المدربين ماتفيد

بالعكس نتايجها سلبيه
اضافة رد مع اقتباس
  #6  
قديم 10/11/2006, 03:44 AM
زعيــم متألــق
تاريخ التسجيل: 08/04/2006
المكان: البيت الهلالي
مشاركات: 1,090
المدرب مخبط صدقوني ماينفع لزعيم

والايام بيننا لازم الادارة تشوف حل مع هالمدرب
اضافة رد مع اقتباس
  #7  
قديم 10/11/2006, 02:22 PM
زعيــم فعــال
تاريخ التسجيل: 09/03/2006
المكان: UK - England
مشاركات: 340
البحر الأزرق


اي ناجح وأي بطيخ


مشكلتنا من ايام باكيتا انه يلعب بمهاجم واحد

حتى باكيتا ماعجبني يوم راح استانست


انا ودي اعرف ليش يلعب بمهاجم واحد

مهاجم واحد سهل على دفاع اي افريق

ناظروا القحطاني خلونا نتكلم بصراحة

القحطاني اذا صار لحاله باليالله وبالملعنه واختها يقدر يفر منهم ويجيب هدف يعني رزق من ربك سبحانه

ودي اعرف ليش مايدعم القحطاني


ناظر مباراة الاتحاد يوم نزل الصويلح وشلون لخبط دفاع الاتحاد

القحطاني قدر يتحرك براحته وقدر يسوي ويفعل اللي يبيه


مشكلتنا خوف المدربين

كل اللي يجوننا رخوم خططهم دفاعيه

القاعده وش تقول ؟؟


الهجوم خير وسيلة للدفاع


ودي اعرف ليش يلعب بثلاث محاور ارتكاز ؟؟

بالعقل جب لي فريق بالعالم يلعب بثلاث محاور ارتكاز ؟؟


طيب ليش مايلعب بأثنين ويساند الهجوم بأثنين كذا تكون الخطه متوازنه


وغير كذا وش يبي بفييرا .. قصدي الهليل النكبه ؟؟


إن ضل المدرب على هالخرابيط رحنا فيها


وياليت الكلام هذا ياصل للناس اللي بيدها حل

اما يخلون المدرب يلعب زي العالم والناس

ولا اكرشوه مانبيه
اضافة رد مع اقتباس
  #8  
قديم 10/11/2006, 02:32 PM
الصورة الرمزية الخاصة بـ الرايق الازرق
زعيــم مميــز
تاريخ التسجيل: 25/02/2005
المكان: تدري وش اكبر خطاي الله يسامحني )()()( إقفايتي عنك وانت اللي تمـنيته
مشاركات: 12,526
الحمد لله

الحين المدرب ما شي مع الفريق تمام

واللاعبين مرتاحين مع المدرب

والاداره مبسوطه من عمل المدرب

والجمهور الفاهم والعارف معجبه وضع المدرب

يا اخوان ماهو حنا اللي نقيم عمل المدرب

الاداره ادرى باللي هي تسويه مع المدرب

وبعدين نبي قليل من الاحترام ولو للي يقرا الموضوع

بلاش الفاظ غير مهذبه
اضافة رد مع اقتباس
  #9  
قديم 10/11/2006, 02:36 PM
زعيــم مميــز
تاريخ التسجيل: 03/09/2000
المكان: Riyadh
مشاركات: 5,602
ياهلا ومرحبا اخوي قدها << مشبه عليك (( هل انت اللي في منتدى غرا..)) الباقي عليك

بالنسبه لموضوعك انا اشوف ان المدرب في كل مبارة يظهر بطريقه افضل في تشكيلته ولا تنسى ان التايب الا الان متاثر

باصابته لذلك صعب بيلعب من بداية المبارة ..

على العموم الاختلاف في الراي لا يفسد من الود قضيه
اضافة رد مع اقتباس
  #10  
قديم 10/11/2006, 02:43 PM
زعيــم فعــال
تاريخ التسجيل: 09/03/2006
المكان: UK - England
مشاركات: 340
اخوي الرايق الازرق

اولا اعتذر عن الألفاظ اللي خرجت مني


لكن لاتلومني والله من القهر

كتبت الموضوع بعد المباراة على طول ومرتفعن ظغطي

لكن مشكلتنا اننا نقول المدرب يعرف كل شي

يعني المدرب معصوم من الخطأ ؟؟

انا ابي اسالك سؤال ؟؟


جب لي مدرب يلعب بثلاث محاور ارتكاز بالعالم كله ؟؟!!!

ماراح تلقى لان الطريقة هذي طريقة مدربين صفتهم الخوف

مشكلتنا الخوف

يعني وين المشكله لما يلعب بمحورين ويدعم الهجوم ؟؟



اخوي شبح 15

^_^

الله الله هو أنا بذاته ههههههههههههههههه

مافيه مشكلة اذا التايب مصاب الله يقومه بالسلامه

لكن اللي رافعن ظغطي ماهو عدم دخول التايب

اللي رافعن ظغطي

ليش يلعب بثلاث محاور ارتكاز

ليش مايدعم الهجوم

ياناس والله مهاجم واحد سهل على الدفاع انهم يحشرونه

يعني لو الخراشي والجمعان داخلين من الأساس ماراح يكون أفضل

ولو انه محورين فقط ماراح يكون افضل ؟؟

وبعدين وش يبي بالهليل

الهليل نكبه

اذا عنده لاعبين بدلاء خلاص يدخلهم

خلو الهليل اذا تأزمت الامور ندخله وامرنا لله


وأعتذر مره ثانيه على الألفاظ اللي بالموضوع لكن لاتلوموني

والله من زود حبي للهلال ومن رفعة الظغط


وننتظر ردودكم
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:29 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube